五代同糖 (已結業)

MK唔係我平時會約人食飯嘅地方,一年都未必有一次 ,今次同班九龍人係朗豪坊食完飯,佢地話食甜品Lu,就帶我去咗五代同堂.TST果間,以前去過好多次,唔知係咪心理作用,我鐘意果間多D,雖然D位都係迫到嘔,不過客人好似斯文D,就算舗細好多,都冇咁嘈,可惜𣙀咗..依度連D服務員都零舍有氣勢咁,好電影感,隨時拉閘放狗..你淨係想快快手食完快快走..我地每人叫咗個甜品,然後share盒雞蛋布丁;布丁好綿好滑,個樣又靚仔,用天然雲呢拿做,唔錯唔錯.每次在TST都係食椰皇燉3.6牛乳,呢間都做得好好,椰皇的清香滲哂入燉奶𥚃面,食後感覺皮膚都滋潤咗,我就很滿意喇..其他朋友話佢吔D甜品,除咗楊枝甘露幾好,其餘都媽媽哋~~~wor!

吃過晚飯，與同學朋友還不想那麼早回家就當然會一同去下場，食糖水。而對於女生來說，吃過飯還有點飽最好就是吃甜品。五代同糖在香港有不少分店，隨處可見，而且在旺角就有，十分方便，今次我就試了個芒果pancake,首先芒果是很甜，不會未熟，而忌廉的分量也不是太多，不會包著一大包似的卻滿滿只是cream，價錢就一般，但與勝在有多個地點與友人共聚!

呢日咁岩係旺角食完晚飯同FD食完飯一定就食埋糖水先叫做完滿結束啦今次就求其搵左間近近地既五代同糖食下我地2個人就食左一個芒果腸粉同一個心太軟先講下果個芒果腸粉以前我會怕佢果層皮好厚而唔想叫黎食今次就因為友人想試下D新野一試之下又有驚喜 果層皮其實都幾薄唔會食到成口都係粉而令外一個心太軟都唔錯但同出面果D無咩大分別 未試過既話一試也無妨

見人少少唔洗等位就入去食，點知中伏！叫左蜜瓜西米露，26元。超級多水，好少西米，又加左大量類似食用糖漿(我唔知咩黎，總之好甜！)，完全無左西米露既味道。真係唔會再黎食。

去完旺角打邊爐,緊係食埋糖水先算完成任務,食得咁飽,所以就行遠少少先再食。今次就去左五代同糖, 平時都爆哂,勁多人唔想等,今次又岩岩比到6位我地,個到D侍應真係好強大, 岩岩睇完MENU, 都真係好多野揀,咁岩就比我見到個雜果窩夫,簡直係知音人,咁就同侍應講食咩喇,寫都唔洗寫低就記得,高手!!! 咁我個個唔知點解最遲先黎。睇落超多生果,岩哂,之後仲有個雪糕,夾埋個窩夫黎食,一凍一熱,真係好正，D生果雖然唔知佢新唔新鮮,但係就粒粒都好甜,講番個窩夫,有3塊細細塊,幾脆口,加埋夠熱,我覺得唔熱就無左夾埋雪糕一齊食個種特別,之後位女友人叫左個心太軟,都覺得唔錯,係咁話好食好食好食,但係又一啖都唔比我地試下, 不過個賣相真唔錯,下次再有機會既,我就去試下佢個心太軟。

聽講呢度既雞蛋布丁很好吃，經過就買一盒試下.當我order既時候，呢度既員工態度很麻麻，一面不耐煩似的，令作為顧客的我感覺不舒服.不過我只係order takeaway，食物好食就算.味度方面，呢度既雞蛋布丁口感同我expect既唔同.我意為會好似燉蛋咁，但係原來係smooth and creamy既質地,vanlila味好濃，食完個底會有黑色一點點，係vanlila seeds．甜度方面接受到,在中間.鐘意食呢D creamy and rich既質地既人，應該會喜愛.但係自己鐘意中或燉蛋多D.試過一次就算.不過一盒咁買黎同人share或當係party food都算係不錯既選擇.外形討喜會大受歡迎.

