佳記餐廳 (已結業)

每次去元朗，必定好食佳記（人稱B仔涼粉）。係咪真係全部野都好食就見人見智啦，但我每次來都只食幾樣食牛。辣雞翼尖，辣的程度高，但因為野味，每次辣到飛起都會食。咖哩魚蛋，係細細粒的那種，口感彈性好，又平，十元八磈一大碟。芒果西米露，清涼解渴，芒果超級甜。果肉攪碎成蓉，又冰又涼，食完鹹食飲返碗超正！

元朗食完飯當然要去元朗食返個糖水啦。今日去咗B仔涼粉，要排隊，唔知平時係咪都要排隊嘅呢？但都唔係等左好耐，大概等左5分鐘左右。被安排上一層樓梯嘅座位，叫咗一碗咋咋，原因好簡單，因為生果糖水都好簡可做到，價錢廿幾三十蚊。而喳喳對於我哋呢啲唔識煲既人來講，＄20都唔使感覺上好似好抵。份量都唔少，但係就不太杰，豆都名多，如果減少少甜就更好，食完飯再食糖水，滿足。

今日做野做到無食飯, 做完野就出去食個Tea, 因為好肚餓所以求其入咗間茶餐廳. 點知中晒伏我見到餐牌有下午茶, 叫咗個炸醬撈面, 連熱飲$39, 一D都唔平, 但坐低咗, 乜都好只想快D叫野食. 叫完野食定一定神, 先見到原來其它時段炸醬撈面只係$40連熱飲, 下午茶只係平咗$1… 不過都唔緊要, 如果好味的話其實無乜所謂好快D野食就到, 碗面都幾大兜, 可惜炸醬得好少, 唔夠撈晒成碗面. 我加D湯再撈. 味道都算唔錯, 而且見佢個湯係奶白色又幾好飲, 我最後成碗湯飲晒. 點知出事. 食完之後我發覺好口湯, 我飲咗2支水都仲係好口渴. 心知一定落咗好多味精. 後黎過咗幾個鐘都係咁, 搞到晚飯都食唔落…. 其實我都好明白出去食野會落味精, 但呢間D 味精真係太多, 真係有點過份 . 價錢一D都唔平, 其實絕對可以比返素質好少少的食物客人.呢間餐廳真係無下次

之前去屯門佳記覺得不好吃，從來冇打算去試元朗佳記,今日同屋企人行街後想吃下午茶，屋企人要去佳記，我跟隨屋企人決定啦,我們坐下之後，看下餐牌,下午茶選擇好少,我覺得冇咩啱自己，最後揀了波羅油+涷檸檬水(27),另外，再點了奶油豬仔包(16元),我覺得波羅油又幾好，個包十分香脆,凍檸檬水又幾好飲，元朗這間分店好味好多，服務就麻麻地,已經比屯門店好些小，環境都OK食物水準波羅包,我覺得幾好吃，個包好脆凍檸檬水,冰太多了,甜味不太甜，覺得幾好飲奶油豬仔包,屋企人話好好吃服務我覺得麻麻，店員好似唔憂做,要叫2次才有反應環境裝修好靚 ，座位坐得舒服價錢下午茶最抵食,其他時間好貴番吃間中再來

是日無無聊聊殺入元朗揾食，行經呢度，見裝修還可以，於是入佐去坐，兩個人叫佐兩樣野，雖然食物与圖片有好大分別，但味道還算ok炒面香脆，不過不失，羊扒就食得出好大梳打粉味，有D失望。

果幾日行過呢間餐廳食左個早餐大約三十蚊既早餐同出面差唔多, 味道都可以。個公仔麵啲肉都唔會太少 亦有麵包, 一條腸同炒蛋 係抵食既!最後叫左杯熱咖啡。出面既咖啡同茶餐廳果啲真係無得比, 咖啡味特別濃郁。出面幾十蚊叫杯咖啡; 黎茶餐廳最多10蚊杯, 仲可以睇住電視飲, 絕對係另一種享受!

