一番日本料理店 (已易手)

放假入元朗探朋友, 未夠時間先食個lunch. 入咗呢間日本料理度食, lunch 時間都幾多人, 好彩我早到, 我叫咗個鹽燒秋刀魚定食, 只係$29蚊, 仲有沙律, 飲品同湯送. 本身諗住醫飽個肚算數, 結果有驚喜. 秋刀魚燒個皮燒得好香, 裏面肉質嫰滑又爽有肉汁, 唔會燒過咗頭乾爭爭, 雖然個味噌湯淡咗少少. 不過咁樣價錢, 食到咁樣質素ge秋刀魚, 完全無投訴. 

呢個係蟹柳沙律, 完全冇諗過佢會咁大盆!! 成個面盆咁大, 我同朋友兩個人, 叫左魚生, 炸物, 一個拉面, 呢盆沙律食左一半己經食唔落。 蟹柳都幾多, 沙律汁亦好多, 個沙律汁好味, 配合蟹柳鮮美, 令到成個沙律都好好食。壽司唔錯, 食得出入面D料新鮮。另外推介吉列蠔, 有蠔既鮮味! 不過本身唔中意就可能會覺得係腥

去到已經好晏, 差唔多九點十點, 好在呢間鋪收得比較晚。炸物新鮮滾熱辣, 我地放到比較後先食佢, 仲熱熱地, 好脆, 炸粉唔厚, 岩岩好, 推介炸芝士波, 中意芝士一家要食, 啲芝士流出黎感覺好幸福!!!魚生好新鮮, 三文魚有淡淡油脂香, 亦都好厚。 拉面唔算好特別。

好耐都未同中學同學聚會啦！呢一晚唔單止同相識好耐既同學詳談外，最最最值得既係既然用左百兩蚊就食到我地三個滿載而歸！ 由於太多人幫襯一番 ,但係我地都只係等左十幾分鐘。店員更為左提高效率，比左張餐單我地點。一入到去就好快上菜，三個飢腸轆轆既青年人立即開動享用了 第一道上既菜色係蒜蓉牛油金針菇，我地抱住試新野既心情叫既。殊不知，金針菇有重重既蒜蓉及牛油味外，總有很多汁，非常juicy 之後就到日式飯卷--炸蝦飯卷，真係勁飽唔係講笑，同拳頭差唔多大。夾落去唔會散；食落去十分脆！！我地食到呢到已經好飽lu 最後點少得日式沙律呀，話比你地聽，識食十定食只係用四十蚊就可以食到半個籃球甘大既兜既蟹籽沙律。料多；醬多；青瓜脆多多：p

反到元朗諗住求其搵啲野食，甘岩見到到喱間野。見佢幾多人食就入去試下。坐底叫左刺生，鍋物等等！！啲野食送餐既速度 快到未食完枱上面既食物已經送哂上黎，但個侍應生完全冇幫我速理好枱上既食物就亂放 放到我同我女朋友朋友連放碗既位置都冇！！！！半板加拿大海膽 ，完全唔新鮮 ！第一次食加膽完全食唔到味！！個所謂既豬骨湯底， 冇味不特止，個湯底仲散發一種膠味！叫波支汽水 原味， 竟然同我講唔凍既要唔要 ，咪玩啦！！！食焗蠔， 芝士同北海道口味， 芝士味竟濃到食唔到蠔味 侍應生又唔加茶 又唔收食完既野！！！咁既服務，仲要自己行出去買單， 真係可一不可再！！！

 我平時食開加洲卷 佢既份量係岩一個男人食既 但係如果你覺得太多食唔哂既話可以叫佢小飯 咁樣就好岩女仔食啦 其實佢個吉列蠔飲卷都好好食 但係我就覺得佢既芝士放得太多 食得多會覺得膩同會好飽 我朋友就最鍾意叫金菇肥牛飯 佢地話大大碟既金菇肥牛同珍珠米飯呢個配搭好好 仲有前菜中華沙律送嫁 之前有見過人叫三文魚壽司 佢地既三文魚係標名挪威入口既 同埋佢地切到塊三文魚好長﹐ 好似有一尾好長既尾咁 份量好足 賣相都好唔錯  仲有仲有 佢地個蟹籽沙律真係好大盆 個碗成個頭咁大 因為份量太多既關係 唔係好大食既人真係唔好叫

