因為上次試過一次頭等餐，覺得很不錯，所以今天帶了兩個朋友一起來。我們四個人下午兩點多到達，在門外等了幾分鐘就有卡位了。原本不用搭枱還延開心的，朋友叫了型男餐和全日旱餐，我和老公各要了一個午餐。須知道每人進餐的速度有快有慢，出菜也有先後，可當你每吃完一樣東西，侍應便會立刻把豌碟收了。而四人難得一起吃個飯，也難免會聊上幾句。我自問我們也不過份，吃了二十多分鐘，沒到半小時，侍應就把一個留座牌啪的一聲放我們卓上，那時還有人沒喝完飲品。我們又不是在看手機報紙，也沒懶着不走的意思。我明白卓子分秒都是錢，不過請老闆想想，不倒半小時，我們四人就花費了二百多，你也不用這麼緊張吧？錢是要賺的，不過希望做生意的，能對客人抱點寛容，這樣你賺到的會更多！！！

今日看到必勝客外賣傳單，有一樣好吸引野，就係黑椒大蝦雞粒必勝批喇。價錢系$68，仲要系大批阿，我當然忍唔住要試啦。
由於個批系黑椒汁，所以有少少辣。材料有蝦、雞肉、青椒及菠蘿。雖然都係平野，但感價錢，都算好好食。
但係就一定要外賣自取，唔可以用「必食必賞」計分，兼有日期限制，同埋要收回優惠券。
大家記住要睇清楚細則，優惠券可以傳單度剪。

上次去海洋公園，已是年半前事了。當時見到隻裝飾大熱狗好吸引，就已經有想試衝動。但因為當時實在太飽，所以冇試。噚日再去，心想不知道隻大熱狗還在不在呢？找了一陣，終於找到，當時心情十分興奮，終於可以試到大熱狗美味喇。
我問收銀姐姐熱狗有幾多種、有冇餐配，她說只得一種，是普通熱狗 $16，冇餐。我聽了「普通熱狗」四字之後，雖然心已冷了一半，但仍有一種期待，於是我就要了一隻。
原來普通熱狗真的很普通，既沒有生菜芝士，也沒有蕃茄洋蔥。只得一個包和一條脆皮腸，茄汁、黃芥汁各一小包。
老實說，論味道、包軟度和溫度，腸味道都跟宜家傢俬$6 的差不多，只是脆皮腸較粗和短而已。
可能是本人期望過高、期待太久，又或者不懂欣賞，所以下次也不會再試了。

一直都想試下足三襾漢堡同至尊漢堡有咩分別，但係要到觀塘先有二十四小時麥記，所以一直都沒有機會。
早幾日睇睹廣告先知而家唔駛二十四小時麥記都有得賣，一定要去試試啦。
個包的確系好重手，可能真系有三襾。而內容就有兩塊厚牛肉、兩塊麵包、洋蔥、酸瓜、兩塊芝士。我個人就覺得太多肉，同太漏喇。而至尊漢堡的內容有兩塊麵包、一塊厚牛肉、蕃茄、芝士、酸瓜、洋蔥、生菜，食起離好似健康，清爽。
順帶一提，將軍漢堡都好好食，而且每年只有一段時間有，所以有時間就要去食喇。

睇到電視廣告好吸引，所以今日去試試。

個飯雞扒面有好似米通粒粒，好脆，辣味好，又夠幼嫩，好好食。真係好似廣告咁，卜卜聲。咖喱汁唔算辣，但好有咖喱香，好適合要撈飯，但飯份量就少。佢會將飯．咖喱汁．雞扒分開擠，汁唔會整淋雞扒，好值得讚，個餐包埋飲品及豆角。$27.5

加埋珍珠巴辣雞粒，一樣好似雞扒咁好食。共$35.5

唯一挑剔系朋友同我講，佢再加埋葡撻都只系$36。照計間間價錢都一樣，可能系我唔識叫，如果個收銀提一提我就會更好喇。

喱間麵包舖經常都有好多人幫襯，包包都有好多款。我最鍾意食佢海鮮薄餅＄5，雖然唔係好多料，但係好好食。有蟹柳，獅子狗，洋蔥同青椒。而我爸爸就最鍾意食佢菠蘿包＄2.5（買一送一）。佢方包好軟（３元半磅），因為本人吾食酥皮，所以未試過佢酥皮蛋撻，不過有好多人都會買，相信都吾差。如果去開，可以試試。

今次系我第一篇食評，如果寫得唔好，請多多原諒。
由於我有一張PizzaHut 外賣八五折優惠券，原本可以速遞，但諗住儲必食必賞積分，所以就去外賣自取，個服務員都好有禮貌，我叫個＄１３２套餐。
套餐有一個大批，一個意粉或飯，兩個忌廉雞湯。因為個餐批同意粉都唔係好食，所以加＄１５轉個海鮮批，又加＄１０轉焗海鮮飯，總共＄１５７。點之佢話因為用優惠券，所以唔可以儲分。我諗住都落單，所以就算啦。
我記得以前平日餐係＄１２３，仲多個蒜蓉包，仲可以儲分（都唔知系佢唔識定真系唔得）。
翻到屋企，個批海鮮比以前少，而且仲細個。海鮮飯就好好食，海鮮都好多。個湯都好好飲，又夠熱。
雖然加價系大圍事，但價就加喇，可唔可以多番的材料呢？