哦吧OPPA & POCHA

營業中

休息中

話說想食生燒鰻魚好耐，係香港想食都唔係咁易搵，咁岩就俾我搵到呢間新開無耐既oppa韓燒餐廳有，仲要咁近我係元朗喎，咁就梗係約埋老友一齊試啦，黎之前都做下功課睇下其他食家既評價，知道老闆係韓國人黎，員工都係韓國人，食材大部分都來自濟洲，咁就更加有置身於韓國既感覺啦。我地有預先book位，準時黎就到有位坐啦，建議想黎食都book定位先，坐底睇環境都幾闊落，坐位都幾舒服，電視都播住d韓國飲食片，邊食邊睇人食係幾爽既，另外都一提之前其他食評所講既韓國人店員都變晒香港人了，問過都係新做無耐略有d唔熟手。前菜6碟我地先叫左個set A，包前菜6碟，日日都唔同款的，今日有泡菜，銀魚仔，麻油菠菜，魚板，翠肉瓜同沙律，6款前菜味道都好好，特別係個泡菜有別於超市買果d，呢隻偏辣少少無咁重酸味，可惜無得無限添，問過要加就10蚊碟。濟洲豬腩肉，濟洲豬頸肉先黎左兩款濟洲豬，店員會幫我地燒埋，過程都好細心，佢都有表明自己新做可能會燒得唔好叫我地體諒下，肉質係唔錯，好厚實，肥瘦適中，可以跟埋d辣醬包菜食。牛腰排骨牛腰肉廚房會先烤到約3成熟出黎再俾我地燒，燒呢個已經轉由老闆娘出手，老闆娘係韓國人但廣東話都講得好正，所

星期六訓到下晝先起身，心血來潮想食燒肉😂吃貨既我一貫作用都係要試d未食過既餐廳哈哈，最後決定揀左依間新開既哦吧韓式燒肉，日式燒肉就食得多，但其實韓式我都好鐘意😝尤其係韓國既豬肉好好食，而且仲有前菜食🫢今次有6款前菜，土豆絲，泡菜，翠肉瓜，魚仔，腐皮，海帶，好開胃全部食哂🤝🏻✨A03濟州豬腩肉黎自韓國濟州島嘅豬腩肉，肉質豐腴多汁，油脂好豐富😍食落口感一流。老闆娘仲幫手燒到豬腩肉表面呈金黃色🔥熱辣辣，另外再配店鋪特有嘅辣椒醬同埋自家製魚醬😋更加香氣撲鼻。而且會提供可以refill 既醃蘿蔔，酸酸地可以中和豬腩肉既油膩感😁✨A11帶骨腰肉帶骨腰肉視覺更加吸引，好厚實既感覺😼肉質好嫩，會比豬腩肉更加鬆軟🤩 每啖都散發出濃厚嘅肉汁。今次就搭配韓國泡菜、同埋生菜，鮮綠色既生菜超新鮮，葉片脆嫩，質地清爽👍🏻✨C01 部隊火鍋 (S) 湯底係店鋪特有嘅辣醬，唔算好辣岩哂我，但又辣中帶香🤪好惹味，食材都有好多種，午餐肉、腸(有3款)、豆腐同年糕等，當然仲有芝士同埋公仔麵🤣 韓國既辛辣麵每次食都係咁開胃，加埋濃郁芝士真係一流，尤其係凍冰冰既日子🥹 老闆娘仲教我地公仔麵要配埋泡菜一齊食，一冷一熱交差既感覺好

係元朗住左咁多年，有新餐廳開無理由唔去試下今日黎到呢間「哦吧」韓國餐廳，唔入唔知道，一入嚇一跳！估唔到呢間餐廳上至老闆娘下至服務員都係韓國人，就連食材、廚具餐具都係韓國貨，唔講真係以為去左韓國呢到主打燒烤，亦有classic既泡菜餅、韓式炸雞叫完野食即刻上前菜，足足有六碟咁多，係等野食燒緊既時候可以滿足下口癮先戰斧豬扒勁大塊勁厚身，肥瘦勁分明，睇見都流晒口水而家最意想不到既係原來staff甚至係老闆娘會幫手燒，我地仲諗緊咁大舊會唔會燒到唔熟浪費左啲靚肉即係我地坐定定食就得！配菜仲有印左logo既秀珍菇同洋蔥，配上佢地自家製既醬料食一流！牛扒亦同樣大大件，燒緊既時候已經聞到勁香，食落好juicy酸酸甜甜，原來係用左雪梨去醃好特別人參雞湯，入面有原隻雞係到，而且好明顯花左好多時間去煲，第一次食到啲雞骨係入口即溶唔洗咬，朋友仲講笑話係咪骨質疏鬆湯似落好甘香，雞肉煲左咁耐都係咁嫩滑，不過有時骨頭太軟好容易就斷開晒食落有時都唔係咁方便韓國無糖有氣烏龍茶，第一次飲到有氣既茶，覺得好新奇，原來又幾好飲，有啲似可樂但係無咁甜最後想起身走人既時候老闆娘竟然送多個蜜瓜比我地食，好驚喜真係甜到入心！

