影片
電話號碼
23492655
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
周日原本是預計去麥記食件pancake ,見過了十一點 都係試下隔離的一粥麵。見到有個生滾薑絲牛肉通心粉 $31 包一杯飲品，一件多士及疍。我走多士，都覺得超值。薑絲牛肉都好，回家加了點黑椒粒，添加味道層次。牛肉雖然不是超班，但都滑嫩，炒疍下次可以改荷包疍會好D。今天烚疍賣晒不然烚疍是最佳。最初還以為過了十一點就唔係三十蚊，點知是全日價，真係退休之選，實在可以再訪。下次試埋干炒牛河，佢話即叫即做 ，究竟係咪真？
繼續閱讀
香港不論連鎖快餐店抑或茶餐廳，大多都有供應雞髀紅豆冰茶餐，可謂一個經典配搭！主打粥同麵嘅「一粥麵」，下午茶市亦推出雞髀紅豆冰餐。舊年同樣嘅茶餐只係賣 $26，到今時今日物價飛漲嘅 2023 年，雞髀紅豆冰餐索價 $34。相比舊年，呢個餐貴咗超過 30%。 但相似嘅下午茶，茶餐廳分分鐘賣得更貴。雞髀無骨，至於係咪更方便食用，就視乎食家享唔享受揸住雞髀骨咬雞髀。紅豆冰並沒有走甜/少甜選項，因為甜味大部分嚟自預製紅豆，甜度不算過高，可以接受。另加 $9 追加喳咋糖水。足料，值得讚。多款豆類材料。食物啱口味的話，連鎖快餐店可是方便相宜之選！
繼續閱讀
中午lunch時分去買兩個套餐，一個雲吞麵加個炸兩腸40蚊都幾抵食，另一個餐係豬潤粥加蘿蔔糕48蚊。 雲吞麵係鹼水麵，個湯底就夠味，但個麵食食下有啲苦味，唔知係咪關鹼水事，結果食淨半碗。雲吞就正常發揮，有蝦，皮亦都算滑溜。個油炸鬼都幾好食，唯獨過腸粉皮有啲鞋。豬潤有啲偏un,蘿蔔糕就煎過龍,唔脆之餘又有啲林。 最大問題係佢包裝兩個餐都要塞落去一個大膠袋入面，底下唔放紙皮，結果行到返屋企入面啲雲吞湯底同埋學生餐送嘅紅豆冰瀉曬出嚟，冇咗一半。
繼續閱讀
今朝起身想食粥，於是去咗商場入面嗰間《一粥麵》食早餐。呢度唔單止有中式早餐，仲有各款西式早餐可供選擇。我叫咗碗香茜魚粒粥+炒麵，盛惠$30。魚粒粥都幾大碗，入面有大大粒魚肉，餐牌上話選用環保魚，其實唔知佢哋用咩魚，食落亦冇乜鮮味。炒麵賣相還可以，不過就乾身咗啲，唔夠熱，味道普通。呢類連鎖快餐店通常都有中式早餐提供，但在味道及風味上，絕對比唔上傳統粥麵舖。如果想食有番咁上下水準嘅粥麵，都係要回歸舊式粥面小店。
繼續閱讀
屋邨商場入面搵食。好多都係大型連鎖店。見一粥麵早餐配搭相對唔同少少。所以就揀左佢。鮮牛肉通粉+脆皮腸+炒蛋+炸魚+蘿蔔糕+中茶。咁多野食都只係$39。兩個女仔食應該都夠。執餐哥哥態度好好。有求必應。炸魚寫話係用環保魚柳。魚柳厚身炸粉薄。冇雪藏味。唔會炸到又乾又鞋。質素幾高。脆皮腸個皮堅脆。配左燒汁。炒蛋預先調左味。蘿蔔糕唔會得舊粉。可以揀要多士。中茶係茉莉花茶茶包。呢個價錢真係性價比好高。略嫌通粉質感爭啲。入口爽口不過咬多兩啖粉感好高。
繼續閱讀
您可能會有興趣的...