凱富菜館 (已結業) 查看

突然好想同朋友一路打冷，一路吹水，就黎左喱度啦！裡面環境都幾光猛，坐位都比較密集，有大枱有卡位，岩晒三五知己或者大家庭！我同朋友只有二人，所以坐卡位，一坐底就有炸魚小食，都幾香口，送飯送粥一流！之後叫左一份鵝肝三寶，豬紅同蠔仔粥！鵝肝三寶味道都唔錯，果度伙計話係每天一早新鮮炮製，鵝肝味道有點酸，同平時西餐果款鵝肝好唔同！我最鍾意反而係底部既豆腐，好滑好香！豬紅都好彈牙，外表結實，咬落去入面就很柔軟！最後就是蠔仔粥，好足料！除左好多蠔仔之外，仲有好多冬菇同炸魚皮碎肉！推介！

2020年1月8 日。晴。鰂魚涌。夜晚出街食，呢條街有好多間餐廳，經過過好多次，但都冇入去食過呢晚就揀咗呢間嘞～喺門口望咗餐牌先知原來係潮州菜館～時間尚早，6點幾，餐廳冇乜食客所以坐得都舒服，唔嘈～餐牌都好傳統前菜，$20一坐低侍應就擺低咗呢碟魚仔唔好睇碟魚仔其貌不揚，別具風味～魚仔鹹得嚟帶酸，好啱做開胃前菜！滷水拼盤，$188；加鵝片，$28拼盤好大堆頭，而且食材種類都幾多最底有滷豆腐，其他有豬耳、蛋、墨魚、紅腸等等當然仲有最頂嘅鵝片喇～拼盤各樣食材都唔錯～清炒豆苗，$98豆苗青翠新鮮食落唔會有草青味，亦唔會太油份量多，調味足～反沙芋頭，$98反沙芋係必食嘅潮州甜品！！呢度嘅反沙芋非常正宗～芋頭質感綿滑，甜度適中～菠蘿生炒骨，$78生炒骨火候十足甜酸比例啱啱好～

如果同一大堆朋友食飯，最方便就梗係去食大排檔之類嘅小菜館，因為一大枱人嗌好多樣餸都可以。但我更鍾意試吓啲打冷菜，因為唔係周圍都食倒潮州菜嘅味道，佢嘅小菜同出面一般嘅大排檔都有不同之處～今日同朋友起附近睇完表演，就搵倒呢頭有花間打冷菜。入面裝修幾「試正」，似係酒樓咁樣。佢廚房仲起上層，所以都唔會多油煙。食打冷一定要啤一啤，佢送嘅魚仔前菜好惹味，餸酒一流鹵水拼盤有紅腸，豬耳，墨魚等等，啖啖肉，一堆人share就岩晒。每樣野都鹵得好入味。老闆見我地後生仔懶剝殼，就推介左黃金炒蝦球。係真係好岩懶人食hahaha熱氣野要不斷上！椒鹽豆腐配左好多炸蒜，好熱辣辣，食完成個口都係蒜味老闆又推介左川椒雞，呢個係唔辣嘅，個汁幾特別，佢仲配左啲炸紫蘇葉做伴碟，夾埋啲雞食真係好香。熱氣野要keep住黎！椒鹽鮮魷係幾爽口，食得出唔係用啲急凍萬年貨呢個係蒜蓉炒豆苗，豆苗冇乜渣，而且都幾有鑊氣仲有個金沙骨，個汁唔會太重，所以肉骨嘅味道唔會被個汁搶晒。最後係我最愛嘅蠔餅！佢係薄薄地，所以整得好脆，啲蠔都幾香，冇臭味，夠乾身，幾好！呢間菜館細細地，但係入面嘅員工都好有心，老闆好好咁介紹左好多招牌菜，令到我地覺得好wel

朋友推介下，特登過海黎食既打冷。鋪頭十分接近鰂魚涌地鐵站，上左路面對面馬路就係。室內好坐舒服，位置唔多，但睇佢有部升降機運餸菜，唔知係咪仲有樓上一層呢。坐低後都受到有禮熱情招待，同埋呢個前菜仔，係炸魚仔，小小偏鹹，都Ok既。滷水拼盤夠熱，咸味適中，中意既話仲可以加少少酸汁，送飯或者就咁食都啱。黃金蝦球，見到咁多筷子搶食就知正啦，不過大家都熱到燙嘴，哈哈，夠鑊氣。川椒雞，比較少食到既潮州菜，食落唔辣，又香又好食。特別一讚老闆同員工親切，會介紹菜式俾你聽。另外就算係打冷，洗手間都算乾淨，真係少有。

