全記點心專門店 (已結業)

其實食物ok亦算抵食。不過上次我地晚上10點幾左右去食，明明門牌同open rice都寫明收12點，而我地打算食半小時就走。點知落左單先同我地講佢地要收工，叫我地快d食完就走。 果陣仲係10點幾，我地質疑d姐姐點解門牌寫既關門時間係收凌晨12點，佢地話門牌時間係唔準確喎。結果野食一到，d姐姐全部望住我地仲係咁催我地走，最後我地頂唔順食左15分鐘就走左(果陣11點都未到)。其實我地都唔想阻人收工，所以先揀間收夜少少既餐廳去食飯，點知入左去仲要落完單先話要收工。 呢個經驗令我地對全記都卻步了。

星期6 來葵芳行街，想揾個清靜的地方食晚飯，眼見本店少人，便入內試試。我們二人飲熱水，卻原來要收每位3蚊茶錢。叫了$19瑤柱粥，只有一粒瑤柱，有如一碗白粥，極為可怕。另外叫了 燒腸粉，腸粉皮極厚，最後只可餘下腸粉皮無食。最後是蝦餃，味道平淡，$29只有3 隻，水準比以往差了，短期也不會再來，唯一好處只是少人。其實幾年前本人也有來過數次，水準也並非如此，希望佢會努力改善，回復以前一樣，否則只會令人愈來愈反感

門口貼住早餐孖寶任選兩個點心都係$32 ，食得多茶記早餐悶悶地都想轉下口味，而且選擇都唔算少一個人去飲茶係麻煩啲，最唔想就係同人塔枱，野食未到要你眼望我眼咁，而且店內位置唔太寬闊，最後決定外賣。落完單係門市等左起碼20 分鐘先有得拎，只能講點心專門店黎講算係有啲啲慢，不過摸上手又真係夠熱，即叫即蒸就由佢啦⋯⋯趕時間就要諗諗啦。瑤柱菜苗餃同干蒸牛肉燒賣牛肉燒賣即使去到茶樓都好少有得食，呢度有都算小驚喜，味道唔太差，唔會成口油/一堆粉味，菜苗餃就真係好普通，唔試都無損失

點心叫時先蒸，夠鮮，下午茶仲抵，$32兩個點心，配飯都得，好滿足對於大財團酒家點心，放係度蒸全日，點心走哂味，仲貴。值得推介的是棉花雞同黑松露鳳眼餃～Yummy

Not being very hungry, we decided to eat at this all day dim sum restaurant as there seemed to be room and we could just eat a few items.Menu is in Chinese only. There is no English. It's in the form of a check off paper. There is no 10% service charge but there is a $3 per person tea charge.Tea was served in a cup with a tea bag. That was odd. So, they apparently charge you for a tea bag.  Spring Rolls ($18). These were not only oily, but bland. Filling was a bit of pork and shrimp with cabbage

今日即興有時間，約人食下午茶，佢知我鍾意食中式點心，所以就帶咗我黎呢度食。佢推介咗脆蝦腸俾我同屬係某處既春風得意腸類型，腸粉略為濕，但味道不錯。之後叫咗個黑松露鳳眼餃味道都幾好，但又係太濕，睇相都睇到好濕，搞到啲皮好淋。最後牛肉球！個牛肉球唔錯既，食得出粉唔多，但冇枝竹硬係覺得爭啲野咁。但烏蠅真係好多，一路食一路揚開佢地，好難慢慢食，好痛苦。另外樓面姐姐會特登扮睇你唔到，扮忙扮做緊野，想叫第二輪野食或者加水都有難度。

比想像中出色，葵芳多小食係人都知，但估唔到葵芳都有平民小店煮野咁出色，價錢相宜，但味道絕對唔差，湯無味精，今日例湯係西洋菜。全部份量都好足料，即叫即蒸，下次黎再試其他！

上個月食啲臘味係一片片，上星期係一小條一小條，今個星期係兩舊肥豬肉。阿姐仲話：係咁架啦！（昨晚的收銀阿姐）茶係茶包茶，仲要三蚊，其他點心都比其他酒樓貴，服務態度比出面差，做得收銀都應該唔係新黎啦，有無可能咁講野啊？最慘我聽到阿姐回答又無野好講，罵他又嘥氣，叫佢換？兩舊肥豬肉又真係臘味。之前食佢地啲點心覺得佢唔差，臘味飯又正，菜又好食，點不知佢原來係表面，食多幾次先知咁。佢覺得無問題，我咪唔再去食飯囉。

