名川麵棧

營業中

休息中

食左好多年既小店，以前記得餐牌淨係米線都有N種湯底，然後再有好多餸菜選擇，有啲全雞全牛全豬全牛餐豐富又好食🤤 無去一排 😧 哇乜變成咁，湯底得翻啲頹野 蕃茄湯清湯豬骨依啲🙄 餸菜選擇又大減少 無曬特色野🙄食物啲份量都唔同曬，講緊雞扒係以前既一半呀大佬😮‍💨 同埋個配方都好似唔同咗，明明以前係又脆又熱好好食⋯⋯🙃 總之成個感覺都變咗一個好頹嘅雙餸麵⋯⋯諗住快啲食完走人啦，點知連入邊嘅配菜粟米粒都變咗，有酸臭味🤧 好彩同阿姐講 佢都好認真處理，換返兩個米線俾我哋，不過成個用餐體驗真係好差。仲未講 其實入門口開始已經見到佢哋人手嚴重不足，唔至冇人安排入座，執枱落單上菜收錢全部都係兩個阿姐一腳踢，仲要個電話不停響，仲有其他外賣平台係咁接單🥴🥴🥴🥴 忙就會亂 隔籬枱杯嘢飲搞到錯晒，又做到兩個阿姐叫晒救命，不過我食完今次之後應該都唔會再幫襯😐 相信阿姐好快就唔會咁忙㗎喇😪😪

上星期有一日lunch time經過呢頭，見呢間舖頭環境好一般但就坐滿食客，心諗應該有佢過人之處，即管入去試下😂餐牌有好多選擇，中式，日式，西式，粉麵飯，麵包多士乜都齊，好多都可以自己組合，自由度高👍我就叫左個簡單既日式鰻魚牛丼(少飯)飲熱齋啡 ($46)個飯大約五分鐘就嚟到，賣相都唔錯喎！😯呢個價錢黎講鰻魚嘅分量絕對唔少，甚至比牛肉多👏鰻魚都算幾厚肉，鰻魚汁唔會過多搞到太膩牛肉唔會太肥，肉質幾滑，用左啲日式燒肉汁連埋洋蔥一齊煮到好淋但又唔會太鹹，勁好送飯！😁侍應們個個都幾有禮貌👍價錢抵份量同選擇又多，唔怪之得咁多人幫襯，連晚市都唔駛做😂😂

三重芝士日式叉燒炸豬扒飯🐷🐷原片芝士+芝士粉+芝士碎=三重芝味🧀🧀可以加埋芝士汁就四重享受叉燒同炸豬扒都啖啖肉，最啱食肉獸蕃茄濃湯紫菜墨丸炸魚皮蕃茄味濃郁，魚皮香脆，將魚皮浸落個湯到，變身蕃茄魚皮😂😂。仲有其他湯底可以選擇，下次可以試吓！見到隔離枱係豬骨濃湯聞到好香，下次真係要試吓呢一個紅豆奶茶&青檸梳打唔係度度都有得飲紅豆奶茶，見到有得飲即刻叫，紅豆冰嘅紅豆配上香滑嘅奶茶，果然一流！

元朗出名多美食，今次嚟到同樂街搵食，見到有間名川麵棧，門面裝修係相對舊式嘅店，可揀店內或店外嘅少量露天座位進食。店內環境唔算係新，但座位都夠闊落而安排得企理。由於下午茶時段都揀咗食，雖然店舖少少但係都夠哂驚喜，淨係湯底都已經有11款，再可以自由配搭餸菜，實在令人心大心細。另外有個好處係，如果唔鍾意食米線嘅人呢間鋪頭嘅選擇真係多，可以轉上海麵，通粉，公仔麵，烏冬，味千拉麵，出前一丁麵...，仲可以轉飯，應該種有一款啱你。最後揀左豬軟骨米粉，黎到既賣相唔錯配菜有雲耳絲、粟米及芹菜等配料，即叫即整味道都好新鮮。另外問店員有咩好介紹，都叫左份炸雞扒，炸粉唔太厚又炸得都幾惹味。平平地嘅價錢加上呢個唔錯嘅質素絕對抵食。