餐廳新開唔夠1個月，係基元附近，因為係轉內彎位，所以比較少人發現，但老闆娘真係好熱情同埋親力親為💕🔸小菜6小碟(每次去都有會唔同)➰沙律沙律菜新鮮脆口，但沙津醬有D多➰泡菜超級好食，係老闆娘自己整，爽口而且唔會過辣，唔會有過量既發酵味👍🏻➰醬牛肉一梳梳既牛肉條，已經入哂味➰醃青瓜爽口脆甜，加上韓式辣醬，更易入口➰韓國自家製香腸冇味精味，而且都幾大塊，食到精肉味道➰泡菜魷魚魷魚煙煙un un，咸咸辣辣，送飯一流🔸生菜籃食烤肉生菜籃必備，平時比較少見小旺菜可以當包菜，仲有甘荀條🔸濟州豬腩肉肥瘦勻稱，經過煎烤，焦香焦香，除左可以用生菜包，仲可以試下餐廳另外提供既咸醬，味道有D似蝦醬味，但又唔會太咸🔸濟州豬頸肉比起腩肉，頸肉更加厚身，更加彈牙爽口🔸韓豚調味豚排骨超大塊，鋪滿左整塊烤板，醬汁咸甜，令人一口接一口咁食🔸大醬湯除左韓式大醬仲加左海鮮，增加左鮮味🔸🍓馬格利雞尾酒老闆娘推介，不過真係好好味，佢一杯500ML已經有60ML既米酒再加埋新鮮🍓同冰打成，比例好好，唔會過凍而且甜度酒精都非常順口

估唔到喺YOHO隔離，係一個橫街小巷會遇到隱世韓國店，食得出係正宗韓國口味，細問之下老闆娘同廚師們原來全部都係正宗韓國人🥰 呢度價錢超級reasonable! 老闆娘推介嘅烤韓國牛肉，真係十級好味😍 知道我最鍾意食蔥仲特登幫我哋加上蔥 ，韓國牛肉鮮甜，好tender😍 仲要勁有誠意，鍋入邊仲有韓國粉絲、韓國年糕、韓國菇。全部食材都係來自正宗韓國呢度嘅配菜已經好好食，薯仔沙律，簡直係世界級，好味道食完老闆娘再添加俾我哋。原來廚師曾經喺酒店餐廳工作，所以品質好有水準🫰🏻 泡菜都係每日新鮮製造泡菜煎餅都好好食，鍾意食辣味嘅一流。每一件都脆卜卜好香口仲有飲咗鳳梨馬格利酒，好特別，只有少量酒精，好水果味，好適合女仔飲！呢度啲蔬菜特別新鮮，食咗牛，跟住我哋就食韓國豚肉排骨，個味道醃製得好出色，配埋韓式大醬和生菜一齊食，好Juicy呢度仲有VIP房！約埋朋友嚟開party都正！Must encore this one ☝️❤️