其實來過幾次，想試清所有食物，但是食物質數越來越差啊！1.凡立貝壽司－該店特式大舊飯加汁燒凡立貝，好味2.三文魚雪花腩刺身8片－微熱的刺身3.豬軟骨烏冬－湯底香濃，豬軟骨有咬口，正等左半個鐘都無野來，咪吹佢，之後來了4.日式什錦炒拉麵－個醬汁正，炒得又好味又等左半個鐘又無野來，又吹⋯⋯之後來了5.鹽燒鯖魚－一放下我話甘燶架，個仕應話係燒得香，見都食倒咪算，係熱係脆，但唔新鮮6.汁燒原隻魷魚筒－唔熱既，放左好耐先攞來，如果熱應該會更好食一直都知好迫，但今次又要我地移來移去，又搭來搭去，又漏單！唉！比錢、找錢，又係等好耐好耐⋯⋯3個人，食左近300~唔貴，但食得唔開心，唔洗錢都唔想食。 

同朋友出去玩完，朋友建議去食一番，於是乎一行六人浩浩蕩蕩甘落到元朗。由於我地去到果陣已經成9點幾，所以無人等位，一去到就有得枱。去過一番既人都知，果度其實唔大，枱櫈都放得幾逼。其實一番D食物都出左名大件，我地6個人叫左8款食物都已經可以餵飽晒我地。首先就係必叫既沙律，盤沙律大盤到面盤甘樣，真係幾抵食。入面主要都係青瓜絲，但絕對無青瓜既草青味，沙律醬同蟹子都好足料。平時我自己叫多數會叫普通既蟹子沙律，但今次朋友發板，佢地就叫煙鴨胸蟹子沙律，其實就係多左幾舊煙鴨胸甘解。無咩特別，加左又無話好味左，或者難食左。大大粒帶子壽司。佢D壽司飯一向都成舊拳頭甘大，如果驚食唔晒，可以叫佢少飯。哩個帶子壽司我覺得有少少腥腥地，唔夠鮮甜。火灼三文魚壽司。舊飯師傅捏得唔夠實，搞到一夾就散左。條火灼三文魚略嫌熟過頭，搞到無左三文魚既鮮味。清酒煮硯。D硯唔係甘入味，反而個湯好清甜。但哩鍋野真係好多隻硯，係抵食既。朋友話放耐左之後好食D，可能浸耐D，入味D。芝士年糕。新鮮滾熱辣地上枱，食既時候小心D，入面D芝士真係會流出黎，已經燙親個口。哩個都幾好味既。豬軟骨餃子鍋。D豬軟骨餃子煎得好香脆，就算放左落個湯度都無話

基本上住元朗既人都一定聽過佢個名，因為佢出晒名「大件夾抵食」。雖然由細細個已經聽過佢個名，但我到近排先第一次去食，因為佢既人氣令到每晚六點開始已經大排長龍，所以每次晚飯都唔會考慮食呢間。普遍日式舖頭下午茶時段都會休息，但呢間就唔會，而且人小小又唔洗等位。本身同朋友諗住是午市套餐，可惜星期六日無得供應，唯有散叫野食啦～我地叫左牛油果沙律、魚生飯同吉列蠔芝士反卷沙律既份量真係十分之多，沙律小山可以用一盆黎形容，而且有好多蟹子同沙律醬，可以撈晒全部青瓜黎食。而佢所有既飯都會包小食（今次小食為中華沙律）、飲品同味噌湯，價錢只係三四十蚊，絶對可以當套餐食。到最後既反卷，份量同樣超多，但只係三十幾蚊，而且款式特別。雖然只係叫左三様野，但足以令我呢個大食之人食唔晒。而且店內會不停大聲播放唔同既歌，可以蓋過店內雜音，以及邊唱邊食，好舒服。

星期六和男友去新元朗廣場睇lego展，之後行完街想搵野食，經朋友介紹揀左這間食，唔需要等位但確實桌與桌之間太密了，言歸正傳講番食物，我和男友揀左兩個定食，男友叫了滑蛋鰻魚飯，我揀左刺身飯實際果名唔記得，仲有叫多左小食小丸子，其實我見好多桌都叫了一窩銀色鍋的食物，好奇心下我忍唔住問侍應是什麼，原來係佢地店的招牌菜沙律，真係好大鍋只是45元不過我和男友食完個定食和小丸子已經好飽，所以唔可以再叫，最後我和男友二口同聲說下次再來食他們招牌沙律同加洲卷同佢地的壽司，因為真係好大件。最令我們開心就是這店不收加一，真係太難得了。

