佳記甜品 (已搬遷) 新店位置

其實完全唔明點解咁多人幫襯 我就覺得b仔真係冇咩特別。。。 幫襯過幾次 每次都更加失望 阿姐態度又差 恃住唔休做對客勁冇禮貌 除左芒果西米撈同芒果腸粉值得一試之外 其餘食物例如榴蓮班戟、涼粉同出面質素差唔多 至於燉奶、燉蛋等糖水質素真係好差 感覺整得好求其 唔值得專登入元朗食 同區亦有其他較好選擇

唔係住元朗，但係會為b 仔涼粉專登入去食。次次黎到都好多人，人山人海🙉🙈🙈，不過間鋪頭大，通常好快有空枱，等一陣就會有位坐。呢到主要食甜品同小食，甜品都唔錯，主要都係不同組個嘅水果加配料，比如涼粉、西米露個d ，味道正常，價錢個宜，上菜速度快。不過有好幾款甜品份量都好大份，需要幾個朋友先食得哂啊，需要小心睇住份量叫👻👻👻🙈🙉但係我最鍾意就係食小食，尤其係份雞翼尖，又平又大份，兩、三個朋友share再加甜品 剛好，微辣味道剛好

今日同朋友去左打羽毛球，打完之後就去左附近嘅佳記，即係都幾出名嘅B仔涼粉。咁我地就坐低啦嗌左西瓜汁、鮮什果涼粉同埋雞翼尖。雞翼尖係我黎到必嗌嘅，記得以前食個陣係幾辣，辣到一定要飲野嘅。今次食嘅呢個好似無以前咁辣。 但都係好好味同會食上癮，雜果涼粉入邊有西瓜火龍果芒果同埋哈密瓜，生果都幾新鮮，配埋涼粉一齊食就消曬暑，雜果涼粉$38 同埋雞翼尖 $18，價值抵唔抵就因人而異啦，不過未食過B仔就唔好同人講黎過元朗啦係咪？

炎炎夏日，買碗冰涷糖水做下午茶是不錯選擇。來這裡看餐牌和企係涷櫃前選飲品是同一道理，明明已知有什麼賣，就是忍不住要看一次，因為糖水可選的種類真的好多！黑糯米、涼粉、西米靈等⋯最後選了鮮什果西米露，什麼也有，不用煩！打開蓋子，第一下感覺是，只有幾塊西瓜哈密瓜和一片芒果，不是吧？這樣要$38?!倒了淡奶，拿膠匙拌一下，咦？實的，乾脆拿個大碗倒出來吃好了！原來都是滿滿的水果塞滿了塑膠碗，所以才這麼難拌，差點錯怪店家，好足料吖！水果都是新鮮貨，這$38元值了！

仲以為b仔涼粉叫b仔 原來b仔係佳仔 黎到先發現 黎b仔大家都唔係食b仔 而係每檯都有既雞翼尖 朋友好似係b仔專家 一坐低就開始嗌靚女 叫左雞翼尖同西瓜汁 好似好有經驗咁 即刻跟機要西瓜汁 諗住都叫做糖水舖好似要嗌個糖水 所以嗌左西瓜黑糯米 補補血 但係原來我誤會左 b仔原來唔應該俾我侷限喺糖水舖既印象 本身唔係真係好好雞翼尖 再加上見到一個樣子好唔靚 有毛既雞翼尖 即刻收皮 食唔到 所以只好好好享受西瓜汁 懷疑唔知西瓜汁有無落糖呢？食黑糯米啲西瓜唔係好甜 但係杯西瓜汁又甜㗎喎 好彩甜得係剛剛好 唔會好假既甜味 所以算啦 黑糯米 就係黑糯米 完 相信呢度應該係元朗深夜入面其中一個最熱鬧既地方啦 夜晚都咁多人落黎食嘢 （個朋友係咁𥄫女）其實都真係幾有feel既 唔係超好食 但係如果同朋友過黎行下 坐下 睇下 吹下水 都唔錯既～

因為元朗實在太遠，所以已經好耐無食過b仔。唔知水準有無繼續保持住呢。🤓去到即見到有一樣野無論時間過左幾耐都仲保持住既，就係長長既排除人龍。我地一行二人都好耐無食過b仔，所以唔係好記得攞票程序係點。😂於是見門口有位員工負責嗌位，就行去問佢攞票，可惜佢唔理我地，我地就以為佢未得閑住。點知等左一陣，佢都係唔理我地，最後係其他食客同我地講要去收銀位置先有得攞票。😢😢因為之前食過佢既b仔涼粉，發覺佢有部分水果係罐頭水果，所以今次就無嗌黎食。🍎🍉🥝依家來食b仔主要都係食雞翼尖，今次就嗌左雞翼尖同魚蛋。🐟🥚1️⃣最值得讚賞既係佢既魚蛋係出面已經買少見少既陳皮魚蛋 (原因當然係陳皮魚蛋來貨貴)👍👍👍仲要$10有成8粒2️⃣雞翼尖味道依然，好香蒜味，加埋辣椒有少少辣，好食到一隻接一隻，停不了🌶️而且只需要$18就有咁多隻，真係十分抵食。

