影片
港鐵藍田站 A 出口, 步行約4分鐘
繼續閱讀
營業時間
星期一至日
12:00 - 21:00
以上資料只供參考, 請與餐廳確認詳情
藍田街坊想食日本拉麵的選擇唔多，真係做日本餐的少之有少。所以當初我見到別之神開係這裡，真的唔係好相信。別之神我第一次食係銅鑼灣店，要排隊，得十隻手指數得到的座位，不過係我第一次咁食拉麵 （我第一次食的時候未去過日本），由下單，店員係BAR 枱比碗麵我，我食完要放返個碗上BAR 枱，,我覺得成個過程係一種體驗。 之後都有繼續去銅鑼灣同尖沙咀食，覺得個湯底唔錯。我第一次想試藍田分店的時候，剛好遇到佢地個湯未得，所以我不了了之。今日本想去藍田另一間餐廳食，但要等位。 我唔想等就去試試，有位，就坐定食。餐牌，貴精不貴多，同其它店一樣，主打豚骨湯麵，有套餐可以選，不過唔包飲品。見到限定2個字，破戒，我叫左個蝦味噌 。雖然蝦味唔係好重，不過同個湯都好合拍。套餐會有得選沙律同餃子，同埋麵𥚃多左隻蛋。唔好睇少食蛋，真係好好食。我同行有叫到，我搶左佢半隻蛋食 =P 豚肉一般啦，不過塊肉都厚切過出面的; 玉米粒，好甜. 麵就正常。這分店環境有點太過開陽， 係超市內人來人往，比起銅鑼灣同尖沙咀店，少左一種食拉麵的日式味道。但如果只係想在區內追求一碗比較有質素的拉麵，咁一定係佢。PS, 新開還有折，不過唔知會做到幾時完....
繼續閱讀
位於AEON入面嘅拉麵店,平時經過見都乜人,Menu選擇唔多又偏貴🤔但見佢打住博多拉麵嘅旗號,又有新開張優惠8折,就即管試下啦~既然要試,就試全店最貴嗰個套餐--蝦味噌套餐($115)😂😂睇下堅唔堅~賣相尚算ok,檯頭有芝麻,拉麵胡椒,七味粉俾客人自助加入喜愛嘅調味料~蝦味噌豚肉拉麵還可以吧,蝦suppose係主角但味道唔特出😂其他配菜都係中規中矩未見特出~湯底唔咸但都唔算令人印象深刻煎餃子同樣一般般,雖然不算太油膩,但同樣未為我留下深刻印象🤷 甚至喺樓下啟田街市買嘅都比佢做得出色😶😶整體嚟講,雖然區內冇乜拉麵店, 但我覺得以咁嘅價位食咁嘅質素嘅拉麵,又坐得唔舒服(全部吧檯位),講真我寧願搭多幾蚊車去觀塘九龍灣食啲有質素嘅拉麵算😂😂
繼續閱讀
屋企附近，最近有間拉麵店新開，在吉之島內，新張期內仲有八折，所以來嚐一嚐。點了一碗別天神套餐，拉麵夠爽兼彈牙， 餃子皮夠薄，整體而言，食物質素不錯， 以後可以多個選擇，惟座位較為不便，因為是坐高凳，背囊和手袋沒有位置擺放，若能於櫈底設置個籃，供客人使用較為方便。
繼續閱讀