又是入元朗做治療的日子，早點到元朗揾地方食早餐，之前食過的麻麻地，就近診所想試的餐廳不知何解幾間都冇開，行了一段教育路終見到有地方吃早餐。時間約10點25分，店內8成滿，好快便找到位了。早餐選擇不多，本人選了C餐轉煎蛋$27，加$3轉凍飲。全部食物很快到，趕時間最啱!凍咖啡(7/10)~夠凍夠滑，未夠啡香，但也算不錯。火腿冇煎，煎蛋雖然是用鐵板煎，但都算有火喉，不是白雪雪冇火氣的，餐包真是好鬆軟，不塗牛油也好美味!雪菜肉絲米(7/10)~上檯也夠熱，米粉比平常的幼小小，不嚡口但也不算幼滑，雪菜肉絲是本人喜愛的食物之一，這店是炒得乾身，仍吃到粒粒的雪菜， 並不是炒到一"pat"獻汁咁，咸了小小，但味道不錯。$30早餐，這間茶餐廳我應會再來。

一個人中午時間開餐, 快捷好吃是首要條件. 而我不時會選擇佳記.  這裡的特餐有齊我最喜歡的三寶.特餐＄３６１寶）　迷你奶油豬仔包：烘得夠脆夠熱，牛油剛剛溶化，非常香口。開店以來我一直是支持者，平日也有下午茶餐供應。２寶）　無敵炒滑蛋：外面看似全熟，但內裡呈半流心狀態，仍然很嫩滑。炒工一流～３寶）　蕃茄牛肉湯通粉：鮮紅色蕃茄湯夠濃郁，牛肉片沒有被梳打粉拿過，兩者味道好配合～

今日叫左三絲炒意粉及魚旦河，你估三絲係乜，一般係火腿或义燒，冇諗過要問，點知黎到係有牛舌，本身自己唔食牛，而同行小朋友都唔食牛舌，問阿姐，點知阿姐話係阿，我地嘅三絲係有牛舌，你叫之前又唔問清楚！你自己錯唔問清楚唔好賴我地，冇得換！大姐，你餐牌張相都唔係咁，我要求換，阿姐好串唔理我走左，我火都黎叫另一個人，要求更換，碟粉成五十蚊，錢事少服務差事大，隻碟仲鬼死咁大但係意粉放係碟中間個吼度，阿哥仲串話炒過碟走牛舌比你，我問走牛舌係未可換其他材料，阿哥話冇，大佬！咁咪亦係意粉炒意粉，阿姐立即過黎收碟，仲收埋我小朋友食緊隻碗，我話唔要要取消，阿姐阿哥話冇得取消，我話我唔俾錢，野又冇食，餐飲都冇叫，服務態度超差，阿姐即刻報警！呢間野唔駛錢都唔再去

今日午餐到元朗教育路中旅佳記餐廳我食了個蘿蔔牛腩飯啲牛腩成隻麻雀咁大很不容易才免強塞到入口，但問題又出現，此物奇靭無比，嘴嚼了逾五分鐘，其纖維紋理依然，佩服。餐飲為紅豆冰，奶味及甜味欠奉，豆粒是寥寥可數之流。榮膺我今年食過最差的元朗餐廳之首。太太吃了日式滑疍炸魚栁飯，侍應踹上飯後，只見有黑稠稠的醬汁，面放有兩中等大少的炸魚栁，太太旋即在米飯及醬汁內仔細搜查滑疍的踪影，可惜遍尋不果。最後幾經辛苦後才在黑巴巴的汁液內發現一些白色髮絲相若的東西，雖然這些滑疍的含量是微乎其微，但我敢斷定這些就是滑疍，根據剛在公周五新頒報的(商品說明條例)下，小店是完全沒有干犯法規；但無滑疍不要緊，但醬汁的咸度是較正常的咸三十巴仙而炸魚柳更是五十個巴仙以上。跟住望入廚房內發現大部份都是年青的小顆子，看來他們只是做緊呢份工，而並非做好呢份工。怪不知在此段繁忙時段仍是門可羅雀。此店是首次及最後一次光顧喔！

是日落元朗shooping, 行到8點幾, 諗住搵野食, 點知周圍都係人, 食咩都排長龍靈光一閃, 行街時經過呢間茶記, 就去呢度, 只係等左一張枱!好想食咖喱, 叫左呢個咖喱羊仔肉飯 咖喱好香, 唔算好辣, 食完只係流左少少鼻水,羊仔肉好林, 唔會痴牙, 另外, 咖喱份量配一個飯岩岩好食晒, good!另外點了這個瑞士雞翼公仔面, 跟餐有個炒餐同面包雞翼汁好好味, 好濃味, 甜甜地咁; 而炒蛋都有水準, 應該加左牛奶炒, 好滑流另每人跟紅豆冰 & 凍檸茶一杯埋單都係$115, 抵食

