味一堆韓式小館 (已結業)

貪近，試下呢間韓國野，點知食完後悔到不得了，一定無下次，自己煮公仔麵都好過佢。話說放假放得耐，屋企附近嘅食肆都試得七七八八，今日天氣凍，唔想行太遠，所以選擇左呢間味一堆，午餐選擇都算多，但因為我係叫外賣返屋企食，所以冇得試石頭鍋飯，就揀左個拉麵加飯卷，承為$44，返到屋企一打開，真係O左嘴裝拉麵嗰碗質素實在太差，居然可以俾啲熱湯整到個碗變形，雖然情況唔太嚴重，但真係前所未見囉，而個拉麵🍜，就沈到發哂，配料得啲腸仔、獅子狗同兩條生菜，完全唔合格，而飯卷，都正常少少入面係泡菜，紅蘿蔔🥕、青瓜之類，其實都好一般，咁嘅餐收我44蚊無野飲，我真係寧願食麥記囉，劣評

路過好多次 終於今次試左叫左個 韓式辣炒烏冬 都可以 但唔夠辣辣炒五花肉 都係可以 但又唔夠辣雞亦拼盤 有普通炸雞亦 其餘仲有2種味 糯米讓同埋芝士讓雞亦 口味多岩晒我呢啲選擇困難症重度患者其餘見到隔離枱食果啲賣相都可以 呢間會有下一次 感覺上又唔算好差既 都可以試下服務員姐姐都幾親切 同埋最正係出面有台岩晒我地呢啲煙民唔洗行黎行去整體黎講都岩我口味 雞亦拼盤有驚喜 其他真係唔夠辣 感覺全部都係小辣什至微辣可能我真係太食得辣感覺無料到。

叫左一個芝士雞翼石頭鍋飯(店員推介)，一個咖哩肥牛蓋飯，兩個飯都無味，石頭鍋飯個石鍋熱到離曬譜，食到中段有半鍋飯燶曬，個石鍋正常係保溫用，而家似煮飯用，芝士雞翼得丁點芝士味，啲飯只有燶味，咖哩得辣味，無咖哩味，肥牛唔係肥牛，只係普通白灼牛肉，最大鑊係出菜出得慢，等左半個鐘有多先有得食，基本上只係白灼牛肉+白飯+咖哩汁，咁簡單都整咁耐，奶茶檸茶無茶味，似小量茶加大量水咁，不過呢樣算數，始終唔係茶餐廳，如無意外唔會返轉頭

四式前菜 $40 -泡菜，牙菜，青瓜，海帶。泡菜勁酸，牙菜勁大雪櫃味。其他係港式酸辣前菜。韓式豬腩肉飯 $45 - 飯唔係真珠米，都唔緊要。重點係，d飯係和暖。部隊鍋 - 午餐肉，份量驚人。跟據老公估計(個死佬成日食午餐肉) 係細罐午餐肉既四份之一。其他材料有紅白蘿蔔，年糕，泡面。 仲有"菜心+白菜仔". 用料匪夷所思。 成為$146, 多謝！芝士雞翼 $48 - 有5隻，好彩呢個係正常野。之所以出post, 係好耐冇食過咁中伏左晚飯！

呢度應該開左唔係好耐，剛行過吸睛地方係有幾張白木枱露天座，感覺好西沙feel, 以為食泰國菜，原來食韓國野，真係估佢唔到，菜式偏向北韓，飯卷/石鍋飯都有，價錢唔貴最貴石鍋飯都係$68，本來叫餐會低點，春卷/韓國前菜/石鍋飯（選擇係$50）/飲品$78，就係叫左最貴芝士溫泉牛肉石鍋飯叫唔到餐，但包野飲都ok(凍飲+3，韓國特飲+10），仲叫左條坪襄燒魚(細$68/大$98），兩個人細既夠食，魚皮燒得好香，內面剛熟好滑夠多肉汁，燒汁用洋蔥/紅蘿蔔煮，好有屋企感覺，鐵板上燒煮收乾左好多，老闆好細心叫廚房另外煮燒汁比我們点魚，條魚真心好食，個石鍋飯好多芝士，牛肉好滑，好唔好我唔評份啦，因為而家口味轉緊

見距新開佐咁耐,都無時間入去試下,今日晏就去佐食午飯,又無想像中咁差食佐個y7肥牛石鍋伴飯,d 肥牛好食,個飯有d 泡菜好野味,唔知係咪距地自家制,我見距地個雪櫃有好多冷盤韓式小食!好吸引...跟住嗌佐芝士雞翼,呢個真心超讚下次可以encall!仲有d 坐位就窄d ,但都幾舒服,最緊要係唔使等咁耐位!

