亞坤 (已結業)

星期二晚吃飯時間，連城廣場的食肆都半滿，只有亞坤是沒人的。為了快，就吃亞坤吧，爛船總有三分釘，以為。叫了海南雞飯和椰漿飯，認為是比較保險，結果都是強差人意。雞飯的飯很乾，雞就是普通白切雞，沒跟湯，胡亂吃了幾口就放棄。正宗椰漿飯的精髓是用椰漿煲的飯和森包辣椒醬，這裡給的是海南雞飯的醬，沒有辣椒醬。問店員，回覆說是這樣的。上網找一張亞坤總店的椰漿飯照片給他看，他看到後還是說，我們的是這樣的。說罷就走開繼續和同事說笑玩手機。始終煮的人是未吃過好東西，亦沒心去煮好東西，結果就是這樣。吃完看看Openrice的食評，一邊倒差，此店前景堪虞。

沙田餐廳雖然多，但到了食飯時間就每間都有好多人排隊。尤其是週末既晚餐時間，間間餐廳都會好多人。因為想食個間餐廳要等成個鐘，但又餓餓地，所以我同朋友決定先去食少少野先。7點幾個時行過亞坤，見過有幾張吉台，所以決定入去食個多士先。我同朋友決定share個咖椰牛油多士餐（HK$39)。4/5 - 咖椰牛油多士餐 （有兩個糖心蛋同個多士，加杯野飲）個糖心蛋幾好食，雖然個蛋黃係生，但係無蛋既怪味，又加少少豉油，幾得意個多士有塊厚牛油，牛油既滑同上咖椰既香甜，配上多士既脆，好正。塊牛油好正，又滑又香，加上餅乾甘薄既多士，完全係食到停唔到口。不過，因為塊牛油甘厚，所以都會覺得飽飽地。同朋友share 岩岩好亞坤既食物其實係幾岩做下午茶。食少少野之後，又可以食晚餐。可能亞坤都係sell 輕食，7點幾已經有好多野都賣曬。另外，呢到其實都幾自助，去完收銀到買完野食，之後店員會比個牌你，食物準備好之後會送去你張店台。要水要更多既餐具就可以自己出去一個位羅。

1）等候將近20分鐘餐牌上並無任何提示指出多士製作需時；下單前，店員亦沒有提醒我們多士是即叫即製，直至付款後才告訴我們需等候10-15分鐘，作為顧客，根本沒有反悔餘地，只能耐心等候⋯2）賣相其差一心以為即叫即製，應該熱氣騰騰，豈料眼前兩客吐司沒有冒煙之餘，幻想中的澎漲感完全欠奉，比飛碟還薄的麵包可憐地躺在"油海"之上，慘不忍睹；面層蛋漿明顯因為打發不均，導致蛋黃蛋白清晰可見；3）味道一般油浸吐司，已無鬆脆可言。本應是精髓的咖央，沒有跟麵包融合，反而慘被閒置在碟邊，份量大約只有半茶匙（或1/4茶匙），麵包一角已沾取所有咖央！唯一可取之處，芝士仍是半溶狀態，可惜無法挽救跌至谷底的心情。結論：一頓浪費時間金錢的早餐

早上因為無咩選擇，食過新加坡，想試下香港亞坤。 點了一客咖央芝士多士。 牛奶咖啡（即係落煉奶）。服務態度我唔能夠說差，因為餐廳是沒有服務。 我下單他有反應，他有把菜送上枱，所以我還是給他們有一分。 食物質素不差，即叫即做，個套餐有兩隻半熟蛋，兩分鐘有得食，多士要大約等十五分鐘。 最好食係隻蛋，落三滴醬油夠味。 我落多左。 可以先食一隻，但新加坡朋友教我佢地係落幾滴，之後拌開蛋黃，將醬油，蛋白和蛋黃混在一起，然後用多士沾來吃，令多士無咁乾，同味道豐富啲。 但我地肚餓望住兩張咁靚嘅蛋蛋，等左十五分鐘，忍唔住食左一隻先。 淨返先用黎沾。 雞蛋香滑，個黃勁大。 多士黎左，有少少流心的，芝士味濃少少咸，佢有咖央醬在裡面，新加坡風味，但咸甜交雜時的咸味略重，個人不太喜歡。 沾蛋漿食，無咁乾口，我朋友是無老點我，口感和味道都平衡一啲。 若果可以同時上枱，感覺更好。牛奶咖啡，跟新加坡的都一樣，加左煉奶香奶味，更好飲。 本人嗜甜，所以喜歡。 家姐覺得太甜，下單時記得留意洗唔洗叫小甜。食物不差，性價比合理，39蚊，只能吃到半件多士的感覺， 但有兩隻半熟蛋都順啲。服務是你問他有反應，態度是答多個字

