匠心廚房

營業中

休息中

食物水平高質，食材新鮮，價錢非常合理。性價比甚高，地點非常方便！尖沙咀一出地鐵就到。母親節前夕前，店鋪生意非常忙，食物出菜有啲慢，幸好我哋唔肚餓，來到的菜色，見到廚房用心製作!工作人員態度有善，我今次帶老人家同小朋友去，老闆工作及人員主動過嚟傾偈，見到上菜有些耐又主動update我哋佢已經催促廚房，值得推介。下次有機會都會再嚟呢度是其他菜式😋😋😋😋😋😋😋😋😋😋😋😋😋😋😋

Located to iSquare, there are actually quite a number of hidden good restaurants. "Passion and Craft Chinese Cuisine" is one of the best restaurants there 👉🏻Fried Taro Seafood Cake ($168) Pan-fried taro seafood cake is a delicacy with excellent color, fragrance and taste.  The unique taste of taro is perfectly combined with the delicious seafood. The outer layer is fried golden and crispy, but the inner layer remains soft and delicious.  Every bite exudes a rich flavor of mashed yam and seafood

餐廳位置就喺K11對面，但因為在樓上，會好容易忽略。它燈光充足，空間闊落，坐位寬躺，服務員招呼周到，它嘅招牌菜蒸蟹尤其出色，絕對係尖沙咀中菜嘅必然選擇。今次小編同朋友揀咗三碟菜，蟹、蝦同排骨，碟碟份量好足，最後要打包回家，其實它們仲有好多選擇，下次一定要嚟試其他。◇ 雙色兩味蝦 𝗖𝗿𝗶𝘀𝗽𝘆 𝗦𝗵𝗿𝗶𝗺𝗽 𝗶𝗻 𝗠𝗮𝘆𝗼𝗻𝗻𝗮𝗶𝘀𝗲 & 𝗦𝗮𝗹𝘁𝘆 𝗗𝘂𝗰𝗸 𝗘𝗴𝗴 𝗬𝗼𝗹𝗸食完蟹到食蝦，用炸方法烹調，再配兩種味道，分別係邪惡嘅鹹蛋黃同沙律醬，鹹蛋黃炸蝦嗰份鹹香味極濃，加上大大粒原隻蝦肉彈牙爽口，冇法抗拒，當然沙律炸蝦亦唔錯，加入少量辣椒粉微微辣味，鮮味更特出◇ 乾蔥羅望子排骨 𝗕𝗿𝗮𝗶𝘀𝗲𝗱 𝗣𝗼𝗿𝗸 𝗥𝗶𝗯 𝘄𝗶𝘁𝗵 𝗧𝗮𝗺𝗮𝗿𝗶𝗻𝗱𝘂𝘀 & 𝗦𝗵𝗮𝗹𝗹𝗼𝘁羅望子比較多用喺東南亞菜式，它味道酸並帶有微甘，比起檸檬，它嘅酸更有層次感，而它嘅高濃稠度特性能將醬汁包裹排骨，每一粒排骨入口都有肉質味同醬汁味，滿滿味覺享受◇ 花雕陳村粉蒸蟹 𝗦𝘁𝗲𝗮𝗺𝗲𝗱 𝗖𝗿𝗮𝗯 & 𝗘𝗴𝗴 𝘄𝗶𝘁𝗵 𝗙𝗹𝗮𝘁 𝗥𝗶𝗰𝗲 𝗡𝗼𝗼𝗱𝗹𝗲𝘀 𝗶𝗻 𝗛𝘂𝗮𝗱𝗶𝗮𝗼 𝗪𝗶𝗻𝗲餐廳嘅蟹餐有辣同唔辣選擇，小編不太好辣

