一沢拉麵

營業中

休息中

大家知道 K11 Musea 地庫是有美食廣場的嗎？如果你和我一樣剛好晚上要去 K11 Art House 看戲，要趕快吃個晚餐可考慮這裡。我決定吃拉麵，選了一沢拉麵。下單付好錢後會收到個咇咇機，不用5分鐘的時候就響了。火炙安格斯牛拉麵 (HKD 98)這間的豬骨湯底幾濃郁，但不算很厚身，是中規中矩的程度吧。平時拉麵都是配叉燒，這裡有配安格斯牛，而且火炙過有微微的焦香。肉質軟嫩得來會有咬口且牛味豐富，這碗拉麵的主角是牛吧!?元祖叉燒味玉拉麵 (HKD 85) 同樣都是濃郁的豬骨湯底，但這款是加了就黑蒜油更惹味一點。叉燒是米肥半瘦的那種，還要很厚身的一舊。但我自己的話會是喜歡前者的牛多點。幼身的麵條較為硬身一點，下單的時候店員沒有問麵的軟硬度，所以是統一的吧。要說到這間拉麵最吸引的非「味玉」莫屬，半熟的雞蛋煮得怡到好處，而且十分入味。

今次叫左碗原味元祖叉燒拉麵 $85落單個收銀好似唔願落單 個態度真係好懶散到我去拎餐 個煮麵姐姐望一望我 再望一望個收銀位 佢好似暗示我佢唔包出餐😂拎到碗麵碗拉麵有木耳，葱，蛋，筍，一片叉燒同拉麵我個人比較重視一碗拉麵入面既湯底同麵質個湯底好似用濃縮豬骨湯開一樣，而個麵就係好普通既一個拉麵片叉燒真係唔好提 又乾又嚡 咬到有渣反而最出色係隻蛋 係流心蛋之餘重要係入味又唔咸只能夠講唔好抱有希望去食碗麵就會好D😎😎

去K11 Musea行完街見肚餓，落左地庫foodcourt搵食，見到呢間一沢拉麵🍜 晚餐就決定食拉麵，有幾款，我點左最貴既黑海老海鮮櫻花蝦湯拉麵😂.呢款拉麵係最豪華最多野，蝦湯好鮮好濃郁，有好多櫻花蝦，飲一啖湯就可以想像到用左好多蝦頭去熬煮個湯底，而海鮮係俾得好足好多! 有兩隻大蝦、青口、大蜆、帆立貝等等，好鮮好爽，唔會腥，加埋一片大紫菜，好滿足又飽肚，而拉麵既麵質幾爽，講明用日本麵粉製作，真係唔錯👍🏻

一沢拉麵 尖沙咀K11 Musea位於K11 Musea B2/F Food Playground 內，主打九州豚骨風格的拉麵店，據稱湯底是依照日本師傅配方熬煮12小時而成。 黑海老海鮮櫻花蝦湯拉麵：先講配料佢真的很豐富，有蝦、櫻花蝦、蟹柳、蟹膏、帶子、青口、蜆、紫菜等。湯汁蟹膏絆櫻花蝦係幾好飲，但湯汁份量真心少，我係第一次未食完過拉麵湯汁幾乎無晒😵‍💫我已經唔係狂飲湯。另外，成碗拉麵唔夠熱算係常溫，可以的話加熱少少會好點。拉麵咬感亦略為不足，如果加返點木耳絲或筍絲或芽菜，相信會好點，感覺呢碗拉麵海鮮先係主角😂。

服務態度真係麻麻，尤其係收銀啲態度真係唔太好，收錢似係吩咐客人要點做，好似覺得客人蠢，咁都唔識咁.黑海老海鮮櫻花蝦湯拉麵$148，食物價錢不便宜. 這個櫻花蝦湯底幾好味，櫻花蝦份量幾多，不過拉麵的份量比較少. 服務態度這方面真係要改下，真係幾趕客. 另外，我食果時好多蚊滋仔飛，感覺唔太好，這方面都要諗下解決方法.