今個假期來到這家由韓國人主理的烤肉餐廳，我們用餐過後都覺得食物質素和服務很不錯，店員會幫忙把烤肉烤到最好的熟度，再建議客人不同的吃法。點菜後首先會送上六碟開胃小菜，每款都非常美味。 店員會把特色的濟州島魚汁放在烤爐上，味道帶鹹香，把肉酵好後沾點小許已十分惹味👍🏻濟州五花肉這兩塊五花肉都肉嫩多汁，老闆娘細心地幫我們烤至焦香，剪成小塊後確保每一面都有烤好。她建議我們除了沾魚汁享用外，還能嘗試用醃蘿蔔片包著吃，更清新開胃。薄切牛胸肉牛胸肉配搭一碟醃菜，把薄薄的牛肉輕烤變充滿牛香，然後捲著爽口的醃菜一起享用，口感豐富又惹味。海鮮蔥煎餅份量充足，佈滿長長的蔥條，就算不沾醬汁亦十分夠味。甜米汁/ 葡萄粒子汁店內有各款酒精及無酒精飲品，特別推薦甜米汁，這款是全韓國傳統飲品，可以當糖水喝，甜甜的米香糖水內有少許米粒，十分有口感。

今日去試咗碟正宗韓國醬油蟹，有韓國人親自主理，只蟹非常大只，系正宗嘅韓國蟹，醬汁好鮮味，不會太鹹，但系有掩蓋唔到蟹肉汁嘅鮮味，再加一個紫菜蟹子白飯送佢個醬汁，簡直系天衣無縫

餐廳環境寬敞，好啱一班人嚟食。老闆娘和店員都係韓國人，但廣東話講得好好，而且非常有善！午餐時段12:00-15:00，我星期日黎都有午餐。價錢幾抵食，$68起，學生仲要有$15優惠有主菜，三個小食同飲品。泡菜炒飯$70炒飯炒得粒粒分明，酸酸甜甜好開胃，唔會太辣。入面仲有D午餐肉碎，配埋一隻荷包蛋。薯仔豬骨煲$88前排去完韓國先食完土豆排骨湯，食完之後愛上了，返到香港見呢間有得食所以嚟試吓。份量好足，豬骨炆得非常淋非常入味！完全係唔需要用力就拆到啲肉出嚟。辣度係微辣，如果可以再辣少少一定更加惹味。原味韓式炸雞半份$98炸雞係即叫即炸，所以非常香脆，但唔會油膩！雞肉都好嫩滑叫半份兩個人食都已經好飽

YOHO附近有間食韓國菜嘅餐廳 比起YOHO嘅價錢平好多👍🏽👍🏽餐廳裝修得非常之闊落 兩個人都可以坐到一張好大嘅枱👍🏽嚟到有個姨姨好好態度咁serve我地 有時會加插幾句韓文 真係好似喺韓國咁樣🤣🤣一嚟到已經有好多唔同嘅小菜 好豐富🥰醃章魚雖然呢個辣辣地 但係好過癮 而章魚都好爽口彈牙 呢個好開胃😋😋炒年糕雖然已經叫咗冇咁辣 但係我哋都覺得好辣 不過年糕嘅口感就好好食喇😋冷麵呢個係韓國餐廳係必食嘅嘢啦 凍冰冰好開胃😋紫菜包飯超大碟 麻油味香 食到好飽🥰牛骨湯呢個份量真係好多 好入味好啱鍾意重口味嘅人🥰🥰嘢飲選擇都幾多 👍🏽👍🏽如果住附近 呢間係一個好好嘅選擇 價錢唔貴又多嘢食揀 服務態度好好 👍🏽👍🏽

今日同朋友喺元朗食飯，附近都好多人，所以就行咗個圈睇吓有咩食，俾我見到間應該係新開嘅韓國餐廳，唔使等位，一於試一試！一入去坐低，老闆娘就已經熱情招呼，老闆娘係韓國人，但識講流利嘅廣東話，佢介紹有咩好食，然後我哋嗌咗個牛肋骨煲，豆腐湯同無骨蜂蜜奶油炸雞，由於老闆娘推介琴日新鮮到港嘅醃八爪魚 ，咁一於叫埋啦！係等緊嘢食嘅期間，就聽到隔籬枱係韓國人嚟，令我對食物嘅口味十分期待。韓國餐廳當然唔少得嘅就係小菜啦，呢度有六款小菜，我最鍾意都係泡菜🤣全部都幾好食!首先上枱嘅係豆腐湯，上枱嘅時候仲係滾到卜卜下，成件事好韓國😂雖然係叫豆腐湯，但估唔到原來佢係海鮮豆腐湯，入面有啲蜆肉，蝦，魷魚，個湯吸晒啲海鮮嘅精華，好鮮甜，豆腐好滑豆味好濃，個湯有跟個飯，推薦！然後就係個牛肋骨煲，去親韓國餐廳我都會叫，呢度個牛肋骨煲好大份，唔會好似其他餐廳咁得一兩舊牛，味道啱啱好，唔會過甜，撈飯一流！啲蘿蔔都好好食，好入味，必點！然後就係無骨蜂蜜奶油炸雞，呢個係我喺香港嘅韓國餐廳食過最好食嘅炸雞，啲雞炸得相當鬆化，完全冇油，而且都係份量相當足，好好食！最後就係老闆娘推薦嘅生醃八爪魚，平時去韓國都會專登買嚟食，呢個真係食得

