一品流芳 (已結業)

外賣買左一盒沙薑雞飯，打開盒飯，只有一件雞胸、雞背、雞翼、雞翼尖、雞頸，食左幾啖飯就冇餸食飯，飯冇汁乾爭爭，杯熱阿華田冇味，好耐未試過冇味嘅阿華田五十幾蚊極唔抵食。

店內牆身以淺藍色為主， 有種親和感覺 ， 我倆就在此吃午餐。各選一碗粗麵及幼麵的一品牛皇，有牛腩，牛筋，金錢肚及牛丸， 一次過可以食到唔同款式 ，加配一碟白菜。牛皇材料入味夠腍，加點辣椒油，味道倍增。 簡簡單單食完一個午餐 ，在店內靜靜坐一下， 有種說不出的寧靜！

無乜人唔駛等位的下午茶質素非常普通去油尖旺是但搵間麵舖都好食過佢唔知點解可以賣咁貴叫左碟豬手淨食夠林但味道咸到苦，食一舊已想放棄牛筋夠林,麵底都合格,煮的時間適中湯底好重鹼水味總括黎講已經下午茶價都仲覺得唔值呢個價錢可以唔駛再幫襯

👍🏻👍🏻 朋友叫到過嚟試下啦 食物可以,冇問題，正嘢 牛腩 同埋牛肚 好淋 豬手好滑 好多地方冇嘅伊麵佢都有 環境乾淨衛生 唔同一般車仔麵'有啲污糟， 夥記都好親切友善 可能 做一般街坊生意 感覺好似好friend咁 飲品雖然冇真正茶餐廳咁奶茶咖啡咁好味 但係一檔車仔麵呢個尚算可以 好似凍檸茶咁唔會太苦太熱 都算收貨 下次可以試下其他餸 佢每個餸都份量幾多,所以我諗要分好多次使 所以呢度值得下次再嚟 不過我諗到時可能要排隊， 所以呢兩個禮拜應該會再嚟 食多次先 好味

12點同朋友叫外賣lunch， 一人叫咗一個面，叫伊麵就加四蚊，本身叫咗一個牛腩伊麵，諗諗下又想食埋牛筋，於是就變做雙拼，點知原來雙拼要加十蚊，感覺有啲唔抵，因為我朋友叫左個牛腩麵，點知我知麵既餸只係單餸嘅一半，但係明明已經加咗十蚊，所以碗麵由本身已經34蚊，加咗四蚊轉伊麵，再加十蚊牛筋，碗麵最後真係幾貴，我地仲加咗碟炸魚皮，脆卜卜好好食，另外再加咗一個細蠔餅，炸得好鬆脆好好食，蠔嘅份量亦好多，後尾我朋友叫咗罐可樂，原來罐可樂要11蚊，感覺有啲貴，所以個人嘅建議就係如果食麵叫單拼會比較抵

黃埔九號水產入面主要係日式食肆為主，粉麵店進駐其實有點格格不入，但反而殺出一條血路，呢間粉麵店我前後食過3次，第一次食一品牛皇 (牛腩、牛丸、牛筋、金錢肚)，第二次食牛筋河，第三次食一品魚皇 (魚蛋、魚皮餃、魚片頭、炸魚皮)，三次都係外賣自取。一品牛皇 (牛腩、牛丸、牛筋、金錢肚)牛丸分開跟湯另上，湯底夠濃但唔膩；牛腩偏肥，有兩舊肉質比較硬，個人覺得普通；牛丸都幾彈牙同大粒，幾好味；牛筋好正，膠質勁，好入味又夠淋；金錢肚易咬開而且好入味。一品魚皇(魚蛋、魚皮餃、魚片頭、炸魚皮)魚蛋同魚片頭都係好彈牙，而且都大粒有魚味，魚片頭係無得輸；魚皮餃就正正常常；炸魚皮好鬆脆，而且份量都多。整體黎講都幾好味，而且價錢都算合理，唯一要講既係食一品牛皇同牛筋河既時候，都見到啲餸上面有短毛髮，係唔只一條，基於阿Q精神，我會推斷佢係牛既毛髮，因為食一品魚皇係無既，希望店舖方面可以再清理得乾淨啲啦!

