倫哥火鍋私房菜 (已結業)

hotpot hotpot , gonna write a song and poem to workship  唱完歌仔，入返正題，呢間是任食hotpot ,一個價錢全包，有東西飲。但留意部分食物如高級肉同海鮮有限加點次數,需要加錢付多些先食到啦有唱啫雞，海鮮，會係先食完再倒入湯，開始打邊爐啦！心血來潮想食海鮮，好豐盛又多海鮮料，靠海鮮陣鮮甜，湯底無需加太多調味肉片對食肉獸，食幾碟都沒問題。肉類基本的豬牛雞都有，任君選擇。有我最愛架魚皮同響鈴成有近70款配料，一於拎多 香脆些菜食先。除了汽水及菜，啤酒也有哦！ 有足足120分鐘任食呀，充裕時間唔急慢慢打邊爐。

年幾前朋友生日入過元朗食一次倫哥私房菜，朋友們都激讚以致今日仍念念不忘，終於同朋友趁禮拜book左深水埗嘅倫哥私房菜食多一次。最先上盤嘅係前菜沙律菜、紅肉火龍果，小辣木耳開胃兼刺激味蕾，準備大快朵頤哈哈～第一道頭盤有鮑魚、花膠，仲要大大隻一d都唔欺場～隨後主角火辣辣嘅雞煲登場，我地order左唔辣，果然唔會失望，雞煲保持一貫水準，雞肉嫩滑且吸睛，香味撲鼻～雞煲入面仲有加鮮魷同牛柏葉，非常之入味～食完雞煲已經半飽咁滯，然後到邊爐登場，有大蝦，蟹、各式海鮮類，重要嘅係全部都幾新鮮～牛肉脂肪紋路清晰平均，一睇就知正嘢，食落口果然嫩滑，唔錯～打邊爐點可以缺少蝦滑同墨魚滑喔～雖然係食肉獸但都要食返d蔬菜菇類平衡返嘅，蔬菜顏色鮮豔種類齊全～食飽飽後仲要送埋甜品一份，椰汁雪燕清潤怡人，食完雞煲後就啱晒～果然貼心！食到好飽且滿足，值得一試再試嘅私房菜～

朋友生日決定去倫哥食，其實一直都想去食，終於因為朋友生日可以去試下，呢間有個好處係任飲任食唔限時，我同朋友7:00去到，因為未齊人，侍應問要唔要上住雞煲食住先，D雞煲係任食嘅，同埋雞煲份量唔算大，我見第二張枱叫左4轉雞煲！但我哋只係食左一煲啫，味道唔錯，等齊人後就開始上菜，先嚟過北寄貝沙律，花膠鮑魚，蒸聖子，我自己就覺得花膠冇乜味！湯底我就一早book定溫泉雞湯，中間放個冬瓜加小半隻雞同椰青肉，我地先飮碗湯，味道唔錯，不過隻雞肉就鞋左D，同埋有個唔好處係中間個位太細，放唔得太多嘢入去打邊爐，之後就有牛肉啦、海鮮盆、蔬菜盆、炸魚皮響鈴、雲吞九菜餃同魚皮餃、黑墨魚滑、蝦滑等等...海鮮盆有蝦、蟹、蜆、青口、魚，海鮮都新鮮！特別要講下黑墨魚滑同蝦滑，堅好味，蝦滑入面有成隻蝦，而魚皮同響鈴就有D失望，唔夠脆！如果唔夠食可以再叫，仲有甜品，不過我哋實在太飽，所以連甜品都冇食！店內得2個侍應，見佢地忙於出菜、執嘢、落單，真係好忙

最近去試試一間位於深水埗的火鍋私房菜餐廳，質素唔錯，想推介一下。餐廳採用半任食形式，部份高質素貴價食材只有一次性，另外火鍋配料及基本汽水任飲任食。仲有一碟刺身沙律及每人半隻龍蝦，都幾揼本！有款花膠扣鮑魚熟食，食落去個調味適中，每位都有一隻鮑魚，都幾彈牙。牛頸脊就咁睇已經見到啲花紋分布夠靚，顏色都好新鮮，食落去有好香嘅牛味。雞煲選小辣，啲好香嘅辣味同埋芫荽以及香滑嘅雞肉飽肚又醒胃。之後就揀咗芫荽皮蛋湯，都幾清新可以令到啲海鮮更加鮮味粉絲蒸蟶子蒸蚌仔象拔蚌BB海蝦鑽石蜆刀貝蜆白鱔龍躉魷魚 鯇魚有部份係一次性，有部份就可以任點任食，見到啲色澤都好新鮮，食落冇沙好乾淨，真係好吸引！另外同時佢會上俾你嘅蝦滑 墨魚滑 雲吞水餃響鈴 蔬菜滑類質素都幾吸引架，好爽口彈牙，水餃雲吞個皮都好薄，其實食完都已經好飽！最後仲有甜品，食到捧腹而歸。