從來冇發現喺呢個位置有一間韓國菜，今日有朋友介紹嚟到呢度，發現呢度真係寶藏店，老闆娘係韓國人，由入門口開始就熱情招呼😙廣東話夾雜着兩三句韓文令我真係以為身處韓國🤣🤣🤣調味牛肋骨老闆娘介紹喱個牛肋骨係黎自韓國。如果鍾意食牛肋骨最好就食呢個有調味嘅牛肋骨。食落肉質軟腍， 調味唔會死咸有烤肉香味😍當然唔少得就係配住生菜同泡菜食，成個過程老闆娘都幫我哋燒，火候啱啱好👍🏻👍🏻五花肉五花肉都係韓式燒烤裡面一個重要嘅存在，老闆娘上菜嘅時候跟咗一個醬汁，喺呢間餐廳自己跳掣嘅濟州島魚汁😋五花肉應該係冇調味嘅，肥瘦均勻本身用嚟燒烤就有好香，同醬汁既咸鮮味好夾。海鮮蔥餅海鮮蔥餅同出面一般嘅泡菜煎餅唔一樣，食落蛋漿少蔥多，所以成個煎餅偏向脆身，我就咁啱係唔鍾意食好多蛋既煎餅😃所以呢個海鮮煎餅我好喜歡。海鮮豆腐湯海鮮豆腐湯都正常發揮好味，我唔算好食得辣，所以鍾意佢成個湯唔會有好多辣椒粉嘅味，海鮮料都足。整體而言，呢度真係令我喜出望外，韓國老闆娘嘅感覺好似媽媽咁，成日走過嚟照顧我哋🤣感覺去咗韓國旅行，估唔到元朗都有呢一種正宗韓國小店，有機會真係要黎試吓👍🏻

在香港📍來吃正宗韓式燒烤·哦吧OPPA & POCHA（元朗這家是韓國人開的店，吃正宗韓國菜 🥘 這裡堂食送 配前菜：韓式魚腐、酸蘿蔔、韓國沙律、翠玉瓜、紫菜、薯蓉、泡菜、魚仔。♦️ 燒牛肋骨全塊牛肋骨肉肉質鮮嫩鬆化，咬落多汁、牛尾香濃，配海鹽調出牛肉肉鮮味，很香口 👍🏻♦️ 韓式炒豬肉呢個真系好好味，超級推薦，用了店鋪特製嘅韓式醬料去炒嘅豬肉，非常入味，洋蔥都好好味甜辣甜辣，送飯標配🍚吃了兩碗飯！♦️ 鮑魚石頭鍋飯這個飯煮得剛剛好，底有飯焦，這道菜配了很多有鮑魚、生菜、蘿蔔、冬菇、芽菜、菠菜，好豐富，食材多過啲飯 👍🏻 好味♦️ 生果-哈密瓜哈蜜瓜鮮甜爽脆多汁，這個飯後果~剛好為這頓晚餐完美作結。店員會幫你燒肉和切件，讓我們可以專心享受美食😌，這座位寬闊坐得舒服、裝潢也用心 🌃#民间食评人 #pancakebb #pancake #元朗美食 #韩国菜 #韩烧 #香港美食 #美食 #今晚吃什么

