京都抹茶屋 (已結業)

之前已經食過兩三次也算可以，今次卻令人大失所望。點了芒果飲品及宇治抹茶雪糕奶昔，前者糖水味比芒果味強烈，後者更是劣中之劣，抹茶雪糕以及奶昔同是淡到一個點！我覺得自己根本不知道自己正在吃什麼！是否因公司cut cost 連雪糕加抹茶粉教味同北海道鮮奶做奶昔底都要慳住用呢？看圖中飲品的綠色就知唔夠料喇！同時在入座時，枱是有但工作人員卻無執枱，那時不是繁忙時段，我們同另一枱客也是自行執開之前顧客遺留下的杯碗等餐具至另外的空枱。前枱零亂，青色布面椅子上有很多已乾的污跡，衛生真係令人倒胃

懷着滿心歡喜的心情來下午茶，正值營業時間又找到位子，正當打算購買的時候發現四下無人，服務員失蹤了，等了一會，一名服務員前來並放下了一張Closed的牌在前枱並回到客人用膳的枱子上玩手機....真氣頂

今日嚟開尖沙咀等朋友食Lunch，點知早到，就諗住周圍行下住等點知嚟到美麗華，見到呢間京都抹茶屋，對於抹茶控嘅年，雖然一陣約左食Lunch，但都係坐低左！呢度係開放式茶坐，即係就算Close左都可以坐喺餐廳嘅枱度，我11:55分到，點知原來開12:00，我等到12:00，有個Staff出現左，但都係未叫得野食一直等到12:08，我問個staff“係咪未可以Order”，佢話都係準備開舖中，未有得Order住再坐返喺度等，一直等～一直等，等到12:20，都係未得算了吧，約左朋友12:45，今次無緣試，下次一定要嚟試下各位想食嘅朋友，記得唔好咁早到以下呢個係我想食嘅宇治抹茶霜淇霜甜點，喺廚窗度望住～等我呀⋯⋯我會再返嚟嘅！

今日同朋友係尖沙咀搵野食，喺美麗華商場入邊見到有間cafe，人唔多啲位好似幾舒服，就去睇下餐牌同試下。 我哋去櫃檯叫咗個熱洋甘菊同一個焦糖咖啡芝士餅。 等咗一陣職員首先送上熱洋甘菊，個熱洋甘菊有一個大茶壺裝住啲洋甘菊茶，下面有蠟燭去坐熱呢壺茶。而且有套西式嘅杯同碟，洋甘菊部門成個茶壺，洋甘菊味道好濃，而且啲茶係無限添。 再等多一陣，職員送上焦糖咖啡芝士餅，下面係類似一塊用石做嘅碟，而且上面什麼好多白色嫁粉，同有三個忌廉，外形賣相係唔錯。至於蛋糕，味道唔會太甜而且有焦糖同咖啡味，味道不錯。

周末飯後尋找甜點，行經美麗華商場見到日式甜點，想試試。我們選擇了兩款賣相最好的甜點，等了15分鐘，然後親自到櫃台取甜點。1)  竹桶抹茶雪榚賣相很美，味道不過不失，不甜。可是本來抱著想吃甜點心態的我，吃後覺得比較清淡，幸好朋友點了個不同的甜點。2) 三式抹菜雪榚比較竹桶，這個底部有煉奶，由淡味吃到濃味，感覺不錯。朋友吃到中部，把所有溝在一起，甜而不膩，味道不錯。兩個甜點相比，我比較喜歡三式抹茶雪榚。服務更貼心一些的話，會令顧客提升對餐廳的滿意度。

