八海山

營業中

休息中

今日同好朋友去左間嘅老牌居酒屋居酒屋開業十八年裝潢係比較港式偏舊一點嘅風格餐牌選擇豐富佐酒小食、刺身、壽司、天婦羅、鍋物、燒物拉麵烏冬全都有價格合理我地叫左A4和牛sukiyaki 明太子煎蛋卷天婦羅拼盤同帶子牛油燒明太子煎蛋卷上枱熱辣辣蛋卷嫩滑明太子量適中唔會太鹹做前菜不錯哦～天婦羅拼盤有三隻大蝦一件茄子一件冬菇一隻小青椒全部都好香脆炸粉透薄可以食返食物原本嘅鮮味帶子牛油燒又係正個帶子一啲都唔乾肉厚汁多牛油好香再加上少少檸汁提鮮更加正！主菜係A4和牛sukiyaki侍應有細心提醒我地先食牛防止煮到老晒湯底甜得黎唔會太膩同肥嫩和牛好夾除左有和牛鍋底仲有葛絲、豆腐、津白菜等等其實仲可以加選配料我地就加左個拉麵更加飽肚我地對食物都好滿意難怪全晚都一直有捧場客黎支持！

試過好多日本餐廳及居酒屋! 有D真係未必會返轉頭! 睇你係食環境定食味度! 而老牌一D好似尖沙咀既<八海山>就係較少數實而不華既表表姐, 佢地座落係尖沙咀已經好多年, 好多日本人都鐘意黎食! 簡單樸素日本家庭風既裝修, 加上隔離左右既日本人對話! 好似去左日本咁! 而且食物絕對係高質!尋日就同老婆去咗食晚飯：$420刺身大拼盤(三文魚, 吞拿魚, 帶子, 八爪魚, 海膽, 赤蝦) ~ 啖啖肉鮮甜美味, 唔係放提級數, 必食推介!$110雜錦天婦羅 ~ 熱辣辣上枱, 金香可口! 脆炸外皮唔會太厚, 口感一流! $85芒果蟹籽沙律 ~ 大大碗, 好味又開胃. 不果已經有D飽…..$250日式牛肉鍋 (2人前)~ 大約有8片嫰滑牛肉, 煲底好足料! 中有2隻蛋! 大滿足! 食到捧住個肚走!呢間我係絕對會返食既居酒屋!

<尖沙咀正宗高質居酒屋>🤩越來越多新開既日本餐廳及居酒屋, 選擇亦愈來愈多😎 但有時始終都係歷史悠久, 傳統正宗的居酒屋食落先最好味🤩 位於尖沙咀這間<八海山>, 雖然沒有極華麗既新裝修吸引你, 但這裡的食物質素絕對係高質之選.<刺身大拼盤>😍 絕對高質, 鮮甜, 令人有一食想再食既衝動🤭 必食推介<雜錦天婦羅>😋 ~ 上枱依然超熱, 炸外皮薄而脆, 完全冇粉既口感. 蝦亦大大隻, 亦都係必食推介.<芒果蟹籽沙律>😋 完全冇諗過份量係咁大碗, 仲有6大片芒果, 好味開胃又抵食.<日式牛肉鍋> 😋 二人份量, 大約有8片牛肉, 配料有蛋, 豆腐, 金菇, 冬菇, 菜等. 呢排天氣又涼番, 食埋呢個牛肉鍋, 好味道大滿足仲暖笠笠呢.👍整體超高質, 食物款式選擇多, 價錢亦算合理. 絕對值得回頭再食.🥘餐廳 : 八海山🍣地址 : 尖沙咀寶勒巷26-36號華寶大厦地下

