印尼沙爹屋

營業中

休息中

沙嗲豬肉 雞肉 炭燒魷魚鬚骨 鮮竹卷 $13秘製燒白鱔$30·呢個我之前已經食過一次㗎啦 對佢個沙嗲汁超級念念不忘🤤今次我哋都等左差唔多九個字先有得食 雖然今次個沙嗲汁都係一樣咁好食 但係豬肉同雞肉個肉質都麻麻地魷魚鬚骨都ok既 不過佢係比較軟淋既 無咩咬口 之後個鮮竹卷比較粉 同我想像中索曬汁咁有啲唔同🤣🤣反而佢個白鱔超出色 佢係真係好厚肉而且真係好嫩 配埋佢個汁好正🤤🤤·📍印尼沙爹屋 (筲箕灣筲箕灣東大街76D地下)

又一人氣小店一場嚟到.....就試吓佢嘅豬，牛，雞，魷魚一串啦⋯⋯佢嘅沙嗲都香濃...不過我自問唔係太食得辣佢嘅沙嗲對於我來講算係幾辣㗎喇唔知係咪因為咁嘅緣故我覺得啲內全部都好似一樣味咁🤔

作為住筲箕灣30多年的老街坊，由佢以前手推車去到呢家外賣店差唔多二十多年，佢響筲箕灣食街絕對有一席位，亦係我心目中的十強之一小時候鐘意食串燒、腸仔，家人有時買幾串返屋企一家人食，每次打開基本上不用幾分鐘食晒，希望自己買多D一個人食晒(笑)人大左，沙爹佬由手推車轉舖頭，開始提供沙爹飯，終於可以親自幫襯，自己最愛雞扒飯，軟滑的雞扒配上沙爹汁係一絕，再爬兩啖飯，飯的甜同沙爹汁有絕妙的平衡，加埋飲品，是一份飽足的幸福作為一個十多年支持者，沙爹佬的味道是筲箕灣人的一部份，甚至可以向香港/外國朋友推薦，希望沙爹佬的味道可以延續，傳到下一代，直到永遠...

每次返自己屋企食飯，我都會主動加餸——買啲印尼沙嗲串燒同屋企人一齊食！對於東大街呢間印尼沙嗲串燒店，我係情有獨鍾。其實佢串燒啲肉係唔錯嘅，好肉牛肉、雞肉、雞腎，都係我至愛。但坦白講真係全靠隻沙嗲醬汁，先令到佢咁出名！我承認我係抗拒唔到佢哋嗰隻沙嗲醬嘅味道，又香、又惹味、有夠辣，以前我甚至會另外買啲醬返去送飯食！不過依家太多人排隊啦，有時分分鐘等成半個鐘，九個字咁，就算幾好味都好，我就覺得唔係好值得啦⋯⋯

謝霆鋒和林俊傑在十二道鋒味的時候來過這一家點了一串 沙爹牛肉 試水，13港幣。首先牛肉的塊頭挺滿意，蠻大塊的，肉質也不柴。沙爹醬給的非常大方，炭火烤出來的就是好吃些。而且吃得出沙爹醬的花生顆粒。烤之前有問要不要辣的，我選了加辣到沒吃出明顯辣味後來追加了一份 沙嗲豬頸肉 ，21港幣，這次就吃得出辣味了！更加惹味！美味升級！而且性價比高，點一份可以三人分享總的來說還是不錯的，咸甜口。算是對得起等待的兩個小時吧。

