上海小南國1987 (已結業)

上星期去左灣仔食上海菜一般，今次同同事去返公司附近既小南國食返轉。去度睇落價錢都唔平，所以叫啲經濟啲既野食下，叫左個招牌炒飯有蝦有鹹蛋黃既炒飯，蝦爽得黎加埋啲鹹蛋黃真係好夾，另外叫左個蔥油伴麵睇落好乾身一團麵夾唔開，店員見到立即過黎幫手剪麵，服務都唔錯。食落去都唔算乾，啲麵調味都ok。當然食上海野一定要叫籠小籠包啦，皮薄多汁湯味濃openrice 訂座送甜品就係個杯薏米水，我還以為有啲糕點食下茗茶前菜招牌炒飯蔥油伴麵紅豆南瓜糕小籠包薏米水

今晚同男友兩個人嚟食飯，環境好靜，無乜人，侍應們好友善，不過啲嘢食就😢最好食係碟豆干毛豆雲耳前菜, 每一樣都好入味👍🏼小籠包，好咸津白炒年糕，好咸炸銀絲卷，完全無外脆內軟，好硬菜肉雲吞，正常👎🏼👎🏼最離譜係碟豆漿勝瓜，好淡，淡到要問佢攞鹽，都不特止，啲勝瓜仲要黑麻麻，前前後後有三個侍應嚟上菜時郁過碟勝瓜，望住啲瓜黑麻麻，都無主動換過，嘅呢幾舊最黑已經唔想放入口👎🏼👎🏼以 後 都 唔 會 再 嚟

一個好耐冇見嘅朋友由國內返嚟香港，可能小南國在國內都好出名，所以佢揀呢一度同我食飯。我之前每年喺沙田拜完山之後，都會去沙田嘅分店，因為比較容易搵位同埋坐得舒服一啲。一直以來佢哋食物水準都唔錯，我特別欣賞椒鹽小黃魚，皮脆肉嫩，味道甘香，除咗大嘅主骨之外，其他嘅小君全部都可以食埋。今次係尖沙咀呢個分店，都保持到同一個水準。賽螃蟹亦都係一個唔錯嘅選擇，蛋白炒得好滑，加埋醋後送飯一流。熏魚都係炸過嘅魚，但始終比較大條，啲肉冇小黃魚咁滑，而配搭嘅豉油亦都鹹咗少少。基本上尖沙咀中心嘅餐廳人流都係比較少，傾計食飯一流之選。

今日晚餐去左食上海小南國。🙂呢間中菜一向都幾好食，水準穩定而且有唔少上海特色食品，所以都係我既心水之選之一。😍今晚叫左佢既石鍋雞湯燴手工蛋餃😀。佢既雞湯好濃，飲落去唔係只得雞油味👍🏻。而且佢既蛋餃整得唔錯，蛋皮夠薄🥰，而且餡料好足，仲要有唔少汁，都幾 juicy🤤！而佢個酸酸甜甜咕嚕肉，酸得黎又幾開胃🤩，而且佢炸粉唔厚，肉都好多，咬落去啖啖肉質🥳，唔會好冧或者好似麵根咁。至於個蔥油香麻餅，個皮香脆得黎又好重芝麻同蔥油味😃，而且食落去熱騰騰。而入面就好改鬆軟，正😋！佢個灌湯生煎包皮唔算好薄😅，但係個底皮烘得唔錯，好脆好香😆。而且入面好多汁，個餡又多肉又大份，唔錯😚！最後個鮮肉小籠包，唔算好薄，所以唔會好易穿窿🤪。但係入面都係咁多汁，同個生煎包一樣咁好食🙃！

跟ㄧ班舊同事好久不見, 約约大家聚聚舊, 食餐飯。有朋友建議尖東尖沙咀中心的小南國1987, 話晚飯没有時間及價錢限制。因曾經想訂其他食上海嘢的飯店, 又限時間及價錢。這間店環境很好, 人不多好清靜不会太嘈, 坐在落地玻璃的窗前, 境觀開揚, 很舒服。待應很nice, 不会催趕。食物: 如椒鹽小黃魚, 灌湯生煎包(包底煎得脆脆的), 义子燒餅, 香蕉豆沙鍋餅, 糖醋小排骨, 椒鹽小元蹄(皮脆, 份量剛剛好, 不会太肥膩), 莧菜(嫩)百葉等也很好味。聚餐可以再考慮了。

