北京樓 (德福廣場1期)

營業中

休息中

我哋一家6口於4月11日訂枱8pm，大家向職員點菜，見到有推廣用yuu積分以優惠價加餸，我哋問職員有關用yuu積分加餸細節，她說想點什麼即管去平台order先，其他小菜她可以幫我哋落單。我哋用yuu積分在平台付款點了五個優惠價加餸，再點了其他正價4個正價小菜，包括北京填鴨和雲吞雞！其後叫職員scan QR code confirm我哋yuu付了費的加餸，職員竟回答只可以scan一個QR code，其餘四個要我哋分別四日再回來食，優惠期到5月1日，試問我哋如何在兩星期內再光顧四次？而且係職員俾錯誤訊息我哋，而且我哋亦付了費，經理亦不情願協助，糾纏了10分鐘，才勉為其難為我們入單！過了10分鐘，職員回來反問我們剛才落單係唔係繼續？我們非常意外，原來根本沒有幫我哋落單？！晚飯尾聲，準備埋單，經理竟然話我哋嘅白金AE card有discount今次不能用，因為我哋已經用咗yuu優惠！簡直無理取鬧，AE和yuu係兩個唔同嘅平台，我哋落單前已經同職員confirm咗我哋係用AE card埋單，到頭來經理竟然反口話絕對不可能兩個優惠同時做給我哋，只能承認職員嘅溝通有問題，而且還口硬，職員嘅問題和政策

佢推出咗個四人北京填鴨餐同屋企人去食環境好靚d staff 好好禮貌不過個廚房上餐，後尾越上越慢仲上咗個甜品先上菜啲職員都好好禮貌係咁話唔好意思個餐1180,加埋其他雜費一共1500

試左個$1180四人套餐（要有恆生信用卡先有優惠）餐廳裝修得好有古風味，而且燈光唔會太殘眼，餐枱算大坐落舒服，服務有禮，不過唔知係咪岩岩開業人手不足，舉左手一段時間先有人到9道菜正常發揮，各有特色，唯獨北京填鴨既鴨膻味有點重，個人不太喜歡鴨膻味，所以感覺有點可惜食到一半既時候突然播音樂、有師傅表演拉麵，在場大家都好驚喜同開心、幾有氣氛既最後賣單$1380，原來1180未計茶位費、小食前菜，$1380就感覺唔太抵，建議大家體驗一次食個環境同氣氛就算

同屋企人一齊食飯，環境OK，上菜速度都快，食物不過不失。嚟到北京樓都係想食片皮鴨，記得尖沙咀店會喺你枱旁邊片鴨，但呢度就冇，不過都ok嘅。價錢偏貴，不過出街食飯都預咗。

有幾個月沒去德福廣場 原來2樓的翠園變了北京樓（同集團的店）裝修和服務 維持正常水準 2個人要了午市行政套餐 粟米羹蟹肉頗多2款點心 燒賣比較好糖醋小黃魚 我不大喜歡那醬汁填鴨很出色 肥瘦適中 肉又嫩又香總括來説是滿意 個人認為比尖沙咀店好

片皮鴨味道尚可炒飯材料有異味香腸和火腿、青豆，簡直令人有驚無喜😝😝，望見都不想試😒😒湯麪也是平凡之作，等了很久才入座，真的令人失望😖餐具精美，但座位都是十分逼，格局像較高級的茶餐廳🤨😆

這間北京樓位於德福廣場，前身是翠園，是最近才轉為北京樓！由於是新裝修，所以環境算是算是新淨帶一點豪華。不過可能是30/12, 比較多人訂枱，所以迫了少少。來這兒當然是為了食片皮鴨！ 一隻$410，半份$210！ 自己點了半！ 整體而言，質素算是唔錯，食物夠熱，鴨片算是有點脆，不過應該可以再好一點！咕嚕肉$168，食得出用料唔錯，肉味香，不過唔夠脆！ 上面的炸芋絲淋了，唔太好食，比較可惜。火腿津白$148，火腿鹹香適中，津白過上湯泡過後夠淋和入味！小籠包，皮薄多汁，不過皮比較容易穿，比較可惜。至於鍋貼和炸銀絲卷都是不錯之作！茶位$15一位，茶的質素與價錢對比算是合理！最後點多2個白飯和2枝汽水，連同小費，比了1000個大洋！至於環境，由於是新裝修，加上北京樓一向都是走高級路線，所以環境唔差。值得一提的是服務算是唔錯，值得一讚。

北京樓是一家值得推薦的餐廳。他們的菜單包含了許多美味的菜品，其中一些值得一試。首先，北京填鴨是他們的招牌菜之一，鴨肉皮烤至金黃酥脆，肉質鮮嫩多汁。風沙雞是另一款經典菜品，外皮酥脆，內部多汁美味。小籠包和蟹粉小籠包都是必點之選，皮薄多汁，內餡鮮美。松子黃花魚是一道煎至金黃的美味魚菜，口感豐富。蔥油海蜇頭則是涼拌菜，清爽可口。茶樹菇上湯小豆苗是一道營養豐富的菜品，口感鮮嫩。蝦乾干煸四季豆是一道下酒菜，四季豆酥脆，蝦乾鮮味十足。醬肉炒飯是一道經典的炒飯菜品，肉香味濃郁。蒸銀絲卷是一道綿軟滑嫩的點心，搭配蛋皮非常美味。高力豆沙香蕉是一道甜點，口感豐富，楊枝甘露和焗西米布丁也是不錯的選擇。總的來說，北京樓的菜品豐富多樣，口味出色，值得一試。