今天去呢頭見客，因為太肚餓嘅關係，見仲有少少時間，便在附近找了一間餐廳來個快閃午餐。起初以為只係間普通麵店，估唔到都幾多選擇，而且重有d特色嘢食，價錢重幾抵。.名川雞翼果然係招牌菜，不單外皮炸到金黃色，而且裏面重保留住d肉汁。一碟有四隻，上面仲有好多炸蒜粒，勁惹味。.三重芝士牛丼飯流心太陽蛋下面有滿滿嘅肥牛，d肥牛幾足料。配上原片芝士，芝士碎，芝士粉，呢個三重芝士嘅組合，撈勻d蛋，肥牛同飯一齊食，每啖都好滿足!.涼粉奶茶珍珠奶茶經常飲，但這個涼粉奶茶第一次飲，奶茶夠滑配上爽口涼粉，幾有驚喜。而且食完炸雞翼，d涼粉重可以清下熱氣。

經過元朗小巴站，下午茶時段見到呢間麵店門口坐左唔少食客。望望餐牌，淨係餸菜都有60幾款，鰻魚、花膠、鮑魚都有得食，好奇心加上肚餓，決定一戰。室內卡位尚算闊落，軟墊椅子坐得舒服。望住餐牌真係研究了好久！唔止60幾款餸，湯底有11款、連麵底都有11款。加$8食到蟹王麵，喜歡嘅仲可轉湯飯。今次試左兩餸湯麵配一款小食。1.芝士湯底上海麵配叉燒同花膠($53連涷飲) 🍜 •叉燒有4片，不肥不柴，入口鬆軟。•三塊花膠仔，煮得好稔唔硬身。挾起有重量，相當滑口，無辜負我嘅期待值！•湯底濃豬骨熬製，配搭濃郁芝士同奶油。清香濃郁，唔會太鹹搶曬餸菜嘅味道，食完成碗都唔覺口渴。•木耳、芽菜配料新鮮爽脆。2.章魚燒($33) 章魚🐙🍡一碟5粒，落單即製，熱辣辣上枱，舖面嘅木魚絲仲彈彈緊。醬汁惹味，加上黑白芝麻嘅香。外脆內嫩，粒粒章魚有咬口。點菜阿姐無介紹錯，無諗過麵店嘅章魚燒有驚喜。埋單$86，十分滿足。麵店仲有小炒同雞煲，有機會再試。

#cassiegoyuenlong-瘦編成日都要去元朗，通常係元朗食嘢都係2個選擇，第1就係元朗廣場附近，第2就係又新街附近。今日就去元朗廣場附近嘅名川麵棧，個名叫麵棧，不過其實有好多飯同小食可以選擇。😋-餐廳有室內室外位置可以選擇。一坐低可以見到餐牌有好多選擇，平均一個餐$50仲包埋飲品，都幾抵！瘦編同朋友揀咗兩個飯同一個小食，鰻魚茄子太陽蛋飯、三重芝士牛肉丼同芝士年糕。整體味道都好有驚喜，新鮮做好熱辣辣。個芝士年糕新鮮炸起，炸得岩岩好，做到流心嘅感覺！🧀-每個飯除咗有餐飲之外，店員仲送上中湯，我覺得成間餐廳俾我感覺好有人情味，店員服務態度好好，同啲街坊又好好傾，非常推介！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 名川麵棧 (元朗)📍 元朗同樂街金寶大廈2-8號地下D舖-

