台灣麵

營業中

休息中

十幾年前有個朋友常和我放工後相約在此食飯、呻下工作的苦與樂，但是最近十年我都無食過，今晚諗唔到食什麼，友人提議台灣麵，就去食下是否仍是那個味道.懶人之選二人餐：🥘貢丸湯&酸辣湯：貢丸湯加胡椒粉很惹味；酸辣湯個人覺得過酸🥙肉燥白菜仔：原本以為是香港的白菜仔，但原來是台灣的白菜仔，有驚喜，肉燥惹味，菜很爽有點清甜，意外好食😋🧆黑松露醬鹽酥雞：食嘅時候根本想不起黑松露味，食完才想起黑松露在哪裏😅 但係鹽酥雞皮有脆，肉有滑，係好食的，而且很大舊，根本唔係小食的份量🍜椒鹽排骨新竹米粉&三寶乾拌新竹米粉：米粉與餸分開上，擺滿成枱，很大的排場以為四餸一湯😅，米粉還是以前的味道，那是椒鹽豬扒，不是排骨吖，份量很多，到最後兩個人根本吃不完🧋：凍檸茶&台式奶茶：味道正常最後埋單都係$208，好似無加一，味道正常，呢個價錢超級抵食，自己買同煮一定貴過呢個價錢，所以係可以例入晚餐名單

今日出荃灣，諗嚟諗去都唔知食咩，但成日路過一間台灣麵都見到滿座，就入去試下啦星期六中午，都有套餐供應，抵讚叫咗一個原味牛肉新竹米粉，本人對台灣米粉情有獨鍾等咗5分鐘就上菜啦，米粉上面鋪面酸菜，未食都覺得好開胃，以套餐嚟講，牛肉有4大件，分量滿意先飲牛肉湯，充滿牛肉既香味，飲完唔會口渴，唔係味精湯嚟牛肉入口嫩滑，無筋，一咬即開，好食套餐另跟一杯飲品，揀熱飲或者豆漿就唔需要加錢，其他台式飲品就另加錢，合理價錢今次由於一個人既關係，所以叫唔到小食，好多款小食都好吸引，價錢唔算太貴，希望下次帶多兩個朋友一齊食

同朋友經過荃灣，見到一間台灣麵店，晚餐居然有煲仔飯，好奇入去試吓，真的不錯，值得一試。臘腸排骨煲仔飯非常足料，臘腸至少有 8 片，排骨鋪滿成個飯面，老實講其他煲仔飯店嘅料最多只有三分二，估唔到一間台灣店食煲仔飯咁足料，而且飯不會煮過頭變晒飯焦，飯煮得剛剛好，火喉控制得恰到好處，飯微焦，十分滿足。朋友叫咗個蒸肉餅煲仔飯老實講，煲仔飯內嘅肉餅厚度，比起其他店真係厚好多，肉餅又厚又彈牙，加埋啲煲仔飯豉油，簡直係絕配呀！足料抵食的煲仔飯

11-11-2023 (Sat)朝早,老公去睇醫生,我去銀行先,之後都差唔時間攪掂,就諗去邊喥食早餐,諗唔到,就去老公鍾意嘅台灣麵啦.我哋去到都仍有位嘅,不過好似對住冷氣風口,吹到我都覺得有啲凍,老公要咗$39.00嘅C6自選粉麵,要熱檸水.我就要$38.00嘅D2蒜香雞翼米粉,飲熱朱古力奶茶.等咗一陣,我哋牛油方包,老公嘅餐包,餐肉煎蛋同腸仔公仔麵都到嚟,我哋開動喇.牛油方包OK正常冇問題.之後老公嘅熱檸水到嚟.而我嘅蒜香雞翼米粉豬骨湯同熱朱古力奶茶都等好耐至嚟,先食蒜香雞翼米粉豬骨湯,呢個好熱, 蒜香雞翼係夠味同炸脆,但佢唔分開上,其餘兩隻係咁浸喺湯喥就腍晒同晒蒜香味.米粉口感腍少少,不過好啱我,而啖豬骨湯唔算好濃,不過OK 嘅.味道: 5分最後杯熱朱古力奶茶呢?好深色,飲落,都幾難飲,應該又係茶膽出事,又係似中藥.味道: 1分抵食係 2.5分      上次食評係2023年7月16日刊登嘅呢篇: https://www.openrice.com/zh/hongkong/review/%E8%B5%B0%E9%80%B2%E9%AB%98%E9%88%89%E7%9A%84%E6%