去YOHO行完街就上網搵到竟然附近有間正宗韓國燒肉。餐廳裝修型格，座位闊落，大家都坐得舒。聽到餐廳店面嘅一位主理人姨姨都係同廚房嘅叔叔講韓文。星期六夜晚都算多人，好彩我哋都算早去到。（Set D）濟州豬腩肉+濟州豬頸肉+6種小菜+鮮生菜呢個set有兩款嘅肉，同埋配住韓燒食嘅小菜、鮮生菜。無論豬腩肉或者豬頸肉佢哋都夠厚身，所以食落口啖啖肉，脂肪經過燒烤之後好香口，早去到唔係太多人嘅時候，韓文姨姨教我哋除咗夾生菜之外可以夾酸蘿蔔加燒肉咁樣食，食落又幾解膩，想一啖接一啖咁食。鮑魚石鍋雜錦飯佢嘅鮑魚好厚肉，仲要每一塊都大大嚿，石鍋下便仲有少少飯焦，脆口好好食。石鍋飯可以自己隨意落麻油同埋韓式辣醬，口味都可以以自己調教。水冷麵天氣熱嘅水冷麵都係一個好好嘅選擇，姨姨好好咁樣解釋啲面係用葛去整，所以好健康㗎！配上酸辣蘿蔔同埋青瓜一齊咁樣食清爽又好開胃。鹹醃魷魚呢個鹹醃魷魚味道豐富，魷魚嘅咸鮮味再加上韓式辣醬嘅味道，呢個比較重口味，可以配上飯或者肉一齊食，好下飯既一道菜。草莓馬格利酒 (500ml)佢嘅酒味唔會話太濃，甜甜嘅草莓味，女仔一定啱飲。甜米汁呢個韓國經典嘅嘢飲個人都好鍾意，佢係類似無酒精版嘅

已經好一段日子沒有吃韓國菜，今日朋友帶我來這間位於元朗的韓國餐廳，餐廳是韓國人打理的。地址在yohomall 步行距離大約5分鐘，很方便。餐廳非常企理乾淨，店員非常親切，會主動介紹特色菜式給我們。▶️ Set C 我們選擇了燒肉套餐，這個套餐裏包括濟州豬腩肉，濟州豬頸肉，韓式調味豬排骨，另外還有六款小菜以及生菜提供。餐廳裏選用的豬肉全部來自韓國濟州島，值得一提餐廳提供的生菜非常新鮮。店員很親切會主動幫我們燒肉，這樣就不怕豬肉會燒得不好吃，其中濟州豬腩肉和韓式調味豬排骨我和朋友最喜歡的，豬腩肉配以特製的魚仔醬非常好吃。而韓式調味豬排骨調味剛剛好，甜甜的而且肉質很軟腍。▶️ 香辣牛肉蔬菜湯這個蔬菜湯很有驚喜，原本以為韓式湯品就只是單純辣味，但這個香辣牛肉蔬菜湯除了辣味以外還有其他層次，吃得出是很用心烹調的。▶️炸彈蒸蛋韓國料理怎能不嘗試這個炸彈蒸蛋，經店員介紹這個是要在烹調過程中不停攪拌才可以做出這樣鬆軟的口感。軟綿綿的雞蛋非常吸引。

餐廳座位闊落舒適，中間嘅擺設好可愛，QQ豬仔，會唔會唔捨得食豬肉㗎。店面面積頗大，仲有房間，可以容納多人一齊燒烤。餐牌有set，有散點，睇落都唔錯。重點係老闆娘話食材係韓國空運過來，夠哂新鮮。前菜6小碟同平時韓國餐廳食開嘅，有少少唔同，特別喜歡魷魚同爽脆蒜芯。濟洲豬腩肉老闆娘友善，為我地燒豬腩肉。豬腩肉層次分明，紋路清晰。燒烤時，油香撲鼻，豬腩肉油脂融化，使肉質更加嫰滑。點上濟洲魚汁，鮮味更突出。老闆娘仲介紹左新食法，就係用片酸蘿蔔包住腩肉，不但酸甜清爽，層次口感多左，而且減少油膩感，比常食嘅包生菜，更美味。濟洲豬頸肉無腩肉咁有層次，但就比較大塊同厚身，外層煎得少少金黃色，點上自制豆瓣醬，味道都唔錯。但我地自己燒，時間上唔係控制得好好，都係老闆娘燒肉出色啲。濟洲韓牛新鮮運到，啱啱開箱。肉質鮮嫰，牛味濃，保留肉汁，夾上配菜一齊食，真係perfect match.牛肉湯唔好以為紅色湯就好辣，其實唔會，第一口係菜乾嘅香甜，跟著係肉味，再帶來少少湯頭嘅辣，循序漸進，唔會嗆口，好醒胃。而且湯料好豐富，2人都食得好飽餐廳食物美味，服務態度熱情親切，值得再來一次。