今日收工經過元朗，朋友介紹過有間地道小店一定要試試！佢雖然係元朗不過就比較近朗屏西鐵站！佢就係「名川麵棧」！一睇佢既裝修都有上下時代，比較貼近有貼地味道既小店，地方都叫寬躺又唔會坐得太迫，仲有外圍有啲露天位坐，另有一番風味！雖然佢叫做麵棧，不過佢嘅餐牌嘢食都好多元化，主打一定要食佢嘅米線麵，仲有唔同種類嘅飯同小食，竟然仲有日本嘅鰻魚飯，不過下次先再試下啦！特盛大豬餐（$60）朋友成日都講有個好正嘅米線套餐，今次終於叫咗喇，佢個餐牌雖然有啲複雜，不過啲姐姐都會好用心咁解釋俾你聽，睇吓你想食啲乜嘢，呢個特盛大豬真係樂吸引，入面有豬軟骨（夠晒入味配搭濃湯）、叉燒（肥瘦適中）、豬柳蛋漢堡（佢真係豬柳蛋嘅漢堡味道一流）、同埋炸豬扒（豬扒嘅外皮鬆脆唔會好厚粉再加埋啖啖肉值得推介），我就揀咗濃骨湯，佢嘅湯底十分之濃郁配埋米線真係好入味，分量十分之夠飽因為有唔同嘅大豬配料，最啱我哋呢啲食肉獸！嘢飲我就揀咗凍檸茶走甜，佢要茶膽都唔錯，一杯嘢飲加個米線份量啱啱好，令到你可以好好享受一個美味嘅午餐，仲可以飽住出門口添。佢嘅食物都仲有好多其他唔同嘅種類，仲可以做埋外賣，有雞煲啦唔同嘅晚飯啦，外賣仲有折添，大家

今日同男友都放假但懶得煮，晏晝就求其去左屋企附近既呢間餐廳食lunch～雖然呢度叫麵棧，但係都有唔少飯既選擇，岩晒我😁我叫左個鰻魚茄子🍳飯少飯，男友叫左名川肉燥飯， 另外加咗個小食貓耳朵伴青瓜，男友跟餐加左杯涼粉奶茶～雖然只係幾十蚊仲包埋野飲，但份量絕對唔少👍 鰻魚煎得幾香，厚肉無骨，個汁唔會太甜膩，配搭茄子又幾夾😮 要黎送飯都一流👏太陽蛋條邊好脆，而蛋黃仲係流心嘅，整得好出色😆名川肉燥飯應該都係招牌菜之一，有豬軟骨，炸雞翼，肉燥，冬菇同埋菜，非常豐盛😍雞翼炸得好靚而且唔油膩👍👍入口香脆😋豬軟骨唔韌，軟骨位有咬口，冬菇都幾厚身👏個小食超級大碟😅 個人認為都有中小辣程度，貓耳朵同青瓜都係爽口既組合，特別開胃而且可以平衡太多肉類既膩👍呢度嘅飲品選擇超級多😮 男友叫既涼粉奶茶好有咬口，奶味偏重，入口香滑，唔錯😋四十幾蚊真係超值，店員姨姨服務又好，一定要多啲支持呢啲小店❤️

走進元朗區 名川麵棧 店內店外 都接近坐滿人😳看似很多熟悉的街坊坐落在店 你一言我一語 門面非常熱鬧🥳令我都想入去試試🤣名川花膠冬菇飯 $46招牌菜😃 果然名不虛傳💕花膠嘅份量幾足料 好爽滑 冬菇入曬味 好香甜獻汁亦調得好岀色 三樣野配埋個白飯🍚🤤酸辣湯米線 配炸雞扒、香脆腩仔 $46湯底含:甜酸菜木耳絲肉碎 偏清淡 甜甜地😙炸雞扒 外脆內軟 穩陣之選🤪香脆腩仔 好少見既選項 好鬆脆 味出驚人😍四川口水雞醬青瓜拼貓耳仔 🥒$40四川風味 辣辣地🌶好過癮😍貓耳仔=木耳 好爽口👍🏻套餐轉配 (+$6)青蘋果梳打🍏青檸梳打🍋

I think if I stayed in the area, this shop would be one of my staple restaurants to go if I can’t decide where to eat 😂The staff were super friendly when welcoming us and even offered to recommend us dishes when we can’t decide 😆 their menu had a wide variety of food but I’d say it’s mainly local food / Japanese food or a fusion of both so even if I ordered something different every time, it would definitely take awhile to get through the menu hahah!!We had char siu X egg X pork belly rice 🍚 and