來到亞坤當然要試試它的家傳秘方椰漿飯和咖央吐司啦~ 可惜換來的只有失望及失望。椰漿飯僅是荷包蛋加茶餐廳縮水版雞翼，飯又乾又沒椰漿味，任何一間茶餐廳的水準都肯定比它好！簡直差無可差...... 另外的法式咖央芝士吐司則不過不失，本以爲咖央漿是夾在吐司之中，原來是放在碟邊讓客人自己沾來吃。這樣應是為了節省製作時間，但咖央漿就不能均勻地呈現在吐司裡，直接影響了口感。 兩個人消費百多元，卻不知吃了什麼落肚~ 除非附近餐廳全結業或餓得失去意識，否則都不會再進來消費了。

我今晚（10/3）晚上8點半去沙田連城亞坤，諗住一個人食海南雞飯。點知售票員話無海南雞飯，淨得新加坡雞飯。當時間鋪得三檯客，侍應一個，我諗住夜晚唔駛等就去落order，個所謂雞肉飯要收$48一碟，貴過大家樂、大快活，質素差過人地幾千倍，肉質無味，雞飯好似隔夜賣剩啲飯，冷飯一碟！大家樂、大快活畀啲白飯一定香過及新鮮過佢幾千倍！仲有佢乜都自助，攞杯水都話要自助，不過我行到攞個水樽係無水，兩個水樽都無。仲要好多食物都話「賣晒」！賣晒就落閘收鋪仲好啦！啲食物咁唔新鮮，又難食，仲乜仲要開鋪？所以有客都寧願唔食走人！係我唔好彩我要嘅雞飯仲有食剩，咪賣畀我食！食過連城幾年，之前食過亞坤未裝修前，服務質素都已經差到爆，裝修後無論服務、食物質素都係九流！快啲執埋間鋪，無謂再「害人害物」！

今天我和男友去沙田飲茶，路過這間來自新加坡的亞坤餐廳，之前我在新加坡的亞坤吃了咖央牛油多士，十分美味。今天竟然在香港見到，當然要試一試。我們叫了最傳統的咖椰牛油吐司，以為會和新加坡的一樣美味，怎料………十分難吃！吐司賣相方面，樣子和新加坡的一樣。味道方面，雖然等了10-15分鐘，以為是即製，點知竟然是凍的！連一些餘溫都沒有！十分失望！吐司塗了太多咖椰，令到吐司太甜。另外因為凍了，咖椰味道十分差，很難吃！牛油很大片，但由於吐司是凍的，牛油沒有溶化，我好像是直接吃牛油！雖然吐司表面是脆的，但因為咖椰真的太難吃，令到整個吐司都十分難吃！價錢方面，咖椰牛油吐司$18，貴過新加坡，而且質素差很多，完全不抵吃！總結來說，香港亞坤的咖椰牛油吐司完全沒有新加坡的風味，十分難吃，不會有下次！

同朋友行新城市行到餓醒起連城有好多野食就黎左試下食呢間 亞坤見到餐牌都唔錯好多新加坡野食例如kaya toast, 喇沙...我就點左個喇沙食下  咖哩喇沙蝦麵($42)可能我去完新加坡無耐舌頭仲好記得當地好好味既喇沙對比之下, 我係香港食呢碗真係唔合格先講個湯其實都好香濃只不過同我自己買番屋企住既喇沙麵果個湯底差唔多令我覺得自己都有潛質做呢間餐廳既廚房而蝦就得2隻得過且過吧唔太爽口 可能雪得太耐既關係隻蛋都ok不過就好日式佢比較適合出現係拉麵上面另外一提$42係唔包野飲的我朋友口快快叫左杯凍奶茶原來都廿幾蚊一杯大家要睇清楚價錢先落單啊唔好學我朋友咁傻豬

