喜讌好廚 (已結業)

打完風幾個friend諗住一齊去食晚飯聯誼下，簡簡單單搵返間屋邨酒樓，嚟咗山景邨山景商場呢一間-喜讌好廚。慳慳哋叫咗個優惠孖寶，有海皇冬瓜盅同半隻一品蒜香脆皮雞，再加多一個優選優惠三小菜嘅晚飯優惠，我哋叫咗三個小菜包括椒鹽鮮魷豆腐、鮮茄珍菌泡青蔬、仲有酥炸廣島蠔。冬瓜盅，有蓮子有肉粒有火腿粒，非常清甜，消暑嘅好選擇。一品蒜香脆皮雞，雞皮炸到好脆好香，肉質好新鮮。鮮茄珍菌泡青蔬，番茄好鮮味，真菌同菜都煮得好”林”，清清地食番啲菜都唔錯。廣島蠔，蠔非常大隻，加上酥炸得非常香口，加喼汁酸酸地非常美味。椒鹽鮮魷豆腐，豆腐炸到好脆，鮮魷除咗外面脆之外,入面好”林”，加埋白飯飲杯茶呢個晚飯都有80分。

今日和寶貝參與新學校的迎新活動，活動完結後時間尚早，和上星期一樣，寶貝提出要去飲茶。邨內只有一家酒樓。反正未試過在那裡堂食飲茶，一試無妨。真的，從未在這裡堂食飲茶，原因是不想跟人搭檯，另加這裡每天早上0630-0930有極地獄價錢的外賣點心供應，當然提供的款式有限。除了燒賣、腸粉及盅頭飯外，其他一律$10。堂食的點心選擇和一般酒樓相若，相對上星期去百樂的價錢，這裡茶錢連加一，七個大點約一百六十元，平易近人很多。就算要叫炒粉麵，價錢和樓下茶記相若。在屋邨酒樓飲茶就不要過度期望服務的部份，但基本上是有禮貌的。這次來的目的也是想試平時在外賣時吃不到的東西，結果除了應寶貝要求點的叉燒包和叉燒腸外，叫了鵪鶉蛋燒賣，咖喱魷魚、鮮竹卷、蝦餃及鮮蝦腐皮卷。劃了點心紙，十分鐘後，食物一大堆的來了。鮮蝦腐皮卷，新鮮做好不會有難吃的理由，不過鮮蝦饀較少，而且賣相有點油膩。蝦餃，賣相尚可，但熱度一般，蝦肉饀沒鮮味可言。鮮竹卷，以前可以在外賣部買到，但現時只能堂食的食物，由於它是以肉饀為主導，所以咬下去是軟軟的，雖不致於有前人所說的難吃，但其中一件看得出師傅包的有點馬虎了事。叉燒腸粉：腸粉皮偏厚，饀料不多，食味

因為媽媽習慣左，每天早上必落樓下飲茶，只好選擇呢間酒樓，貪佢就腳。飲左咁耐，唔單止冇改善，仲越做越差，好似趕客咁，難怪而加只得小貓3、4隻，好彩附近有幾間學校，lunch time冇得揀，仲有啲學生幫襯。真心說，我未食過咁難食咁差嘅點心，排骨，價錢比出而大酒樓還要貴都算，食物質素仲要差到咁，一次又一次心軟，陪媽咪飲下茶，結果都係失望，大家可以去試一次便知一二。😞😞😞我媽最愛食嘅燒攬仔飯配薑蓉，以前仲食得下，而加，見到碟燒攬仔就知唔係隔夜，乾真真，皮又un，完全食唔落。。點心仲離譜，排骨，鳳瓜，鮮(足)卷，勸大家唔好叫，蒸到結tata，見到都唔想食。。中午去食炒野，仲離譜，大家先睇價錢牌，一間咁嘅質素的酒樓，唔值呢個價。總結:茶唔香，價錢貴，點心太難食，酒樓做到咁，都真係差無再差。。

約咗屋企人食飯諗住近近哋,所以去咗樓下酒樓食.  見到餐牌有個$888既6人套餐都幾好,嗰侍應都話好抵食,有燒味拼盤,龍蝦伊麵,黃金海鮮卷,西蘭花花枝,湯,鮑汁鴨腳生菜,脆皮雞,炒飯,糖水及汽水喱啲一定有, 都幾豐富所以點咗一個套餐.燒味拼盤,叉燒好咸,燒鴨好似啲橡根咁咬唔爛,分蹄幾好味,海哲就好辣但辣得好繼續想食,不過份量唔多. 其他餸都不過不失,但份量足夠6個人食 (5成人1小童),最好味係雞及炒飯,雞炸得剛剛好,皮係脆,而飯就炒得好乾身有咬口,唔會淋巴巴.食飽賣單,全間酒樓只得2-3台人食飯,但唔知點解侍應好耐都俾唔到張單我哋,我哋覺得有啲唔妥,終於單嚟到我發現貴咗$110,追問點解貴咗係唔係有加一,侍應又話唔係,嗰套裝係喱個價錢,我哋立即揾張餐牌睇,上面寫住係$888,個侍應居然話餐牌係錯,價錢未調整,我哋當場呆咗,食完先話俾我哋知餐牌寫既野唔代表係真. 

