啤啤Bear韓國包車

營業中

休息中

尖沙咀$98無限任食韓式五花烤肉八爪魚 場內環境主打90年代霓虹燈風格 可以見到跳舞機籃球機等擺設 仲可以同店員玩小遊戲 ‼️如果贏咗可以免費拎到sparkling米酒 ‼️terra啤酒都有買二送一優惠‼️適合叫埋朋友嚟飲番杯 不過呢間真係超級多人 ‼️建議如果上嚟一定要book位先.當然一定要點⭐️無限挑戰烤肉盤$98可以無限添加韓式五花肉 小章魚啱啱上菜第一轉 店員會幫你開爐 同燒埋 服務超好佢哋五花肉煎到金黃 脆脆地 加埋泡菜韓式醬汁 超級好食平時五花肉肥肥好容易食滯但今次唔經唔覺食咗兩三盤.除此之外 如果鍾意芝士可以選擇呢款⭐️芝士鐵板泡菜炒五花肉$158 容易做到芝士拉絲⭐️甜辣無骨炸雞$148佢啲韓式無骨炸雞做得超出色炸粉唔厚 但做得好大件 肉質都Juicy⭐️蟹籽海鮮蛋卷$138蛋卷同樣出色 中間包住粒粒粗章魚腿蛋卷中間保持住好Creamy.甜品方面比較特別有⭐️超級粒粒芒果米酒沙冰$138係超級大碗 可以3-4位朋友分係加入咗酒精嘅沙冰 表面放咗冰芒果肉如果夏天食會覺得超級消暑.#啤啤Bear韓國包車 (尖沙咀)地址：尖沙咀諾士佛臺1號8樓.⭐️評分：味道：4/5環境：4/5 90後霓虹

我嘅好姊妹最近好沉迷打卡，所以佢帶嚟一間最近好有人氣嘅韓式餐廳，一入到嚟成個感覺都好cyber好科幻，有種好chill嘅感覺，估唔到入邊嘅籃球機同埋遊戲機，竟然可以攞出嚟做餐枱，真係好正呢個idea，非常之欣賞佢嘅裝修。😳🥰我哋點咗海鮮湯麵，內裏有酸甜嘅蕃茄所製成嘅湯底，配上各種新鮮甜美嘅海鮮，例如章魚仔、青口、大蝦、蜆等，而且中華麵口感彈牙。😇🙈泡菜五花肉都唔錯，五花肉喺鐵板上面炒香咗，與芝士和泡菜結合，酸香醇厚，仲有拉絲嘅效果。🧀最令我印象深刻嘅係菠蘿啤酒，清爽的啤酒融合了新鮮的菠蘿汁，苦中帶甜，相當特別！🍍🍺薯仔煎餅，外酥內軟的薯仔包裹在香噴噴的煎餅中，鬆軟香脆！🥔 另外，我都好鍾意食佢嘅辣炒小章魚，醬汁辣香滋味，小章魚鮮嫩多汁，辣味十足，令人垂涎欲滴！🌶🐙

朋友介紹一間韓國餐廳非常出色，今次輪到我同佢一齊去探店！呢一間係上樓嘅餐廳，一出𨋢就已經見到打卡位，而且好多人排隊，人氣果然高企！餐廳用qr code下單，快捷方便！同一般韓國餐廳一樣，必定先會奉上前菜！大發！芝士鐵板泡菜炒五花肉~用上幾種唔同款式嘅芝士，喺爐溫漸漸加強後，喺我面前慢慢融化，絕對係一種另類體驗！當芝士完全融化就可以連同泡菜及五花腩混合，炒出獨有嘅香味！蕃茄韓式辣海鮮湯配中華麵~海鮮份量比想像中多，而且青口非常飽滿，大愛！中華麵充滿蛋香，湯底夠曬惹味！Butter X Garlic 無骨炸雞~炸雞有唔同口味，選擇咗有奶油香亦有蒜蓉嘅刺激感，可以有齊兩種滋味，炸雞仍然保留肉汁，炸粉亦都唔厚👍🏻