在日本食材及食店林立的紅磡九號水產內，竟然可以找到一間賣廣東式粉麵店，確是感覺有點怪怪的....坐下來，睇睇餐牌，有一頁是介紹此店的來歷，原來這裡的前身是在李鄭屋村七層大廈內的小攤檔。對於這一類的"老字號"，大部份來講我是挺有信心....餐牌有幾款以牛及豬主打的雜錦粉麵。平常在家都不大煑牛的我，出街吃的話，當然便要化身成牛魔王了....這一味叫"一品牛皇"的撈麵，集齊了牛腩、牛丸、牛筋及金錢肚在內。牛丸是分開跟湯另上，這舉動，說實在是蠻貼心的....湯頗夠鮮香亦不濁；牛丸形狀渾圓口感彈牙，牛味雖不是特濃但也未至於食到人成口"粉".....至於其餘的三款牛水準可是挺高的 ---- 牛腩是屬半肥帶筋層層相疊的不黏牙揀手貨，咬下去爽口中見軟熟且牛味足，非常好吃；金錢肚煙韌易咬不柴且十分嗦味，入口惹味；牛筋一嚼下去便化掉了，之後整個口便"漿"住，膠質濃厚吃得極過癮....麵條揀了和"撈"很搭調的粗麵，入口一點鹼水味也沒有。光是以此來撈腩汁吃，已是令人很滿足了....

自己住黃埔，一直感覺黃埔花園Aeon附近一向都無咩好食，食店多，但親民好味的很少，多數都要行遠d到新村那邊。網上得知九號水產開左一間粉面店，價錢合理，二話不說就找了個晚上去試。一入店內，店員就親切招呼，三個人叫了三個粉。媽叫的沙爹牛河的沙爹汁很出色，配上肥牛很惹味我叫了一品牛皇，牛腩比想像中出色，肥瘦適中又唔會乾，牛筋和牛肚也很不錯。五寶河的肉丸也不錯，雖然不是最出色，但也算美味。整體份量也足，加10蚊有油菜，令飲食更均衡。蠔餅也香，蠔仔很肥美新鮮，配上蔥蛋煎得香口，十分不錯。不過美中不足是胡椒味有點重，已向老板娘反映，喜歡食清淡蠔的鮮味的可以要求走或少胡椒，咁就perfect了一路同老板娘店員談天，聽得出他們的熱誠，亦好用心聽意見。九號水產呢個位要做唔容易，難得有一間唔離地的用心小店，希望更多人知道來支持，黃埔友的我為左自己之後繼續多樣野食選擇，都忍唔住特登打呢篇食評幫拖，略盡綿力。另外多謝老板娘份炸魚皮，我老婆平時怕腥都食左幾塊，讚👍加油!希望黃埔多d貼地食店，支持

前幾日同幾位公司同事行過黄埔九號水產，見到呢間潮洲麵店，裝修簡潔、舒適，就決定入去try try!!! 結果一試難忘!自問一行三人都係唔容易服侍既朋友，本人唔食牛，同事A對荀有敏感，同事B唔食海鮮。入到麵店，店員親切有禮，好有心機為我地介紹佢地既餐牌! 细心比建議我地。最後我試左佢地既炸醬麵，超好味呀！我好怕幼麵有鹼水味, 少少都唔得，本來想改單但又懶，黎到一試，d麵不但無鹼水味，仲非常彈呀，d炸醬酸辣度剛剛好，炸醬入面d肉唔係其他店果d細細粒肉碎，非常足料，諗起又想再食啦! 另外，試左個蠔餅，可能我地無即刻食， 林咗少少，但亦不錯，值得一試!另外兩位同事，一個試左佢地一品牛王，一個食一品豬王，佢兩個都讚不绝口! 近期難得一遇，非常用心既麵店!大家可以試試

一間有追求既餐廳，我好欣賞老闆既工藝，沙爹牛滋味剛剛好，豬手好冧好入味，魚片頭更彈牙到冇朋友，豬肉丸好好味，連湯都好好飲，價錢又非常合理我日日加餸都係搵呢間啦！希望可以長期留係黃埔，造福街坊！

唔知係我叫嘅牛腩粉唔係佢主打，定佢見我樣衰，所以揾佐劣腩比我食，有兩三件唔夠淋(牛腩死穴) 。就算味道唔錯，但有兩三件唔淋嘅牛腩粉，搞到碗粉即刻差佐。拎外碟油菜(芥蘭), 已經係嫩囗位，但都唔係好爽口，可能overcooked. 新開，仲有改善空間。

