哈迪斯 (已結業)

Thank you for your pic. Hardee's gives me some good times about childhood. After I grow up, I only eat its Curly Fries. Each time can consume 2 or 3 bags.

小弟第八百個食評,就來個"灣仔哈迪斯最後一夜"作紀念吧.年少時吃得最多的,還是美式連鎖快餐.那年頭美式連鎖百花齊放,除獨大的老麥外,同類型對手的肯德基,哈迪斯,Wendy,s,Jack in the box等等.全部也有其捧場客.活在老麥底下,全部都是underdog.可惜老麥實在太霸道,恃著有龐大資源back up,季季出新廣告,周時吃飽加錢送公仔,單憑這些以本傷人之技倆,已經將同類型對手.逐一逼入窮巷.Jack in the box同Wendy,s一早退下,Burger King在更早時期退出,直到近年才低調回歸,在山頂同機場禁區內開店,選擇與普羅大眾,保持一段微妙的距離.剩下的,只得雞記能夠有抗衡之力,哈迪斯,直到十二月二十日,只剩下三間分店.當中灣仔道的龍頭店,只做到上星期四.眾哈迪斯迷哥迷姐,在灣仔店最後一天,拉大隊在此"做冬",七點多的黃金時段,人流不多,似乎真的氣數已盡.去到counter,有很多東西已經停止供應,包括可樂,茄汁,薯圈等等.幸好,還有炭燒漢堡,鮮魚堡,炸雞,同比老麥的空心貨好不知多少倍的薯條.炭燒漢堡扒,肉質比老麥的溝貨juicy,有肉味,鮮魚堡的炸魚柳,

今日又幫襯完..終於明白點解佢\咁少人幫襯今次食10號餐\ 牛仔飯+2件細雞+可樂多冰=.=||另加6蚊要左星星麥樂雞一共34蚊食完真係好飽講下個味道先星星麥樂雞就同m記麥樂雞唔同佢\香味多少少,但就比較趣口,冇m記個d麥樂雞咁多肉牛仔飯真係好難食=_=||飯凍汁怪..以前食都唔係咁2件細雞..如果佢\新鮮炸起就真係一定好過kfc..可惜佢\保溫方面做得差..我係7點半食都唔夠熱..只可以叫做暖仲要編凍個隻..另一個境像就係..唔多見有人外賣食=.=||上到樓上7點半飯市繁忙時間竟然仲有4份3位冇人坐..得20幾人左右係度..仲有一半係坐係度冇叫食野既~連應該忙既時間都唔忙..真係執硬.. 炸雞如果可以叫佢\新鮮炸一隻比我食就好啦..真係幾好食kfc就唔同啦d雞次次食都好熱辣辣

最近網上熱論灣仔哈迪斯就執，於是就去食下就快無得食的滋味。要左個兩件炸雞加薯圈的餐。雖然你可以話哈仔平均每個餐比老麥係貴幾蚊，但佢既野食一定跑贏老麥幾個馬位囉！炸雞依然出色，最鍾意哈仔炸雞唔會將Ｄ雞皮炸到得個油字，而係聞同食落都香，雞肉亦入味，唔會寡或者出現雪味。而我相信，哈仔一旦全線結業，我最ＭＩＳＳ的，一定係佢既炸薯圈。哈仔既炸薯圈，暫時我在香港未搵到一間一樣咁好食既，就算係餐廳扒房都無。如果哈仔臨摺之前，講低整炸薯圈既秘方就好，等我地Ｄ為食精自己整黎憑弔下都好丫。

上個星期有一晚做了無主孤魂, 無目的地在街上浮遊, 遊到灣仔見到哈迪斯。唔, 據聞將會全線結業。終於完結了嗎﹖過去在哈迪斯的記憶不算多, 多數都是月尾糧盡時的辛酸, 哈哈。越想越多, 不如坐下吃完再算, 反正也肚餓了。要了兩件雞及蘑菇飯餐, 食物到手後邊便竄了上二樓在靠窗的位“開餐”。雞仍是熱辣辣的, 皮脆香口非常, 咬下去多汁得很, 當然, 油亦不少。去到今時今日, 居然保持到水準, 真的難得。而一隻雞翼加一件上髀, 仍是最佳組合。蘑菇飯則比以往失色, 主要是飯底明顯不及以前, 吃下去黏黏糊糊的, 花了點忍耐力, 才能夠把它吃完。餐中還有杯可樂...(唔...夠了, 這個不用講了吧?)望著窗外經過的巴士, 車身剛好倒影了哈迪斯的笑面星星。把這個留在食評中, 總會好看過兩件炸雞+ 可樂?

