影片
港鐵灣仔站 D 出口, 步行約4分鐘; (近皇后大道東)
繼續閱讀
電話號碼
26062017
營業時間
今日營業
12:00 - 15:00
18:30 - 22:00
星期一至日
12:00 - 15:00
18:30 - 22:00
*星期日: 晚上接受訂位，請致電查詢
以上資料只供參考, 請與餐廳確認詳情
有關獎賞計劃
優惠
親民互動之《卓鮨》灣仔廚師發辦小店，餐廳分兩層，地方雖少，但環境舒服，omakase set黎講價錢唔算貴，師傅同客人有互動，又會一齊傾計，先付3點：枝豆、三文魚前額、牛面頰三文魚前額第一次食，口感爽脆，自家制既汁酸酸甜甜好開胃、牛面頰口感軟淋。刺身3種：忘記左是什麼刺身，擺盤精緻，刺身新鮮鮮甜，三款刺身味道由淡至濃。壽司3貫：伊佐木、中吞拿魚、海膽，頭2款壽司都油脂感十足，入口魚油香氣滿溢，咬落亦入口即溶，至於海膽壽司味道鮮甜。海膽忌廉汁煎帶子：海膽忌廉汁味道濃郁，且帶有芝士味，帶子肥美鮮甜，海膽汁配合帶子子入口，味道更顯豐富。鰻魚天婦羅：好特別，第一次食鰻魚天婦羅，入口好creamy，唔油膩。鹽燒安格斯封門柳：份量雖然不大，但牛肉味濃，生熟度煮得剛剛好，入口無筋，配菜都好新鮮。蝦湯稻庭烏冬：烏冬份量細細碗，蝦湯味鮮。甜品：自家製綠茶奶凍，非常欣賞甜品，入口會凍到牙肉酸，口感嫩滑，配上濃縮既綠茶味道唔會太甜。總結：初頭選呢個$780 set，睇落好似好少野食，但出奇地非常飽，因為可能刺身同肉類都好新鮮同脂感十足，omakase set價錢好抵食，值得一試。卓鮨灣仔廈門街1號廣泰樓地下C2A號舖#foodie #hkfoodie #hkfoodblogger #美食當前 #食咗先講 #卓鮨 #灣仔廈門街 #日本菜 #廚師發辦
繼續閱讀
餐廳：卓鮨地點：灣仔廈門街菜式：日本菜餐牌：午餐餐牌有多款熱食同壽司刺身，包前菜，日式蒸蛋，日本素面同甜品。壽司14貫定食 $538 另加一而家呢個壽司14貫定食晚市都有得食！日式蒸蛋用塊木板墊住上枱，面頭加有好厚身既松葉蟹肉芡汁，蒸蛋好滑，加有日式魚蛋片同冬菇，味道鹹度適中，唔會太淡。師傅開始表演之前先show show盒魚生比我睇。食壽司之前先食前菜，分別有麵豉醬漬蒜頭同牛蒡，伴有酸薑片。牛蒡爽脆。麵豉醬漬蒜頭好特別，濃濃麵豉醬原來配蒜頭係好夾。春子鯛第一貫係春子鯛，壽司飯已經加左日式芥末，面頭加有靜岡黃柚子皮，紫蘇花同酸汁。魚肉新鮮，口感爽嫩，食落帶有清新柚子味同酸汁，作為第一貫壽司開胃唔錯。真鯛第二貫係真鯛，師傅已經加左豉油同日式芥末，魚肉味道鮮甜d。北海道帆立貝第三貫係北海道帆立貝。面頭加有竹炭鹽同青檸汁。帆立貝非常鮮甜爽口，而青檸汁令件壽司味道好清新。靜岡地金目鯛第四貫係靜岡地金目鯛。師傅話係金目鯛當中最高級，油份比較重，火炙左更香。食落口感鮮嫩之餘仲帶油香，好味呀！甜蝦第五貫係甜蝦。打孖上甜蝦面頭滴左自家炸蝦油，所以食到好香蝦油味，而蝦肉鮮甜黏口，好味道。鰆魚第六貫係鰆魚，即係馬交魚。火炙完魚香四溢。師傅係面頭加上白蘿蔔蓉，食落淋身香口d。三文魚籽第七貫係三文魚籽。三文魚籽超級鮮美，味道鹹香，喺把口爆出黎。而紫菜超鮮脆，面頭加上少少柚子皮可以平衡鹹度。伊佐木第八貫係伊佐木。師傅話整左短期熟成比我，短期熟成即係熟成十幾廿分鐘就整得，加左昆布味醬汁，食落鮮嫩帶少少鹹香，為呢種白身魚加添特別味道。馬糞海膽第九貫係馬糞海膽。入口即化馬糞海膽又鮮又creamy，絕對唔會腥，質素絕對高級，入口帶少少冰凍口感，而配超脆紫菜絕對係滑中帶脆，好正。梭子魚第十貫係梭子魚，火炙過所以面頭燶燶地，切割得好靚，面頭加上白芝麻粒同少少辣蘿蔔蓉，魚肉好淋而火炙味香。真池魚第11貫係真池魚，來自京都，加左蔥花同薑蓉，令到魚生更香，呢貫壽司都唔會腥。腦天第12貫係腦天，即係吞拿魚頭既肉，加上醬油之後輕輕炙燒過，食落魚油豐富，入口即溶，好滿足。