味皇餐廳小廚 (已結業)

呢間味皇嘅海南雞飯，實在係我喺香港食過最好食嘅海南雞飯我媽咪係超鍾意食海南雞飯嘅人，但係佢食過呢一間嘅海南雞飯佢都話好正，仲不時會叫我買返屋企俾佢食今次叫咗兩個海南雞飯套餐，套餐包左無骨海南雞飯，例湯嘢飲再加一碟油菜，都係70幾蚊個海南雞佢會跟三種醬，豉油，蔥油再加一個酸甜辣醬，超鍾意食佢啲酸甜辣醬，點雞食真係一流凍奶茶都可以嘅，但係咖啡就麻麻地，重點一提，佢個例湯都係超好飲，如果要再加一碗就要加$10,因為好飲嘅關係$10其實都係抵既

一支公，經過諗住醫肚食碗河粉，員工態度整差，都算喇，牛腩雲吞河，得兩舊牛腩，下午茶時段都算了，牛腩難食到頂點👎🏿雲吞唔熟👎🏿食左半碗都無唔想食落去，醫肚來講你都算垃圾。

今天7点去吃早餐，得個3 枱客但坐咗十幾分鐘好似透明冇人招呼。只聽到個女收銀同樓面吹水不停( 收銀姐話中又帶粗言穢語 ）。單又落錯，當我要求換回我order 的食物時。後果出現。個亞姐唔知是否條氣唔順，有二次行過我座位側面細細聲比說話我聽單單打打,堅持我講錯。那是嘉榮大厦個間味皇。油麻地彌敦道534-538 號，最後我認得 收銀亞姐把聲,仲講食啲二十幾蚊早餐咁大把 ，比佢亞姐咁招呼，食過都唔想再去。其實是碎事小事情。但態度好惡頂，唔憂做。祝福佢趕客成功。

放工想食家常便飯🍚🥢相約好姊妹一起晚飯, 便想到這間小菜館,今次點了4款小菜：1.海南雞飯很出色伴碟仲有三種醬及黃油飯。2.梅子麵豉蒸排骨, 住家風味。3.順德煎焗魚腩, 味道野味但很多骨,食時要小心。4.椒絲通菜炒牛肉,牛肉炒得啱啱好唔un。這間小菜館的晚飯小菜都好食,而服務員的服務很親切有禮, 見到公公婆婆都是這裡的常客,因為伙記都認得他打招呼,在這裡感覺舒服。

呢度係我哋經常幫襯, 味道、出品不用置疑, 不過未試過寫佢哋食評, 即管寫一次食評給他們。味皇嘅特色, 其實都好港式急趕茶餐廳模式, 各方面都要求好快。 呢啲條件, 我哋係接受嘅。因為佢哋煮嘅嘢真係好穩陣。洋蔥豬扒飯 - 豬扒、洋蔥汁好味。豬扒醃得好味, 但略嫌薄咗少少。雞扒煎蛋飯- 煎雞扒係呢度嘅招牌菜, 雞扒醃得超好味。煎蛋香滑。凍檸茶 - 好味, 一定冇問題。熱奶茶 - 嚟親味皇都係飲熱咖啡, 因為佢哋係用即磨咖啡。今次試下飲奶茶, 奶茶都好出色喎!** 有個見有個建議: 佢哋嘅伴菜係一啲沙律菜, 落啲沙律汁, 一個兜仔咁樣。其實有啲客人唔食生嘅菜, 呢啲就好似好唔啱味, 唔係咁啱食。我建議做番啲熟嘅西式拌菜會好啲囉。注意: 呢度凍飲加4蚊。就算好飲都唔值。好過搶。

