名都酒樓

營業中

休息中

陪屋企人去完金鐘處理一啲文件嘅事務，就求其去咗附近呢間名都酒家食啲嘢，呢一間係舊式酒家，要自己出去攞點心的，亦都有餐車行走，只係食咗蝦餃、燒賣、雞扎及鳳爪，見佢噏噏耷耷，估唔到啲價錢咁離地，兩個人只係簡單食咗四樣點心，埋單竟然要$253蚊，真係眼都凸埋，真心憑乜嘢收呢個價錢真係諗唔到，屋村酒家啲點心都好食過佢，而且環境又靚過佢，唔會有下次！仲要通知埋大家，真係唔好貪方便，寧願行遠少少食，難怪唔使等位，明白了…🥹😮‍💨

喺禮拜四嘅晏晝做完嘢，喺金鐘去一間好耐都未去過嘅酒樓飲茶，叫名都，首先發覺竟然12:20左右到，都仲有位！呢度食點心係自己出去攞嘅，所以大家可以睇清楚乜嘢啱心水，唔使畫紙仔落單！間中都有啲靚姐，會推吓啲點心車賣嘢！講返啲嘢食，點咗啲燒賣，糯米雞，鳳爪，牛柏葉，山竹牛肉，鮮竹卷，叉燒包同芝麻卷，我覺得全部都幾好食！ 份量都夠。講價錢呢，就梗係貴啲㗎啦，一個人都食$250 。不過坐就坐得幾舒服，服務都算係咁！

今晚公司搞左場周年晚宴 ,第一次來呢間老牌酒樓，見佢走懷舊路試，打算都應該隱陣。點知出事，第一樣來的係乳豬，乳豬樣正正常常，食落ok. 但之後來的湯同餸都係淡而無味，又勁細份。去到甜品就上左到懷舊白糖糕同合桃酥，真係得合桃酥食得下。白糖舊同事食後覺得有陣縮味添😨

今日同同事嚟到金鐘呢一間餐廳飲茶，餐廳成個場都非常大，不過午市出名都多人，30嘅種類到非常多有好多種唔同嘅點心，但係可能由於佢係金鐘嘅關係其實價錢我哋都覺得係偏貴，不過份量來講就正正常常絕對都唔係話太少，我哋叫咗蝦餃，每一粒非常大粒，而且每一隻入邊都至三至四隻蝦，調味都做得唔錯，牛肉就係傳統嘅懷舊味道，我哋仲叫咗蘿蔔糕同埋煎腸粉，兩樣都做非常甘香再加埋餐廳嘅辣椒醬，特別惹味！總括嚟講未到，我都覺得可以接受，只係價錢少少貴

😡去過最差的酒樓😡晚上9 點多.. 已開始不停問食完這碟未食完那碟未.. 話要收碟… 9:45 已給埋單 （但我未叫埋單） .. 話差唔多要我們走…. 我問即係幾點要走… 伙記話10 前話要走.. 但明明看營業時間是至11:00.. 我去問經理究竟幾點… 他說最遲10:30 …點知轉頭10:00 已關冷氣.. 個伙記不停在收我哋枱的杯碟… 不停話這樣可以快d 收.. 服務已經感覺非常差… d 食品質素也非常一般…. 感覺有味精… 價錢也不便宜….絕對冇下次…

今日難得經過金鐘，開飯睇到哩間傳統舊式酒樓，約咗契爺一齊飲茶。食物質素麻麻，價錢偏高，可能係港島區啦，唯一令我有印象係沙翁，因為沙翁唔係好多地方有得食，口感都ok，不過不失。唯一令我哋失望係啲staff服務態度差，買單果陣我哋問可唔可以碌卡，話要實體卡，冇apple pay wor，又冇問我哋有冇長者卡(問返經理，經理話佢哋啲員工唔會主動問，因為好多長者唔會承認自己係長者wor)，算啦，都埋曬單，費事再R，冇下次囉。如果你哋同行有長者，記得要自己拎張長者卡出黎呀！佢哋唔會提你哋！