前日難得一班以前中學既舊同學得閒，所以就約出黎飯聚。人越大，真心朋友就越少，所以我都好珍惜每一個老朋友，即使我淨係中學畢業左一年，我都把握每次同佢地一齊食飯既機會。食完正餐，個個講起中學個時既開心事都笑到停唔到口，於是去下場食甜品，經朋友介紹，於是立即去位於山東街既五代同糖。係門口望入去，近乎滿座，只有近廚房仲有一行長枱位，於是立即入座 成個舖好細，又要擺得多位，好擠迫。我自己中意食焦糖燉蛋，Paul Lafayet既水準已經係高，不過我自己覺得個層焦糖就苦左啲，可能係因為即席用火槍燒緣故。所以這次我也和另一位同學叫了 Crème brûlée，另外兩位分別叫了薑汁味湯丸及椰汁西米露。湯丸($18)率先送到，每碗大概有5粒湯丸左右，薑湯顏色很深，看起來十分暖胃。椰汁西米露($22)則第二送到，椰汁很濃稠，我坐在她對面也聞到一陣陣椰汁香。等了又等，我倆的焦糖燉蛋($32)終於送到了。外表十分不錯，金黃燒得焦脆的焦糖看起來很誘人，聞起來更有甜甜的香味，不過份量比我想像中略小，不過不要緊，少食多滋味嘛~淡黃色的燉蛋才是主角，它和焦糖的味道互相配合，誰也不會搶了誰的風頭。吃了一口，濃濃的蛋香

一直都想試，但次次都有多人排隊。今次冇咩人就去試下…試了咖啡雪花冰，和芒果河粉。落單後好快就有得食..配料係椰果和棉花糖，這個配搭有點奇怪。咖啡味很濃，但不夠棉。如果可以改配料會更好.在其他地方食的芒果河粉是沒有糖水…這個河粉配椰汁再加芒果，正。是我最愛的配搭。價錢合理，食甜品之選。

不知是我要求高還是什麼，但我對這間的甜品很失望！我與女朋友和她妹妹去到，點了雜果河粉，豆腐雪花冰和火焰雪山先說服務態度，隨了放到有點溶才拿來之外，沒有特別差的地方，待人方面算是不過不失，但員工對工態度欠佳！其次係食物質素雜果河粉的芒果極酸，蜜瓜淡同無味，好似係果皮邊刮出黎咁，碗糖水好似游水咁我個豆腐雪花冰仲離譜！加4蚊蜜瓜都係好似係果皮邊刮出黎，而且整個雪花冰都可以縮水一半，俾40幾蚊得三啖，係連埋d生果都係得三啖，d雪花冰冇豆腐味，跟水差不多，甜品已經成本少，係唔係有需要慳得咁離譜！女朋友個火焰雪山仲好笑，可能係我第一次食，我仲以為係燒住出黎，副圖上面仲有士多啤梨，點知出到黎係塔左，我女朋友個妹一見到就問士多啤梨去左邊，食落又係勁淡，我女朋友都話好難食！總結就是甜品欠缺質素，縮水之餘用料又差，以前食過的五代同糖不是這樣的，成間鋪頭連張寫意見既紙都冇，感覺好似被人呃錢一樣，我很少不滿到要上來dislike人地間食肆，我以後都不會再食五代同糖！

與他看完尾場臣的演唱會後 來到旺角東站附近尋找糖水鋪由於過往沒有特定要選的店 而且這條街真多選擇 沒多想之下來到這裡 深宵時份人不算多服務員都比較空閒 我們挑下坐位各自點了簡單的糖水我點的<黑白涼粉配綠茶雪糕> 涼粉配上淡奶 跟一般吃的都是一樣甜甜的雪糕好好味 喜歡有它的點綴 他點的<蜜瓜西米露>水果的清新配上椰奶的甜 一如既往的"夾"吃完出門到口看到對面也有間還未試過的"同行"有機會下次來試 或是再到這裡吃個較特別的款式吧