位於iSquare對面其實有不少特色的隱蔽餐廳，哩間匠心廚房簡直係被埋藏左的美食中菜館，每一道菜都色香味俱全，仲要係具特色嘅心思之作。👉🏻香煎茘芋海鮮餅 ($168)香煎茘芋海鲜餅是一道色香味俱佳的佳肴。茘芋的獨特口感與海鮮的鮮美完美融合，外層煎得金黃酥脆，內裡卻保持軟糯可口。每一口都散發出濃郁的芋泥與海鮮的風味。👉🏻霧蝦蚝仔泡飯 ($128)霧蝦蚝仔泡飯的獨特之處在於濃郁的湯汁與豐富的食材。蚝仔的鮮美與霧蝦的爽脆口感相互輝映，搭配上綿密的泡飯同蔬菜，使整道菜的層次感十足。每一勺都讓人品嚐到大海的豐富滋味，令人難以忘懷。花雕陳村粉蒸蟹 ($498)花雕陳村粉蒸蟹是一道極具創意與驚艷的菜或。選用肉質豐滿的蟹與香濃的花雕酒為主要食材，再搭配上下層的蒸蛋。陳村粉吸收了蟹肉與花雕酒的美味，再加上蟹肉鮮嫩多汁，令人陶醉於其中，一試難忘。

📍匠心廚房 (尖沙咀)👩🏻試試尖沙咀嘅樓上鋪中菜。菜式有傳統有新式，質素都唔錯。環境都好寬敞！✨是日足料燉湯 — 松茸粟米排骨燉湯 $48好重粟米甜味，菇菌香同樣突出。湯頭清澈唔油膩。✨南瓜雲耳鮮露筍 $128蔬菜爽脆香甜，清淡健康，亦都炒得有鑊氣。✨陳皮滷牛展$88牛展半筋半肉，鮮嫩爽滑，亦都滷得夠入味。滷汁有添加陳皮，味道比起一般滷料更豐富。📍匠心廚房 (尖沙咀)尖沙咀北京道71-77號誠信大廈一樓

我和女兒在尖沙咀太空館玩得盡興之後，決定到匠心廚房用餐。這家餐廳位於誠信大廈一樓，裝潢典雅，氣氛舒適，讓我們感覺非常放鬆。我們點了兩道菜，一個滑蛋配黑松露蝦球和一碗雪萊龍躉麵。首先來介紹一下黑松露蝦球滑蛋$198，這道菜雖然只是一道簡單的滑蛋，但是裡面的蝦球和黑松露的味道真的是絕配。蝦球肉質鮮嫩，吃起來非常有口感，而黑松露的香味則讓整道菜的味道更加豐富。此外，滑蛋本身也非常美味，口感濕潤滑嫩，和蝦球、黑松露配在一起，真的是一絕。接下來是濃湯雪萊龍躉麵$128，這道菜的湯頭非常濃郁，裡面加了大量的龍躉肉，讓湯頭的味道更加豐富。龍躉肉肉質鮮嫩，咬起來非常有彈性，和麵條的口感搭配得非常好。整個菜色看起來非常好吃，讓人垂涎三尺。最後是茶水，每人$15。總體來說，我和女兒在匠心廚房用餐的體驗非常愉快，菜色美味，口感豐富，服務也非常好，員工有單，如果您在尖沙咀遊玩之後想找一家好吃的餐廳，匠心廚房絕對是一個不錯的選擇。

類近尖沙咀地鐵站既中菜館，環境寬敞舒適，好乾淨，亦唔會好嘈吵。一班人傾下計係唔錯選擇。脆皮牛坑腩牛坑腩好厚身，肉質鬆軟，牛肉濃郁。而外層就炸到好脆身。點埋個酸甜醬汁更好味。特色砂鍋啫時蔬用砂鍋上保持熱辣辣，真係有聲架。芥蘭連同蔥、薑、蒜、豉椒同肉碎一併炒，帶點微辣，送飯一流。黃金脆豆腐份量好多呀，炸到金黃，外脆內軟。不過凍得比較快，要快啲食。個人覺得外層再多少少調味會更完美🤭霧蝦蚝仔泡飯（加脆米）蠔仔份量都唔少，加上肉碎、菜心粒、冬瓜粒，加上蝦毛仔同蔥花，湯底清甜味道不錯。重點係個脆米🤩雖然要加$30，但真係要加！勁香脆，加落湯飯度一齊食完全昇華左🙌🏻

