更多
2021-02-07
717 瀏覽
中午去咗PMQ嗰邊搵朋友食晏,佢預先打電話去「拾伍」訂位,皆因餐廳大受歡迎。雖則佢有幾層,但每層其實得好少坐位。我哋早一日留枱,天台層座位都已經滿哂😖,所以我哋最終坐三樓。行過埋二樓賣衫嗰層就到,原來三樓都係得兩張枱,環境裝修確係幾清新。估唔到樓層面積咁細都有咁多Staff,全部都係靚女😍。餐廳有賣便當午餐同沙律,款式唔多,不過有鹹食賣已經好難得🙈!價錢介乎$78至$118不等,另外加$18仲有指定飲品。便當盒真係用和紙花紋嘅便當布包住,勁有日系Feel🎌!雖然咁樣多一層拆開嘅工序,但正正係樂趣所在😛。黑松和牛漢堡·盛盒($118),哇打開個蓋發現盛盒同我想像中完全唔同,因為原來係由兩件漢堡扒、兩款口味嘅飯團同少量涼拌前菜組成。🥩主角漢堡扒好好味😋,牛味好濃,亦好多汁,再上面加咗啲黑松露就令佢更加香,但如果熱啲就好 。🍙飯團分別係鹹鹹地嘅醬油味同芥末吞拿魚,兩款都唔錯,而我就更鍾意後者多啲。前菜方面,全部都微微辣,包括有青瓜、翠玉瓜同芽菜等。日式咖哩牛肉盒子($82),盒子就相對普通,因為感覺即係同日式咖哩牛肉飯無異🍛。不過味道都唔差,咖哩幾香幾惹味,甜味同辣味適中。牛肉係肥牛片,但相
行過埋二樓賣衫嗰層就到,原來三樓都係得兩張枱,環境裝修確係幾清新。估唔到樓層面積咁細都有咁多Staff,全部都係靚女😍。
餐廳有賣便當午餐同沙律,款式唔多,不過有鹹食賣已經好難得🙈!價錢介乎$78至$118不等,另外加$18仲有指定飲品。
便當盒真係用和紙花紋嘅便當布包住,勁有日系Feel🎌!雖然咁樣多一層拆開嘅工序,但正正係樂趣所在😛。
$118
13 瀏覽
0 讚好
0 留言
日式咖哩牛肉盒子($82),盒子就相對普通,因為感覺即係同日式咖哩牛肉飯無異🍛。不過味道都唔差,咖哩幾香幾惹味,甜味同辣味適中。牛肉係肥牛片,但相當大塊,絕對唔係碎濕濕。米飯用上珍珠米,飯粒分明。兩個便當均附有溏心蛋半隻,流心效果明顯🥚。
桂花甜橙茶($78),估唔到🍵茶飲都帶點玩味,因為佢係提供茶嘅配料比你自行加入茶壺度,然後再請店員加熱水。呢款有幾片乾橙片、桂花粒粒同香葉,店員建議分兩次添加,不過其實一壺茶嘅量都已經好夠飲,所以個人認為一次過加落哂去沖仲好。可能始終無乜茶葉,茶味較淡,但就飲得出微微甜嘅香橙味🍓。
髒髒咖啡($42),Dirty係我朋友嗌嘅☕️,佢話口感幾細滑。
總括嚟講,今日有機會同朋友見面,兼且一嚐文青打卡勝地嘅午餐🤳🍱,確係幾開心。食物味道比想像中好好多,不過略嫌份量偏少,男仔食就可能爭啲吧,但嚟得呢度我相信醉翁之意不在酒呢😏!
張貼