122
56
30
港鐵九龍塘站 C2/ H 出口
電話號碼
2333 0222
開飯介紹
轉一個方式品嚐中菜原味,八月花創造出非一般的中菜飲食體驗包括款式多及份量適中的風味小菜,健康的蔬菜及豆腐選擇,亦提供不同種類的茶款,還有精緻點心。 繼續閱讀
特色
同客食飯
營業時間
星期一至六: 11:00-16:30; 17:30-23:00 星期日及公眾假期: 10:00-16:30; 17:30-23:00
付款方式
Visa Master AE 現金
其他資料
酒精飲品
自帶酒水 詳細介紹
切餅費
VIP房
泊車 詳細介紹
電話訂座 詳細介紹
加一服務費
室外座位
食評 (225)
卓越食家 2016-08-22
2340 瀏覽
八月系列 見就見得多 今次都係第一次入去食飯雖然都係美心集團 但環境裝飾都偏高貴令人有截然不同既感覺~除左正常menu外, 仲有多一份 傳統廣東款式menu夾埋夾埋都好多食物選擇呢!事不宜遲, 第一碟叫既係係Openrice受各大食家推介既脆脆BB豬(4件) $78 (份量:6/10, 味道:8.5/10)佢當然都可以一隻咁order (好似三百幾蚊), 但我地要留肚, 所以叫左4件呢個份量BB豬係用6個星期大既乳豬泡製而成...唔怪得連脂肪都未出齊....口感真係好好好鬆化烤得好香 仲有好豐富既肉汁...... 實在係太好味...強烈建議要食!!! 一定要食!!!!跟住黎既係另一款大受歡迎既款式 -- 鳳城鍋貼蝦多士(五件)>v<$48 (份量:7/10, 味道:7.5/10)估唔到....每件上面都真係有隻蝦口感好好... 感覺到成件多士好新鮮炮製!跟住係今晚叫既唯一飽肚食物 -- 薑蔥龍蝦煎米粉 $228 (份量:7.5/10, 味道:8/10)本來都覺得有少少貴... 但黎到後見到龍蝦份量好多~~~煎米粉分左四件~ 煎到少少脆口 好得意 好少可食到脆既米粉~龍蝦我地四個人 每人食到2件以上@0@龍蝦殼已經鬆開左 好易剥開~~~(連d大蔥都好好味T___T)最後 係今晚既主角: 摩登肝醬片皮雞+菜盞炒雞崧 $288 (份量:8/10, 味道:8.5/10)估唔到有咁多件.... 真係好感動T_T XDD隻雞烤得好香脆 流口水=PPP每一件都會有脆雞皮+薄薄既雞肉+一層厚厚既肝醬+青瓜+脆米托底~口感一百分~十件之外 仲有兩隻雞翼可以食~~酒樓既小炒永遠唔可以睇小~~~碟送未黎到已經聞到香味... 不過都幾油下~其實食左幾啖... 已經食唔落 =.= =.= =.=所以 我都冇乜印象係咩味喇XDDDD但係總括成餐 佢價位比潮江春高少少食物質素就高多多! 所以絕對有下次 : ) 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-09-06
847 瀏覽
蝦多士多士好脆好薄,蝦肉好爽口,仲有d雞蛋味。醬汁酸酸甜甜,好開胃好香口!!咕嚕肉粉漿好薄,肉質鮮甜又脆,仲有青椒紅椒菠蘿,五顔六色,顔色好繽紛,令人好開心!蟹黃翅湯嘅濃稠度適中,蟹膏好甘香,仲有啲蟹肉絲,魚翅粗幼適中,味道唔錯!叉燒又燒係半肥瘦,肥肉同瘦肉嘅比例啱啱好,肉質好林,味道甜甜地。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-04
733 瀏覽
今日下午同朋友短聚,之前響apps拎定飛,但黎到先知要夠半數人先入得,皆因有8大人3小朋友,結果要重新拎過飛,等左大半個鐘左右。餐具同一般飲茶有不同,恕我少見世面。食物叫左一陣就到,效率非常快,重點係仲好熱添。叉燒酥比平時食開的甜,但總括黎講食物質素都可以,埋單比想像中便宜,每人都係$146。中途要求店員幫我地影相,通常佢地都係影完就算既心態,跟本唔會理會到相中既影像得唔得,但衣個店員好有heart,留意到相中有一人個頭被遮住左,提示我地,LIKE。衣家先知佢都係美心集團的。 繼續閱讀
(以上食評乃用戶個人意見 , 並不代表OpenRice之觀點。)