久違的上海小南國，曾經於其他分店吃過，今次是因同友人去逛逛星光大道後，而惠顧了位於尖沙咀中心內之1987小南國🤗1.是推薦新菜的其中一款，黃金系列「黃金🦐明蝦球」，鹹蛋黃流沙包著爽口的🦐，超正！😋2.清炒萵筍絲，簡單來說又幾好味，幾清新。3.香酥鴨配簿餅，有幾分像片皮鴨的感覺，不過不失，略嫌鴨肉有點肥肉比較油膩，必須加多一點配菜及甜醬用薄餅包著一起吃😆4.花膠宋嫂鮮魚羹，口味有點酸很醒胃，最喜歡它多點芫茜，有吃到一條條的花膠𢇁🤪5.四川擔擔麵，麻辣湯底超辣，吃了一小口，感覺麵也幾彈牙，其他被愛吃辣的友人一個人KO曬⋯是次沒有訂座又幸運地安排到窗邊的位置，往外看是園景公園，感覺幾舒服😌，入來是有一排排華麗的酒櫃，金光閃閃惹人注目🤩服務人員也佷貼心，推介菜式也很合適2個人食用，不得不給他們一個👍價格方面因有信用卡優惠，所以都覺得幾抵食，價格屬於中規中矩😎

好大間的餐廳竟然成晚一直都滿，不斷好多人來，而附近有非常多餐廳，生意都咁好，可見都有實力。我們一行三個大人一個BB。叫了三個主菜、一個包點、兩個甜品，全部都好食，有點意外驚喜。 😊👍如意鍋燒黑豚肉 $298 全餐最正👍😋首先一上呢道菜就成枱人忍不住嘩一聲，無諗過咁大碟，大家一齊食第一啖都不約而同會心微笑，好惹味好淋，啲鮮荀夠大舊同入味，我地食到連汁都撈埋🤣🤣呢碟無得彈，驚喜推介，一定要試👍😋👍石鍋雞湯燴手工蛋餃  ($168 半份) 個湯係雞湯，好好味，我地食到成鍋一啲湯都無剩😋😋餃子的皮是蛋皮，饀係豬肉，我本來不存期望，我地見個menu用一整頁feature呢道菜，我地就叫了半份，結果同樣地第一啖已有驚喜。讚😋上湯百葉小唐菜 $98😋百葉入味，個湯都係好好飲，結果呢碟啲湯我地都飲晒。😋菜好嫩甜。灌湯生煎包 $55 ☹️☹️呢碟係唯一的遺憾，竟然唔係好熱，只係暖，仲要四個中有幾個個皮都已經自己爆左無晒湯喺包裡面，失望。桂花蜜拉糕 😋桂花好香，糯米好軟韌，甜度亦適中。棗泥糕👍😋食落口好香好濃棗味，如果甜度稍減就更可顯出紅棗本來的甜香。

餐廳位於尖沙咀中心2樓，都算幾大間，環境好寬敞，檯與檯之間一D都唔迫。感覺上都唔錯。醉雞，酒味好特別，好濃，雞肉好滑。罐湯生煎包，上菜時店員叮囑好熱，要小心包內的湯，但其實包內係冇湯的，不過皮薄外脆。酸辣湯，味道岩岩好，唔太辣，酸味剛剛好，好開胃。擔擔麵，好香，好惹味，麵質好彈牙。螞蟻上樹，咪道比較清淡，不過粉絲好彈牙。蟹粉獅子頭，蟹粉味較淡，但獅子頭都係好食既小籠包，皮夠薄，食落好JUICY四季豆桂花糕，有好香的桂味，口感好煙韌沙鍋餅，外脆內軟，紅豆味好正

老友記是童年在上海長大的地道上海人，誠意請我品嘗正宗上海菜，所以選了比較靜局但地點方便的上海小南國1987。四小碟是我喜歡的海蜇頭，烤夫毛豆，醉雞和醬排骨，盛器頗為精緻，味道也不錯。主菜選了兩款，砂窩雲吞雞和黃油清蒸鲥魚，雲吞雞的雞是鮮雞，湯頭味濃，菜肉雲吞也不錯，這時已吃了半飽。我對海鮮特別鍾愛，對河鮮也不例外，所以很期待的鲥魚終於出場。它的賣點是魚肉細膩鮮美，魚鱗油脂豐腴，用陳年花雕蒸制，可惜上枱的樣子和菜牌相片大有差異，跟著要拿魚鱗放嘴內吸吸魚油然後吐掉，再品嘗魚肉。可能我不是上海人，我只覺得有很多小魚骨，小心翼翼吃了兩囗很放下筷子。甜品是存統的酒饟丸子和上海桂花蜜拉糕，沒有驚喜，一般品質。這頓晚餐花了老友千多元，可惜我真不懂得欣賞。