尖沙咀嘅匠心廚房，係一間以粵菜為主，同時提供京川滬菜色嘅中菜館！香干蒜苗回鍋肉 $128加入咗大量蒜苗同埋蒜頭嘅回鍋肉炒至乾身，令香辣口味嘅回鍋肉變得特別香同埋惹味，送飯一流！火焰口水雞 $168辣度適中，雞皮嫩滑，雞肉可口，份量仲要幾多，足半隻！匠心海鮮炒飯 $168內含大量蝦粒、柱貝等提升鮮味！仲有醃漬嘅小魚仔增添咸香，唔錯！合桃布甸 $50士多啤梨切成蓮花狀，上面再噴咗一層金色！合桃布甸軟綿可口勁nutty，正！樽裝可樂 $20藍妹 $30

今日朋友約左我黎尖沙咀食中菜, 餐廳係isquare對面, 地點好方便丫~~呢間中餐廳嘅價錢接近酒樓，有多款中菜選擇，款式都較傳統酒樓為特別。想有新鮮感的話可以嚟呢間餐廳試試不過如果餐廳喺隔音同埋服務方面做得更好就更理想喇雙色兩味蝦 $198兩味蝦分別係鹹蛋黃炸蝦同埋沙律炸蝦每件蝦球都好大粒呀，而且粒粒都爽口彈牙鹹蛋黃炒得超香，咸香味十足另一款口味係炸蝦加沙律醬 ，炸蝦嘅外皮沾上沙律醬後都冇淋，保持香脆可口呢味餸好好味有驚喜脆皮牛坑腩 $198見到個菜名幾特別就決定試下牛坑腩分量都幾大，一共有兩大條～上枱時廚師已經將兩大件牛坑腩切件方便進食每件牛腩都被脆身嘅外皮包住，點少少汁食味道更豐富。炸過嘅牛坑腩依然保留到肉汁，一啲都唔會乾，又唔靱， 肉質軟腍拍蒜醬油四季豆 $98四季豆炒得非常惹味， 拍蒜醬油味道濃郁，每條豆都好入味送飯一流呢

在這間食肆剛剛開業的時候來過，今晚路過這裏，想起這間食肆，便再來一試。這裏的環境很寬敞，枱與枱之間的空間感十足，最適合朋友歡聚聯誼。香煎茘芋海鮮餅$168，香口惹味，做法有點將蠔仔餅，加入了薯粉，令到整個海鮮餅的口感煙韌彈牙。霧蝦蠔仔泡飯$128，蠔仔沒有腥味，霧蝦即是類似櫻花蝦，令到蠔仔泡飯的味道層次感再豐富了許多。是日足料燉湯$48，粟米紅蘿蔔姬松茸煲唐排，材料充足，味道清甜，喝得出是真正的燉湯。蝦乾瑤柱雜菜煲$168，廚師將大大隻的蝦乾炸過，令到蝦乾具有吸收湯底的能力，蝦乾放在雜菜煲內的湯，經過10分鐘炮浸之後，就會變軟，放在口內便可吃到蝦乾的鮮甜味道。合桃布丁$48，表面鋪滿了金箔，很有貴氣，士多啤梨帶點微酸，混合了甜度適中合桃布甸，是一道精緻的甜品。

今日同女朋友黎到尖沙咀我地都好想食中菜經過見到呢間餐廳裝修有格調夠光猛坐得舒服就決定入去試下餐牌有好多選擇，全部都好吸引有豬牛雞海鮮等，實有一款合你口味脆皮牛坑腩牛坑腩清湯就食得多炸過有脆皮真係第一次！牛腩做到外脆內軟口感好豐富牛腩充滿油香，好好送飯！香干蒜苗回鍋肉回鍋肉好香，味道濃郁肉質好嫩滑入味，好高水準加上爽口既蒜苗，味道好夾霧蝦蠔仔泡飯湯底係冬瓜湯，好有驚喜好清甜，加上蠔仔既鮮味白飯完全吸收哂精華每一啖都好鮮甜，好滋味特色砂鍋啫時蔬芥蘭配啫啫煲好夾食到停唔到