以前仲係收夜嘅時候，同同事食過旺角嘅倫哥，當時印象唔算好好；事隔幾年，我地終於再訪喇。因為朋友生日揀左最方便嘅深水埗店，並且一早預約。到店時客人唔多，店員招待殷勤，初始印象良好，不過坐低冇耐，就見到地下有隻反肚曱甴…雖然我個人唔驚，不過餐廳都要多啲注意衛生。餐廳面積唔大，週末到左接近8點已經近乎滿座，可惜店員人手不足，黎黎去去得兩位店員，落單又要等、收拾又要等。關於收費我地都唔係太清楚，離開時先留意到店門外嘅banner，週末每位收費$303，另收加一，只收現金。每位包括秘製雞煲任食、湯底、海鮮盤人頭份量、牛頸脊人頭份量、清蒸海上鮮、「鮑你上位」同約50款配料任食、飲品任飲。前菜幾好食，木耳辣辣地，幾爽。醬油沙律好快店員就上左雞煲，由於佢地唔限時，所以就算我地仲有一位朋友未到，都可以食住先。一共食左四煲，雞煲份量不少，醬炒入味，亦都唔會好多骨，幾好肉地。少辣唔夠喉，如果鐘意食辣嘅，最少要中辣以上任食黎講，都算有誠意。附上豬皮、魷魚，部份豬皮好多毛，其實幾倒胃口，要注意鮑魚即食，味道唔錯。清蒸龍蝦質素都可以，大隻肉唔霉，截至呢度我都仲覺得可以一試。食完雞煲，可以轉湯底打邊爐，有芫茜皮蛋、

好耐無食火鍋，聽就聽多得，一直都無試過倫哥，今次６點幾就黎到，見無乜人食以為有Ｄ伏，點知食食下愈坐愈多人，因為食物質素相當唔錯，有雞煲有海鮮，仲有任飲同甜品，其實３００蚊真係唔貴喎！啤酒有得買套票$100/100張，抵到爛，見到有街坊買左黎用，似乎成日都黎食ＸＤ講番個套餐，有前菜有沙律，再上蒸海鮮，鮑魚，雞煲，再打邊爐，最後有甜品，唔夠食可以再加料，部份海鮮都可以加單，仲有麵／菜／丸／之類，一定食到超飽。雞煲都好入味，小辣覺得唔夠辣，可以要中辣！鮑魚同龍蝦都好好食，新鮮彈牙，而且煮得好入味！炸魚皮都好脆，不過響鈴淋左少少。打邊爐既海鮮連蟹都有，花甲定蜆無沙，多寶魚好滑！OVERALL 超滿足，好飽，性價比不錯喎！

呢排見好耐都未食過雞煲，打過邊爐，就約咗一個朋友同我一齊去食出曬名既倫哥啦🙈🙈一去到已經有兩款餐前小食,啱晒超肚餓嘅我😂😂而且飲品都幾特別，呢兩款都係比較少見嘅果汁☺️☺️之後就送咗份北寄貝凍蝦沙律，鮑魚燉花膠，同埋蒜蓉龍蝦蒸粉絲，食得全部海鮮都好新鮮同埋鮮甜，鮑魚亦都唔細隻，所以非常抵食！食完雞煲之後我哋就叫咗酸菜魚湯湯底打邊爐，店員都好貼心咁幫我地上埋第一轉嘅食物墨魚滑同埋蝦滑全部都超足料，仲見到好多一大粒嘅蝦肉、墨魚，而且海鮮拼盤同樣令人好滿足，款款新鮮又鮮甜👍🏻👍🏻牛肉同樣超高質，唔單止賣相超靚，食落嘅牛味重好重，啱晒鍾意食牛嘅人👍🏻其他響鈴魚皮同樣都唔係平價貨，所以其實呢個價錢真係好抵，最後仲送上椰汁燕窩，免費嘅甜品食到咁高貴都係第一次😍😍

好友又轉工，所以約食飯賀一賀，大家都住深水埗就最好係附近食😂幾年前食過倫哥，印象中都係呢個價錢，有埋海鮮食，相當唔錯，太耐無食，宜家無左燉湯啦原來。套餐一口價，先有前菜，蒸海鮮，鮑魚扣花膠，之後就上雞煲，再打邊爐，會比一set火鍋料你，基本上都唔洗再另外叫野食已經超飽，不過食物係可以再加，大胃王都實食飽飽。海鮮好食，仲有好多款，無論蒸龍蝦定火鍋既海鮮料都相當不錯，並無將貨就價，而且蕃茄湯好濃好好味，最後仲有燕窩食👍🏿