琴晚訓唔著決定出去陪屋企人飲茶附近只係得呢間酒樓,無得選擇叫左D點心 有蟹籽燒賣,蝦餃,鳳爪排骨飯,牛肉球,叉燒包,牛肉腸逐樣點評下啦燒賣唔錯既 幾大粒幾有味 份量算唔錯蝦餃既話塊皮幾好食 不過蝦就好似唔多新鮮啦排骨飯因為係特價 所以就一定無平時咁大碗架啦咁架我同屋企人都細食 份量算適中架啦 不過鳳爪有D辣牛肉球幾好味 新鮮熱辣 好有牛肉味叉燒包都唔錯 係正常既味道啦牛肉腸味道唔錯架 不過可惜個姐姐倒好少豉油啦搞到有D乾整體感覺都唔錯既不過味精有D重 同埋好油 不過都叫正常啦2個人食左118蚊 飲茶差唔多價錢啦始終叫左D特點 係貴D架啦

好耐之前係度打過一次邊爐, 印象麻麻.. 今次因為收工返黎, 突然好想打邊爐, 但又唔想去到咁遠,所以就近近地, 諗住比多次機會佢 !!!! 星期六既6pm-9pm食, $108/位, 任飲任食, 睇落價錢其實都ok! 咁就決定再黎多次啦 !!! 星期六既晚飯時間, 居然成間大酒樓唔計包房既, 打邊爐同叫小菜夾夾埋埋都係得個5,6 台, 所以一入到去已經覺得d冷氣好凍好凍...火鍋話就話有幾十款配料比你揀, 但當拎起張紙睇睇, 其實可以選擇既野真係唔多... 燒賣、炸魚蛋、午餐肉、芝士腸........etc墨魚丸同芝心丸 -> 根本已經唔知擺左幾耐, 雪到都無哂味. 通菜 -> 爛到七彩, 成兜裡面食得既只有三數條.... 鵝腸 -> 一點二點黑媽媽既, 都唔知係洗得唔乾淨定係根本無洗到.. 黑豚豬肉片 -> 其實佢已經切到好薄薄, 但食落去一樣鞋到咬都咬唔到..魚皮餃 -> 唔係平時食既正宗魚皮餃, 個樣睇落去似普通菜肉餃, 食落去有陣怪味, 我都唔知用咩黎包!!整體黎講, 除左生魚片, 肥牛同金菇係正常d既之外, 兩個鐘裡面, 我真係唔知自

我同我D屋企人去慶祝 Mother's Day , 所以book 咗間房去唱卡啦OK ! 果然冇令我失望 !D野好OK !!!!!!!!如果係一大班人去慶祝既話,唔使諗肯定係首選la !!!!!!!!!!!!!!!

今年新年選咗內山景一間酒樓作團拜，原來可以訂房我們一家有兩圍，房間幾大幾舒服有電視重可唱K。重有個西米紅豆沙我最喜愛的,唔大甜.正！正！正！

嫲嫲請飲茶, 老人家唔方便走來走去所以喺舖頭附近飲12pm上到酒樓剛好有枱唔洗等唔洗搭枱嫲嫲叫普洱茶, 一飲之下發覺竟比其他連鎖酒樓的好, 顺喉舒暢, 濃得來沒有苦味由於不想驚動嫲嫲所以叫了幾款點心都没有拍照(老人家實會怪我多事)點心質數都幾好, 例如: 煎蝦米腸粉有很多青葱, 腸粉帶米香而且不是像膠管般硬的條狀, 蝦米煎後帶鹹香, 甜豉油也很美味蝦餃的餃皮不容易破, 蝦肉爽並有少許肥豬肉, 蝦餃大小適合一口一粒雞扎一碟有兩件, 冬菇、火腿扒條、魚肚(不是豬皮)、雞脾肉被腐皮扎住；魚肚唔腥,又腍又滑又嗦飽汁, 雞脾肉有「嗱」過但唔誇張, 還有肉味及咬口三個人六碟點心, 合共$125

一家人食生日晚飯共兩圍枱,有房間供應又有卞啦OK提供.之前都來過晚飯食評一般啦.今次再來真係一大驚喜,味道非常滿意.其中我最喜歡的灼蝦又大又新鮮,乳豬皮脆唔肥,其他菜式都OK美味,另外直得一提就昰那味大壽包,外形很特別,中閰一個超大包,中間包住多個小包,外面重有多個小包圍邊,見到都非常開心.當晚飯後重可繼續唱歌.氣氛很好,有機會會再來!