今日係新界練完車，最後一站去到元朗，就搵間餐廳醫下肚。一坐低侍應姐姐就比左杯水，浸住啲餐具，幾貼心👍🏻 餐牌有好多張😂 見我睇左好耐都決定唔到，熱情嘅阿姐就推介兩餸湯麵/飯，我見價錢ok，咁就試下啦～自選兩餸湯麵 $46我叫咗米粉，配豬骨湯，餸就揀咗豬軟骨同日式牛肉（食港式粉麵食到好似日本餐咁😂）上菜都幾快，個碗大過我塊面❗️豬軟骨同日式牛肉嘅質素拍得上大路嘅日本餐廳，份量都唔少，日式牛肉係分開上👍🏻 配菜有芹菜、菜心、芽菜、粟米、木耳，好豐富～青檸梳打 +$8豪少少叫個特飲試下！成支泰國Singha梳打水咁上，出面單買都唔平，抵！見到少少漸變嘅層次，入口清爽，而且冰🧊同梳打水都好多，飲到好飽🤣呢間名川麵棧做好多街坊生意，食客都係熟客，幾有人情味。侍應姐姐又好好態度，下次搵埋屋企人黎食😙

今日下午計劃去錦田逛一逛，出發前在元朗先吃一頓豐富的午餐。位置：在小巴總站旁環境：舖面分店內和店外，店外有數張桌椅，較寬鬆；店內雖空間不小，但座位佈置較密，通道狹小，雖有隔板，但略嫌侷促！不過這也是普通香港茶餐廳的風格！服務：上菜速度快午市：鰻魚茄子煎蛋飯$46+凍利賓納這是妹妹點叫的，我試吃了一塊鰻魚和茄子，兩者都相當軟化，鰻魚調味十足，只是皮不夠焦香。太陽蛋牛丼飯$47+熱利賓納太陽蛋下是肥牛炒洋蔥，再淋上醬油，服務員另外加送一碟醬油，但其實飯已有足夠的醬油可以拌勻每粒飯。首先是肥牛很足料，肥瘦均勻，火侯適中，肉質依然細嫩，拌一點蛋黃汁吃更一流，所以整個飯都吃完！名川雞翼$33其實是炸雞翼再淋上蜜糖，有點失落感，只是在表皮吃到糖味，如果能夠塗上蜜糖後，再燒一燒，應該會更好吃，難得雞翼炸得外脆內嫩，有點浪費了如此炸得好的雞翼。

今日山長水遠黎到元朗搵朋友拿野，之後佢就帶左我去左一間，佢經常幫襯嘅餐廳，係佢飯堂之一，於是就去開餐啦🥳。餐牌上食物多元化，又有好多套餐選擇，包埋野飲都係幾拾元，認真抵食🥳。#特盛大豬餐 （友人經常叫的）有齊豬軟骨，炸豬扒，叉燒同埋豬柳蛋漢堡非常之豐富，蕃茄湯底配上烏冬，茶配了杯凍鴛鴦。真係一碗可以滿足咗佢咁多個願望，見佢食到津津有味咁，佢說好好味😋。#咖喱雞扒煎蛋飯咖喱汁內配有大量洋蔥，同埋薯仔，雞排炸到脆卜卜的很香口，而且唔會好辣的，啱晒我口味🥳。#香蔥霸王雞（半隻）朋友知道我鍾意食雞，所以就叫咗半隻雞同我分享。雞咸香味十足，而且都很嫩滑的，底下配上芽菜，整體很不錯啊。

今次美食博士入元朗食好西，自己一個人簡簡單單去間麵檔食下野🍜。👉蔥油豬扒煎蛋飯👉名川雞翼👉青蘋果梳打本來想食過快麵，不過見佢啲飯都幾吸引就冇叫到麵，叫咗個豬扒飯，估唔到都幾大碟，仲要舊豬扒大大塊，皮脆肉滑，炸到啱啱好。至於名川雞翼係佢嘅招牌菜，有好多炸蒜係個面，咬落去好爽脆，真係好食。之後個梳打甜甜地好香嘅蘋果味🍏。舖頭以紅黑為主調出邊好似大排檔嘅格局有個好似拜神嘅廟，寫住民以食為天，型爆❤️🖤。