好耐都冇食B仔，由於一個人係元朗要等人就入去食返小小嘢。其實對B仔唔係特別好，由以前好鐘意食佢嘅雞翼尖到依家十年都唔食一次。老實說，佢以前質素好好多，價錢公道，不過近年不停加價，啲份量又減小左好多。質素都下降左，所以都咩意欲食。今日屎忽痕竟然走左入去叫在份腸粉同芒果西米露食，食完嘅感覺係自己攞黎。其實佢係平民街坊甜品，不能寄望有高嘅質素。不過份十蚊嘅腸份真係幾幼下，份量小。需則味道還好。但比我一種暴利感覺。不過最介意都係佢嘅芒西！啲芒果好似壞壞地，隻色啡啡地咁，我竟然都食落去，不過伍表面食落甜嘅，但咬多幾下，有種不明酸味呀！媽呀！本身唔想打依份食評，但希望佳記有機會見到可以改進下。話曬都係元朗嘅signature!

叫左外賣，等左好耐，比我後既號碼都過左，行過去只係想問下佢係咪洗流單，個員工望左你一下，完全唔理，走左去中間有外賣送出來，掛住係度吹水都唔叫號碼。已經唔講話服務架啦間野，連最基本做人既禮貌都無。

We took takeaway because here is always full of people. It's popular in Hong Kong, some people even come to Yuenlong just for this B Chai Liangfen.I have tried several times already and didn't think the fruit desserts are delicious. This Fruit Can Sago soup just really disappointed us. Almost all fruits are come from Fruit CAN and lack of fruit sweetness. The fruit here is just too fake for me. But sago soup is ok, at least normal. The fruit is just way too bad! I hardly finish just one small bo

家姐話黎到元朗，黎B仔涼粉食糖水是常識，明明Dinner 都食到飽飽，就咁比佢捉左入黎食，見好多人出面等以為冇位，點知入面有好幾張台係吉既，見10點半後出面可以開始開台，D人應該等出面開台。我地叫左南北杏雪耳燉木瓜同蜜瓜奶冇晒凍，唯有食熱啦，好潤好飲

好多人都會為左b仔落元朗，一嚐馳名雞翼尖同b仔涼粉。B仔我已經食左好多年，呢次係入去食返個陣b仔味。有唔少人都因為食左b仔，返屋企模仿佢個雞翼尖，所以佢都算幾成功。$19份糧充足，好味之處，不外乎重口味。呢次稍嫌佢煮得太林，未損已經散晒d雞翼尖。但勝在夠辣，一人一碟都唔過份。我至愛係佢既榴連糯米卷，真係好抵食呢款！入面包住滿滿榴連，糯米個皮又夠煙un.比起食榴連班戟，糯米卷遠勝！佢既涼粉系列都係我推介，比其他甜品店既更加有勁，好爽口！佢既楊枝甘露就比較普通，同其他甜品店無異。B仔最大等式，勝在生果夠多款式，份量足夠，所以如果一家人/一大班朋友，真係可以試佢個大大碗b仔涼粉！

車朋友去元朗，順手到遠近馳名的B仔涼粉，夜晚11點都仲係8-9成滿坐，真係勁。餐牌好精晰，睇咗一陣仨人已經落咗單。阿姐落單快手，上甜品都係快嘅。叫咗個大樹菠蘿西米靈，B仔一貫作風，都係料多，分分鐘有4-5塊都幾大塊嘅大樹菠蘿，底個西米露都足料，椰汁味香，$28係抵食個啫喱上嘅雪糕都好大舊人有三急去咗個廁所，小舖黎講衛生ok啦。so far 成件事好有實力，抵佢咁多年都咁旺場，咁舖出名, 黎元朗係要黎吓。

難得入元朗一次，點都要專門來食B仔涼粉，一大碗砌到似朵🌹咁，令人心花怒放食甜品好肥，不過呢款甜品就最岩怕肥的女仔，因為一大碗生果，只會越食越健康西瓜，哈蜜瓜，黃桃，木瓜，芒果，大樹菠蘿，椰果，蘆薈粒，香蕉，奇異果，荔枝，蜜瓜 ，加上涼粉在底，好大一碗不過坐得好逼，好多時候都要搭枱，環境就真系麻麻，大排檔系咁，夠熱鬧哈哈好耐先來一次，又加左價B仔生果盒81蚊，貴左d啦.......餐牌仲有好多甜品小食可供選擇

💰芒果班㦸 $33芒果糯米卷 $38🤤 心癢癢要食甜品，就買左b仔返屋企歎。份量都幾勁ga，一定要開心share🤩糯米卷舊芒果很巨，班㦸舊芒果都唔少野！又甜又足料👍🏻係價錢進取左dd啫😅……………………👇🏻地址👇🏻佳記甜品 (元朗)元朗又新街置富中心7號舖.

元朗人無不知道的道地甜品店屹立多載。相對於店舖本名的生招牌 B 仔涼粉，本人更推薦小店的蒜香雞翼尖，份量正常，但醃得十分入味。味道頗辣，建議不太能吃辣的人多帶水去喝。另外，甜品味道一般，而且職員態度一般。建議多方改善。