啤啤韓國包車位於尖沙咀鬧區，非常方便。餐廳以韓式機舖為主題，加上復古嘅設計，非常有時代感。餐廳正門口有一隻1:1深藍色熊熊，絕對係餐廳嘅標誌，仲有部熊熊跳舞機同籃球機，真係好有特色。座位全部都係用鋁製嘅圓凳，加上粉紅色嘅霓虹燈，好似去咗disco咁！菜式選擇非常豐富，全部都係韓國嘅大熱菜式。🍽️蕃茄韓式辣海鮮湯 配 中華麵蕃茄湯底係我嘅最愛，酸酸甜甜又帶點辣味，好開胃！中華麵煙韌得嚟又有嚼勁，份量都唔算少。海鮮配料好豐富，有青口、蜆肉、八爪魚同蝦，海鮮控一定唔可以錯過😋🍽️蟹籽海鮮煎蛋卷蛋捲包得好厚身，蛋味好香，入面啲海鮮好足料，加埋鋪面嘅蟹籽同沙律醬，口感一流😋🍽️香辣橄欖油蒜蝦蝦大大隻又爽口，加埋蒜香味同橄欖油，好惹味！🍹菠蘿冰茶清清甜甜，茶味好香，好解渴。🍺BBB刨冰啤酒 - 荔枝味韓國特飲，啤酒上面有清涼爽口嘅刨冰，有三款口味，荔枝、青蘋果、同水蜜桃，果味中和咗啤酒嘅苦澀味，唔鍾意飲啤酒嘅女仔都可以試吓，好易入口又解渴。啤啤Bear韓國包車 📍尖沙咀諾士佛臺1號8樓

【超多打卡位韓式包車📸$98 任食韓式五花肉及炒小章魚🐙】呢間以韓式機舖做主題嘅餐廳好有feel，一出lift已經好似去咗韓國咁，周圍都係韓文，仲播住輕快韓文歌🇰🇷全間舖都係打卡位，有跳舞機，籃球機仲加入霓虹燈，充滿Y2K嘅感覺❣️好適合一班朋友嚟聚會，打完卡再啤啤佢🍻🍻🍻仲可以挑戰店員小遊戲贏清河Sparkling米酒🍶Terra啤酒 500mL 買2送1😍1️⃣ 超級粒粒芒果米酒沙冰 $138 第一次食到沙冰係加入酒精，開頭仲以為係一杯仲覺得定價有啲高，點知一上枱嚇親，原來超級巨型碗!!🤣絕對係4個人分都有突😆面頭放上芒果果肉，混合咗芒果同綿密嘅冰沙，米酒味都幾易入口，食住炸雞飲一流啊，清涼解渴😌🍧🍧2️⃣ BUTTER X GARLIC 無骨炸雞 $158 炸雞外皮酥脆，炸粉唔厚，炸雞都好幾大嚿，仲要係無骨方便大大啖咁食🤤咬落去仲有肉汁流落黎😹😹香蒜牛油味都好出好香好邪惡😆3️⃣ 芝士鐵板黑松露炸醬拉麵 $98第一次食到炸醬麵係配上黑松露，仲要用鐵板上，幾特別嘅體驗😋好多芝士，撈埋炸醬拉麵一齊食，好正好邪惡🍝😚4️⃣ 限定！無限挑戰烤盤 $98性價比超級高！呢個無限挑戰拼盤有五花肉同埋小章魚，無限

見到其他人post 呢間新餐廳，好似好新潮，環境Y2K風，好多打機，跳舞機野。而且，佢哋播緊Kpop，全部都係新歌，氣氛幾好。最先上枱嘅係炸紫菜粉絲卷，外皮炸到金黃色。炸得好脆，粉絲同紫菜嘅味道好香，好適合開胃。我地叫左Black炸雞配脆脆薯格，雞肉炸得好香口，外脆內嫩，同埋一啲特製嘅醬汁更加提升咗味道。佢係有d 似甜辣 mix 黑椒mix 醬油味。而脆脆薯格就正常發揮。不過全部都真係新鮮炸起，熱辣辣。之後，我哋試咗黑松露瀑布芝士炸醬拉麵。芝士都比得好足，就好似瀑布咁流落麵上。而且，黑松露嘅香氣好濃郁，同炸醬拉麵完全融合，好有層次感。最後，我地仲叫左原味芝心蛋捲，好大條，而且好多芝士。總結來講，呢間餐廳嘅食物好有特色。而且環境同音樂都好有氣氛，適合一大班frd黎

位於尖沙咀諾士佛台嘅韓式機舖主題餐廳 — 啤啤bear韓國包車裝修型格富未來感，菜式選擇豐富，打卡一流。𖦹 大發！芝士鐵板泡菜炒五花肉 $158熔岩芝士拉絲無問題，辣泡菜加上五花肉食落非常惹味，邪惡之選。𖦹 蕃茄韓式辣海鮮湯 配 中華麵 $198湯底辣中帶蕃茄嘅酸酸甜甜，麵條煙韌富嚼勁，海鮮配料有青口、蜆肉、八爪魚同蝦，豐富！𖦹 WHITE 無骨炸雞 $158一共有六種無骨炸雞口味，包括經典甜辣味、酸忌廉、黑椒秘製醬汁，炸雞上枱時熱辣辣，口感酥脆有肉汁，配上酸忌廉解膩。𖦹 Tiki-Taka $68𖦹 First Crush $68兩款調酒各有特色，前者用上青瓜汁及檸檬調製，後者用上荔枝及海鹽，非常清爽。