補翻篇食評，週末係九龍灣德福陪朋友shopping ,經過見到新開的北京樓朋友想食片皮鴨 咁就即刻試下～-北京樓係連鎖的，大家都知佢最出名就係片皮鴨。 當然少不了要來一份另外仲點左小籠包，蟹粉豆腐，蟲草花豆苗-想一提茶具好靚 野食都ok 的-有個環節係突然大聲播歌"黃飛鴻"，原來係有師傅出黎"搓麵" 原來係有表演節目嘅。 搓完啲麵就咁派比食客，見好多小朋友排隊去拎，每人分到d d 咁但餐廳又唔係幫手煮的/ 同唔係食火鍋無得碌埋少少唔係好明 d 麵用咩用 keekee-

老人家期待左好耐，食完好滿足好開心，可能新開既關係，流程上係有改善地方，希望下次再去時有改善😊今次叫左4人餐再加2隻蟹鉗，蟹鉗好好味，啖啖肉，有蟹肉又彈牙，味道很不錯！填鴨唔會好油，皮脆，肉嫩，得呀！餐廳將包鴨既皮做得好細心，有紙隔住，唔怕痴埋一齊，之前曾經喺美心食，變左成舊，今次集團有改善，食完大滿足🤩雖然我地order套餐，但食物質素都唔差，仲有蟹粉小籠包😋雖然筍殼變咗松子魚，但仲啱老人家口味😋👍🏼我地食食下仲有做麵師傅出黎拉麵，雖然時間短短地，但師傅好快就拉到麵條出黎，有氣氛，餐飯有Bonus 😁

適逢屋企人生日 九龍灣又新開咗酒樓就嚟試試新嘢咁我地就叫咗北京填鴨4位套餐+小食北京填鴨4位套餐 (有yuu會員有6折優惠) $1280京城兩小碟-紹興酒糟醉雞有8-10件雞件 味道甜甜帶啲酒香 後勁有酒澀味京城兩小碟-蔥油拌海蜇頭海蜇頭有6-8嚿 仲有萵荀味道比較清淡 有淡淡嘅蔥油味海蜇頭都非常爽脆一道非常唔錯嘅開胃菜西蘭花蝦球玉帶子入邊有西蘭花 蝦球 帶子 菇  紅黃椒味道都係清淡 伴有淡淡嘅椒味蝦球同帶子都普普通通唔食椒嘅人絕對唔會鍾意呢碟烤北京填鴨 (一隻)填鴨油光滿滿 切到薄薄一片伴上青瓜 京蔥 扁皮鴨醬 再用上不斷加熱嘅餅皮簡直人間美味青瓜脆脆且解油膩 餅皮做得夠薄 鴨肉有皮又夠有肉 口感非常有層次蟹粉三鮮燴豆腐羹面頭有一層黃黃嘅蟹黃配上豆腐 蛋絲 仲有少少肉絲味道都係較清淡 有淡淡蟹味 豆腐嫩滑整體帶有鮮甜油浸筍殼魚呢碟魚賣相真係一言難盡一件炸到黑 mong mong 伴有蔥絲嘅不明物體 唔講都唔知佢咩嚟但意外地條魚幾鮮 有鮮甜味都興幸夠新鮮 因為啲汁冇咩味但碟魚係凍食定熱食 上枱係凍曬蟲草花小豆苗有蟲草花 小豆苗 芽菜呢個極唔推薦豆苗巨老 整體太油 唔似食菜 味道似食炒

幾日前book今晚7:30,一家8口7:15 到。等到7:45 先帶入座，點知入到去已有人坐(大枱) ，知客又帶返我哋出門口。等到8:15 先再有得入，但只係6人中枱，唔想老人家再等，照坐並即刻落單。等咗30分鐘花生都食完追吓單，先知道 " A收order叫B入單，但B無入", 結果成9點先有嘢食。6人枱坐8個大人，擺得杯碟都無位，8人餐邊食邊上，跟本無位擺！ 主角北京填鴨上枱微暖(真係好微) ，其他一般過一般！早知垃圾服務一般食物，去美心食應該會更好！

今日第一日開業，咁啱落到德福走入去試試，餐牌同其他北京樓(Yoho,葵芳)有啲唔同，普遍菜式價錢偏高(1XX-2XX)，唔知係咪第一日開張既關係，上菜速度好慢，仲要有幾樣漏單😔，試咗呢幾樣嘢：雞絲粉皮-正常、雞絲嫰滑炸雞件(唔記得叫老X雞)-好似食KFC咁，都算香口香芒沙律蝦球-蝦唔算大隻，個芒果沙律醬好味東坡肉-size大過月餅少少，夠淋身但偏甜小籠包-多汁，肉嫰煎窩貼-皮脆但餡不夠味擔擔麵-湯濃，冇咩花生味整體嚟講食品水準合格，菜式份量偏少，以咁既地區賣咁既價錢，唔怪得咁多人北上消費🧐