中國冰室 (已結業)

間中聽到有人介紹說某某食店的紅豆冰那紅豆大粒、鬆化，我就不禁想，就算用的是北海道小倉的貨色，其實又哪裏及得上蓮子的鬆化、大顆兼且清香呢？我以為，紅豆冰的優勝之處主要在於其白襯紅的顏色配搭。人在旺角，走得熱了，想起這裏有賣蓮子冰，馬上過來。先喝幾口奶水，再用鐵匙把似是用冰模將碎冰連結而成的冰柱輕輕鑿開，便可以使匙舀杯底的蓮子了，一口盡是清香、甜美、鬆化。象牙色的蓮子顆顆大小均稱、粒粒瑯玕琇瑩，有些蓮子兩片子葉已經破開，看到內裏蓮芯的「故居」。一邊觀賞蓮子的模樣一邊吃冰飲，是熱天的好享受。現在賣此品的店不多了。賣不起價錢的東西，人們自然不願意做吧。一直賣舊有的東西，現在竟卻成了特色了。作為一頓完整的下午茶，我還需要一份咖咉多。點油咉多正好，剛融化的牛油香，咖咉還帶來了隱隱的蛋香，反而椰香不怎嚐得出來。這裏的多士，以麵包的質素、多士的狀態來說，跟心目中的頂級之流還差距一截。不過，趁剛剛烘起，尚堪一吃的。而且，份量方面，大多店子以單片方包製作，像開放式三文治，這裏就堅持用兩片方包做。只是，油咉抹得不均勻。我先吃塗得較薄的一邊再吃厚的，先淡後濃，輕鬆完成。

咸魚雞粒炒飯: 炒飯粒粒分明, 但又唔會太乾, 咸魚切得大粒左少少, 所以咸左D, 雞粒似係雞柳絲,但完全無味.... 茄汁雞脾意粉: 茄汁味道好似茄汁焗豆罐頭果D 味, 我本人係中意GE, 雞脾大大隻, 啖啖肉。BTW< 阿姐好惡

這間隱藏於旺角露天街市的冰室，曾是很多港產片的取景拍攝場地。幾十年歷史，紙皮石，吊扇、閣樓等依舊保留着當日的面貌，但經過歲月的洗禮，無疑流下不少歲月的痕跡。中午時份，都不少人幫襯，有的是附近街坊或工作的人仕，亦有不少像我一樣慕名而來的人。樓下全部坐滿人，於是上了閣樓，從閣樓向下望正正就是不少電影取景的鏡頭之一。焗豬扒飯（$53+炒底$6）👍👍首先這個焗豬飯也不算便宜，$59還要另加飲品錢，午市來説，在同區的茶餐室也算貴。撇開價錢，看看食物品質，那塊豬扒焗到像一塊炭，而且飯粒也不夠分明，真的十分失望。熱咖啡（+$6）👍👍👍👍熱咖啡夠熱，咖啡味亦夠濃。咖哩牛腩飯（$46）👍👍👍咖哩牛腩飯的白飯真的很大碟，但牛腩只得三件，其餘有幾件薯仔。牛腩炆得入味，但薯仔未夠稔。熱檸蜜（+$6)👍👍👍預製的樽裝檸蜜開水，檸檬都沒有一片，所以沒有什麼期待或失望。門面內在環境餐牌

有睇過杜sir電影既人應該對呢間冰室唔會陌生。老店冰室我食過唔少，好多都係純粹得番歷史價值，態度差，食物質素求求其其。中國冰室就俾我「有姿勢，有實際既感覺」。入面佈局相當有港式味道，唔係扮出黎，係用光陰浸淫出黎，殘而不舊。難怪唔少文青同香港電影都會到此一遊。但係佢最吸引既地方我覺得係佢既食物質素，我叫左一隻炸脾，紅豆冰，星洲炒米同西炒飯。炸脾食得出係生炸，非常juice! 難怪咁出名。紅豆冰係成底冰插係個杯度，好舊式既感覺。紅豆甜度適中，份量亦足夠，唔會飲到得番d奶。星洲炒米就普普通通，不過都幾香咖喱味同炒得夠乾身。西炒飯亦係誠意之作，好足料，d蝦去左腸，抵讚，個飯炒得濕濕地，好食！呢種舊式又保持到質素既冰室香港真係買少見少，要珍惜呀⋯