平時行過美麗華商場見到呢一間甜品餐廳都好似冇乜人幫襯，所以都好少去食，但朋友就想去試吓，雪糕可以再試，但飲品就冇下次。本身想點抺茶雪糕，但係就比餐牌上面嘅三款雪糕搞到有啲混亂，名稱就差不多，都唔知道有咩分別，要睇埋英文先至明白，呢方面可以改進下。十勝霜淇淋甜點$58有抺茶雪糕，紅豆，三粒類似小丸子嘅組合。個人覺得抹茶味濃，甜度適中，但係紅豆就非常甜，食咗一啖之後就畀晒朋友食，最失望嘅係小丸子，純粹係一粒有顏色的粉團，沒有任何味道。芒果抺茶牛乳＄42外表不吸引，飲落都未見驚喜，芒果喺最底層，但食落偏酸，飲落似普通抺茶牛奶，不值這個價錢，另外冰塊亦都相當多，差唔多有半杯都係冰。

原本打算去中村藤吉吃飯後甜品，怎知它九點已經last order，我和朋友還傻呼呼的打算等消化一些食物後才吃，去了旁邊的無印逛了會，再回來才發現它已關門了😭😭但抹茶癮起，於是便來了同一商場的京都抹茶屋。由於剛好室內的位坐滿了，我們便到外面吃，天氣涼浸浸，很舒服。價錢當然比起中村便宜，也在當中的質素反映出來呢。定番的配搭。抹茶雪糕的抹茶味很少，偏向奶味，吃下去有少少少許的抹茶的苦澀味，溶得很快，吃了不久已經整個塌下了。紅豆偏甜，而旁邊的團子除了麵粉味仍然是麵粉味，可幸的是仍算煙韌。這個比較好吃一些，窩夫到時仍是熱呼呼的，雪糕也比較硬身，但仍是不夠抹茶味，只是普通的一球雪糕。總括而言，坊間這麼多抹茶甜品，這間只屬不過不失，平平無奇，或許勝在不算貴，兩人埋單六十元不到，但想不到下次再光顧的理由。

朋友知我既是愛茶之人，更是愛抹茶得不得了，聽說尖沙咀除了中村蕂吉之外，新開了一間抹茶店，於是我就跟她去試了。餐廳是開揚式的設計，星期六的黃昏有不少空座位，我們不用排隊就順利找到個位置坐下。見它寫著是半自助式，還以為要像大家樂般自己去拿食物，誰知職員會替我們拿過來。因為想吃雪糕，又想喝茶，就選了北海道牛奶朱古力宇治抹茶 。朋友選了和我一樣的，只不過我要冷的，她要熱的。見到實物真的有點不敢置信，和圖文不符呀，上面的雪糕去了哪裡 ？ 很失望呀！而且，抹茶味太淡，朱古力醬令整杯飲品更甜。表層上的泡沫令口感更滑。似是甜甜的泡沫咖啡多於抹茶。朋友那杯的賣相挺好看的，茶杯幾靚。

假期就是要週圍行，行到美麗華，想食綠茶雪糕，附近除左中村，仲有呢間京都。又見到有外賣優惠，所以試試無妨！本人對綠茶有特別喜愛，喜歡綠茶的甘味！見到咁嘅價錢，輸極都係14蚊姐。$12-3.6牛奶雪糕$14-3.6牛奶+綠茶雪糕$16-綠茶雪糕我買咗牛奶+綠茶，因為我都鍾意食牛奶味。綠茶加牛奶可以中和綠茶中的甘苦，又比較滑身。不過好可惜入口第一啖....冇味嘅，冇牛奶味，綠茶味淡到.......十分普通，又易溶....點解呢？

由於外賣軟雪糕優惠限於星期一至星期五， 上次在星期六經過， 沒有優惠，堅持唔食。 今日終於等到了。 綠茶軟雪糕 16元， 雲呢拿12元，双色十四元。對於綠茶控的我， 當然選擇綠茶軟雪糕啦。其實他們做緊3週年推廣，如無特價， 每款都是貴8元。還有好多吸引的綠茶產品。軟雪糕好幼滑，但綠茶味不太濃，份量都足，有成五個圈，個cone 都好脆，16元，算可以了。