還記得第一次到八海山已是多年前一個週末晚上 ，當晚餐廳滿座，座上客中有不少是日本人。 這家已有十多廿年歷史的居酒屋，除了供應刺身、壽司和多種日本菜式，還有空運抵港的時令鮮魚，當然清酒、八海山牌啤酒，和很多佐酒小食。刺身沙律 $95~當中有多款刺身，包括三文魚、章魚、 油甘魚、吞拿魚和蟹籽，鮮味大粒，很超值! 伴以青瓜、生菜、紫椰菜、車厘茄和溫室豆苗， 清新爽脆，加上柚子醋，十分醒胃。.海鮮茶壺湯$75~精緻的茶壺看似小小的，想不到倒在清酒杯中喝，卻有很多杯。熱烘烘的湯底十分鮮甜，而且很足料， 以多種海鮮熬成， 還有啖啖肉的海鮮。摸著清酒杯底品嚐，滋味十足。.牛油果軟殼蟹卷 $100 /80~以軟滑的牛油果捲著香脆的軟殼蟹，加上圓潤飽滿的壽司香米， 非滿足，以長身碟盛著滿滿的，份量很多。秋刀魚一條$280~牆上掛了小黑板，寫上每天日本直送的多種時令魚。 這天點了秋刀原條起肉，銀色外皮有光澤。師傅刀工出色，擺盤精緻，賣相吸引，入口鮮甜嫩滑，魚味濃郁，配薑蓉、 蔥粒、蘿蔔蓉和海藻，更添美味。有酒豈能無餚，佐酒菜式及小食很多，原來有個獨立餐牌的 。韮菜炒豬潤 $85~以做韮菜豬潤是中菜小廚專屬

八海山三個字嘅氣勢好重江湖味，有如力拔山兮氣蓋世般豪邁。八海山係酒亦係山，亦係屹立尖沙咀嘅老牌傳統居酒屋。嚟到寶勒巷街尾，會發現幾間餐廳都要拾級而上。見到藍色布簾就步入格局較老派嘅八海山，晚飯時間到步，餐廳頗熱鬧，坐近玄關位置，望住進門嘅客人絡繹不絕。簡單點餐，主要係想靜心聊聊天，同朋友食個新年便飯。餐廳招牌之一係元氣豆腐，但當日想食玉子，二擇一最後揀咗個明太子燒玉子，入口鬆軟濕潤，明太子較蛋搶味。另外必點嘅自家製牛肉薯餅冇失望，外層鬆脆，內裏牛肉醬同薯蓉嘅組合比例啱啱好，非常香口👍🏻！刺身雜錦刺身盛合，五款刺身都好高質！串燒雞肉丸子、豬腩肉 同牛舌都係較多人推薦，燒物不過不失，價錢同區嚟講算相宜。另外要讚一讚個關冬煮同牛肉火鍋，係冬天嘅comfort food！‑ ‒ – 雜錦刺身盛合⁴ ² ⁰明太子煎蛋卷 ⁷ ⁵ 自家製牛肉薯餅⁶ ⁸ 關冬煮⁸ ⁰日式牛肉火鍋 ² ⁸ ⁰燒豬腩肉 ³ ³燒雞肉丸子 ³ ³燒牛舌 ³ ⁵‑ ‒ –

同友人一行4人去食晚餐雜錦魚生拼盤（特上）原本每款刺身係三片，可以加錢，每款四片，都幾貼心，令我哋乜都可以試到。但最奇怪上碟時同我哋講，拖羅未完全解凍，叫我哋等一陣先食，我哋問等幾耐，佢又返轉頭問廚房，之後話10分鐘至15分鐘，結果我哋等咗20分鐘，食落口仲係有雪，成碟最貴最期待就係片拖羅，居然搞成咁，即使之前食嘅其他刺身幾好味，都難以彌補呢個問題。其實係咪應該解凍之後再拎出嚟俾客人食會更加好？🙄🙄串燒都ok，梅子大葉免治雞肉棒幾特別，有咬口。😌明太子燒蛋卷，韭菜蝦燒蛋卷，味道ok，比較薄身，如果厚身返少少就更加好。😌汁煮五花腩，香濃，肥肉好軟林好食。😌納豆卷，芒果鮮蝦卷，ok，好新鮮。😌清酒煮蜆，冇，失望⋯銀杏，冇，店員話係季節性食材⋯甜品咩咩香蕉，冇，我哋問店員唔通香蕉都係季節性食材？另外聽到啲店員講辣酒煮花螺都冇，感覺都幾多嘢係冇⋯唔通天氣凍真係冇貨返🤔🤔