亞坤的咖椰牛油多士總是帶給我期待，連遠在沙田也要一親其芳澤 ~很可惜沙田分店給我的卻似是烘也沒有烘過的麵包，一點也不酥脆，牛油及咖椰醬都塗得少，最可惜是那兩隻雞蛋所需要的胡椒及黑醬油，黑醬油竟然是稀兼且鹹味似生抽 ~本篇完 ~

每次經過都想買咖椰球來吃，但每次不是說要等候15分鐘，或是沒來要遲點才有。這次終於給我買到了，等候時間只是5分鐘，只可惜是即時拿上手是涼的，味道更沒有咖椰味，真的不知道可以怎麼說了。****************************這次經過商場，問了職員有沒有咖椰球，職員說有，便要了一份9粒的咖椰球，HKD22，想想都幾貴。在店內坐下等候約5分鐘的時間，終於到手了，打開看看又幾得意，一個個球的，但點解拿著紙袋上手是不熱的呢?然後即時取一粒來試，真的是涼的，咬下發現中間有點軟身，口感像多粉漿的雞蛋仔，更沒有什麼咖椰的味道，這樣賣9粒要HKD22，真的很貴又不好吃。

做完運動離開時，看見亞坤終於開了，這時又有點口喝，所以便去買飲品來飲，沒想到進注香港這麼久，還是味道這麼差沒改進。***********************路過商場，才看見亞坤終於開業了，有點口喝便去買杯飲品。要了凍奶茶一杯 HKD28。喝下去時很甜和不凍，就是那些凍還沒有溶下，我要自己把杯搖勻，再喝，沒有茶味，也沒有甜味，真的不像喝奶茶的一樣，很失望呢!!!

兩個人叫左 椰醬飯 新加坡喇沙 同咖央牛油多士食三樣野總數都係$100 幾抵食椰醬飯好香椰香 甜甜地 配上辣醬甜甜辣辣咁好好食不過炸雞翼個粉就太厚 味道一般喇沙湯底好香奶味 但亦有辛辣味兩種味道夾埋好過癮！我本身鐘意食軟身d既麵 所以就覺得喇沙麵太硬身最好食就係咖央牛油多士多士香噴噴 微熱下牛油係半熔既狀態 又好鬆化牛油加上咖央真係好正

因為滿坐要係鋪外排隊，冇得拎籌。入座後坐在係張比較矮d 的枱，食得好唔方便。叫左2個飯：咖喱雞飯及馬來西亞椰漿飯。個咖喱雞飯好普通，但份量算多，有兩隻雞翼及兩隻雞搥，雞肉唔滑同比較散，應該整左好耐，最好味應該係個汁，好送到飯！另外個馬來西亞椰漿飯原來冇椰漿😂，有一堆辣醬，一隻雞全翼，一隻蛋同埋小小蔬菜。辣醬都幾辣，個雞翼竟然唔熟。總括黎講係失望。

難得亞坤在港有店舖，一直也很想試試。多款食品也想吃，這次選了咖喱雞麵，另購椰汁沙冰。即點即製，待了約十分鐘，看到很濃的湯麵，看上法可能很辣，但我已有一點時間沒吃咖喱了，久不久也想回味一下。吃下去，帶有椰香的咖喱，雞肉大塊肉厚、入味肉嫩，辣味明顯但香惹，加上麵條索了湯汁，柔軟香韌，感覺牽動味蕾，非常好吃!至於椰汁冰，椰汁甜而不膩，喝下新鮮香滑，與碎冰份量配合得宜，價錢稍貴，但是有質素、好味之作。

自問真係唔係極要求高既人，但飲左啖呢杯奶茶真係嬲爆，首先價錢絕對貴得驚人$28（翠華$22杯都起碼算好飲），呢度賣28完全不能理解！！！奶茶勁淡、勁薄身、勁少奶，茶味完全唔夠濃，似用一杯奶茶再開水溝淡分兩杯比人飲，感覺好差。唯一好處係我叫少冰佢真係有少冰比我。絕對唔會再試！！