本來想試下3樓間綠茶甜品店，但因為打晒蛇餅，等左20分鐘決定試下依間小店。由於是日35度，熱死人，所以叫左杯咖啡奶昔飲下，軟雪糕應是採用北海道牛乳做，不過不太幼滑，而且味道偏甜。咖啡味道有少少苦，溝埋雪糕會好飲啲。綠茶奶昔係媽媽叫的，綠茶雪糕明顯比起雲呢嗱雪糕味道香濃，不過都係不夠幼身，依杯其實好飲好多。細佬叫左芭菲，見到個杯咁高，賣相好靚好開心，特別係果三粒丸子，幾煙韌，下面舖左綠茶，雲呢嗱雪糕，仲有個啫喱。由於都幾大個既關係，細佬食左一半就唔食了，建議兩個人食會好啲。另外，小店做緊外賣半價，如果大家唔介意無得坐可以買外賣呢！

與Heidi約左飲杯野，綠茶癮起，就走上美麗華商場2樓的京都抹茶屋試。只想飲杯野，就叫左熱宇治抹茶拿鐵，上碟的器皿都漂亮，優雅，拿鐵奶泡層厚，中間部份尚算幼滑，面上灑上了綠茶粉，增添了奶泡味道，抹茶味道十分濃，濃得黎又無苦澀味，溫度都夠熱，傾左一輪計仲和暖。奶很滑，唔知係咪用左佢display的北海道3.6牛奶整嫁呢？坐響度都幾舒服，又唔多人，星期六，尖沙咀的中心位置有呢個位，仲要係綠茶主題，簡直難搵呢！

食完晚飯，原本諗住去THE ONE既中村藤吉坐低食個抹茶甜品，點知原來搬左，仲要只做外賣😲，唯有走過對面美麗華既京都抹茶館試下~見到佢個Menu有個宇治抹茶雪糕葛軟糍($58)，即時令我諗番起上個月係和歌山ToreTore市場，食過果度即整既抹茶蕨餅! 😍果種抹茶既濃香，軟得黎又帶點Q彈既口感，到依家都仲念念不忘。😌所以諗都冇諗，就叫左一客~ 同行既友人就點左杯熱既Matcha Latte ($42)~因為抹茶雪糕球賣晒，就轉左抹茶軟雪糕。個軟雪糕食落幾滑，抹茶味都幾濃，唔錯~😋 但唔知係咪因為變左做軟雪糕既關係，溶得超快，相都未影好就要拿拿淋食 😓至於個葛軟糍 (亦即係蕨餅)，口感當然同日本既冇得比，硬身左D之餘，又過甜，有D失望。而旁邊果幾粒抹茶啫喱，冇咩抹茶味，口感似落多左魚膠粉既布甸，冇布甸咁淋，但又冇啫喱咁彈，有D奇怪。而友人既Matcha Latte竟出奇地好飲😍~ 牛奶味香濃得黎又冇蓋過原本抹茶既香味，滑而不甜，幾OK~總括而言，甜品只屬一般，飲品反而唔錯~ 若果對抹茶產品冇太高要求，只想靜靜地飲杯野，食個Dessert，傾下計，不妨可以黎依間試下~

雖然盆栽蛋糕已經唔興，但係見倒抹茶呢兩個字就忍唔住叫左京都抹茶の園，睇落真係好似一棵植物咁！面頭係一塊薄荷葉，下面就係Oreo面，個底係抹茶mousse 食落口好滑好清新，不過抹茶味唔夠濃，如果濃啲就好喇。睇得又食得，大家行街行到攰不妨坐低試下

同朋友美麗華食飽飽又唔想咁快返屋企，即刻openrice睇下附近有咩甜品舖，就openrice到呢間京都抹茶屋，行到去冇乜人，環境又幾岩傾計就決定坐低我地叫左花之園窩夫同十勝宇治抹茶霜淇淋窩夫外脆內軟最鐘意放d雪糕係上面1齊食，一冷一熱真係好好味 略嫌士多啤梨都幾酸 如果甜d就好啦另外個抹茶軟雪糕都好軟滑不過不失 丸子都幾煙un, 但綠色個丸子就冇乜綠茶味 可以再去試下其他野食