今日忽然間想食懷舊野，就嚟左呢間中國冰室試試。位置都幾偏，喺街市入邊，如果唔係有個內置GPS嘅同事帶路我實搵唔到🙈內裡裝潢帶有濃濃嘅70年代風味，從頭頂嘅吊扇、地板嘅綠白格仔階磚，到牆身嘅瓷磚裝飾，好似穿越時光返返去以前咁😆因為我哋一行七人嘅關係，樓下冇咁多位，經過木製樓梯上左閣樓坐。坐低冇幾耐呀姐就催我地落單，搞到我哋有啲緊張淨係睇咗常餐餐牌，叫左7個常餐🙈我叫左雞肉雙蛋米，嚟到一粒雞肉都見唔到（張相係我專登挑曬出嚟鋪喺面影的，冷已曬，多d都冇），味道明顯係普通雪藏貨，好在肉質唔霉。煎雙蛋尚算ok，唔太油，蛋黃做到溏心效果；整體味道不過不失，不過份量偏少，＄36嚟講唔太抵食（麵+餐茶）。另外追加左個加央多，外皮唔算好脆，內餡又係偏少同好乾，好大陣椰子味但加央味唔重。睇返d食客都係叫炒粉麵粉居多，下次去唔熟悉嘅餐廳食野時都係留意下d人食咩先好叫，費時中伏😅

打工仔放飯1小時，真係爭分奪秒，加上落雨濕濕，都係去茶記搞掂！一坐低，餐牌都未睇完，阿姐已經問食乜，果然係茶記特色！拿拿臨叫左個自選雙拼麵餐，選左叉燒及煎雙蛋、凍奶茶！唔駛5分鐘，「麵到」！叉蛋麵賣相一般，有幾塊叉燒，切得好薄，但好軟身；煎蛋剛剛好，做到流心效果；但麵就有點硬、湯就明顯好重味精！至於凍奶茶明顯多奶，但飲落茶味都算香濃，不過屬偏甜！最灰係我一放低叉，阿姐問都唔問就收走碗麵，其實我只係想㩒一㩒電話，我碗麵係未食晒的！$39一個麵餐，真心有點貴！

今日lunch揀左呢間冰室，佢個位置好唔顯眼，要穿插街市先去到😥然後入到去，個環境係懷舊冰室看似有feel，但係服務態度就真係麻麻，佢d侍應好似好心急咁叫我地落單，然後個樣又無笑容，感覺唔到以禮待客，雖然佢地上野食既速度都算快，但係睇到碗米粉，毫無吸引力😥係好失望，佢個湯底有d水喉水既味，d雞肉無乜味，成碗野感覺好dry ，然後個咖央多士其實味道唔差，但係做唔到外脆內軟，相比其他餐廳顯得有d普通，不過可能因為我地全部都叫常餐啦，我眼見其他人都無叫常餐，可能佢出名既係炒粉麵？ 但總結實在有點失望🙈

今日Happy Friday, 甘岩有個同事吾舒服，諗住食清啲，我地一共7人就揀左呢間有70, 80年代既冰室位置係廣東道，甘岩落大雨，我地需要穿插係街市，先到達目的地，顯得十分狼狽。到左冰室，餐廳外貌不太顯眼，因為隔離系D賣豬肉檔，差啲行過左都吾知🙈入到來，因為人多，我地坐在係樓上。裝修都算懷舊，頭頂有舊式風扇轉下轉下。可能落出左雨，感覺有點凍侍應都招呼得快，凳都未坐暖就問我地要食咩。我地全部同事食全日供應既面餐，因為款式選擇不多，加上只能揀兩款，我就揀左雞肉同雙蛋面。另外都叫左兩份咖央多士一同Share。面來到，比預期失望，因為外表完全不吸引，見到有零散的雞肉同兩隻雞蛋。食落，雞有雪藏味，湯過於咸，有水喉水的味道，公仔面屬最正常。成碗面食左五分鐘已經食完。咖央多士方面，餡料有椰香味，但可惜多士烘得不脆。侍應都算手腳快及勤力，同事碗麵都未食完，就已經收走。整體來講，原先見食評多數正面，就選擇了呢間餐廳。但是可能我地揀錯左呢個面餐，變相覺得有點與好的食評有所出入。

聽同事講，公司附近有間冰室好似唔錯，見openrice有過百個好評，於是趁Happy Friday同同事嚟試下。一入餐廳就感覺到懷舊氣息，好有60-70年代嘅感覺。除咗飯麵之外，仲有呢d常餐&小食選擇。正當我哋研究緊食咩好嘅時候（1-2分鐘左右），侍應就走埋嚟講咗句：‘叫咗嘢再傾啦’。感覺都幾唔尊重人🙄由於個侍應不停催，就求其揀咗個全日供應嘅自選雙拼麵餐：餐蛋麵+熱檸水。煎雙蛋都唔錯，但餐肉&麵就好普通，好似自己喺屋企hea煮咁🙈。但咁就$36，感覺唔太值...🙄之後，同同事又叫咗2份加央多士share（$11@）。多士都幾脆，但餡就唔太夠，不過不失啦。整體感覺唔太值，一般餐廳差不多價錢嘅常餐好食好多，仲多d嘢食。應該唔會再嚟第二次🙄