新開之前食過2次,都ok,今次帶埋2個朋友去,好鐘意坐係出面,因為方便煲煙,同可以自己帶酒入黎飲🤣仲要唔收酒費錢!!!!今餐試佐五花腩,有生菜包,好彈牙!!!!一d 都唔肥,之前未叫果時 好驚好肥,食落又可以!同仲意距地d 野飲夠大杯,臨走仲幫襯距地買佐d 蕃茄泡白菜同雞翼尖同魚皮,好耐之前距地未有餐廳果時,已經係葵芳廣場果邊成日幫襯!!!最愛距地d 魚皮!真係好心覺得好食!送飯送酒一流!希望keep 住水準啦!

第一次幫襯只係買左盒泡菜紫菜包飯，要成$46一盒！？哇～以為收得咁貴質素唔會差得去邊！點知....d飯淋到呢～煲耐d可以變粥啦！我估佢落多左水成煲淋成咁唔想浪費就照用～裡面既泡菜係無味的，而紫菜都係淋的...我究竟食左d乜野？離開時見到店員好得閒咁響路邊食煙...乜你地唔係新開架咩？行到佢地廁所位置（其實我離開好遠的），聞到一陣臭味...唉～一個咁簡單o既食物都整到神級咁難食，我唔會比自己中第二次伏！

都不是太差。。吃了數次。。聽說他們剛開業。。我第一次吃的時候。。可能剛開業。。味道真的有點過辣。但朋友還能接受到。第二次吃了L2這次我覺得不是上一次吃的時候那麼辣。。可能少辣吧。前幾天我試了平讓骨不錯的。。石板燒魚。。五花腩我認為還是真的肥。。炸物我是看到隔離檯的。。說到石鍋飯。。我不能給予意見。我本身就不吃的。試業就要做好一點。快點改良好。。也不用說到不會再去。。有些地方他們要改進一下。。。看看意見跟著問題去改。就會進步。

今日係長沙灣見到新開左韓國野，諗住試試。叫左海鮮石頭鍋飯，得一只蝦，之後得d鳴門卷,蟹柳。d飯又濕，食左幾啖就冇食。第一次食咁難食既石頭鍋飯。希望以後會有改善。

上星期日同4個朋友，係長沙灣搵野食，見到間新開既餐廳就去試下。餐廳唔係好大，因為我地食煙就坐出面，紫菜包飯幾好食，好足料。炸物拼盤就一般，著通炸野。糯米雞翼幾特別。炒花甲就有d港式感覺。韓式五花腩好好食，好林。價錢一般，唔算好貴，應該都有下次。

從未食過咁難食既韓式restaurant....未食過有腐竹既石頭鍋飯，仲唔係韓國米……未食過酸到開眼既Kimchi....涼拌菜大多唔新鮮變咗味……service....差……總之……conclusion係……超難吃

一個正宗韓國人入去食 佢無韓文或英文餐牌比人睇 牆上有些所謂既心水推介有韓文字 但可能用Google translate拼錯哂 所以韓國人都係睇到一頭霧水 侍應得一個識笑下 其他員工都好似木口木面 最嚴重問題座位設計 最多只可以四人坐裡面食 如果出面落雨你又多人去試 就會被安排到隔左幾張桌咁遠 每張只限四人 食物更加唔洗講啦 同人地正宗韓國廚師煮出來既韓國菜差天共地囉 整體來講試都係比錢買個死心返來 最多都係食得一次永遠唔會食多次囉

前日同朋友去食晏,野食賣相同味道都可以!薯絲蝦好特別..有驚喜幾得意鰻魚拉面,d 麵好香滑,都算大碗紫菜包飯x2,不過不失!環境都坐得幾舒服,仲有室內同室外,下次夜晚坐出面試下先🤣都會再去食😋

為哩間嘢寫第一個食評..實在不吐不快!!之前行過幾次, 見有幾個人0係出面好似等緊位, 心諗應該唔差..結果有晚見有位就入去試下, 點知恐怖經歷開始了...我同我太太叫了一個S1拉面餐, 一個S3石頭鍋飯餐, 首先入面個男仔店員已經留下差印象, 我一路點餐冇回應冇表情, 果然...轉頭另一個阿姐叫我地再講多次!1. 紫菜包飯, 同下面果位一樣, 飯硬(我懷疑未熟)紫菜又濕又淋, 口感極差極之難食2.小食泡菜同雞亦尖係OK嘅, 因為此小食之前在深水埗已買過!3. 拉面, 選了辛辣面, 一上檯見到面條厚度已經知唔係辛辣面, 但店員話係...算...點知我太太咬一口, 未熟仲硬架囉!!即時叫店員換過!4. 跟拉面嘅韓燒五花腩...得個咸字..再加上唔係燒嘅, 又肥, 自己用光波爐應該都燒得好過佢!!5.=.= 又同下面果位一樣...人不多但石鍋伴飯又等咗好耐後追單, 等到檯面上其他嘢都食晒先黎到, 而當晚我落完單已心知不妙, 幾個店員你一句我一句, 漏單, 重覆單, 食物唔熟, 整多嘅石頭鍋飯就咁放咗0係廚房門口一張摺椅上.  個男店員又好奇怪咁會忽然走過黎拎張單睇..其實唔知可以睇到D乜嘢