平時放工後很喜歡到尖沙咀行街及食晚餐😎當然今次也不例外，也很久沒有去過諾士佛臺☺️所以今次經過看看有沒有什麼餐廳特別，一上到去就見到諾士佛臺1號的廣告及水牌，就選了8樓有這家啤啤Bear韓國包車🫶🏻仲有唔同嘅遊戲機同埋跳舞機screen好特別的裝修👍一出升降機就見到走廊充滿很多霓虹燈及韓國風的感覺呢間餐廳係用QR網上落單夠方便💯餐牌仲有好多唔同嘅韓式炸雞同埋小食可以選擇而前菜仲有辣芽菜同埋泡菜提供，味道啱啱好🙂眼闊肚窄既我地點了霹靂炸豬腳$258即叫即炸熱辣辣勁香脆，仲比埋生菜可以包住豬手一齊食😋而醬料就提供了辣醬同芥末醬好match好滿足仲點了蟹籽海鮮蛋卷＄138勁多蟹籽係表面念勁足料，而蛋亦都好厚實，絕對飽肚值得一讚🙌🏻飲品選擇了“Drink me”粉紅西柚特飲$58不會太甜及有很新鮮的味道，令人想飲完一啖又一啖😋同個飲品名一樣，顏色以及賣相也很吸引😍仲有好多想食的，但係眼闊肚窄🤣下次再去食過

今天放假和朋友在尖沙咀行街食飯！ 朋友係韓迷，鍾情韓國風格的事物♥️ 佢話在網上見到好多人去呢間啤啤bear🐻韓國包車打卡，我們一定都要去試下😉餐廳位於尖沙咀諾士佛臺1號8樓💜 一行出電梯已置身韓國街頭😆 門口公仔🧸好巨型又可愛的😘 它的裝修走Y2K風，好有千僖年的特色🎊室內有好多霓虹燈、 籃球機、 跳舞機、 遊戲機、夾公仔機等等為設計的主題💯 地方都寬敞，坐得舒適😀 朋友周圍打咭完後，可以食嘢啦😆 我們先要了黑松露瀑布芝士炸醬拉麵 🍝 芝士🧀分量很多,好似瀑布咁😂 有淡淡黑松露的香味👍 有隻半熟蛋🥚撈埋炸醬和拉麵，超配搭♥️ 麵質有咬口，吸收醬汁，好好食😉是必吃的😆RED 炸雞🐔配脆脆薯格係食韓菜必叫的😆 份量真的不少！雞塊炸得香脆可口！ 內裡鮮嫩多汁唔會乾！ 加上紅辣椒醬真係好惹味👍 再配上脆脆嘅薯格，真係一流😋 吃炸雞一定要飲啤酒至盡興😆 來了瓶韓國啤酒Terra Beer🍺 真係絕配👍我們還來了一個牛油燒酒煮蛤蜊🦪一鍋大大份😀 蜆肉很鮮甜美味👍有淡淡的燒酒味，又有濃香的牛油味！原來這樣配搭很有驚喜😆 不錯！這間以韓式機舖為主風格的主題餐廳！真的很適合年青人來打咭😉 但亦有懷舊的一面

聽開K-Pop嘅人通常都好鍾意食韓國嘢，尖沙咀就出名多韓國餐廳任君選擇。上星期同friend去咗諾士佛台嘅啤啤Bear韓國包車，上到去已經俾佢啲裝修驚艶到，好cyber y2k嘅感覺，淨係打卡都有排打，very ig-able!舖頭裏邊一直播住kpop，好有feel❤️‍🔥用手機落單，基本上咩都有得食，炸雞、燒烤、麵、煎蛋捲，送酒一流！我地一行二人叫咗辣炒小章魚五花肉、芝士吞拿魚蛋卷、招牌炸豬腳、甜米露。一坐底上泡菜是基本吧，跟住就有新鮮熱辣辣章魚五花肉，其實唔算好辣，炒得幾入味，仲有椰菜，份量好足。芝士吞拿魚蛋卷超級巨型，切開即刻見到芝士拉絲，應該無人會唔中意食。最後上枱係招牌炸豬腳，配咗生菜俾係包住一齊食，仲有辣醬同介末醬。豬腳炸到超脆，肥瘦肉分佈適中。我哋一致認為呢個最好食！埋單人均二至三百蚊，食得飽環境又正，下次會再嚟飲酒🍻