當晚侍應二人，一位红衫身型細小，笑容可躹，態度殷設，另一黑衫身型高長的侍應姨姨，全晚只專心招呼熟客埸內一桌七位男士，自動幫他們增補前菜，這桌男士，沒有用$100購買100張啤酒券，却可以$1享用啤酒，場內其他生客則視而不見，揮手呼召，只以黑面相向，請這位黑面侍應姨姨安排換骨碟，回應說冇足夠人手洗碗，客人自已抹吓隻骨碟再用啦！再請呢位黑面侍應姨姨上一枝啤酒，轉身即刻忘記，呢D真係招呼一流，下次再去，真係要睇吓呢位黑面侍應姨姨冇當值先敢去吖！

今日去到深水埗倫哥尊尚火鍋私房菜。先來一個小辣雞煲，雞肉都夠入味又清滑。辣度都可以接受同香口。食完雞煲用埋個汁炒埋魷魚牛柏葉香口美味。鮑魚仔爽口彈牙仲好入味。沙律菜配合醬汁加葡萄乾很美味可口。之後就換上蕃茄湯底，幾香仲有菇。響鈴魚皮夠脆香口，吸了湯更為好味道。海鮮：蒸蟶子新鮮好味仲有蒜香加粉絲。象拔蚌，鑽石蜆，沙白都新鮮鮮味十足同時冇沙。龍躉片魚香十足，肥美可口。魷魚，海蝦爽口彈牙，味道都好鮮味。元貝上面有蟹籽，口感一流。牛頸脊油脂分佈平均，牛香十足。雲吞水餃料都好足夠。手打墨魚滑/鮮蝦滑香口好味道。蔬菜新鮮好味道。仲有燕窩做甜品

大約兩年前食過一次尖沙咀倫哥，對距既食物質素有好感。今日再黎，都仲係保持一如既往的質素，值得讚賞。深水埗呢邊就食街坊生意居多，人流較少，但到了食晚餐時間都差不多滿座，所以下次來之前都是book定檯比較穩陣。前菜有木耳同沙律，幾健康，菜好新鮮。再黎雞煲，等8分鐘後就要炒一炒，然後每隔2分鐘再炒，炒幾次，防止煮過頭。Waiter 細心幫你計住差不多時間就幫你炒。一打開蓋，個陣雞煲味仆鼻而來，已經流曬口水， 跟著急不及待地食啦緊係， 小小辣辣地，惹味！ 如果可以食得更辣，可要求食中或大辣。食到差不多，我地其實已經好飽😂，因為兩個女仔成大煲雞煲竟然差不多食曬，你話幾好食呀！ （其他太大食🤣）食雞煲其間，距又會上餐本身包的龍蝦和鮑魚，本身對呢兩樣野冇咩期望的，但龍蝦竟然好新鮮！連下面d 烏冬我都食埋，幾鮮甜， 鮑魚又係一樣好「Q彈」🤣一併仲有花膠一同上碟，突然好養生咁。最後，我地轉左打邊爐。番茄湯很濃郁的番茄味，我幾乎都不需要用調味料，除左本身包一籃子菜，(忘記影）入面仲有菇仔， 蔬菜充足。另外，打邊爐常叫的追加item,例如響鈴、丸、魚皮、魚滑個餐都係有包的。牛肉好大份，好有牛味。海鮮又係新鮮

倫哥尊尚火鍋就好多人都食過又好多人讚過，自己食就是第一次，因為次次都訂不到位。今次朋友帶我來深水埗這一間試試看，果然沒有令我失望。我們叫咗一個套餐，有龍蝦烏冬，花膠鮑魚，任吃雞煲，仲有海鮮等等。花膠鮑魚味道好濃郁入晒味。龍蝦烏冬由於係蒜蓉做調味，烏冬反而清清地就唔會太膩。而湯底方面有蕃茄，集菌，豬骨等等。今次我和朋友一致決定試一試那個集菌火鍋，一開始就試一試個湯底沒有想像中那麼味道濃郁，對於我們喜歡吃牛的人來說，首先一定要試一試牛肉，值得推介牛肉的脂肪分布非常平均，亦有入口即溶的感覺。而海鮮拼盤帶好多款海海鮮，有一部份可以再添加有一部份就只有一份但都好新鮮。食完晒咁多野之後加個麵個湯底簡直一流。