見好多人都話呢間居酒屋好正宗，好多日本人都會黎食，今日就黎試試佢。一入到餐廳就覺得環境幾闊落舒適，燈光幾柔和。〈刺身盛合(上)〉有油甘魚、帶子、吞拿魚、八爪魚、赤蝦、三文魚、海膽。唔止賣相吸引，每款刺身都好新鮮。咁多款刺身入面我個人最鍾意係帶子，味道夠鮮甜。〈鐵板和牛粒〉鐵板將和牛粒既外表燒得少少焦脆，咬落好juicy有肉汁，配埋燒汁同蒜片一齊食唔錯。〈帶子牛油燒〉啲帶子超大粒，牛油味好重，輕輕煎過食落好香。〈生蠔面豉鍋〉天氣凍凍地，所以再叫個鍋暖下胃。佢地鍋物有好多選擇，包括牛肉、牛腸等等，我同朋友都鍾意食蠔，就叫左個生蠔鍋。個鍋好足料，至少有八隻生蠔，仲有大量配菜，例如冬菇、豆腐、生菜、大蔥等等。生蠔味道鮮甜，配埋面豉湯底味道更加突出。最後食返個香芋雪糕做甜品，為呢餐寫上完美總結

之前行過尖沙咀都會成日經過呢間日本居酒屋，今次終於的起心肝入去試試佢！入到去嘅第一個感覺就係餐廳好闊同舒適，燈光亦好舒服，而且職員亦都好有禮貌，會主動問我哋有啲咩唔食，然後介紹返俾我哋🫣我哋先叫左個刺身盛合(上)，有赤蝦、吞拿魚、帆立貝、三文魚、海膽同油甘魚。我想講佢出嚟嘅擺盤仲靚過menu張相🤭每一款刺身都擺得同第二款有適當嘅距離，確保啲味唔會混埋一齊👍🏻最值得一讚嘅係帆立貝真係好甜！當然我最愛嘅油甘魚切出嚟嘅油脂比例亦都好好😛之後就係上個鐵板和牛粒同帶子牛油燒，兩味餸一拎過嚟已經勁香🥹啲帶子勁大粒，牛油味好重，食落亦有啲蒜香，咬落鮮味爽甜，而個鐵板和牛粒嘅汁配埋啲蒜片加上juicy嘅和牛，一絕🫣我哋見食完頭嗰三樣嘢已經由五六成飽，就再叫多咗個生蠔麵豉鍋。個鍋真係好滿好足料，除咗有目測至少八隻生蠔，仲有冬菇、豆腐同埋菜等等，煲煲吓我仲成日驚佢滿瀉🤔啲生蠔雖然唔係話好大隻，但係味道同數量絕對對得住佢個價錢，性價比極高。嗰日好凍，食完個鍋已經好暖身個人仲有啲㷫烚烚添，所以就叫咗兩個雪糕做甜品，非常滿足！