中國冰室在旺角既街市內如果唔係地膽介紹我好肯定唔會識來星期六下午430 兩層既冰室全是食客好在入座時剛好有人走 才唔駛排隊今次到訪都係因為行得累想搵個地方坐下下午茶當然唔會飲杯野甘簡單啦見到台台食客都點西多 定必是名物。中國冰室既西多士有好多唔同選擇可以選奶油西多,油占西多及花生醬西多。我地點了花生醬西多士及央奶多。數分鐘後香噴噴既西多上台啦旦味十分濃,四邊香脆內裡花生醬很多十分滋味。央奶多配奶茶非常配,不懂如何形容只感到滿口幸福。坐在中國冰室很有回到從前八九十年代的感覺。除了吃到美味以外還感受到失去了的人情味。

門面相當簡陋，貼地的舊式本土餐廳，不知是旅遊書介紹，定還是網上也有推介🤔，看見這中國冰室裏面，有很多中國人，有些還拿着帶相機，好像都是慕名而來。本地不少本地電影曾經在中國冰室取景拍攝，網上的食評亦都看到很多熟悉的電影名字🎥，我最熟悉的當然是《PTU》，很多軍裝警員坐在卡位，然後鏡頭又在閣樓處，向下面拍攝入口處的那些畫面，歷歷在目🎞。吾等本來有點兒趕時間😅，因此，上了樓上之後，就向下面問聲，應該落樓下買單還是什麼。但是那人，竟然說是舊式店舖，沒有那麼快，等得就等。但是之後上來端餐的阿姐，服務態度就好得多。其實想回來，這兒的店員，每日拿着托盤，上上落落，既危險、又勞碌，的確比起平時一層的茶餐廳的店員更加值得尊重🤘🏿。室內環境確是懷舊味道十足，地下的白綠色階磚，然後兩邊牆又有不同顏色的階磚。樓下都有不少位置，兩邊都有卡位，中間有些位置；邊有一堂樓梯可以上樓上雅座，樓上又有兩邊卡位，中間亦都有位置🈳，其實樓上一邊沒有開燈❌，否則可以坐更多人。閣樓上面還有吊扇，而中間的椅子就顯得比較新這些真正原原本本的懷舊，比起新開的餐廳扮演舊式餐廳更加傳神😬。看看這兒的餐牌，看似新弄，上面亦都可以見到有些懷舊

一路想試呢間老牌冰室，今日終於食到，不過是失望而回時菜排骨湯麵，39元，碗大份量小，排骨肥肉多，味道不討好，也許配飯會比較適合煎雙蛋牛肉麵，36元，味道好普通，蛋煎得又唔夠香，真心茶記好過佢

呢間野唔係懷舊主題, 係真正GE舊冰室, 隱藏在MK 廣東道D 街邊檔入面。出面仲有而家少見GE麵包櫃。樓高2層, 我地梗係上上面坐la。經過傳統的木樓梯, 我地來到閣樓。叫左個芙蓉蛋飯, 成日以為芙蓉蛋即是滑蛋, 飯端上來先發現, 原來是雜菜+ 火腿撈勻煎成的蛋餅。上面已淋左甜豉油。 蛋餅都幾大, 主要是雜菜, 包括洋蔥, 椰菜, 紅羅白, 另有火腿片。如果再多d料就好。豉油較少, 我地要問佢拿豉油再加。另叫左個咖央多士, 暖暖的, 脆脆的, 乾乾的, 要快食。咖央醬都蛋, 椰味唔重, 只是甜甜地, 一般。來,都是懷舊, 多不是因食物而來, haha

今日途經旺角，突然諗起呢間懷舊冰室，就行咗去食嘢了。入到門口，見到地下果層全坐滿，店員就叫我上2樓坐吧。上到去坐低，望望餐牌，決定試下佢個星洲炒米，再叫埋杯上次都記得好好飲嘅凍奶茶。等左大約10分鐘左右，星洲炒米就到了，好香好香。立即放入口試試，呢度嘅星洲米炒得非常嘢未，辣味十足，米粉炒得好乾身唔會話濕粒粒，配料亦十分多，不過就需要一路食一路係咁飲嘢，因為我自己本身唔太食得辣，下次再食嘅時候一定要記得嗌佢小辣。而杯凍奶茶當然冇令我失望非常好飲。

今日行過旺角街市，下午茶時間，肚仔餓到處搵食，突然見到間懷舊冰室，係鋪外見到都幾多人，諗住寶冇死錯人，就入去試試佢。坐低望望餐牌，見到有樣我唔知咩黎既野，（飛碟）？立即問下店員飛碟咩黎，佢叫我試下咪知，好，咁我即管叫個餐肉火腿飛碟試試佢。之後等左10分鐘左右，飛碟到了，外型冇咩驚喜，2片三角形多士咁，再試試味道，味道同餐腿多好似冇咩分別，味道都只是麻麻地，唯一讚既就係杯凍奶茶，茶香奶濃，好似太興奶茶個種味，又夠凍，好好飲