卷之屋 (已搬遷) 新店位置

淘寶手卷，被神化了。第一個食的是新品，蟹膏蟹肉手卷($28)。理想與現實的差距猶如淘寶貨，蟹肉淡而無味，不鮮不腥。蟹膏相對較優，似是盒裝預製的味道，尚算濃香可口，可惜份量少得驚人。始終是新品，有伏並不新奇。第二次再去食了三文魚腩海膽手卷($35)。對比較出名的海膽期望比較高，但失望更大。雖說是馬糞海膽，只有口感如糞，完全談不上挺身，腥味明顯。三文魚腩瘦得可憐，完全不似是腩位，油潤甘香一早沒有期待過，但竟還能為「非洲魚腩」失望。男朋友食了海膽蟹膏手卷($40)海膽一樣不鮮略腥，蟹膏則香味尚足，是包裝蟹膏。但要重點提它的紫菜，完全但劣。感覺上放了兩個世紀，有嗡味之餘，乾韌難咬。價錢雖然吸引，但質素叫人失望，猶如淘寶。

瘋狂掃街第三站嚟到呢間壽司店, 好多人嚟呢到都係食海膽多, 反而我想試佢最普通既手卷, 今次試咗個蟹子手卷同螺肉手卷, 呢間舖位好隱蔽, 喺一個角落位, 升降機隔離, 我去到都要睇舖號先搵到蟹子手卷 - 蟹子好新鮮又多, 壽司飯亦都好軟熟, 紫菜唔算太脆但可以咬開, 醬汁鼓油放左喺舖面, 有需要時自己倒螺肉手卷 - 螺肉都算大粒, 味道都不錯, 壽司飯亦都好軟熟, 紫菜唔算太脆但可以咬開另外提一提大家, 舖頭將於11月搬遷, 舖面有張大大通告, 通知各食客

葵涌廣場的一個角落總是圍滿了客人在排隊等壽司。這天我剛好路過了，而又剛好這未到放工時間，因此圍著的人還不算多，便去一試了。我點了三文魚反卷，或許人不多的關係，所以我的點餐很快便到手了。這裡沒有位置堂食，所以我就倚在一旁的牆身打算品味我的飯卷。看它芝士放在飯面，厚切的三文魚被包在飯卷中，沙律醬擱在一旁，教人不由得食指大動。我夾起了飯卷，沾了些沙律醬便一口吃下。入口的飯不會感到硬身，沒有像其他壽司店般飯中混了醋味，三文魚口感滑而且味鮮。一件接一件吃得我不亦樂乎。看著漸多人的小店，怪不得這裡這麼受歡迎。我吃的這個反卷真的很好吃，要不是人多了，我還真想再買來吃。

與朋友在葵廣掃街，見到這間很多人排隊，所以決定試試。我點了一個海膽手卷。海膽很新甜，很新鮮，而且新還是凍凍的，份量也不算少。加上驚紫菜和寺司飯真的很惹味很好吃。我見很多人也點了海膽手卷，非常歡迎。

海膽手卷熱潮席捲葵廣開多了好幾家手卷店這家是我所知開得較久的一家店價錢亦相對稍貴一些點了雙倍海膽手卷($45)即點即製海膽份量看上去不多但整體味道不錯!海膽味鮮甜飯的溫度剛好,,但沒什麼醋味飯量適中紫菜爽脆價錢略貴一點是有原因的!

近期興海膽手卷，我呢啲新界人唔想岀到旺中咁遠，放是就去左有平民商場之稱既葵涌廣場食！一去到，已經見到有𣎴下十個人排隊，我落柯打之後都等左十幾分鐘先有得食。我今次叫既係海膽三文魚子手卷，如圖中所見，海膽同三文魚子既份量唔算太多，27蚊抵唔抵食就見人見志！

路經葵芳當然要掃下街呢間好似係商場內比較早開業的手卷店, 叫左個三文魚手卷(HK$15)三文魚真係好大舊好厚切, 長度接近去到個手卷底, 每一啖都咬到魚肉紫菜脆口, 飯唔多覺醋味但維持室溫唔會太暖~最欣賞係佢個芥辣醬油, 好夠辣,千奇唔好落太多