我和朋友在8月28日晚上來試食拉麵，但收銀員服務態度很差。點餐時，我們指著menu上的拉麵點餐，但收銀員完全沒有正眼看我們，還要求客人讀出食品名。而且，拉麵質素與價錢不乎。叉燒未熱透，玉子崩缺不完整天婦羅太硬 勁厚粉賣相與味道完全不值百多元。望店方能改善。

下單問個老服務員辛口麵會唔會太辣，佢態度不好好串話話唔知，取餐時個老服務員攞飲管仲眼超超唔滿意咁，做服務性做到咁不如唔好做啦，如果鋪頭老闆見到真係要好好訓練下d職員！佢咁做真係趕客！

呢間店舖嘅出品真係唔寫評論表揚下都唔得！food court 用紙質（？）嘅碗裝住都算啦，諗住至少有一般連鎖拉麵舖嘅質素，結果係感覺自己去買個日本拉麵煮黎食都好食過佢。麵食落偏硬身，唔知係咪煮唔夠時間？黑蒜油無咩味，個湯底又無咩味。雞卷唔好食，好嚡又有雪味。加料海苔12蚊有3塊大嘅紫菜，有咬口，但唔推薦加。食完個麵有如幻似夢嘅感覺。唯一有驚喜當時 food court 半滿，呢間舖唔多客，由買到拎得時間唔使3分鐘，同煮個快熟通心粉時間差唔多，食完可以優閒地睇下書，正！

今日約咗客人喺尖沙咀附近見面，要食嘢就梗係去K11啦貴價food court🤣🤣 但係有一個都幾差嘅體驗首先門市同事都幾冇禮貌，感覺上好似唔優做生意咁，態度有少少趕客，可惜個客想食拉麵咁就繼續喇。火灸安格牛拉麵 $98麻辣 SPICY** +$5其實首先同陳述不一，只係普通煎並冇火炙效果，其實都明白係Foodcourt但係 $100一碗拉麵比膠兜個感覺已經差咗一半。試咗試過間麻辣嘅湯頭，其實係100%米線個湯底🥲🥲🥲跟住再食一啖拉麵，鹼水嗰陣刺鼻嘅味道未放入口已經聞到，牛就正常發揮，不過份量好少，得3塊，由於啲拉麵嘅鹼水味道真係好嚴重，所以冇食晒就走咗啦如果冇服務，然後嘢食又難食 真係搵唔到推薦嘅理由，十級失望只有3塊牛🥲🥲🥲

又到吃晚飯的時候，途經一沢拉麵，就想吃一下這裏的日式拉麵，於是就入去光顧，先在店子的櫃員枱點餐，這次點了天婦羅軟殼蟹赤味噌蝦湯拉麵和可樂一罐，取了餐牌然後就在附近找位子坐，坐了一會之後餐牌亮燈可以前去取餐，取了餐坐下來之後就開始吃，拉麵用料足湯底清甜有鮮蝦味，軟殼蟹炸得夠香脆可口，用料夠新鮮很好吃，有些蟹肉和蟹膏很有口感，麵條夠軟綿和彈口，店內環境舒適，座位夠寬敞好坐，冷氣夠涼，服務員的態度也很好，整體上很不錯，下次再來光臨，而且鄰近酒店區海旁，吃完後可以順道在海旁的星光大道散步和欣賞漂亮的夜景

OooFood Court中既美味拉麵ooO第一次去位於K11 Musea B2 既Food Court, 真係估唔到呢度有food court🍜仲有好多不同國家食物既小店！我就比呢間拉麵吸引左😋OooooO黑蒜醬炙燒雞卷豬骨湯拉麵 $85黑蒜醬加埋豬骨湯超惹味，喜歡黑蒜湯既朋友要試下呢間👍🏻！雞卷有驚喜😍估唔到咁嫩滑又入味，第一次食雞卷配拉麵，拉麵係用日本麵粉製造，個人確得拉麵軟硬適中🍜！差啲真係當自己係日本咁食完麵要飲晒啲湯😂！下次再去試下佢既其他限定拉麵先😋

