影片
付款方式
以上資料只供參考, 請與餐廳確認詳情
星期日，完咗event收工，已晚黑10點幾。平時極少去呢頭，作為新界人，對呢間餅店認識亦唔多😅本來只係hea下渾下吉，所以問老闆收工未，怕阻佢，老闆幾親切話等埋人先收。望下望下，醒起過兩日去台灣探朋友，咁不如買啲手工嘢做手信。本來想買曲奇，但又好似冇乜特別，又怕碎，最後買咗幾重嘅花生朱古力。又見到雞蛋餅及鳳凰卷，童年回憶返晒嚟。返到屋企急不及待開雞蛋餅食，好脆口、濃濃蛋香又唔太甜，好正。鳳凰卷就未食。出年過年，賀年食品，又多一間選擇。
繼續閱讀
Farewell移民嘅朋友，諗住買啲嘢送俾佢，諗起公司附近有一間好好味嘅曲奇，等佢懷緬下香港滋味。曲奇種類，總共有六至七款口味，同其他唔同，佢係太大塊，牛油味適中，鬆脆適中，覺得好味過連鎖麵包舖半磅都要$50 ，唔算好平，另外有其他鐵盒裝可以選擇，送俾人應該得體另外，亦有其他中式嘅餅，價格比較相宜，一包大卷都係$25 ，食落幾有質感，唔同奇華嗰啲得個脆字另外試咗黑糖馬仔同埋鳳凰卷，都算好味，會繼續試埋其他產品
繼續閱讀
合桃酥好鬆脆，但係唔係好覺有合桃味🤔牛油曲奇都好食，不過相比合桃酥就冇咁鬆脆，同隔離嗰間小熊曲奇相比，牛油味冇咁濃同重，同埋都冇咁散，感覺好似健康啲同冇咁有罪惡感（ ？）😂
繼續閱讀
作為一間老牌餅店，雖然曲奇餅出名好食，都不能自以為是，對顧客態度甚差，有一位賣餅的女店員，看似應該係老闆娘，她對顧客的眼神、態度、語氣都令人不安，完全唔優做，甚至叫你買就買，唔買就走，佢哋唔稀罕做任何人的生意，連最基本對客戶的禮貌都沒有，在購買的過程中，他一直用厭惡的眼神及晦氣的說話面對客戶，而我們作為客戶，並沒有作出任何不禮貌的對答，真係買到一肚氣，明白今時今日的香港，大家都有點煩躁，大家都需要忍耐，呢種服務態度完全不能接受，雖然我幫襯咗好耐，我亦決定以後都唔會再去！太失望了！
繼續閱讀
想在香港買一些好鬆化又牛油味重的曲奇餅，上網看到喜利，於是專程來到上環買。有些$90 有1磅，有些$100有1磅，我就用了$90買了4款曲奇食。食了2塊，因為太大塊吃不多，十分鬆化不過甜，甜度剛好原味香牛油咖啡味香期待一陣食埋其他2款也買了南乳餅，包裝良好沒有碎店員很好人，拿曲奇餅很小心打算多買一些帶給公司同事一齊食在想這些鬆化曲奇餅會不會有盒子裝如果可以裝實在更好，送人更得體下次試下店的其他扁身曲奇餅，看評價也好好
繼續閱讀