7:30去完廣華醫院探家姐, 諗住近近地就去對面味皇食晚飯, 見到裡面冇咩人諗住可以坐得舒服D, 就係呢個時候有位短髮帶眼鏡的中年女黑面神行過嚟問我地幾位, 我地話5位, 佢就話分開坐啦, 唔係就慢慢等, 跟住佢就行開咗... 之後我地商量咗一陣就入去, 當時見得2, 3枱客個場咁靜, 咪諗住分2張卡枱前後咁坐, 正想坐落去之時, 果位"黑面神" 就大大聲叫住我地(果下真係比佢嚇死), 佢話你地得2個唔可以坐呢度, 叫我地坐係後幾張的細枱, 聽到果下真係火起即閃, 得罪講句, 第一: 你間鋪本身靜到咁, 你留咁多張卡枱係度有咩用, 第二: 如果真係要我地轉位, 可唔可以用返D正常的語氣, 唔係用呼喝的態度去對客人

中午與朋友來食午餐上檸檬茶時勁大力擺低倒瀉左茶 （係明顯見到二灘）仲要整濕左我手臂（都係好明顯）好彩我冇著白色衫 望住個侍應 佢特登唔望我 唔好意思都冇句就走 再講 一時唔小心整到人 其實講句唔好意思都唔會放上心 真心 評論其他方面 食物份量可以 質素可以 唔係話好好食 但可以接受效率都可以 唔駛等太耐 餐具自助 都整潔 價錢可以 見好多工人姐姐幫襯野食環境等不過不失 呢個價錢算係咁都唔要求佢服務好好 好可惜但係連咁基本既待人態度都未做好 冇下次！香港茶餐廳再係咁 唔怪得咁多人寧願幫襯連鎖快餐店

星期六瞓到黃朝百晏,原來已經係下午一點幾.反正有事要出油麻地,就約埋朋友就去彌敦道附近睇下有乜嘢好食.彌敦道相隔一條街竟然有兩間味皇,下午茶時段已經開始咗,隨便入咗一間比較少人既試下.打開餐牌,見到鹽焗雞飯映得幾靚,我哋兩個都鍾意食雞,當然要一試啦.所以叫咗兩客鹽焗雞飯,有伏就一齊中.飯好快就送到,話晒都只係放幾件雞去飯上面.雞肉都算滑,但係肉有少少梅.雖然唔可以同走地雞比,但係以冰鮮雞來講已經算有雞味,當然最後都係要靠沙薑汁提味啦.飯望落去濕濕哋,本來天真地以為係雞油飯,原來只係生菜出水整濕咗,搞到啲飯有菜青味實在不敢恭維.至於跟餐既凍檸檬茶非常多冰已經係茶餐廳嘅慣例,見怪不怪.

這天在油麻地逛完街正值晚飯時間，很多附近的餐廳都大排長龍，見到『味皇』裡還有吉位，於是決定進去來個快餐。「馬來咖哩牛腩飯」的咖哩汁香辣濃厚，裡面有粒粒薯仔蓉，但大件的薯仔只有一小粒……；牛腩份量雖多，但肉與不夠幼嫩，尚有進步空間。咖哩牛腩飯另附有一小碟沙律，吃咖哩吃到膩時可吃一口沙律中和一下，不過沙律份量太少，如果多一倍就好了。「酸辣切雞飯」的切雞大多是雞腿部分，肉質嫩滑，沾上帶酸甜的微辣汁非常開胃，送飯一流，如果隨碟有一兩條菜心就更好了。餐飲方面選了熱檸水和熱菜蜜，熱檸水正正常常（其實很難不正常），但熱菜蜜實在太過甜，不能想像落了多少糖，所以飲了兩口就沒再飲了……以茶餐廳來說算是中規中矩，價錢適中，「酸辣切雞飯」也值得再吃。------------------------------By alvahana