落單後，已來了飲品， 及後等了30分鐘也沒休息食品到來。 不耐煩只好向店員查詢， 回覆叫你耐心等待。我再等10分鐘，發現十分不妥，再向同事查詢， 才發現廚房根本冇單。 我質疑同事為何之前沒有廚房跟進？同事只擺出一副事不關己的態度， 反問你想點？ 我只是想食餐飯。 漏單、hea個客的查問、發現出錯更是愛理不理， 我自問也是禮貌查問，沒過份要求， 但態度及處理方式咁差的餐廳， 實讓人感到十分不滿意。 只想在此祝你早執早著。 唔好再辛苦經營了。

🏪荃灣到處都是街頭美食和地區特色小鋪，除了餐廳種類多樣化外，價錢更是特別親民。🍜台灣麵是一間走大眾路線的台式餐廳，牆紙貼滿了卡通版的台灣著名建築物和台式小食，座位很多又寬闊，即使午飯時間排隊也不算耐。🍲🍗蒜香雞翼+肉燥飯$62有蒜粒炸過的雞翼10分香口脆身，但略嫌乾身。幸好還有椰菜伴碟，感覺能夠平衡一下。肉燥汁濃郁美味，這間餐廳的肉燥是一條條上的，並不是一粒粒碎上，所以挺有咬口。🥩招牌紅燒牛肉麵（附秘製酸菜） $70微辣牛肉湯底，牛腱大約有五至六件，牛腱肉質鬆化嫩腍，蔥花酸菜鋪面，酸菜還可以選擇份量，十分惹味。🍜雙丸（貢丸，花枝丸）新竹米粉 $58貢丸是用溫體豬肉製作，粒粒充滿新鮮纖維的彈性。花枝丸裡面包著飽滿結實的塊狀花枝肉，原汁原味，紮實又滿足，每一口都彈牙又有嚼勁。新竹米粉粉身幼細滑，口感爽口不黏。🍋凍檸茶 +$4跟一般茶餐廳的分別不大，茶底沖出來時是透徹的琥珀色，質素不錯。🧋紅豆奶茶 +$9红豆的微甜與奶茶的微苦完美融合，口感細膩豐富，讓人回味。🥤鳳梨椰果凍頂烏龍茶 +$9入口前就聞到鳳梨的香味， 拼上凍頂烏龍茶保留了鳳梨的鮮甜口感，底下還有粒粒椰果肉，很有咬口。📍台灣麵 🏠

以前係荃灣返工經常 lunchtime 會同同事聚腳食飯地方，幾年無嚟今日經過就入去食個午餐。鹽酥雞扒肉燥撈麵～雞扒大大件炸粉唔太厚，炸得剛好尚保留雞扒肉汁嫩滑，肉燥咸淡適中撈上台灣麵貪心既我想一得二，可一碗兩食，選了紅燒牛肉新竹湯米粉，濃濃牛肉湯底，牛肉有厚道軟滑嫩滑，配上酸菜彈口米粉韮菜餃細細有3粒，韮菜唔特別香，但算是皮簿易入口，台灣粗麵軟硬適中還有 2杯台灣手搖特飲，青蘋果椰果珍珠綠茶，甜酸青蘋果味，醒神開胃芝士奶蓋鳳梨綠茶～鳳梨味甜甜入心，唯獨奶蓋味淡未見特出整體也不錯，平平實實