前牌放假冇乜嘢做，就落咗筲箕灣食好西！屋企人話筲箕灣有一間好出名嘅沙嗲好似好好食，所以走去買幾串返嚟試吓。本來我都抱住好大期望㗎，點知一去到嗰度，就叫我地等20分鐘之後先返嚟，所以我哋決定咗去食個下午茶之後先過嚟買外賣。到我哋食完野之後就過去買，點知店員嘅態度勁惡劣，可能因為人哋好出名啦，所以見到我哋淨係買兩串就眼超超之餘仲要態度勁差勁串咀，不過咁，本着想試吓味道嘅心情點都要買兩串試吓嘅！身為有印尼血統嘅小妹，食咗咁多年印尼菜，對於印尼菜本身都有一定嘅要求！食完呢隻串燒之後我就覺得麻麻地啦！今次我哋買咗豬肉既串燒，首先佢哋嘅醬汁比較稀，令到醬汁完全掛唔到喺串燒上面，所以食唔岀沙嗲醬嘅味道，另外豬肉肉質比較韌，會食到顆粒狀嘅醃料，但係香料嘅味道唔強烈。小妹完全真心失望左，亦都冇興趣試佢鋪頭其他食品lu!可能大家會覺得小妹一開始比店員嘅態度先入為主左，但係小妹覺得店員嘅服務同態度，都係代表嗰間餐廳嘅其中一種重要元素，如果店員嘅服務態度差嘅話，就算間餐廳幾好食都好，你都已經冇心情去品嚐，所以如果你問小妹嘅話，我絕對覺得呢一間餐廳係一間伏食，就算係一間幾出名嘅餐廳都好，如果對顧客都用咁樣嘅方式

好多人排隊等外賣， 又見到好多煙噴出嚟， 咁好生意，我都買兩盒外賣。印尼羊肉飯($45) 分量適中，飯多羊肉少， 羊肉只有三四件， 食落感覺不像羊肉， 肉質比較韌似牛肉或豬肉。 而且係有加料， 竟然有三片又黑又硬嘅鑊焦， 其實如果有少少焦都算啦， 餐廳主要做串燒， 有少少碳焦都正常， 但係喺合飯嘅羊肉汁入面有三片黑黑嘅炭焦，都真係幾過份。 做飲食點解可以咁求其， 感覺真係好差，而且食咗對健康亦都唔好。印尼炒烏冬($42)呢個好啲， 料多，又蝦有豬肉有洋蔥 蔬菜等等， 少甜少辣， 口味重，有印尼風味。

幫襯咗好多年，每次都買成百蚊。呢兩次都好失望，上次好Un.今次啲羊，一反底睇，全部黑晒。其他豬/牛/牛脷未試。其實佢啲肉一向算正常，個汁同燒烤味係忠誠咁多年嘅理由，偏甜，有香料味，又有花生，燒烤味，好易入口。所以特別落飯。先去幫襯咁多年。好想問老闆，係咪排隊就唔休做？係咪見附近無乜印尼沙嗲，就可以唔控制品質？我希望只係因為你老咗，大意，如果係咁，請多加留意。有老人家眼唔好，會食壞人。買咗：羊x3牛x2豬x1牛脷x1

每次去東大街，地鐵站一出就聞到燒烤味。 呢間印尼沙爹D串燒有水準架，今次食雞沙爹，豬沙爹同鱔沙爹🐥🐷 ，雖然咩野料都係用同個醬！但三種唔同沙爹肉味夠又多汁（不過豬肉可以再燒耐D），唔會比沙爹醬蓋曬，呢D真係功夫呀👍🏻

或許「武漢肺炎」的實際殺傷力和影響力，比我在十七年前遇過的「沙士」更加厲害，結果一條本來十分熱鬧，擠滿食客的著名食街「筲箕灣東大街」，忽然變得人流稀疏，死寂一片。有些食店例如著名印尼菜食店「印尼沙爹屋」，也因為「武漢肺炎」的關係，食店店已經沒有再安排在晚上，於店外放置摺檯膠櫈，讓食客即場享用擁有濃厚甜味的印尼沙嗲醬串燒食品。不過我沒有所謂，今晚阿媽在家裡面的晚餐，剛剛好還有煎黑椒薄切牛扒作為餸菜，只是牛扒實際製成品的份量，始終不及「牛腩」那麼滿足我對「牛肉」的強烈渴求，所以我在「印尼沙爹屋」付款購買了一塊「沙爹牛扒」。「印尼沙爹屋」裡面負責製作沙嗲食品的師傅，很快就順利製作完成，有大量甜辣味沙嗲醬包圍，而且已經切成很多塊的切件「沙爹牛扒」。恰巧我在「筲箕灣東大街」的另一個角落，購買了一杯甜味的手調台式「水蜜桃紅茶」飲品，讓我可以一個人拿着外賣「水蜜桃紅茶」跟「沙爹牛扒」，坐在公園長櫈上面慢慢享用「沙爹牛扒」宵夜。「印尼沙爹屋」廚房製作的「沙爹牛扒」雖然被切成很多小塊，但是「沙爹牛扒」的實際口感，仍然被「印尼沙爹屋」廚房師傅燒得很軟腍又沒有筋，牛肉很容易被牙齒直接撕開和嚼爛。最重要的是「