喺商場嘅角落 有呢一間買手卷嘅鋪雖然有好多人企喺鋪頭面前等拎嘢食但係不論落單同食物上菜速度都非常有效率 叫咗一份吞拿魚沙律手卷一份三文魚手卷雖然吞拿魚沙律唔係經貴 但係出街好難買到食飯嘅份量好多 但唔太酸吞拿魚食到尾都仲有 正三文魚腩厚切長條型 由頂到底一直落成個口都有魚油香價錢平民 $20有找 抵食

又一葵涌廣場必吃小食！👍🏻這次發現同類型壽司店，手卷店多了好幾間，讓這間店的等候時間大大減少。不過試了新開的別家，始終這間最滋味，大大件三文魚，即使吃了一大半，仍然啖啖肉配壽司飯！今回帆立貝壽司加了芥茉醬油，chor到飛起😂，下次都係輕手d先😅大大件三文魚手卷（$15咋！）帆立貝手卷 （$20咋！）

雙倍海膽手卷海膽有濃濃既海水味無異味 但海膽份量太少，應該係太細條不過價錢合理手卷係即叫即做所以好新鮮，片紫紙keep住卜卜脆平時好多人幫襯都要返好耐下咁岩我去個陣唔算太多人，等兩三分鐘美味既手卷就到手

最近一股手卷熱潮出現，P大人經常掛在口邊，說要去吃海膽手卷，這天可算是特地去葵廣滿足P大人既心願。位於葵廣一樓的一個角落，不起眼但總會有一堆人聚集係那個角落，可是這是多年我們都未有走過去一次。今天有目標而來，P大人走過去想也不用想就點了雙倍海膽手卷，等左大約五分鐘就有得食，望落似模似樣，雙倍海膽的份量的確有返咁上下，食落去有甘甜味(當然比起在日本吃海膽的味道有天壤之別)，但將價就貨來說質素是Ok的! 不妨一試

葵涌廣場近日多了壽司店，新開的都大排長龍，就先去試這家屹立多時的。海膽手卷，沒有腥味，味道新鮮，但不算很甜，可以接受。杋立貝手卷，新鮮鮮甜，沒有雪味，不過偏細粒，但感覺比海膽稍勝。紫菜好脆，值得一讚

葵芳小食店多競爭大，呢排仲要新開左好幾間手卷店，但試左咁多間都係覺得呢間最實在。聽講有三文魚腩手卷($21)，我地就一於試下。我哋都覺得呢間手卷嘅紫菜係最脆。飯微暖，喺網上見有唔少人彈呢一點，但為食豬又反而幾鍾意，啲飯暖最哋冇咁傷胃。三文魚腩十分肥美，而且分量十足，食到最尾都仲有!

葵涌廣場既多野食又是個行街好地方！今次小食是手卷：所有手卷都系即叫即整，但好快手製作出食物。三文魚及軟殼蟹手卷：看圖都覺好味！三文魚亦都好肥美，好厚長度足足有手卷嘅2/3乾脆嘅紫菜加上新鮮嘅炸軟殼蟹簡單配搭！香脆！夾左沙拉醬，好味！飯黎講都算多，壽司仲暖暖地，簡單地落咗啲豉油落去調味！建議可以落多少少豉油會有更佳。

葵涌廣場卷之屋的超長三文魚手卷一直是大熱之選👑小編每次不是三文魚手卷就是飯卷😋有時難免感到些厭倦😪褔音來了！！新推出一系列配搭手卷😍😍當中最吸引我的就是海膽三文魚手卷😋鮮甜的海膽配上超長新鮮三文魚，諗下都流口水💦價錢比較起15蚊的三文魚手卷的確沒有太大吸引力，甚至有點貴。不過是不錯吃👍🏻海膽份量足夠而且十分鮮甜，配合三文魚有提鮮作用✨不過可惜是配料主要集中在手卷表面🤔吃到最後有點單調😞