一粥麵

營業中

休息中

很久沒有到一粥麵食飯，今晚突然間想起食這裡的「楊洲炒飯」，以前食過，覺得好好👍🏻食，所以都想再食！今晚點了，滿心期待！可是，在等候期間，我望見廚房有一部黑色好似「大眼仔」（洗衣機）的機，轉呀轉呀，我便好奇😯一直觀望。結果見到廚師把飯，把材料放進去，機械不停轉，廚師也一直把食材一一放下。轉呀轉呀，我多看了一陣子，便知道，我點的楊洲炒飯，原來就在這個機械中內炒緊。。。😅我心諗，都未試過機械炒飯，都覺得可以一試，同埋睇下會唔會都好食呢？最終，終於等到啦！我一睇碟飯，完全沒有炒飯的香氣。。。少少都沒有！我再放入口，食落，真係差天共地！不是難食，是沒咩味道，沒鍋氣，沒有誠意，沒有炒飯的感覺，所以食材炒埋一齊，但真係「不好食」，我個人是超級失望！！！！😢我不會再食機械炒飯！我都係比較喜歡大廚煮的飯比較合胃口吧！

非常鐘意食粽，除左端午節其他時候好難搵到粽食次次想食都要去一粥麵~又平又好食餡雖然不多，不過勝在味道不錯糯米軟硬度剛好，不會太硬太大粒，黏感都係剛好鐘意食好多料或者多入面有要求的就可以不考慮了

今日做嘢非常之忙碌，於是就諗住喺公司樓下附近搵咗一間餐廳食嘢，簡簡單單咁叫咗一個乾炒牛河！呢一度嘅乾炒牛河唔錯，鑊氣幾好，而且河粉炒得幾乾身！再加埋呢一度嘅牛肉，牛肉嘅份量好多，口感正正常常！呢個價錢計都算係咁

今早点了外賣一份早餐粥餐，点知等了十幾分钟還未有可以取，問下個黑衫姐姐經理佢又話得一个爐趕不了做腸粉，但係號碼在我之后的蝦米腸全取了，佢地做餐不是跟號碼定除意的，還悔氣地説大聲講冇辨法。我來買野不是来比你出氣，已经不是繁忙時間，真的要好好改善一下工作分配，人多手腳慢。如真係趕不到，不如暫停左個腸粉先，費時大家等得耐，令到太多人聚集在餐厅中間等候。明白這是一間普通快餐店，但係如果想客人再次進来的話，必须處理好以上的問题。

宵夜時段超級抵食，30幾蚊就有一碗雲吞麵再加炒麵/煎蘿蔔糕。 加8蚊仲有一大碗既熱糖水。雲吞麵同牛腩麵都好好食，拍得住街邊既粉麵店。 店內座位都好多，上餐速度快，適合上班一族既你。

「年初一」我本來還想購買外賣自取「咖喱牛腩飯」，作為年初一晚餐裡面的「牛腩」食品，怎料我平日購買外賣「咖喱牛腩飯」的食店，竟然選擇在「年初一」休息一日。所以我被迫改變計劃，改為購買外賣自取辣味「燒雞」，跟辣味「蘑菇飯」。至於「年初一」晚餐裡面的「牛腩」食品，我改為購買外賣「牛腩麵」。恰巧「鳳德商場」平台裡面還有在「年初一」開門營業的食店，就發現「一粥麵」只有一款「五星級牛腩麵」，屬於「牛腩」類別食品，能夠滿足我晚餐裡面的需求。「一粥麵」的「五星級牛腩麵」名稱裡面雖然是有「五星級」這三字，但是「五星級牛腩麵」的實際售價價錢，其實只是比一般潮州粉麵店裡面的「牛腩麵」昂貴幾元而已，所以我沒有對「五星級牛腩麵」有過大的期望。於是我立刻付款，購買了一碗外賣自取「五星級牛腩麵」，恰巧「一粥麵」屬於需要食客自行向收銀櫃檯店員索取正式版本收據的食店，當時我幾乎忘記了，幸好還懂得及時想起。「一粥麵」之所以稱呼自己廚房親自製作出來的「牛腩麵」食品，叫做「五星級牛腩麵」那麼鼎鼎有名，當然肯定不會是空穴來風，事出無因。我估計最大的原因可能是「一粥麵」，容許食客把外賣自取食品「五星級牛腩麵」裡面的湯汁和「牛腩麵

一間食店會否再幫襯，除了食物質素外，服務質素同樣重要。今日打算簡單食個晚餐，叫一個牛肉炒通菜套餐外賣竟然要等半小時，有無搞錯，廚師效率太低，慢得太離譜，公司要培訓下廚師。

近排見好多地方已經sale緊各式各樣嘅粽，望住咁多粽實在令人垂涎欲滴，但係間間都係要預定，而且價格不平，一個粽都要幾十蚊，口痕但係又覺得太貴，而且有得即埋嘅都係要拎番屋企自己叮。今日行過一粥麵，見到可以單嗌粽！！即時嗌咗個帶番屋企食。一粥麵嘅粽都幾大個，$18簡直太抵食了！而且出面嘅糯米同埋入面嘅餡軟糯好食，個人唔喜歡比較硬嘅內陷，類似紅豆嗰d比較硬嘅我覺得口感冇咁好，而眉豆同綠豆呢類整出黎會比較軟熟。粽入面仲有肥肉同埋鹹蛋黃，料唔多，但係味道好，令人食過番尋味，會再去買的！！