久別重逢與中學同學重聚，打算享用一家有質素少少的餐館，但未知各人上下班時間，所以未有預訂座位等「聚」前工夫。怎料我是最早行去攞位，樓面位職員，先不論她站姿如何頹廢，我問有無5位時，她當下眼眉一跳，不溫不熱反問：「有無卜架」，個下感覺、語氣好反感明明見到有位，仲要幾多下位，都要咁既態度問，充滿不洩，劣。點菜時，我們五位，點份半份湯餃，每人只有一粒，所以選擇一份，起碼每人兩粒，個位「待應大人」一口咬定下來話：「得啦你地半份得啦」⋯⋯我們全部人都呆住😦😦😦我地唔係話係客，就大曬，但你既態度，好似反客為主咁，你話事咁😓😓😓做咩啫⋯ 最後堅持要全份。去呢間係無問題，食物係係無問題，但貼錢買難受⋯ 就要諗諗

今日和客人來到這裡午餐，食物好好味， 特別是煎小黃花魚超好味道呢，小籠包的皮好薄裡面既湯，好好味好新鮮，而個紅油抄手有小小辣（我個人唔食得辣），還有個木耳涼拌都好夠味，正！

與母親一起晚飯。選了小南國吃家鄉菜。餐牌上有幾味特色菜。泠盤選了薺菜馬蘭頭。不過不失。香烤魚子在香港很少吃到。我媽至愛。但她說炸得太脆失去魚味。毛蟹年糕不過不失。食完要洗手。叉子薄而香脆，十分滿意。

一大班friend食飯聚會,係得食中菜先可以圍埋吹水,所以揀左呢度(weekend都有位)見到個糖水蓮藕幾過癮就叫黎試,感覺唔錯,蓮藕好林,甜甜地好適合大家口味豆漿浸瓜好清好容易入口,雖然係浸住,但依然保持到爽脆口感呢碟肉擺盤係好靚,不過點解D蔥仲多過D肉=0= 而且佢真係好排骨,食食埋埋都唔知有幾多肉.但D蔬菜部分係幾入味等左好耐萬眾期待gei上海年糕終於都到,但個分量真係令我地有D意外,6個人有3個男人,呢碟年糕真係完全填唔到肚,不過年糕好軟糯,少少咸味,都係好食跟住大家叫左個醉雞,又係等左一大輪,又係咁"的骰",好彩我都夾到一舊雞,酒味好濃,雞肉好滑,但唔鐘意酒gei朋友就唔好試喇由於太過肚餓所以叫左個螞蟻上樹,粉絲好彈牙,辣味唔算勁,好惹味,可以少D油就好D炒飯就普普通通,都係油左D紅油抄手可以再辣D,整體唔算突出,有D失望最後我地叫左個桂花糕同豆沙鍋貼,桂花糕明明話有蜂蜜,完全唔覺,唔知道自己在吃甚麼,skip最高分係個鍋貼,最交到功課,外皮脆裡面紅豆蓉好綿密,一人一件,一定要叫~~整體黎講餐廳食物質素係高,但份量真係太少,要大家食到飽的話起碼要10碟菜,結果價錢都會因而提升

見食飯時間門外無人等，心諗應該唔荒好食，不過志在坐底傾計，不妨試試。點左薑蓉雞，水煮魚，粗炒，年糕等，食物質素好一般，都不是重點。無服務員招呼，自己搬櫈拎碗碟都小問題！重點係個疑似男經理 （上年紀，有少少口音），說話粗聲粗氣，晦氣，唔耐煩。自問我地一行人都算係有禮貌，唔算要求多多既煩客。最受氣係埋單時，同佢講收多左一碟$，佢竟然藐嘴藐舌😡，又否認！事實睇返張枱個碟就知啦！

我們14人吃團年飯，因這間不用2輪時間，便中伏了。選了個套餐，结單要$6,xxx-多，前菜十碟，是冰菜沙律，雲耳。。，〈上海燒肉，醉雞〉，都無。火瞳雲吞雞湯~淡而無味，那些火腿是灰黑色的。蟹粉粉皮蛋白~只見橙色的油，極微粒的〈蟹膏?〉，又是無味道。上海元蹄~好簡單的油炸了，還要炸到〈鞋拾拾〉。生煎飽~也令你失望。那個男經理態度很差，我們点了這個套餐，他才變臉。總结是環境不錯，物非所值，沒有下次!!