餐廳係樓上嘅韓國餐廳全層都係佢哋佈置得好有韓國氣氛。好多室內裝飾例如霓虹燈、招牌同埋韓文街牌。燈光效果好有feel ，而且餐廳仲大播韓文熱播歌曲。大發！芝士鐵板泡菜炒五花肉$178 鐵板熱辣辣，咁樣整熱啲芝士，芝士溶咗拉絲嘅時候加埋五花肉一齊食好邪惡，但係好滿足。加埋泡菜辣辣地解油膩感，食得好過癮。蕃茄韓式辣海鮮湯配中華麵$218 甜辣嘅湯底酸酸甜甜辣辣嘅味道令人忍唔住一啖又一啖咁樣食。海鮮方面有蝦仁、魷魚仔、青口等等。呢一個完美嘅湯底又鮮甜又酸甜，不得了！一定要食。Butter x garlic韓式無骨炸雞配脆脆薯格$178炸雞皮好酥脆，唔油膩，唔會刮損牙肉。而且蒜頭味道好入味，炸雞食得過癮。苦後都炸得好好，雞肉嘅肉質嫩滑，一啲都唔柴。

進餐大約15分鐘後已經開始有窒息的感覺，通風系統實在太差… 沒有熱飲供應是一個大問題。菜式選擇少食物質素一般空氣不流通，通風系統嚴重不足沒有熱飲供應價錢貴環境過分吵鬧….

因為喺ig睇到好多foodie acc share有幾好食幾抵玩，所以就同朋友試咗試。總體嚟講並唔抵玩，我哋4個女仔叫咗大概6 7碟嘢食，但其實都冇話好飽，佢每碟份量都好細，更加稱唔上為好食。例如蒜香炸雞？冇咩記憶點，更冇蒜味，以$150左右嘅炸雞，大把餐廳好食過佢，啱啱講咗份量細之餘，雞嘅質地都幾鞋，唔推薦。另外，佢出名嘅黑松露炸醬麵其實都ok，有幾啖都食到黑松露味，但火侯自己控制好易窿，建議較細啲嗰火。總體嚟講，可以一試。我哋仲叫咗$99任食豬五花同八爪魚嘅set，冇大家講到咁抵食，但佢會係你叫咗5碟餸都食唔飽嘅救星，純粹因為任叫，但我哋都只係食咗3輪，每輪3塊豬肉同幾粒八爪魚咁。抵唔抵食睇你食幾多。唔建議大家叫嘢飲，因為普通到好似即沖粉沖出嚟咁，價值60嘅即沖飲品，大家可能叫酒抵玩啲。依餐嘅環境可以，但坐得唔舒服，價錢太高，主要因為份量太少又唔係好好食。唔會encore

特別推薦炸雞，香脆可口。店鋪內環境簡潔，隨處可見打卡位，非常適合朋友聚會。店員也很nice。是一家寶藏食肆，下次會再來的。今次正好有五花肉章魚拼盤的無限refill活動，很划算。五花肉肥而不膩，小章魚也很爽口，非常好。

一入到嚟呢度，完全好似去左Kpop 世界，即刻瘋狂打卡先！蟹籽海鮮蛋卷蛋卷嘅口感好好，入口即化，好有層次感。蟹籽嘅鮮味同海鮮嘅鮮甜完美結合，帶出一種驚艷嘅美味。「玫瑰」麻辣韓式燉雞燉雞肉質鮮嫩多汁，滲透咗麻辣醬嘅香辣味道。雞肉入味，帶有微微嘅甜味同香料嘅香氣，絕對係一道令人垂涎欲滴嘅韓式美食。辣炒小章魚五花肉小章魚炒得剛剛好，口感彈牙，五花肉則係軟嫩多汁。辣椒醬帶出一種辣味刺激，同章魚同五花肉嘅鮮味完美結合，帶來一種令人欲罷不能嘅美食享受。WHITE炸雞配脆脆薯格炸雞外脆內嫩，肉質鮮嫩多汁。脆脆薯格炸到酥脆金黃，帶有香脆口感。一口咬落，肉汁同脆脆薯格嘅結合，帶出一種令人難以抗拒嘅美味享受。黑松露瀑布芝士炸醬拉麵拉麵嘅口感有啲咬勁，黑松露嘅香氣瀰漫鼻腔。瀑布芝士融化喺拉麵上，帶出一種濃郁嘅芝士香味。青蘋果刨冰啤酒，呢款係我哋嘅重點推介👍青蘋果刨冰清新爽口，刨冰嘅口感細緻軟滑，入口即化。啤酒嘅氣泡帶出一種微微嘅酸甜味道。總括黎講，呢度嘅食物口感同味道真係出色到爆燈。推薦大家嚟打給食好野🤭🤭