螢光魷魚第13貫係螢光魷魚，係時令魚，當造期係三月到五月，今日難得食到。魷魚非常黏口，真係異常新鮮，加上少少蔥花都唔算太腥，味道濃郁，口感好正！鯖魚最後一貫係鯖魚，面頭加有一片白昆布，再加上紫蘇葉。味道係魚油加清香紫蘇葉，好正。蝦油素面壽司之後就到蝦油素面。蝦油素面細細兜，一口白色幼身素面唔會太飽，個湯好清，加有少少蝦油，夠味之餘又唔會太油膩。柚子雪芭最後一球清新柚子雪芭一清味蕾！呢餐食足個半鐘有多，上菜速度適中，食完都覺得飽。總括而言，魚生質素高，師傅細心講解，好健談。呢個價錢食到14貫omakase都好抵！入面座位有8個，想食就提早訂位好，雖然位置位於內街，平日晚市都滿座。
繼續閱讀
早幾日經過灣仔，見到有間omakase好似唔錯，試完14件壽司覺得幾好就推介比大家。入面裝修幾好，有種真係喺日本嘅感覺～前菜係三文魚漬，可能有啲朋友未食過，三文魚漬即係三文魚頭前嘅軟骨，用醋醃成漬物，食落爽口彈牙，甜甜酸酸～之後就到主菜～開始整壽司前師傅會問你有冇嘢唔食/想食，大家記得同師傅講低～另外如果個人偏好或者唔太中意wasabi嘅，亦都可以同師傅講要落幾多份量嘅wasabi喺壽司度14件壽司逐一介紹就太長喇，搵幾款我個人特別鍾意嘅介紹比大家右口魚師傅喺整壽司前用火槍燒一燒，魚入面嘅油脂出曬嚟，對比左口魚，右口魚脂肪更多，入口即溶。三文魚籽雖然平時都會食三文魚籽，但係都覺得唔夠新鮮。呢度嘅三文魚子夠曬新鮮，食落唔會有其他味！大拖羅拖羅有幾好食大家都知，相信永遠都想壽司上面塊拖羅大塊啲，師傅好大方，拖羅切得好厚，十分滿足～螢光魷魚咬落去嘅時候有種爆漿嘅感覺，入面有種海膽加蟹膏嘅味道，個人十分鍾意～不過新鮮嘅螢光魷魚淨係春天先有，大家想食可能要等下年lu 餐廳喺灣仔廈門街，搭電車去到盧押道落車行一分鐘就到～
繼續閱讀
壽司14貫定食 🍣真鯛嘅口感Q彈，味道淡雅，作為壽司套餐嘅開場真係好適合~🍣深海池魚廚師仲加咗紫蘇花，柚子同胡椒。食落有淡淡紫蘇花嘅香味，柚子嘅酸甜同埋少少辛辣嘅味，但3種味道都唔會搶曬魚嘅鮮味，食落好夾，而個口感油中帶爽。🍣間八嘅肉質比較實，脂質含量比同類嘅鰤魚少，所以食落爽脆鮮甜🍣北海道帆立貝好大粒，而且啲肉好厚實，味道好鮮甜，好香帆立貝嘅味道🍣金目鯛 火炙後焦香帶出魚油香味，廚師話金目鯛主要係食皮下脂肪，燒過先會出油，食落真係滿滿嘅油香，但一啲都唔覺得膩🍣池魚食落都幾爽脆，重點加咗蔥同芝麻之後，食落真係好香🍣甜蝦肉質細面，味道真係好甜美，比牡丹蝦甜好多~另外加咗自家製蝦醬油同蝦油，更加香梭子魚經過炙烤到微焦，有少少焦香味之餘，食落肉質軟綿，感覺唔多油脂，唔會覺得膩🍣右口魚嘅油脂比左口魚豐富，經火槍烤過之後部分油脂融化咗，一食入口有種入口即化嘅感覺🍣腦天係吞拿魚頭頂嗰塊肉，一條吞拿魚得2塊噶咋！口感軟滑，油脂豐富而且魚味濃厚，真係好好食~🦑螢光魷魚唔係成日有，係一年嘅某幾個月份先有，口感彈牙有咬口，而且味道鮮甜🍣三文魚籽每一粒都好大粒飽滿，一咬即破嘅口感加上魚油嘅香味令整體層次好豐富🍣大拖羅油脂分佈好靚，食落滿滿嘅油香，同樣係入口即溶🤤🍣海膽嘅份量唔少，而且香味濃厚，而且好鮮甜，真係食幾多都唔夠🤩
繼續閱讀
一直行經灣仔都留意都呢間隱世小店，其實一點也不難找，門外已經富有日本色彩，不要感覺餐廳很細間，其實分開兩層已經做到包廂的效果👍🏻當晚安排坐上層，正好和伴侶能享受二人的omakase 餐廳的14貫壽司時令季節性價比也十分之高，仲有先付，蝦湯素麵和甜品師傅風趣幽默，但又充分講到每種時令魚的口感，加上餐廳私隱度也高👍🏻14貫壽司有北海道帶子、真鯛、深海池魚、鰤魚、池魚、火灸金目鯛、梭子魚醬油燒、伊佐木昆布漬、鯖魚、甘蝦、右口魚邊、腦天、筋子和北海道家保海膽昆布漬和腦天必試，每款食材每天新鮮空運到港👍🏻
繼續閱讀
您可能會有興趣的...