自荃灣的五代同糖冇左之後..好耐都冇食過啦...日日係咁增肥..冇甜不歡..五代同糖最好味最出名..應該大家都知係咩啦...就係佢個朱古力心太軟...我暫時都未食到有第二間比佢更出色架喇..d朱古力漿夠熱...夠濃...個外層又脆..而且仲暖暖.......冇得彈...果個雞旦布丁...我以前成日買外賣架...外賣好得意架..用旦款裝住架...好有旦味...唔會係稀同膠的感覺...因為我其實對布丁喜好唔大...但都次次捧場而堂食呢..就係左上角啦...好難得..佢今次有芒果粉腸叫..之前冇得試..一試...原來麻麻地...佢個腸粉個皮太厚喇...做得冇b記果d咁出色..不過間間甜品都有自己優勝的地方..冇得咁比...

18/8去到好日不來的旺角和媽媽行到累便去吃些甜品當日下午六點也未到，所以店內有不少位置因為kawing仔最近有鼓心癮很想吃心太軟所以二話不聲要一個下單約5分鐘後，媽媽的楊技甘露來了我沒有一試，但聽媽媽說是不錯的再多10分鐘我的心太軟才上枱店舖說他們的雪糕是採用某意大利品牌,但我選擇的綠茶雪糕味道淡而稀，讓我感覺到失望的一環不過旁邊的主角心太軟卻令我眼前一亮朱古力醬緩緩流出入囗香濃不膩而表面的蛋糕外脆內軟難怪是店裡的皇牌吃過後，kawing仔的肚子就飽了滿足口癮後便起程回家

同朋友食完晚飯,所以就黎試啦入面比較迫,坐得唔係太舒適薄荷冰唔好食..朋友食正好多...味道怪怪的抹搽紅豆冰沒特別..普普通通食生果咁....價錢不值芒果拿破崙芒果拿破崙比上面幾款較好...拿破崙三層..脆到mix唔到芒果放入口...味道ok

是日同好朋友食完飯~隨即佢居然話想食糖水~真係好開心~因為我都好想食~HA~搵左陣就見到呢條街有兩三間糖水店,朋友話想食D凍既~所以就決定黎呢間~!喺門口見到有人等位,都唔係咁想~因為我同朋友都唔係個有耐性等位的人想走果陣服務員話即時有位,開埋門招呼我地入去~朋友見狀又好似OK咁就入左去啦~點知D位迫到唔信~中間一張大枱,識同唔識圍住坐,另外仲有D 3,4人小枱..感覺好細好窄 V__V 不過唔坐都坐左,只好用一個開心既心情去食甜品啦~!我同朋友分別點左榴槤飄香同埋特濃朱古力~!!好開心呀~特濃朱古力係我的至愛~!一上枱大大碟已經推開晒頭先D負面感覺~棉花冰睇落好輕好軟~加埋D綿花糠同朱古力碎同朱古力麥麥豆,睇到就覺得好開心~!!食落D豆豆仲好有咬口,可惜朱古力雪花味道唔夠濃~就好似普通朱古力咁~呢方面令人有少少失望, 而且好快就溶晒出水~要急速進食~!!榴槤飄香 – 唔算好濃烈既榴槤味~可能要配合唔係人人都LIKE聞到榴槤味,所以輕手左D..不過入口食到榴槤肉~再加埋則邊D椰汁薏米,令到口感更豐富~!令人意外!!總括黎講 : 食物質素雖然唔錯,不過服務就強差人意了..!

食左5樣嘢，先講焦糖布丁，朱古力心太軟，木槺布丁，芒果糯米卷。四樣都唔錯，好幼滑。甜度亦適中。木槺布丁更加係非常香滑！但食左朱古力梳乎梨就令人失望了。一食入口。全部一粒粒砂糖。d糖似乎完全未溶。。而且食唔到有朱古力味！最後，最失望的係食完甜品。問佢拎兩杯水。回應竟係＂無水供應＂。一間這麼多分店既甜品屋竟然連為客人送上一杯水都慳。真係令人失望。感覺係非常唔細心而且姑寒。