路過鰂魚涌，見到一間好地道嘅潮式菜館，想起兒時爸爸帶我食潮州滷水，一定要嗌鹵水鵝片同埋鵝肝~門口已經見到好多地道嘅潮式小菜，二話不說就入去食番餐喇~其他食物都相當吸引，但心有所屬😜都係要食鵝肝鵝片先😅鵝肝三寶，正正就有我想食嘅鵝肝同埋鵝片🤩當然再要加多樣啦，好想食鵝腸😆餐前小食居然係椒鹽池魚仔，正呀👍分量相當不少👍而且睇到滷水嘅顏色，就知道一定好入味啦~每條鵝腸都附着不多不少的肥膏，肥瘦比例得宜，爽脆得嚟又入味，真是不可多得呢～潮州獅頭鵝肉厚，骨架大，鵝味濃👍滷水鵝片軟嫩鬆化，油香豐富，鹵水味相當芳香，不會死鹹，又帶點點酒香，層次豐富😋😋😋滷鵝肝雖是潮州菜裏的一道常菜，但用當地獅頭鵝肝配上潮汕特產滷水汁便變得不可多得的名菜。鵝肝質感軟滑香口之餘, 厚厚的肝塊，淡嫩的粉紅，透着淡雅的滷香，有別於一般傳統口味的那種硬實和濃鹹，取而代之是一口柔嫩與清香。反沙芋是考功夫的一道小食，在香港很難吃得到，現時只有部份潮州餐廳才有供應，這裡就有，我當然吾會錯過啦～反沙芋頭，糖粒幼細均勻，每條芋頭都被薄薄的白沙糖包著，外表討好。咬下去，芋頭熱熱的，是即叫即炒的味道！真是皮脆芋香😋😋😋食到一餐地道潮州菜

已經有一段日子，沒有與友人們見面了。這天，約了兩位東區之友，去了北角官立小學對面的凱富菜館吃簡便潮菜午飯。菜館一側放有數張大圓枱，另一側有四人卡座。 午餐有七款，送老火湯或熱飲；滷水飯，則奉送胡椒鹹菜豬肚湯。 除了午市套餐，客人也可以點選小菜。 點了一客滷水鵝肝拼鵝腎飯$65，奉送胡椒鹹菜豬肚湯。豬肚湯內，有不少富咬口嚼勁的豬肚，以及爽脆的鹹菜，胡椒味兒也頗為濃烈且突出。冬日喝下去，暖笠笠的。 滷水鵝肝拼鵝腎飯，滷味十足，鵝肝吃起來口感極為細嫩幼滑，毫無半分的膩溜感，且滲出陣陣誘人的滷水香。鵝腎口感也軟腍且入味，豆腐則邊沿微脆而內裏嫩滑，盡吸滷水汁的精華，伴軟硬度適中的白飯同吃，一流也﹗ 邪惡無比的梅菜扣肉飯$50，是小妹的最愛也。只見一大碗白飯上，重重地，被一大塊一大塊肥瘦得宜的扣肉覆蓋著。其下，則有不少剁至細碎的梅菜，再淋上鹹鮮有致的豉油，與富咬口的白飯拌在一起同吃，教人一吃上癮﹗ 方魚肉碎蠔仔粥$52，乃把鮮美蠔仔、肉碎、冬菇、芹菜、芫茜和方魚與米粒同煮，即成一碗鮮味洋溢的佳品，是友人的至愛。