今日係尖沙咀行街，見到一間中菜館新開張好似真係好耐無食中菜跟老公食返個中式晚飯先黑松露蝦球滑蛋蝦球肉質結實，大隻又爽口彈牙，加上滑溜炒蛋，仲有蛋汁，混合黑松露醬增添風味。濃湯雪菜龍躉麵龍躉片口感爽脆新鮮，厚肉，滿滿的雪菜增添口感，麵條幼滑，加上濃郁的魚湯，鮮味十足。蠔皇花菇扒時蔬花菇大隻，菇上花紋色澤分明，肉質厚重，口感軟滑，蠔油汁鮮美，白菜仔翠綠新鮮。無花果糖醋腩片仿照糖醋骨的做法，把厚薄適中的豬腩片切片，分段，然後酥炸，食落去脆口，沒有油立立的感覺。醬汁酸甜，建議送飯食就最好，加上鮮無花果切角，帶有清甜感覺。

匠心廚房位處尖沙咀北京道一樓，可以望到iSquare。餐廳裝修清雅，沒有酒樓鼎沸的人聲，座位以卡位為主，可以寧靜舒適的品嚐小炒。 鮮茄魚湯龍躉球 (酸辣) 此菜像是酸菜魚的變奏，鮮茄魚湯帶微微的酸辣味。龍躉魚肉雪白厚身，並無細骨，鮮甜嫩滑，酸菜清酸爽脆，其他配菜尚有番茄、唐芹、金菇及粉絲，十分豐富及飽肚。香辣薯仔牛筋腩 牛筋腩份量甚多，牛筋炆得火喉十足，不會太軟或又硬，煙韌彈牙，表面亦清潔乾淨，牛腩炆得香濃軟滑，薯仔吸收牛筋腩的濃香肉味，軟腍可口。此菜香濃惹味，非配白飯不可。南瓜雲耳鮮露荀 南瓜雲耳鮮露荀顏色配搭亮麗，南瓜軟腍香甜，雲耳露荀爽脆。

同朋友去 iSquare 買衫，滿載而歸，然後上網search 吓附近有邊間好餐廳食晚飯。我哋都想坐得舒服啲，揀咗呢間中菜餐廳有梳化卡位，坐得好舒服[ 翡翠花雕蒸蝦球 $198 ] 嫩滑如鏡嘅水蛋上有翠綠色蘆筍片、大蝦球及杞子，賣相超美；爽口蝦球同滑蛋一起放入口，每一口都透著花雕酒香，味道富層次感[ 上湯菜膽雞 (半隻) $168 ] 透薄而不油膩嘅一層雞皮包著還係比較嫩嘅雞肉，雞肉微帶鹹香，啖啖肉，滿滿嘅蛋白質[ 瑤柱金菇扒時蔬 $128 ] 時蔬我哋選咗芥蘭，翠綠嘅芥蘭配瑤柱，金菇鮮甜爽脆，健康好味雖然已經好飽，但見到隔離食棗皇人參燉雪蓮子，我哋都想食；[ 棗皇人參燉雪蓮子 $38 ] 棗皇及人參超香，夠晒滋潤養顏，雪蓮子口感煙韌，充滿膠質，朋友話食完好似敷咗塊面膜，靚晒今晚嘅菜式主要是朋友點，整頓飯都健康好味，滿滿嘅蛋白質，滿滿嘅膠質，我哋兩個食得好開心，會再來匠心廚房尖沙咀北京道71-77號誠信大廈一樓

今日朋友約食飯，話book咗尖沙咀＂匠心廚房＂，啱晒最鍾意食中菜嘅我！入度去，感覺好舒服，乾淨企利，座位闊落舒服，侍應服務態度一流。我哋分別點左：翡翠花雕蒸蝦球$198賣相好靚，蝦🦐足足有八大隻，蝦肉蒸得啱啱好，食落爽口彈牙，而且花雕酒味唔算好濃，容易入口。蘆筍野菌炒班球$268班球炒得好夠鑊氣，魚肉香嫰爽滑，蘆筍爽脆帶汁，有埋碗飯就正，呢碟確係好味。新薯孜然焗肉排 $128肉排炸得好香口，肥瘦適中，加上孜然粉就更添風味。薯仔🥔香口，綿滑帶粉！餐廳收取$15一人嘅茶水費，晚市食小菜嚟講，呢間真係心水之一！