雖然香港都有唔少啱哂一家大細一齊去嘅親子餐廳，不過可能因為土地問題啦，好似台灣咁大嘅親子餐廳都係偏少。唔信？最近台灣新北市有間新開嘅親子餐廳唔單止有兩層樓高，而且仲有嘅室內摩天輪畀大朋友同小朋友一齊玩！

佢地之前試營運嘅時候已經引嚟唔少注意，全因呢個室內迷你版嘅摩天輪！唔好見迷你版咁可愛就睇小佢，每座車廂重量上限有成200kg，各位爸爸媽媽可以同小朋友一齊坐㗎。

餐廳兩層高夠哂空間感，而且仲有遊戲區比小朋友任玩，咁各位家長就可以稍作休息啦。

叫得親子餐廳，當然唔單止有得玩仲要有得食啦。Menu特別精心設計過，唔少得適合小朋友食嘅兒童餐，而且亦有素食Menu，照顧到唔同人嘅口味。

餐廳堅持現場烹調製作，亦唔會添加味精，而且食物擺盤亦非常認真。唔好話小朋友，幾個大朋友去聚餐都唔會失禮呀。

info
樂福親子餐廳
地址：台灣新北市三重區五華街200號
*設最低消費，遊戲區除摩天輪外只開放給未滿8歲(或身高130cm以下)小童

圖：樂福親子餐廳Facebook

開飯編輯推介：

1. 【專訪】冬甩店美食車舖面 加國回流女生：香港冇吖嘛

2. 9月份好評餐廳十強

3. 秋冬天，番薯天 5大蕃薯味零食大比拼

熱門文章推介：

1. 一齊滾起佢！季選任食火鍋

2. 邂逅蟹王 10月就是要任食大閘蟹 5個大閘蟹搵食點

3. 九龍東小葵廣！藍田掃街攻略