食品味道 4/5 不過不失服務態度 2/5 。聽到伙計爭吵，讓客人耳朵受罪。樓面捧茶時候是把茶壺扔在桌上衛生環境1/5。所有碗碟都有污漬。強力建議大家用熱水洗洗才用。洗手間衛生2/5。我已經沒有期望。小時候經常幫襯，現在（2023年6月）來到，只能說極度失望。名都吸引力其實剩得「推車車」稍有特色。整體表現看得出來是內部管理不善這等酒樓在金鐘甲級寫字樓區明顯格格不入金鐘其實不缺有質素的中餐酒樓。沒必要再光顧名都。食到成肚氣。

到金鐘 「名都酒家」嘆茶，感覺懷舊地方闊落，空間十足窗邊位置還可以欣賞大自然環境。酒樓提供粵菜，有廣東燒臘，點心等推介美食。仲有懷舊點心車及美食大排擋，必食千層糕，話梅豬手，啫喱杯，蝦餃⋯等等。帶外國既工作伙伴品賞粵式點心香港美食，同事生日或farewell 都係呢間酒樓。

囝囝喺金鐘返工,今日做廿四孝去金鐘同佢飲茶,呢區飲茶無乜選擇,就揀咗老字號位於統一中心嘅名都。佢呢度都有點心推車仔,今日食咗煲仔飯,料多,飯少。都OK,不過要$75/煲,計埋加一,即$83,如果一個人食,計埋茶錢$100無走雞。竽角,比較失望,餡料較乾身,無汁液,這個不推薦。燒賣,將蝦放在上面,而餡料只是豬肉,而且缺少肥肉,較乾身,似肉丸,麻麻。其餘,灌湯餃,牛柏葉,鶉蛋燒賣,野菌飽等中規中矩,奈何大部分點心熱度不夠,希望店家注意。有部分點未有影相,請見諒。

金鐘呢間開咗幾十年嘅酒樓，屹立不倒，今日經過嚟試吓啲食物先。一試就知果然係傳統大眾化嘅味道，叫咗蘿蔔牛雜大大碗，叉燒腸味道唔錯但係啲皮就厚咗啲，蝦餃牛肉都好食；見到有傳統嘅西米布甸，下次可以試吓。要攞點心食物，就要自己行出去設置喺中間嘅食物檔排隊攞，攞住托盤問阿姐佢會俾你想要嘅點心，可以讓食客做吓運動，又可以慳返唔少人手，疫情之下都係一個好辦法👍。食物檔口仲有即刻煎嘅三色糕，即刻烹調嘅生滾粥，睇落都唔錯，兩個人埋單飲茶成為$250，抵食，地方又大又舒適，公眾假期10:30過嚟完全唔使搵位👍👍

名都酒樓喺香港都有唔少歷史，經過香港嘅風風雨雨，大起大落都依然屹立不倒，都可以知道間酒樓有唔少Fans 嘅支持👍🏻我已經好多年都冇見過酒樓推車仔，依家有好多酒樓都係用電子落單或寫點心紙，當見到酒樓推車仔嘅時候會有一種莫名其妙嘅期待感，就好奇想知道究竟有啲咩嘢食新鮮出爐😍😋名都酒樓係冇點心紙㗎，所以如果想食咩嘅話就要出去攞，出面有咩就食啲咩，無得額外order架👍🏻保證樣樣嘢都新鮮出爐😂名都酒樓嘅點心味道都唔差，傳統點心種類都比較多，我哋叫咗普洱茶同香片，茶嘅品質都好飲，佢哋嘅茶同食物都保持一定水準👍🏻今次約咗班朋友一齊去食👧🏻👦🏻，越多朋友，叫嘅款式都可以多啲，我冇留意到佢哋嘅大中小點係幾錢，所以我都唔係好清楚佢哋嘅價錢，但係最後平均每人買單都係唔過$150👍🏻⭐️叉燒腸⭐️蝦餃⭐️燒賣⭐️蘿蔔糕⭐️奶皇包⭐️鹹水角⭐️牛柏葉⭐️北菇魚肚雞