之前夜晚去招呼Okay幾好。今次lunch去, 得2個女侍應,一個長頭髮既問幾多位果陣已經好侮氣,跟住叫野食果陣好冇禮貌,送野黎果陣預咗佢都係求其放, 都冇理佢,我同朋友全程免得過都費事揾佢2個,盡量唔揾佢地,費事激氣,但係最後都要埋單,都係好冇禮貌, 好唔想應, 好似黎食野係得罪佢地咁,埋單果陣, 我果friend想睇多張單一陣,佢問都唔問, 即刻搶咗張單,真係好激氣,我地知果陣老闆應該不在舖,唔知老闆對佢地唔好定點樣,想趕客可以做少D野掛 (佢地好成功趕客)但係我地冇野得罪妳2個, 又唔係平, 仲要加一服務費,其實的野食還可以, 但食得太不愉快了,貼錢買難受, 以後堅決唔會去食。

以前食覺得好好味好抵食，食過不下五次。今次食物問題好大。佢其中一個必食嘅蟹籽沙律，今次食個醬竟然溝多咗水﹖！啲味淡咗好多，以前個沙律個味冇青瓜同菜啲草青味，今次可能因為個溝淡咗嘅醬搞到咁。仲要加咗兩蚊價……佢啲炒飯超重味精，四十幾蚊份量少唔再講，個味好似合味道啲叮飯咁，再加啲料炒吓就拎俾人食。失望。以前唔係咁㗎

夜晚七點，就已經要等成十幾張枱，不過唔好食又點會咁多人排隊呀！等咗一個鐘，終於有得食啦！先黎個多飯壽司，大件得黎又唔會失去原本嘅鮮味，跟住就係厚切魚生，啲三文魚同八爪魚切到好厚一件，好鮮味，又好有咬口！個鐵板牛舌都比想像中厚切同大件，個味道好有肉味，肉質好嫰，有入口即溶嘅感覺！到最後個炒棘蜆，真係好食到不得了，但一定係要食得棘先好喎！佢啲麻味炒到入晒隻蜆度，而蜆又多，唔似其他地方咁得個殻，啲肉好爽呀，不過食完條脷都麻唒，但值得，值得嘅！

今日難得收早,特別想食吉列豬扒拉面,於是由尖沙咀返到元朗,8:30去到一番叫左個外賣。場面好爆,都預左要等,但等左半個鐘都未有覺得有D唔對路，因為都係得一個吉列豬扒拉面姐。於是崔下個外賣得未?見個侍應一行入去就攞左個已經包好GE外賣出黎,果下真係嬲,即係個豬扒拉面已經整左好耐啦?只係一路都無人拎出黎。大家都知D面耐左會淋(雖然佢湯同面分開上),D吉列豬扒耐左會唔脆。果刻已經打開個外賣,摸到塊豬扒已經唔係即刻炸起GE果種熱度,想即刻試D面GA,但係街到費事。即刻行返屋企。之前都有叫外賣GA,都鐘意佢個湯底GE。返到屋企一試,天呀！D面淋到好似泡耐左個公仔面咁 ,D豬扒又乾身又唔脆,D湯係暖GA唔係熱GA。食兩淡已經食唔落,心唸我咁辛苦返工,竟然要咁(喂)屈食D咁GE淋面。即刻打電話落去話要佢地重新整過比我。去到比個女侍應試食,佢同意我講D面係淋左GE,但D湯(佢舉起碗面,望住D熱氣)係熱GE,我心唸:暖GE都會有水蒸氣啦！算,當比你講得通。我叫佢食埋D豬扒,佢竟然話比我聽無問題。我呆左,咁即係佢地店舖GE豬扒不嬲都係咁(難食),所以佢話無問題。佢話肯幫我煮過D面,但豬扒就唔會再整比我。我

次次我都會食呢間，但次次都等好耐!最推介就係個炒蜆，不過唔好食牛油炒蜆，因為真係好油，我個人鐘意食棘炒蜆，雖然係油咗d，但好好味!壽司入得元朗食一定大件抵食，不過我都係愛魚生多d!!