今早拖著肥胖的身軀參加了健體班，頓覺精力充沛，見與好友的飯聚尚有一段時間，於是即興走去髮型店剪掉煩惱絲，繼而轉戰百貨公司購買新年禮物。辦妥所有事情後，就差不多出發到餐廳喇，真係時間啱啱好，夠晒充實。這次有人動議吃潮州菜，從不揀飲擇食的我，當然沒有異議。店子裝修平實，感覺懷舊；午餐除港式中菜外，還有各式滷水飯和精選菜式，例如：潮州沙茶牛河、方魚肉碎蠔仔粥、枝竹羊腩飯等，價錢由$50起，相當公道。胡椒咸菜豬肚湯率先抵埗，雖然此乃隨餐奉送，但只要看見盛得滿滿的材料，便知店家製作毫不馬虎。在寒冷的冬天，喝一口熱辣辣、有助行氣活血的胡椒湯，特別暖胃。片片咸菜不會醃得過濃，不知不覺便吃消光。來到潮州菜館，怎能不吃滷水食物？滷水鵝肝鵝腎飯($65)份量十足，物超所值。鵝肝軟滑幼嫩，入口滲出幽幽而醇厚的滷水香，最捧的是全無肥膩感。鵝腎則比想像中腍軟，微微爽口。至於墊在最底的豆腐外皮少脆、中間嫩滑，吸收了滷水汁的精華後，滋味無窮。平日她吃得清淡，今次確是估佢唔到，竟叫了一碟梅菜扣肉飯($50)。五花腩超大片，個人喜歡其瘦肉比例不會太少，而且質感鬆化。脂肪部份入口即溶，帶有膠質，沒吃至滿嘴肥油。梅菜甜甜的

公司最近搬左去鰂魚涌之後，每日既lunch 都會去試下d 餐廳👅 今次就去左呢間👉🏻凱富菜館👈🏻到食個飯先👀..🗣一向都知潮州菜都係偏大份既，所以今日2個女仔都係點左一個梅菜扣飯(HK$52)➕滷水拼盤(HK$118) 滷水色澤偏淡，食落唔好鹹😌每片肉都切得好好，連皮帶肉，唔錯架➰ 而個飯係好正架‼️ 肉質夠軟而味道香濃，又品會好膩，食落就啖啖肉好滿足💯餸飯一流。 ..另外，餐前湯都好足料架👄 好多餐廳既餐前湯都無咩味道，但呢到既可以見到上圖咁，入面足料味道又濃，係高質架👍🏻

As i have a sudden craving for Teochew food and i knew that there is one at my office nearby, I decided to go there to have lunch today. 凱富菜館 was located at King's road, just opposite Quarry Bay MTR.Besides selling their signature braised goose and pork knuckle, they offered rice or noodles lunch set.Iced lemon tea was sweet and clear, with strong lemon tea taste. White pepper soup was flavourful and fragrant, with strong peppery taste. There is salted vegetables and pork belly in it.   Teochew

好似係老字號既潮州菜館，係鰂魚涌已經經營好多年了，平時去食係食lunch set, 印象中胡椒豬肚湯好好飲，飯食都係大大份。每次經過見到門口都會覺得好吸引，今次終於齊腳可以黎食蛋幾個菜了。小炒皇勁正，用了韮菜花抄海鮮，好惹味而自己煮唔出。十分推薦。蝦仁炒蛋炒到滑一滑既蝦仁，加上香厚既蛋蛋。送飯好好老水拼盤鮮味之選，入味，好林。各式各樣都有。呢度志在出菜快，食物火喉足，抵食大份。加埋支大啤都係18蚊，好岩食宵夜。

自己本身就是潮州人，在小時候已經常吃爺爺弄的潮洲菜，感覺上潮州菜也是很多人都喜歡吃的「打冷」，不管是晚餐或是宵夜都很受歡迎。自從長大以後，很久沒有吃潮州菜了，住的地方離鰂魚涌不遠，這天男朋友提議不如到就近地鐵站的凱富菜館試試。看到了餐牌眾多的菜式，想起以前也常常吃鹵水的菜式，這兩頁絕大部分都是鹵水的菜式，如果弄得入味會十分好吃吧。另外還有大量的潮州菜式。除了潮州的菜式之外，餐廳還有不少廣東的菜色，如果不嗜潮州菜的人也可試試它的廣東菜啦。作為潮州人，開始時我是想點「大眼雞」的，怎料大眼雞竟然售罄了😩那麼試試馬友魚也不錯啦，吃馬友魚時令我想起了日式的馬友魚，品種其實都一樣，味道不會差很遠。這裡的馬友魚是冷吃的，這也是潮州菜的特色，所以為何潮州菜會叫「打冷」。馬友魚的口感比較結實，不會太碎，而且不乏魚味，難怪同樣是潮州人的恩物。鵝肉在潮州菜當中想必也是必點的，大量的鵝肉就呈現在眼前，滷水汁非常多，鵝肉的口感也是比較結實的，有大量的汁所以鵝肉也十分入味。煎蠔餅是我很愛的一道菜式，不過好似煎得不是很好，不是每個部分都能弄得很脆身，有些部分比較像蛋餅，這方面可以弄得再好一點啦。不過裡面有真的有很多