同題目一樣，你去過東大街，你無食過呢間野唔好話你去過，呢間係我朋友推薦我，佢就係用呢句推薦我黎食，咁我開頭叫左雞、豬、牛串，係外賣企係街邊食既！呢度個沙嗲汁係老闆秘製的汁超級好食 好食到我忍唔住再叫多份真係想飲埋d汁或者我想買個汁返去之後我再叫左個雞肉串同埋魷魚串，但個魷魚串係唔夠熱不過都熟既放心臨走時我仲幫襯左買門口的炸蝦片返屋企因為印尼人做的炸蝦片一定無得輸果然返到去食不負我所望大家去東大街記得幫襯

之前試過一次六點幾黎到想買印尼黄薑飯食，結果賣晒，食閉門羹。今晚再接再厲，抱住失望既心理準備去，結果竟然有，因為我去到都已經八點幾。今晚依然係好多人排隊買外賣。買完等左一陣，比想像中快就有啦。去左隔離個小公園食。打開個飯盒，估唔到有餸架，我以為剩係得黄薑飯，點知仲有一隻雞翼，一塊牛脷，一塊薯仔，兩塊青瓜，花生粒仲有蛋絲。成件事變得好豐富。食落好有印尼風味，飯粒粒分明，係我鍾意既乾身飯。牛脷夠淋，花生夠香口，只係雞翼偏乾。整體黎講都ok。留意返印尼黄薑飯得星期六日先有供應。

今晚本身想係印尼沙爹屋買外賣飯盒既，但我想食既印尼黄薑飯已經賣晒，所以先轉食烏冬，但食完烏冬都係忍唔住過黎買兩串沙嗲黎食，要左豬肉同牛肉。雖然呢間好多人都盛讚佢既沙嗲好好食，但我自己就覺得未至於甘誇張，可能我都係覺得未做到東南亞當地既味道啦。豬肉好食過牛肉，豬肉比較嫩囗，牛肉鞋少少，剩係食到沙嗲味。沙嗲醬有好多粗花生粒，要左小辣。另外，佢仲有唔同款既炒粉麵飯，炒菜，飲品，都唔貴。不過要有心理準備等下啦。

每次見到都十分多人排隊，而且香氣四溢，終於一試。串燒不熱的，肉很普通又有點靭，而沙嗲汁更有花生香但沒有其他味道。可能那些串燒不是現燒吧。等待中我見大多數點飯盒，但我應該不會再幫襯的了。

就係低調高手隔離幾個舖位，見到呢間印尼沙嗲好多街坊排隊，當然唔執輸試下。佢大大個餐牌棟係門口，非常方便大家睇。餐牌上面每樣野都好想食，今次就小試牛刀，試下佢 d 串燒先，下次再尼試埋佢 d炒飯炒菜。我地叫左沙嗲牛肉，沙嗲雞肉，雞腎，雞軟骨，燒白鱔，鮮魷。辣度就叫左少辣。大約等左 10 -15 分鐘先有，始終多人買。有 d 人會係後面擔櫈仔坐低慢慢等。燒白鱔燒得好香！只係有少少骨，但好食~雞軟骨佢唔會燒得好乾，唔會咬到牙痛~雞同牛都好食，美中不足係小辣的確唔辣，下次我會試下大辣！