☞ 荃灣 台灣麵 ☜ ———————————————細細個成日同屋企人食，咁多年冇食過，再食覺得好食咗🙈———————————————◊ 酸辣湯白菜雲吞湯刀削麵 配熱檸茶 ◊雲吞皮比較厚實，味道上不過不失。酸辣湯偏酸，正合我胃口，而且好多木耳絲同肉絲嗰啲，口感豐富。好湯底濃稠，所以配刀削麵都好掛湯😝美味程度: ㊣㊣㊣㊣/5◊ 牛三寶紅燒湯幼麵 配凍珍珠奶茶 ◊嗌珍珠奶茶唔洗額外加錢，但味道上就唔可以抱太大期望啦。湯底唔夠濃。牛三寶煮得入味，牛肚都算淋，但牛肉同牛筋就偏實，牛筋太大件同實搞到唔係太想食🤣美味程度: ㊣㊣.5/5◊ 酥炸排骨 ◊調味唔錯，肉都唔會太乾，但肉比較薄，同埋炸粉比較厚🧐美味程度: ㊣㊣.5/5———————————————📍:台灣麵荃灣青山公路185-187號荃勝大廈地下A1#為食豬在荃灣 #荃灣美食#foodblog #台灣菜 #牛肉麵 #酸辣湯 #香酥排骨 #珍珠奶茶 #香港美食 #香港餐廳

[✨啖啖肉平價台灣麵?🥢]同朋友行完千色店，想食台式野🤔通常都會黎呢度，冇限時、卡位寬倘坐得舒適、食物水準穩定、加大大杯珍珠奶茶🧋嘅台灣麵🍜💞香酥雞腿肉燥麵 $60 (可轉粗麵, 幼麵, 拉麵, 米線, 干拌麵, 新竹米粉)必試之選，厚切雞扒，炸成金黃色，咬落香脆，多肉汁👍🏻個人鍾意配肉燥干拌麵，肉燥煮得入味香濃，好食!😊💞滷水大腸 $38份量不少，滷水入味，又有咬口☺️💞珍珠奶茶 套餐+$7食台式野又點可以少左珍珠奶茶呢🥹茶味夠濃，珍珠有咬口唔會好粉🧋💞黑糖珍珠鮮奶 套餐+$10超愛❗️黑糖唔算太甜，配上鮮奶剛剛好😍

25-6-2023(Sun)朝同老公食早餐,諗唔到去邊間,就是但嚟呢間啦,嚟到時有位,我哋睇完MENU,我就要$40.00嘅煎豬扒腸仔奄列跟牛油方包,要熱椰香胚芽奶露,老公就要$39.00嘅自選餐,要太陽蛋腸仔餐肉通粉,加$3.00要半件草莓多士,飲熱好立克走.好快,所有嘢都到嚟,我杯熱椰香胚芽奶露係好香椰子味,胚芽都唔少,佢都甜甜地嘅.煎豬扒腸仔奄列跟牛油方包呢?件豬扒好鹹同食到好重美極味,好唔掂.其他都正常冇問題.老公食腸仔都竟然嗌好鹹.味道係1.5分 , 抵食係 2.5分 上次食評係2023年5月25日刊登嘅呢篇:https://www.openrice.com/zh/hongkong/review/%E5%A5%BD%E5%91%B3%E7%89%9B%E8%A7%92%E9%85%A5-e4835522

台灣麵同事話呢間連鎖牛肉面幾好食所以跟佢地一齊去食lunch叫左個紅燒牛肉麵黎到見到好多牛肉😍😍😍超級正正子(*๓´╰╯`๓)♡🤔平時叫一碗牛肉麵可能得3、4塊牛肉左右但估唔到佢有5塊左右😍仲要係勁大塊!🙀雖然d牛又大塊又厚但竟然仲可以煮到好入味而且質感好淋唔會硬食到好happy ╮(‵▽′)👍個面底就比較普通我選左刀削麵食落似係超市買既刀削麵煮熱左🤣🤔冇咩驚喜感如果下次再食我會選另一種面底或者另一種湯底😃