聽聞呢間居酒屋好多日本人幫襯🧐上網睇咗好多評論見到餐牌有香港罕見嘅牛腸鍋😮疫情前去過福岡試過牛腸鍋一直好想再食今次一於捉埋男朋友2個人嚟食驚無位就一早係op訂檯滿心期待嚟到餐廳發現其實客人唔多 座位都坐唔滿 生意唔算好op評價都偏好有啲怪…🤔🤔嗌咗5樣菜式🍽️牛腸鍋 明太子玉子燒三文魚腩壽司牛油果軟殼蟹卷牛油雜菌帶子食完埋單$7xx💸💸💸其實一啲都唔抵😵當中硬食咗兩碟前菜$40牛腸鍋牛腸份量好少 芽菜太多😞三文魚腩壽司 同燒帶子食落普通玉子燒更加係頹作🤯出面好多外賣小食店都有誠意過呢間得牛油果軟殼蟹卷正正常常總括而言價錢偏貴💔💔💔💔💔上網睇到話好多居港日本人會嚟食現場睇就唔覺得有日本人本身以為裝修會好日式居酒屋feel以為基本會係日本師傅製作食物可惜成間餐廳感覺上係大陸集團式經營壽司檯既師傅同侍應都係帶着鄉音嘅女人完全唔係日本餐廳 極之失望 不值一試 😵‍💫😵‍💫

💜 我記得好耐之前喺尖沙咀行街已經見過八海山，不過一直都無試過，今次終於可以同🐼試下啦！😍💜 入到去最驚喜係發現有好多日本人幫襯😯 當晚起碼有一半以上係日本人，仲見到日本老闆親自招呼佢哋😆 聽住前後左右都係日文，真係可以幻想下自己喺日本🤣💜 食物質素方面，當然都好地道😍 💜 當日嘅前菜係中華沙律💜 特上雜錦魚生 首先係一個雜錦魚生！總共有七款刺身😋有海膽，油甘魚，赤貝，呑拿魚等海膽一啲都唔腥。全部魚生都覺得好新鮮，黎到可以試吓嗌魚生食呀👌🏼💜 雜錦天婦羅 🍤呢個又係推薦😆！喺香港食過好多天婦羅啲粉都好厚，呢度食既啲粉一啲都唔厚😍蔬菜同埋蝦天婦羅都好好食😁💜 豚肉炒雜菜出街都想食菜!! 啲椰菜炒得好爽👍🏼💜 牛肉壽喜燒有煤氣爐熱住，冬天食好正👍🏼有牛肉之餘，仲有冬菇,豆腐,蒟蒻麵, 同埋有兩隻蛋😍 可以整壽喜燒嘅蛋汁如果驚唔夠飽仲可以加麵或者烏冬~兩三個人食啱啱好😆💜 我覺得八海山都好適合同另一半/朋友一齊黎。如果約一班朋友黎仲可以book房添👍🏼

琴晚同朋友襯尖沙咀仲未人滿為患前走左一轉簡簡單單去左寶勒巷 八海山，要刺身有刺身，要日本小食有小食，天婦羅同鍋物都有，而且地方夠大，最緊要就腳。-鐵板牛油帶子 帶子好大隻，輕輕煎都好香口又有帶子的鮮甜。。日式海鮮pizza姐係日式大阪燒！！塊pizza邊位煎得好香脆，面頭仲有木魚碎飄啊飄，沙律醬同燒汁增加香味餅入面有好多海鮮粒粒，好味。-特上刺身盛果然係特上, 好多款式刺身都有，三文魚，吞拿魚赤身，蝦，加拿大海膽，帆立貝仲有油甘魚攞盤好靚，顏色都好吸睛，三文魚肥美滑溜，赤身滿滿吞拿魚味帆立貝都厚切，海膽顏色靚，油甘魚魚油勁香。-日式牛肉鐵板火鍋冬天食原煲上熱辣辣就最啱，牛肉鋪滿鍋面，顏色粉嫰食落又滑溜煲底仲有好多椰菜同波菜同菇類豐富抵食又暖身。