❤️原本打算食海港薈但係冇晒位，於是見到金鐘有呢間名都嘅酒家，咁打算試下，開頭仲傻傻下咁問佢哋有冇點心紙，原來人哋係推車仔🤣🤣🤣好有懷舊嘅感覺🤵🏻啲阿姐好nice，好熱情，好有人情味😆仲要推住架車，唔駛等幾好🤩✍🏾蟹子燒賣，估唔到燒賣個皮唔係黃色而係白色，都係第一次見，不過都冇影響過佢個味道，都係咁好食✍🏾蝦餃，蝦餃同出邊酒樓差唔多，冇乜特別唔好食亦都幾好食嘅😂😂✍🏾金錢肚，都幾淋下，同埋黑椒味都幾濃郁，幾好食✍🏾牛柏葉，唔會過靭，唔會咬唔郁，調啲味都唔錯，好味✍🏾排骨，豆豉配排骨蒸真係好正✍🏾魷魚都係唔會好韌，味道唔差✍🏾鳳爪，鳳爪好濃郁嘅醬汁味，好食✍🏾春卷，炸得金黃鬆脆，如果有醬點會更加好😂✍🏾芒果布甸，好足料，好食😋📝評分：4.5（5最高）

假期要搵位有啲難💪🏻💪🏻估唔到有位，仲要係有推車仔同大排檔，懷舊點心🥧應有盡有👍🏻👍🏻沙翁這類點心，賣小見小，連麵包鋪🥯也絕跡，鬆軟不硬，好味😋😋啫喱糖更加係經典之作，加上小傘，童年回憶返晒嚟😙😙😙其他點心就😛😛😛夠熱，因為用車仔賣點心，雞翼也甜甜地，吃完想再起，似燒雞翼的味道🤩🤩🥳🥳煎腸粉既靈魂在芝麻上，粒粒均勻，香口，不黏牙🤪😜牛肚夠大碟，件件軟稔好味✌🏻✌🏻

金鐘名都酒樓🍵人大左反而鐘意啲懷舊野今日同父母親黎左名都感受舊日港式情懷名都係1992年開張到依家仡立香港三十年而且名都仲保存左一啲舊式習慣例如仲有呀姐手推車叫賣點心不過因疫症關係依家點心車放左係外面自己出去同呀姐落單阿姐仲會係點心紙蓋個印仔大中小點🥸真係好有Feel😍當然唔少得就係啲消失了的點心🥇沙翁呢個真係好耐無食啦就算見到都唔一定會好食而名都呢個真係好好食新鮮出爐 點埋砂糖甜而不油膩真係100分呀🥈椰汁糕簡單得黎又好食白雪雪又白又滑既椰汁糕好耐無食啦🥈蝦餃入面隻蝦都幾新鮮但係外皮較厚📍 名都酒樓 (金鐘)金鐘金鐘道95號統一中心4樓

第一次到金鐘 「名都酒家」嘆茶，感覺懷舊有趣。這家酒家非常大地方闊落，空間十足，我們有幸坐房單邊位境觀一流。我不算茶精平日獨愛普洱，不過今日自己帶了包茶葉就先飲為敬。🥢叉燒包必食，傳統包皮香鬆軟香甜，叉燒醬醃得入味好食。🥢灌湯餃，魚翅瑤柱灌湯餃真材實料，高湯香濃味鮮，回味了久違的感覺。👍🥢干蒸牛肉，同樣也是兒時味道，啖啖陳皮甘香加牛肉濃香絕配。👏🥢即炸煎堆，傳統美食雖然非常邪惡，但實在忍不住誘惑，啖啖芝麻香口感軟糯香外層香脆可口，美食當前都是食咗先講。😂👏推車仔酒樓買小見大堂都有即煮檔點心價錢合理