唔好以為food court就冇好嘢食🤪位於K11 Musea B2 嘅Food Playground 就有間「一沢拉麵拉麵」，佢哋每碗🍜拉麵都係依足日本師傅嘅配方，用嘅九州島濃郁豬骨湯底係需要自家熬制長達12小時😱 加埋每日新鮮制成嘅拉麵，簡直就係食緊日本拉麵嘅精髓🤤 而且價錢相宜，CP 值極高👍🏻🧄黑蒜醬油炙燒雞卷豬骨湯拉麵 $80黑蒜油味道極濃，湯底一啲都唔溜，可以大啖大啖咗飲都唔會太咸，雞卷燒得香脆，保留到雞肉嘅肉汁之餘，肉質亦非常嫩滑🥹，溏心蛋亦醃得夠味，煮到中間仲係流心超好食，入口即溶咁😳加埋配菜有黑木耳絲，中和番晒成碗嘅味道👍🏻🥩原祖叉燒味玉拉麵 (辛口）$80呢款拉麵有辛口同埋原味揀，因為本人係極嗜辣🙈所以都揀左辛口🌶 除咗配有糖心蛋同黑木耳絲，呢款拉麵仲配有筍條，配埋辣湯咁食食到佢好香甜😋，重點係個厚燒叉燒🥩 肥瘦適中，煮得非常軟淋🤤一啲都唔會韌，仲有豬嘅油脂香味，一大啖咬落去好滿足🤭湯底夠辣之餘同個豬骨湯勁夾🤤

黑海老海鮮櫻花蝦湯拉麵 $148好味道：⭐️⭐️⭐️都好足料真係。。同埋要盡快食。。因為凍左都有d 腥腥地🙈🙈另外加$25 有日本有汽桃汽水。。好飲😋😋👍🏻.豬軟骨味玉拉麵$80好味道：⭐️⭐️⭐️另外加$12 多隻溏心蛋。。。好好味～豬軟骨都好夠淋😋👍🏻 如果湯底再濃郁些就好了🙈😋😋.明太子雞翼好味道：⭐️⭐️⭐️.日式沙拉炸餃子🥟🥟 $30好味道：⭐️⭐️⭐️⭐️配上沙律醬。。好味😁😁😁👍🏻

同為食姊妹shopping 完，突然好想食拉麵，我記得之前係food court食過有一間拉麵舖，食物水準不錯，從電梯下去已經見到充滿日本風味的拉麵店，喜歡這裏food court 枱與枱之間空間感大，環境不太嘈雜今期期間限定是極上龍蝦拉麵，喜愛吃龍蝦的我們一定不能錯過，點完餐，見師傅很快已經把拉麵做好吧，然後將一只龍蝦用火焰燒香用上原隻龍蝦，賣相人吸引，先嗅到香濃的龍蝦撲鼻而來，忍不住立刻呷一口湯，鮮甜而味濃香的蝦油海鮮湯，美味的不能形容，再配上肉質彈牙充滿鮮味的龍蝦，整個組合配搭得天衣無縫，拉麵吸收湯的精華，更加惹味，伴菜是爽口的木耳和微焦的粟米芯，清新健康另外點了黑蒜醬油炙燒雞卷豬骨湯拉麵，豬骨湯底香濃加上黑蒜醬油，加強湯底的層次感，濃郁的味道配上彈牙的拉麵，糖心蛋充滿蛋香味道，雞卷肉質滑溜，配合醬油湯底， 十分美味日式沙拉炸餃子，這個餃子水準也很高，菜和肉的比例均勻，煎得外層酥脆，加上沙拉醬，更加美味

農曆新年臨近,也要出尖沙咀辦一辦年貨,準備新一年新的開始.相信大家也十分之星座在K11 Musea 底有一個佈置得十分之有氣氛，清潔的美食廣場.這間拉麵店主打的就是九州拉麵，拉麵選用比較爽口的麵，也十分之能夠食得出廚師的功力，加上煮麵的技巧.這個安格斯牛肉拉麵牛肉是即叫即燒的，因此有少少炙燒的味道，加上湯底十分之香濃，水準十足.元組叉燒拉麵，所有面都是利用日本的麵粉去製造的因此品質一定有保證，加上香濃的豬骨湯底也掛在面身上，令人十分之回味.加上日本製的蘋果汁令這一餐畫上完美的句號.