入到去靜休休,小猫三四枱,都覺得唔妥,姑且博一博叫个二人歺加二个小莱 炸珍寶桶蠔 -- 變就珍蠔又小又干又硬又苦, 蒸蟹砵 -- 一隻冇半隻手掌咁大,冇膏冇肉嘅蟹仔加大量肥猪肉蒸蛋碎兩隻乳鴿 -- 又干又硬又冇味 ...........

今日阿婆屋企做節，去左山景樓下既酒樓食飯，本來都冇咩野，去到見到佢新裝修比較新(比起同村其他食肆)，咁我諗都應該唔錯丫~~點知真係火都黎我地book左枱1900，去到就有位，因為做節既關係枱枱都係book位，咁我地去到就坐低啦，跟住就大概19:15就叫佢起菜，第一道菜等左大概10分鐘左右啦，都冇咩野，跟住黎多2味菜，咁味道都唔錯既~~開頭都覺得唔錯~!!點知過左3道菜之後第4道菜等極都未黎，我就睇下菜單啦，原來佢D菜唔係跟次序咁上，燒味拼盤仲未上，跟住就問D阿姐啦，D阿姐就話追下啦，點知等左20分鐘都仲未黎，(因為我一路玩電腦一路等冇咩感覺)，最嬲係隔離枱遲過我地黎但係都已經食左拼盤喇，咁即係算點先!!?等左足足30分鐘，個拼盤終於黎喇，但係惡夢而家先開始!! 之後每一道菜都勁耐先到，每一道菜都起碼5-10分鐘先黎，結果我食到2230先走!!!....如果大家有好多時間既話，去呢度食飯都唔錯，不過如果時間唔多既話就唔好喇~!!!相就冇咩點影喇~!! 有興趣既話就自己去啦~!!

入到大堂寒風陣陣，坐低後食客疏落，服務員更加罕見，十足十荒島一樣，打邊爐俾佢收走左個煲蓋，想拎返？無問題，好似嗌SOS咁，佢地就會聽到架喇！火煱 (位位$98全包)張火煱料點菜單都好多野食，有魚蛋啦，燒賣啦，韌過樹皮既豬皮啦，豆卜啦，豆腐啦，一煮即散既魚皮咪搞啦，仲有一系列既丸：豬肉丸，墨魚丸，牛肉丸，黑椒牛肉丸，唔願意承認佢係龍蝦丸既蟹柳丸，下刪十項。係咪好多野食呢？　睇見到覺得物超所值。D火煱料黎得又快又足點10樣火煱料，佢開心既話會黎5樣，佢唔開心你等到湯底乾哂都未到，講錯，唔係未到，係永遠都唔會到，如果你係有耐心有詩意既話，即管繼續幻想呢d不切實際既盼望！如果唔夠喉既話，可以俾多少少錢，叫d好野食喎！炸魚皮 ($9)雞子 ($28)啤酒 ($10)**另叫佳餚要加一食到一半個肚已經唔舒服，我唔會屈係佢d食物唔新鮮令到我肚痛，唔會記得好大隻蒼蠅嬲住d生菜趕極都唔走，又唔會話佢d冷氣太勁令到我起哂雞皮打冷震好想走，亦都唔會怪佢地服務態度差搞到我唔想再黎。

本來開開心心諗住自助火鍋,未食已經'興合合'小童收費唔清楚,問三次點計會有三個答案大部份員工態度勁差,一d都唔覺得自已有問題,連所謂經理果位白先生都無諗客人感受,其實大人同小童價錢只係差$30,駛唔駛咁呀,谷到一肚氣而家仲要投訴無門,以後無唔會再幫襯唔係o既,如果農曆新年期問,你有利是派俾佢地,佢地會好殷勤架,相反,就無人願理你,呢個係今年年頭我同朋友親眼見到好似劉德華話齋,今時今日咁o既服務態度唔得架喇

有朋友介紹話山景開左間幾正既酒家打邊爐正喎...見又未試過都算方便就去試下~~系呢區有咁裝修既酒家真係唔多,但野食一D都唔得....最抵都算係任飲汽水勉強講比較特別既係小籠飽算OK我估都唔會再黎lu