我認為同朋友傾計食飯最好既地方係居酒屋，食物款式多，而且可以坐好耐🤣，今次朋友帶我食尖沙咀既八海山，環境好有和風氣息，而且職員識講日文！我地一共叫左四道菜，包括雜錦魚生、帶子牛油燒、明太子玉子燒同壽喜燒。魚生擺盤好靚，最鍾意三文魚、油甘魚同海膽，海膽好出色，非常鮮甜。帶子牛油燒都唔錯，帶子好大粒，而且充滿牛油香氣，雜菇一樣好香。明太子玉子燒係我既最愛，明太子分量適中，如果唔係味道好鹹，入面仲有葱花。天氣咁凍緊係要叫火鍋，八海山有三款較出名既火鍋，分別係壽喜燒、牛腸鍋同生蠔麵鼓鍋，我最後揀咗壽喜燒，和牛份量好多，而且索曬壽喜燒汁味道好正，生雞蛋漿亦係壽容燒必有既材料。所有食物真心唔錯，以後gathering再嚟八海山👍🏻

尖沙咀 寶勒巷 八海山，無人唔識啦～～估唔到平日夜晚walk in 都等左好耐，勁多人好熱鬧啊～-特上刺身盛好豐富啊～有三文魚，赤身，甜蝦，海膽，帆立貝同油甘魚攞碟夠靚又仔細，未食已經讓人口水直流，三文魚夠肥美，赤身濃濃吞拿魚味帆立貝都厚切啊～-牛油帶子 用鐵板上勁有儀式感帶子仲要超大隻，煎得香口食落仲好有帶子的甜美。旁邊用牛油煎過的菇落好好食。。-日式海鮮pizza大阪燒黎！！塊pizza煎得香口，仲有好多椰菜，入面都有好多海鮮粒粒，食落有口感木魚絲仲增加左pizza的香味。-日式牛肉鐵板火鍋原煲上熱辣辣，牛肉粉嫰又滑溜-煲底仲有好多芋絲，椰菜同波菜天氣凍食最暖身。

八海山門口毫不起眼，一入餐廳就俾我一種家庭既感覺，裝潢比較簡樸，職員係我地進餐時侯不斷加水，非常貼心。- 雜錦魚生雜錦魚生包括吞拿魚、三文魚、赤蝦、油甘魚、八爪魚同海膽。三文魚砌成一朵花，口感肥美。帆立貝切得好厚，最好味係海膽，入口鮮甜creamy😍。每款魚生放得好開但不失美感，食落有少少太凍，不過唔會太影響口感。- 帶子牛油燒一共有四件帶子，帶子好大隻，牛油滲透入帶子裏面，味道更香。旁邊仲有香氣四溢既雜菌。- 明太子蛋卷蛋卷口感滑嫩，食落充滿蛋味，加左明太子令味道變得鹹鹹甜甜，非常好味👍🏻- Sukiyaki八海山既壽喜燒屬於關東煮法，牛肉、菜、豆腐同湯底會一次過上。牛肉既肉味頗濃，點埋生雞蛋漿食令口感更加嫩滑。八海山既料理無任何精緻既賣相，但呢種日本家庭式料理已經足以俘虜我既舌尖🥰

之前有一班friend好鍾意每個月都會去食日本嘢，基本上尖沙咀大部份嘅居酒屋都食過咁滯，無他地點適中，價錢又唔會太過離譜。當晚四個人，一支sake，開心的晚餐，談了很多，彷彿年青了十年。前菜點了芒果蟹子沙律，非常大的一個份量，嗰啲芒果甜到好似喺泰國買嘅一樣。眾多選擇之中，特別揀啲少見嘅魚類選擇，長尾濱鯛真係未試過，聽都未聽過，個魚味幾特別，魚皮可能未必人人鐘意的感覺。生蠔麵豉鍋真係聞所未聞，牛肉鍋就聽得多，用蠔做主角真係好少，牛油帶子燒，煎得好香，牛油嘅澎湃令到帶子如跳舞般飛奔起來。加個生烏冬落去生蠔麵豉鍋，感覺非常好，烏冬好彈牙，好得。雜錦天婦羅又係大大份，當然嗰啲天婦羅唔會話炸到好似一啲日本貴價餐廳炸到好出色，但吃落去都感覺不錯。整體水準穩定，而且又唔太貴，一班朋友食最啱。當晚有個男人，一個人一條魚一支酒都得，你話正唔正先？