點心，你一定會諗到酒樓吧。今天行過葵芳，肚子不太餓，但想唱點熱茶，於是入來呢間。奏上熱茶1杯，不同一般酒樓的是他採用的是茶包，好處是乾淨和喝起來不會有茶葉沾在你嘴角。店家省了茶壼，節省人手。每位＄3，有點貴哦。雖然不太肚餓，但也不能只喝茶就走吧。於是叫了幾個點心。沒有大酒店的華麗名字，簡單樸實的牛肉球三個字，人如其名，味道普普通通，無特別驚喜。墊住牛肉球的菜，我不知道目的是裝飾還是消滯，不過因為「食得吾好嘥」，我還是吃了，菜吸收了牛肉的鮮味，還挺好食的，就是口感太淋了。可能廚師也沒想到有人會吃吧。這個普通的名字，食起來味道卻不普通，濃濃的鼓油香味，豆鼓味加強了鼓油香，我不喜歡雞爪很淋，還好它做得有嚼口，雞爪放入口會吸引你再食。很細心地附送了一碟辣油，省卻了舉手講「吾該，我想要辣油」。適合香港的急。另外，雙拼可以一次滿足你2個願望，這個挺讚的。粉果由花生、菜、肉組合起來，味道特別複雜特別吸引人吃，所以我特別愛吃。蝦餃，由9成蝦肉加2成肉醬配合起來，味道特別鮮，蝦餃皮很簿，沒有影響整個口感，對得起(＄24/雙拼）這個價錢。酒樓食點心少不免要排隊，這種速食速決的點心舖就免了排隊，上菜也高效率

一個星期六的下午，來到葵芳，預算好到某類型的餐廳開餐，但是卻臨時改變主意，以點心作為星期六的午餐。在葵芳，除了酒樓外，幸好有一間全記點心專門店，在這區也許只有這間吧。在牆上掛滿了當年昔日香港的風景，從照片中看到昔日香港的街道，實是有點唏噓。點心紙上的點心，款式不算很多，但仍可點來數款。每次都會點來腸粉，今次點來的是叉燒腸粉。長長的腸粉，包裹著叉燒粒，加上醬油，使原本無味而富有米香的腸粉，帶來了鹹香的味道，幸好粉皮還算薄薄一層，不厚。喜歡吃潮州粉果，因為內裡的食材豐富，只要皮不厚就好，然而這籠粉果的皮，略為厚了一點，而且還是黐底，這實是有點不足之處。很久沒吃過棉花雞，當中的食材以雞件，蟹柳及魚肚製作而成，雞件有咬口感覺，又有點滑，魚肚盡吸收了雞件及其他食材的精華，軟腍又夠多汁。飲茶向來都是一盅兩件，今次三款點心，可謂大滿足了。

作為呢個區的街坊，見到開左間新嘢，當晚因工作至很夜，單身入左去就搵左個卡位坐，入到去就見到點心紙，望下D點心價錢，其實都唔算平，就算最新響新都會6樓既China Hall，平日早市點心小點都係＄19，呢度最平的小點係$15，平均要$16以上，在地鐵站的唐記，我最愛的鮮竹卷才$14 。坐下之後，侍應就問我要綠茶定其他茶，我掛住玩電話，求其叫了綠茶，來到時，只有一個杯，好像茶餐廳一坐低就唔使錢送來的茶一樣，那杯茶沒有茶味，感覺和茶餐廳用來洗筷子的差不多.....而且.....茶不是熱，不是暖，而是只有一點點溫度，比我身上的體溫涼一點，我坐了一小時三十分，沒有人幫我加過茶....記著茗茶是$2的！因太夜的關係，我看到隔離枱的飯好像頗大的樣子，於是便只叫了$22的時令臘味飯，當我把點心紙交給收銀員，因我就是坐在收銀員前面，她看到只有$22的飯時，臉有難色，叫我重新確記一次，我說了「是」，她就幫我落單，之後，有點饞嘴的我，都加了一客鴛鴦燒賣＄20。到我的飯來到時，我見到只有少少的臘腸和肥臘肉，臘腸和肥臘肉都是便宜貨，普普通通，我吃了幾口，發現，原來那隻碗的㡳是很淺的，所以，只吃了約十口，已吃完了

在葵芳吃點心，多數要在酒樓或點心外賣店，才能品嚐到點心，但是要到葵芳芳的點心專門店坐下來吃點心的話，就少之又少。然而在下行經盛芳街，見到這間新開的全記點心專門店，看起來又幾闊落，於是走了入去。餐廳用上了懷舊式的磁磚，和擺設了各張以舊有香港街景的相片個裝飾，令人有一種懷舊的感覺，也讓人回想到從香港從前的景貌。從相片看到旺角的煙廠街的舊貌，與今天見到的，卻已經很大分別呢！而餐廳盡頭便是點心出品的廚房，看著師傅不停的把一籠籠的點心蒸熱，又可即時製作各款腸粉，著實是十分繁忙。在點心紙上，可以隨意點上想吃的點心，有蒸飯和粥，苑菜甜品，煎炸焗點心，當中廚師推介的有黑松鳳眼餃和黑松露野菌餃，嘿，連點心店都用上了黑松露，也實屬少見。不過在下也沒點來吃呢！另外，茗茶只有兩款選擇，一是普洱，一是綠茶，不過茗茶只是兩個大洋吧。鳳爪排骨飯。今天卻又想吃飯，故點來一個蒸飯。從前是以豉椒蒸的，今天仍然是有的。用上了豉椒，使排骨和鳳爪變得惹味，也有著微辣的感覺。加上醬油，使蒸飯變得不再平凡，鹹鹹香香和惹味的感覺，頓時變得好吃起來。排骨軟腍也沒有太多骨頭，鳳爪便是吮了又吮，也可補補腳骨力呢！潮州粉果。一向是在下喜歡的