(首先申報利益,本人並無對任何一間快餐店有偏好,這食評只是隨心所欲,唔合心意的話,請一笑置之.)2006年11月28日下午,晴,一條友到灣仔道哈迪斯hea tea,試下炭燒漢堡,未食之前心想,邊仲有快餐店會用炭燒漢堡扒黎做包比客食,間間快餐店都貪快脆,求其將漢堡扒煎兩煎,夾落塊包到就算.買左過tea set後(一個炭燒漢堡加一杯汽水),盛惠16個大(樣),就到樓上雅座,響用這個tea.食之前,一定要同個炭燒漢堡影番張玉照,各位請準備tempo(抹口水之用),打開包面,可以見到有兩三個洋蔥圈,小小茄醬,一片青瓜,心想除左個size大過m記漢堡包外,同包裝紙不同外,跟本就同一般漢堡包無分別.行動最實際,咬左個包兩啖,發覺點解同m記既唔係咁大分別既,唔同被人搵笨.但咬完整個包,步出哈迪斯後,我的咀唇及上鄂有一種刺熱的感覺慢慢滲出,這種刺熱的感覺,足足維持了整段50分鐘的地鐵車程, 我終於感受到乜野係炭燒漢堡扒,這種感覺係其他漢堡包不能模訪的,也只有這間哈迪斯可做到,(路邊社消息話全港得e間哈迪斯有咁大既炭爐來燒扒),真係估唔到,仲有咁高性價比(按:性價比一字翻譯自英文cost/perform

一直都覺得~ 包：好食過m記雞：juicy過kfc意粉0個d 就差ｄ只係形象差... 愈執愈多愈來愈難搵倒Hardee's既蹤影真係好好味

原來呢度下午茶有酥食個喎!由於無乜錢,要左個最平,11蚊既肉桂酥套餐,朋友叫我唔好叫呢個,因為快餐店既酥一定唔會好食喎,但係我食完又覺得OK喎,個酥有少少提子,肉桂味反而唔強,係脆個喎,都唔算太差啦!不過都係比較油囉!但係11蚊連埋飲品都算係咁啦!

各位我無記錯灣仔呢邊，好以得番呢間(只此一間星店)！？因為工作關係，好幾次幫襯過呢間快餐。因為聽聞只有呢間星店，先可以食到炭燒漢堡飽！特別下午茶時間，梗會有無芝既burger出現。試過好幾次，真係好食過老麥既所謂漢堡…個人覺得比新開既burger king更食得舒服同平添！同樣係塊漢堡牛肉，雖然無漢堡王咁炭味同大塊，但反而無覺得咁乾淨淨較有咬口。

昨晚我自己去搵食,想去哈迪斯好久沒吃見到新推介軟心脆芝士波套餐b$28.5-吃得芝士波ok,烤雞翼ok,粟米麻麻,吃得很飽~

哈迪斯真係執下又一間執下又一間，但係如果要我係M記/KFC/哈迪斯入面揀我實係放哈狄斯係第一位，以前好鍾意食佢個牛仔芝堡，但唔知點解無鬼o左，仲有個芝士肉醬意粉，同埋佢果d炸雞可能唔夠做雞專家KFC做得好，但我覺得好過M記果D垃圾脆香雞翼多多聲先，今次黎食呢個熱狗餐做下午茶，唔知點評好，唔係話太特別，對於我呢個鍾意食熱狗既人黎講算係滿意，同埋杯汽水夠晒凍，掂！

昨晚大約九點去灣仔哈迪斯我選食磨茹飯-很ok脆薯圈-很好味,很夠多周打魚湯-很好味我打算買蜜汁雞翼,唔用買,因為我很飽,下次我會幫襯因為哈迪斯分店很少,多結業~~可惜我唔要炸雞,比男友食~.~

吾知係咪世貿關係灣仔近排靜左好多,今日去左哈迪斯,好耐冇去過哈記幫親到十五十六都吾知食乜好,就叫左個三藩市芝保餐食,其實同M記個芝士漢保差吾多,但味道更係哈記好食好多,佢地個飽黎到起碼係有少少暖先呀,塊扒又有口感,吾會好似M記D飽咁好似食張紙咁乾"曾曾".

tea 一te a先...佢地d tea set真係幾抵, 比起佢地一個combo要成$25以上, 一個tea有雞+fries + coke都係$16算係咁啦. d fries都係咁多, 所以有時經過都緊唔住入去tea 一tea啦.

去完銅鑼灣食完熱狗和雪糕後，同仔仔行去灣仔行玩具街。路經這裡，仔仔話想食豬尾，即是脆薯圈。於是我就買了個兩件雞，一包脆薯圈和一杯汽水的餐。脆薯圈依然好味道，但那兩件雞就非常細件，特別是隻雞腿。只是高過尾指少少，真的一啖就已經食完。我平時去置富那間都冇咁細的，不過這間的味道又好似好過置富囉。