經過9號水產見到有間非日本料理嘅粉麵店開將 於是入去試下。舖面裝修簡潔舒服 都可以容納2-30人望望餐牌 除左一般魚蛋、雲吞、牛腩麵外，竟然有其他粉麵店少見的炸蠔餅、沙薑雞仲要係店主推介，不過今日得一個人怕食唔晒所以無叫，但見其他枱order 賣相非常吸引，份量亦不少，下次一定要叫埋朋友來試。見到餐牌 一品牛皇、豬皇同魚皇，其實係牛、豬、魚雜錦，呢個設計好窩心，啱晒我呢d又貪心又有選擇困難嘅人，一次過可以試晒幾樣野叫左個一品牛皇：有齊牛腩、牛肚，牛根、牛丸 每樣2件 份量啱啱好湯底清淅 不油膩 有少少牛香麵質算爽囗牛腩、牛肚、牛根都好淋，不過略嫌淡左少少 最出色係牛丸 非常爽口 有牛味 有少少牛根一食就知係靚料整體來講算好食，而家肯用優質食材嘅舖頭不多 淨係呢份對食材既要求已經加分希望呢種小店可以繼續落去 💪🏻

朋友係黃埔返工，唸住係左近快快手搵個地方食個Lunch因為對黃埔唔係太熟路，最後去左呢一間粉麵店唸住食個牛腩麵同朋友叫左一碗一品牛皇，炸醬麵同蠔餅因為本人對牛肚有個執著，估唔到呢間新開張既鋪頭整得牛腩同牛肚幾入味，又唔會太難咬，牛肚係必揀！朋友叫左碗炸醬麵，我唔太食得辣，剩係試左少少個汁，鍾意食辣既朋友應該會幾鍾意因為店員推介蠔餅，叫左個細蠔餅試唔錯，無唸過而家除左街邊同大排檔外仲會食到有水準既蠔餅整體唔錯，有機會會帶屋企人黎試下牛腩麵係同香港人年輕時候既回憶

蠔烙乾脆香口有驚喜，魚片頭鮮甜有魚味。偶然經過黃埔，被一間潮式粉「一品流芳」個名吸引，入去試一下，隨手點了一品牛皇麵！一品魚皇麵，蠔烙！驚喜發現蠔烙乾脆香口有驚喜，魚片頭鮮甜有魚味！牛皇雖然出色但沒有驚喜！一問之下才知道原來雖說是新店，但老闆之一有經營數十年傳統潮式粉麵的經驗，這次再戰江湖，把過去的經驗，過濾，優化，去蕪存菁。例如，1）堅持入貨用上成食材，2）把菜式歸類再簡化，以8大產品作主打。 　a)一品牛皇麵（牛丸，牛筋，牛腩） b)一品豬皇麵（豬手，豬肉丸，豬脛肉） c) 一品魚皇麵（魚蛋，魚皮餃，魚片頭，炸魚皮），客人點一樣就試齊同類食材！3）再而難得有自制辣椒醬，撞得一手夠香滑的奶茶是老闆的驕傲！

琴日同屋企人行開黃埔，諗極都諗唔到食咩好，媽咪又唔食魚生，阿姨又唔想食pizza意粉果d，諗住過黎行個圈睇下，見呢間唔算好貴 又幾好坐咁就入黎試下。我自己就點左牛肚魚片麵，兩樣都係我平時鐘意食既，呢到既牛肚好好食 炆得夠入味又夠琳，魚片都彈牙既，湯底夠濃味，整體不錯。另外屋企人叫左蠔烙，其實我本身就唔食蠔餅同生蠔炸蠔呢d，因為好怕有陣腥味同埋粉粉既感覺，但我屋企人就食唔停口係咁叫我試，咁我就試下啦。入口好香蔥蛋味，d蠔竟然唔腥 仲有陣鮮味 好足料，而且我都好鐘意佢煎到好香口，令我改觀左，下次一次再食另外仲有牛腩就正正常常，都炆得好軟但我本身麻麻地牛腩。反而我覺得炸魚皮好驚喜！我唔知係佢地自己炸定出面入既，非常鬆脆 一D都唔硬，而且好香口🤤食到最尾先忍唔住影低整體黎講都好好味，無咩邊樣中伏，雖然位置入少少，但比起其他麵檔，d枱夠闊 坐得舒服，而且地方乾淨，慢慢食個晚餐都唔錯