14-5-2023 (Sun)朝,老公去於教會後,買餸前食個早餐,由於佢太餓,所以嚟呢間搵定位等我,我就叫佢落定單,免得阻人做生意,我哋要咗:5. $40.00嘅A2香煎雞扒餐有腸仔,太陽蛋同要咗半件草莓多士雞扒剪開咗,有煎香而且都幾厚,呢個冇問題.味道:5分來貨腸仔幾鹹;太陽蛋都煎得唔錯嘅.最後至食嗰半件草莓多士,都正常冇問題.味道:3分1. $39.00嘅C1,沙爹牛肉通粉餐我食兩啖,覺得辣,唔食lu.2. 加$4.00嘅凍奶茶老公飲嘅,由於冇攪勻,我喺最後飲時覺得甜,不過口感係順滑嘅.4. 加$2.00嘅吉列魚柳 魚柳唔鯹,但外面嘅脆漿有啲炸到硬.味道:2.8分3. 加$6.00要牛角酥大大個,一食,好鬆脆,面嗰層會跌咗落嚟,牛油味好夠好濃.好邪惡好正.味道:5分6. 熱檸水正常冇問題.3.4分上次食評係2022年10月22日刊登嘅呢篇:https://www.openrice.com/zh/hongkong/review/%E4%BA%BA%E6%89%8B%E5%85%85%E8%B6%B3-e4586338環境:覺得有啲焗,多坐多咗人,職員至開冷氣,然後聽到話開錯咗又熄返,

終於買完年貨，正在愁唔知道一個人要食乜嘢嘅時候，咁啱就俾我睇到呢間台灣麵。喺出邊望吓個餐牌，有獨食套餐，再上OpenRice睇睇，食評都似乎唔錯，咁啱餐廳又有位，於是就入去試吓囉。間餐廳係數碼落單嘅，研究咗一輪，決定個獨食套餐要個酸辣湯、紅燒牛肉同滷肉飯，至於個飲品就要咗個熱檸水。間餐廳其實都幾大間，亦非常旺場。等緊嘅時候，睇吓墊枱紙上其他嘅介紹，諗緊如果下一次再嚟，應該食啲乜嘢嘢😅。最先上嘅係酸辣湯，我係一個好喜歡飲酸辣湯嘅人，喺香港亦都飲過唔少酸辣湯，貴嘅平嘅都有。呢一碗酸辣湯雖然唔係話最好味，但係味道調較得幾ok，酸同辣嘅平衡做得啱啱好，豆腐絲同木耳絲等料都落足。再上嘅係紅燒牛肉同滷肉飯。嘩，碗飯真係大碗囉，我諗我老公都未必食得晒。碟紅燒牛肉一共有四大塊，啲肉炆得十分之腍，鹹味適中，非常可口。碗飯上面的滷肉甚多，撈埋啲飯一齊食令人十分開胃。尼個餐只係收$80，點都諗唔到佢嘅份量竟然有咁多，CP值真係夠高。杯熱檸水俾嘅檸檬都算多，唔似一啲餐廳俾嗰一、兩片，連檸檬味都飲唔到。呢間餐廳「掂」，一定會有下次👍！

想食下台灣野就梗係要黎台灣麵啦！我最中意食佢既台灣牛肉面，而家出左個獨食套餐添！可以叫酸辣湯，原味牛肉面，牛肉大大片入味夠香！朋友就嗌左白菜雲吞，大大粒蝦大隻，一啖勁多汁推薦好味！

呢間台灣麵真係勁抵食，首先下午茶包左一碗份量唔少既麵，而且仲可以自選一款小食再加一杯熱飲，可以揀港式嘢飲又可以間台式嘢飲選擇非常之多。當日我自己就揀左雞絲麵再配鹽酥雞，真係食到好飽，買單$50都唔使非常之抵食。