今日係第二次食倫哥，上次食完已經覺得超高質，今次再黎食😋一如以往，一開頭會上左啲小食先，有醃雲耳同火龍果。再黎就係雞煲（無影到開左蓋既雞煲😭），我真係十級鐘意倫哥既雞煲。因為佢係已經煮到半熟，再加味道超濃郁，夠曬入味，煮一煮就食得。仲會比一碟魷魚、豬皮、牛柏葉比你，加落啲雞到一齊炒。超正😍！！其實勁想加雞，但男朋友想打邊爐，所以食左第一轉就完左雞煲😭野飲都好多選擇，汽水、梳打、茶個啲基本都有齊。仲有自己煲既檸檬薏米，不過我就無試到啦。食完雞煲之後會上一大堆野食，張檯都就快放唔落🤣有沙律開下胃，不過今日既戰鬥力麻麻，食完雞煲都五成飽，沙律淨係食左幾啖。但真係落足料，有北寄貝、蝦、蕃茄仔同菜，麻醬都落足曬🤩。之後仲有鮑魚同蝦，一個放題有咁多樣野食，仲有海鮮，真係勁抵🥰。墊係蝦底啲烏冬都吸曬蝦既鮮味，好食！邊爐我地就嗌左蕃茄湯底，茄味十分濃郁，基本上係唔洗點豉油🤣。材料方面，第一轉會所有野都黎一份先，但我地兩個連第一轉既野食都食唔曬😭，真係太多野食。一大盆海鮮同牛頸脊，仲有基本既蝦滑、墨魚滑、菜、丸類、炸魚皮等等。有啲海鮮係可以免費encore架，戰鬥力夠既話真係可以再嗌🤣。最後仲會有甜品，

朋友話想食雞煲，所以去咗呢間，我哋一行四人，呢度晚餐係做指定嘅雞煲火鍋放題，每個人$293+1 ，買單$323，睇下食咩先😉一嚟就送幾個小菜俾你，黑木耳幾好食，清清地，又酸酸地，好開胃。但鳳爪皮好硬，亦都唔入味，麻麻哋。之後仲有前菜，但唔記得影相😅包括有蝦同帶子嘅沙律，蝦同帶子嘅份量啱啱好一人一隻，加咗好多胡麻醬，味道都OK，仲有細鮑魚同海參片，亦都係一人一隻，係貴價菜，叫做抵食。之後就係雞煲，好似話係用成隻雞整嘅，再加埋豬皮同魷魚，要自己分四次炒，大概炒8分鐘就可以食，好香，味道濃郁，都幾野味，係火鍋未到嘅時候雞煲係任添嘅，但我哋食咗一輪已經好飽，就食火鍋啦。火鍋首先揀湯底，我哋揀咗蕃茄湯底，係好味嘅，但係蕃茄味太濃，蓋過火鍋配料嘅味道。先會俾你一碟海鮮、一盤牛肉、幾個魚蛋、雲吞及其他菜式，可以食咗睇吓夠唔夠飽先，睇返隔離幾枱，火鍋配料係睇人頭比份量嘅，如果得兩個人食，牛肉同埋海鮮嘅配料就會少啲，總之大概一人一件左右，牛肉我覺得最好食，雖然肥咗啲，但係有質感、肉味濃。既然講得放題，當然有免費添加菜式啦😄添加菜式有黑毛豬豚肉片，呢個好推介，真係好好食，跟住就係芝士腸啊，魚蛋啊咁樣囉，如

而家一班人去#食飯我都鐘意揾個有房嘅地方可以坐得#舒舒服服#倫哥私房菜 都係一個唔錯嘅選擇有房之餘仲要#無限時可以#慢慢嘆今次去左#深水埗 分店首先有個#雞煲 可無限添加鷄煲#味香濃 唔太油👍🏼食完個鷄煲有碟#三寶 比你放落鷄煲煮有#牛柏葉 #水魷 #豬皮呢三種都係吸味嘢吸晒鷄煲D精華 #好鬼香食完呢D可以換個湯底 #打邊爐今次特別少少叫左個#湯泉鷄湯㡳 同#天麻龍躉骨湯底 呢兩款都係要早一日預訂鷄湯底 好#清甜應該加左#椰青水#魚骨 湯底就麻麻冇咩#藥材味 🤔建議飲左D湯先開始打邊爐#海鮮 全部都新鮮毎人仲有一隻炆鮑魚炆得好焾好入味#牛頸脊 入囗即溶加錢叫多左碟🙊另外仲加錢叫左個#象扙蚌刺身 $198 都唔貴🤔仲好#鮮甜無酒精飲品 任飲嘅但我呢D點少得#啤酒 🍺吖$198/2 L 有1664 & asahi 我地由6點食到11點幾個個都捧住個肚#大滿足每人大約$450