工作完，在附近找地方吃東西，便來到這間茶餐廳。😅大家各自點東西。意式肉醬朱排飯有沙律，豬排，肉醬味道說健康少鹽正常油，豬排和飯味好過大家樂口感鬆軟，但沒有豬的味道，是一道健康少少的午餐，重口味便不要選擇這款。對我來說一般下午茶豬排公仔麵套餐+紅豆奶茶豬排十分光澤很多油無味，麵無麵味很淋，應該放置了或煮熟了一段時間，湯水是淡淡無味的，是十分十分健康，但本人不懂欣賞。紅豆奶茶，茶味濃，紅豆很甜很軟身，是糖水煮過的沒有豆味。其實還有牛油多士和牛乳炒蛋，但味道兩人吃共花了$90元，只能說吃飽沒事便算，不能要求高

路過肚餓諗住食下茶餐廳係几好既選擇，近近地一出地鐵站就係，點知一失足成恨! 真係傻傻地就入左去…唔係多人，求其坐個卡位，order佐個雲吞牛腩河，見32蚊下午茶几抵食咁，哎！ 等佐10分鐘都有，唔緊要，好食就得，杯熱檸水杯邊有一噠污積，好似係未洗乾淨既奶茶積咁然後我用手輕輕抹就抹左，我都唔敢飲喇，其實我都猶豫近一陣雲吞牛腩河上來食唔食好，好啦，等到雲吞牛腩河上來啦，個樣都正常，首先我就一夠牛腩食啦，哇！ 好韌!然後食雲吞，正常，再飲湯，正常，唔係話好好味，也唔係難食，之後再想食剩低既牛腩，ha.... ... 冇辦法，冇牙力，咬唔開 😂圖片見到既都係剩低冇食既，其實我係諗住唔好浪費食物想食埋個牛腩，但真係啃唔咯咁大舊反正以後都唔會再入呢間野度食坐低期間總係聞到一陣up味，唔知係未我多心

昨日往油蔴地救世軍舖头購物路經此食店, 叫了一碗牛腩雜箘麻辣米線和一杯奶茶。輕麻很合我的口味, 湯汁濃香, 牛腩肉入口即融, 米線和雜菌浸在湯中吃進口內很有温暖感。另外奶茶的味道很有絲襪奶茶的回甘

this set was recommended by Openrice x Coca-Cola so we ordered to try it was a surprise that it comes with a salad drizzled with Japanese sesame sauce the salad itself was the most ordinary one with only the greens but it's rare to have salad served with Cha Chaan Tang mealthe stir fried egg covered the top of the ricewhile the chicken steak was pretty lemongrassy! though the color wasn't too attractive the most impressive part was the sauceit was a ginger spring onion oil mixed with soy sauce t

早餐記位於油麻地C出口附近的味皇，都經營了一段時間，我第一次試試她們的早餐。早餐時段到中午12:00, 我11:45才落單，店員都對我非常有禮貌，絕無嫌棄，讚！！食物依次序如下上，首先係個麵。肉丁麵肉丁比預期中大粒，也沒有預期中咁多橙色辣油，麵煮得好好，85%熟，茶記標準！太熟就會林和發漲。驚喜位係有幾條生菜，而且新鮮爽口。整體味道不錯。多士炒蛋多士自動已焊底，不用加錢上枱時仍然熱燙，多士用了非常之少的牛油，愛牛油者我相信會有失望感。炒蛋表現良心，坦白說，蛋味就較淡，可以說無蛋味，但廚師炒得半熟，賣相和狀態正合我意。Diy自製蛋治，味道可口。最後上凍檸檬茶凍檸檬茶要求的少甜少凍，100%做到了，茶味和檸檬恰到好處，飲後舒服。早餐價錢都便宜，如熱飲只是$28, 這價錢做到這質素，CP值極高，下次肯定會再幫襯！！

上次食完個酸辣雞飯覺得唔錯 所以今日再嚟食 但個男經理落錯單落咗沙薑雞 我同另一個人講之後佢去改單 但男經理勁快拎碟飯嚟 我同佢講佢落錯單 佢竟然嘖我 一臉唔耐煩 冇見過態度咁差嘅 仲要係經理嚟 下次唔會幫衫！