今次係我第二次幫襯，第一次就係自己去食早餐。今日同舊同事安哥去午餐，我食午餐【咖喱牛腩飯 + 凍奶茶】，安哥就食下午茶餐【星洲炒米 + 熱檸茶】。現場裝修新凈，不過天花面板冷氣槽位好多灰塵，真係怕食食下隨時有粒塵跌落食物上!!! 侍應招呼都唔錯有笑容，刀叉擺放雖然較求其，但總算係餐具齊全及乾淨。 先講【咖喱牛腩飯】，成碗咖喱汁份量勁大碗勁多，但係咖喱香味欠奉鹹味極濃，牛腩尚算燜得夠腍不黐牙，不過汁水真的太差，極為影響胃口，10 分滿分只值 5 分。 白飯只有一小舀，我諗果大碗咖喱汁，可送五碗白飯。凍奶茶都 ok，但茶味都唔夠濃，淡奶份量都尚算足夠，如果 10 分滿分，呢杯凍奶茶我俾 7分。安哥的星洲炒米，上枱時賣相相當唔錯，但係原來炒得好似燜米一樣濕，而且米粉非常鬆散，好似用米粉碎或用剩米粉炒。見到一班廚房大佬，坐哂系堂食卡位，就估到下午茶餐一定係學師炒，10 分滿分只值 4 分，安哥話好難食。安哥話熱檸茶還可以，都可以俾 8 分。現場有三部 LCD 電視打直掛牆，只係用作提供餐牌之用，但完全冇一部電視俾客欣賞。作為一間茶餐廳，相信好難搵到一間冇電視節目提供觀賞，如果有時悶悶地食

因為從朋友口中之後元朗大棠街有很多舊式唱片舖，所以本人決定看一看，但可惜找也找不到，之後，覺得很肚餓，一於去吃東西，找啊找，決定來這兒吃。我叫了：魚蛋米線，跟生菜及熱華田。魚蛋米線－好好味，米線好爽，而魚蛋亦好好味！湯底亦好好味！生菜－正，不苦！服務不錯！有機會再來！

星期六同朋友返大陸按摩,入左元朗一齊食晏及撘車,本來諗住去第二間餐廳食的,但經過呢間見係新開及幾光猛就入左嚟試下,我地三個都叫左下午茶餐,我叫左一份腸仔窩蛋免治牛肉意粉,飲熱檸水,朋友叫左豬扒包,飲熱奶茶,仲有炸雞脾沙律,熱鴛鴦走.餐廳都真的幾光猛及新,同埋好多選擇呀,下午茶餐都有分2:30開始及3:00開始的選擇.等左唔係好耐d嘢食就嚟,先嚟豬扒包,個樣都ok呀,味道朋友都話ok,熱奶茶好濃及香,好飲,我的腸仔窩蛋免治牛肉意粉都好大份的,同埋好足料呀,一隻窩蛋,兩條腸仔,好多免治牛肉,好味呀!唔會太咸,味道啱啱好.另外的炸雞脾沙律朋友話都ok,不過隻雞脾唔太夠呀,我見個賣相都好似好吸引咁.呢間應該會有下次的!!

呢日難得同男友仔一早起左身, 所以就打算去食個豐富既早餐 諗起開左間新既茶餐廳, 一於去試下啦~去到o岩o岩有位, 好野!一早唔太肚餓, 所以決定同男友仔 share, 結果我地 order 既時候....男友仔: 早餐 c (沙o爹牛麵)侍應: Err...沙o爹牛賣晒, 你揀第 2 個啦我地已經呆左...有無攪錯, 晨早流流就賣晒, 咁點叫早餐 = =!結果, 因為此終都想試一次, 所以男友仔好唔情願咁揀左:早餐 B - 雪菜肉絲米 配 煎蛋(1隻) 腸仔(1條) 火腿(1/8片) 多士(2片) $23凍檸茶 (凍飲 +$3)我就要左: 菠蘿油 x1 ($8)等緊既中途仲有個少插曲:話說, 聽見隔離枱有對夫婦又係想叫早餐 C...然後果個侍應(另一個)就同佢講 "唔好意思, 沙o爹牛賣晒" 但可以轉做肉丁麵!!!!!我同男友仔聽到.....呆左~如果有得轉肉丁就唔要咩鬼雪菜肉絲米啦 攪錯!!! 有得轉肉丁又無同我地講, 淨係叫我地揀過另一個早餐...唔通個個侍應都有唔同既 information?!身為一間餐廳, 點解唔同侍應既答覆可以咁唔 standard!!!?話說回頭, 先