今日去了鰂魚涌！食打冷😁這一間是傳統的潮洲打冷一入門口就見到一碟碟的烏魚飯和有好多不同的鹵水食物，滷水鵝，滷豆腐滷水鵝腸......潮洲魚飯原是潮州漁民在船上的食物，甚至以此當作白飯為主食。漁民將部份漁獲用鹽醃後再用鹽水煮熟，涼卻後食用。我們點了滷水鵝片$132 好入味，下面的滷豆腐好滑好入味！潮式煎蠔餅 $98 外脆內軟，好多蠔呀！反沙芋頭$98 好好食十分推介👍🏻👍🏻👍🏻👍🏻外面的脆糖包住內面的的軟綿綿芋頭！ 蠔仔方魚肉碎粥$108 蠔好多料好足！一點都不腥！炸雙棗$98

某天晚上跟幾位朋友一齊黎到鰂魚涌黎食潮州打冷，位置舒適，有卡位，餐廳門面及內部都好有懷舊打冷鋪既特色仲有一幅好靚好長既風景畫，我地叫左店員推介既鹵水鵝片，鵝片仲有鹵水豆腐底都幾好味同大碟。仲叫左碟炸雙棗，有蝦棗同蟹棗兩款。即叫即整熱辣辣。仲有菠蘿伴碟唔怕太油膩。之後再叫左個炸蠔餅，新鮮熱辣，大大碟，貌相好靚，而且好多蠔仔，好足料。大大碗足料潮州特色蠔仔粥，蠔仔都幾多同厚肉，新鮮，仲有冬菇，冬菜，芫茜，肉碎好多料，味道唔錯。反沙芋頭做法複雜，而呢度既反沙芋頭整得岩岩好唔會太甜，芋頭好粉好入味，推介。仲有唔少得糖醋麵，酸酸甜甜，炸得金黃色又唔會太燶，岩岩好。個人最鐘意係佢既反沙芋頭。

與好朋友放工鰂魚涌暢聚食潮州晚飯，就公司附近的鰂魚涌英皇道951號，凱富菜館都是不錯的選擇。我們點左反沙芋頭$98，芋頭炸得鬆脆，外層的脆糖，十分美味可口。超正。要重點推介。蠔仔方魚肉碎粥$108，蠔仔粥大大鍋,蠔仔🦪份量頗多，好味道真不錯👍。滷水鵝片$132，夠腍夠入味。潮式煎蠔餅 $98，蠔餅兩面煎得金黄色薄薄地，肥美的蠔仔都鮮甜。糖醋雙面黃$98，沾沙糖和黑醋，十分惹味，黑醋酸酸地真開胃。炸雙棗$98，有四粒蝦丸和四粒蟹丸，就不過不失。

今日同朋友喺夜晚去咗間潮州 食店食飯, 喺潮州店, 正常嚟講食潮州嘢喇, 但我偏偏想食肉絲炒麵, 因為好耐都冇食喇, 令人心動, 另外再叫咗一個薑蔥牛肉煲呢一個炒麵, 非常之香, 所有餸都po咗喺麵嘅上面, 非常足料, 佢嘅肉絲非常之多, 個芡汁打得好靚, 最正嘅就係佢嘅麵條炸到非常之甘香, 咬落去脆卜卜, 撈埋芡汁一齊食, 感覺良好之後就食過薑蔥牛肉煲, 一嚟到, 香噴噴, 真係流曬口水, 肉質非常之軟淋嘅牛肉, 口感豐富, 有埋薑蔥配合, 非常得宜, 熱辣辣咁放入口, taste非常之強, 最緊要嘅牛肉係非常之多, 十分超值