一粥麵堂食早餐疫情關係，一枱只限4人， 有枱被空置，反而要搭枱。。。同陌生人距離就更近。坐唔坐底，自己要諗清諗楚。皮蛋瘦肉粥（細）＋ 菜肉包＋炒麵 $25雖然話係細碗，但早餐已經夠飽，而且仲有個炒麵。白粥唔太綿， 太過水， 以為主打食粥會好吸引添。。有點失望。皮蛋一開四， 已經散開左， 瘦肉就肉粒，可以接受。菜肉包就蒸完無變樣， 都係脹卜卜幾靚仔，包面就唔乾身， 菜肉有橡膠擦咁大，總算食得落口。豉油王炒麵就乾蔥味重， 油得黎面條乾身有光澤。

上星期週末大約4點半左右，打算來一粥麵買個外賣「黑醬油雞脾餐」，點知全部售罄真係空歡喜一場。雞脾控今個星期決定再來，誓必要買到...哈哈哈。我地買了兩份雞脾餐，一個配紅豆冰，另一個轉飲檸水。雞脾熱辣辣，都算新鮮嘅，大細適中。不過肉質好似嚡左d，唔算太嫩滑。「黑醬油」又唔係太突出，不是預期咁特別，唔覺得有咩秘製咁厲害。跟大x樂的豉油脾差不多，可能只係色水深左啲掛! 這個「黑醬油雞脾餐」都已經推出左一段日子，仲未改餐牌，相信都非常受歡迎。不過如果有機會推出炸雞脾就更佳

星期六放假，天陰陰同老人家帶埋個姐姐出去食個午飯，老人家話想去一粥麵食啖粥，平時覺得呢個品牌啲野keep得幾好，出品質素各樣都好穩定，但今日係鳳德呢間相當失望。點解咁講？叫左兩個粥加個炒麵，三個人都完成唔到。單純從填飽個肚黎講，可以勉強做到，但真係唔會再食。炒麵又凍又油淋淋😑油炸鬼唔止油仲要係益既🤢及第粥夠熱，但價錢唔平，料唔夠魚粒粥，夠熱但太過清淡再有下次急需要食呢間野都係揀返蒸糭，起碼飽肚穩陣又唔貴😐

今時今日, 仲可以整D咁難食既飯, 估佢吾到, D飯硬到我以為食緊膠, 收成50蚊一個餐, 快D摺埋啦.大家吾信可以自己去試下, 我從來冇出過食評, 佢真係難食到迫我叫大家吾好中伏

一個人食，除左麥記，一粥麵都好啱一條友黎食，呢度啲雲吞麵有保證，絕對好食，另外如果食得漢堡飽多，有時可轉下口味食下中式飽點，呢度啲下午茶餐既雞扒飽同豬扒飽都相當好味今次黎食就選擇了食功夫麵包括有牛腩、牛丸、牛肚，湯味濃郁，牛腩牛肚都好入味另外冰鎮奶茶好必飲冰鎮奶茶，茶味夠濃夠香滑一個功夫麵加個腐乳生菜，冰鎮奶茶，都係53蚊，價錢適中。呢度晚市餸菜都唔錯，好多既選擇，粥粉麵粉齊全，屬於我既至愛快餐店

天氣❄️❄️❄️好凍好凍大家都變哂雪人 著好多衫☃️而家去打邊爐是常識吧今日去左「一粥麵」試下粥底邊爐圖好吸引 價錢算貼地不過都係要睇下實物先知🤔跟餐無飲品 要加錢先有檸檬茶茶味夠 但想「吉吉」檸檬既時候 發覺無左支「吉吉」而侍應亦無幫手拎 行開就算😅有圖啦粥底 好少好少粥 似係米漿多過粥鍋熱得好慢好慢 火細根本食物要放落粥底滾先熟係蒸唔熟d食物同場加映加錢換左2隻蒸扇具水準還可以可惜上枱時只係微暖扣左少少分😩

係樂富個間一粥麵7點未夠就賣晒啲粥底蒸鮮鍋，一直都試唔到，難得今日去鳳德商場有一粥館，人唔多，終於有機會可能一試啦😋有18蚊可以追加2隻熟既帆立貝，帆立貝幾大隻，不過就稍為鹹左少少個餐唔包野飲，+$11蚊有2杯珍寶凍奶茶，好大杯😗有1個烏冬，粟米，香茹帆立貝，好大隻👍🏻仲有3種丸，魚肉丸，墨魚丸同豬肉丸，同有魚丸等等，料好豐富😋咁樣去蒸法，不過個火比較弱牛肉，份量都算多食食下先發覺點解冇粥，原來要揀魚湯底先會有但女友個碗其實好少粥，有啲伏