前排lunch跟住同事去左食素菜自助餐，本身以為淨係全部都只係得菜既野食，估唔倒仲有好多仿肉、pizza，款款都好colourful好吸引😜 平時唔食素既我都好滿意今次既野食😉 酸齋食左幾round，好有咬口酸酸甜甜好開胃 鐘意豆腐既朋友必試蒸豆腐， 滑溜溜好惹味 佢仲有好多款口腐相關既野食，特別推介皮蛋豆腐，皮蛋流心配上豆腐口感更豐富😍 另外野食特別推介炸饅頭，外皮脆卜卜，內餐鬆軟好好味🤤另外佢仲有好多款甜品🍮值得一試

今日係歡送一個識咗好耐嘅同學👩🏻‍🎓問佢想喺香港是啲咩菜，佢竟然答我哋係川菜😂因為原來佢喺香港未食過川菜，真係估佢唔到😌既然係咁梗係要滿足佢嘅願望，用一餐豐富嘅川菜去歡送佢啦😝所以今次我哋嗌咗都好多嘢食👍🏼一於食得盡興🎉 ✅青椒皮蛋 ✅乾煸四季豆 ✅酸辣土豆絲 ✅辣子田雞 ✅麻辣小龍蝦 我哋無論係前菜類定係主食都嗌咗幾款試吓🦞其中最震撼嘅都係麻辣小龍蝦，因為我哋三個都未試過喺香港食小龍蝦，佢一上枱係好大盆🌶️雖然小龍蝦嘅肉唔係好多，但係佢嘅味道真係好正，怪唔之得啲內地人咁中意啦😍 另外我哋都嗌咗一碟辣子田雞挑戰一下🤣但係發覺因為佢哋炸完同埋切成一粒粒，所以外表上並唔會好難接受🐸識落我都覺得其實同普通嘅炸子雞差唔多👍🏼同樣地都係名副其實嘅白飯小偷

早排屋企人生日決定去食放題慶祝吓，朋友推介就去咗呢一間位於旺角嘅放題店，除咗燒肉之外，仲有燒海鮮😉當然唔少得各種韓式料理、小食，飲品都係任飲㗎 今次都叫咗幾款嘢食🤓特別推介生蠔🦪估唔倒喺度食都好新鮮，一啲腥味都冇非常鮮甜，另外仲有芝士焗蠔，大大隻食嘅時候帶鹹香，鍾意食蠔嘅朋友仔唔好錯過啦 另外叫左佢哋嘅招牌T骨牛扒 ，大大塊好軟身，平時鍾意食嘅腸仔同雞翼都有，可以開心同朋友share 最後記得留肚食埋Melona 雪條，為整餐畫上完美句號

馬鞍山終於有一間泰國嘢係我會想同大家分享❤️ 因為餐廳雖然係泰菜為主，但都有fusion啲西式野，令食物更多變化之外都有好多選擇🥳係暫時我食過比較特別嘅泰國菜🇹🇭 今日除咗嗌咗啲，平時都會喺泰國餐廳食到嘅嘢之外，另外都試咗兩款比較新色小小嘅fusion泰菜🦐 泰式沙爹串燒(雞&豬)💰$70*6串 冬陰功鮮蝦忌廉意粉💰$118 鮮柚子蝦球沙律💰$78 個沙律未食望落已經食慾大增🥗因為佢有各款唔同色彩，而沙律都食得出好新鮮💦 而我最期待既冬陰功鮮蝦忌廉意粉都好特別🍝食落食材既搭配上大家都好和諧😍而成個意粉並唔會好辣，只係微微既冬陰功味，小朋友都食到🧒🏻 泰式沙爹串燒方面我揀左雞肉串同豬肉串🍗2款都正常發揮，唔會燒到好乾👍🏼

聽聞餐廳好有名，今次我叫左佢地特色的重慶麻辣雞煲，同埋一啲小菜同野飲。 麻辣雞煲的湯底帶濃郁的香味，叫人食指大動！雞肉大大嚿又不會太鞋，好入味！加了隻雞蛋更惹味，我仲叫左Wasabi牛柳粒，牛肉的嫩度岩岩好，配上wasabi更加美味。生蝦也非常新鮮，口感鮮嫩多汁，帶來了一絲清爽。 凍檸茶超級解辣，令人口感一爽，岩曬配辣既火鍋，大大杯，超抵。整體來說，呢間火鍋店既菜色超豐富，味道好，服務態度都相當唔錯，一定會再次幫襯，下次要試埋其他既雞煲同火鍋配料先。

平時去打邊爐都好少推薦，因為我覺得食既野都係差唔多，而且都係同平時既野食一樣唔會有好大分別😆但今日去到旺角呢間吞POT 雞煲火鍋.住家菜都真係好有驚喜🤩 除左有做緊優惠所以價錢平之外，另外佢地既食材都十分新鮮，完全係估唔到如果用新鮮嘅食材係會有咁大分別🐷所以要特登close up俾大家睇下呢2款食材🤣 西班牙頂級黑豚豬梅肉$148 美國桶蠔$185 價錢方面其實都好抵，加上如果係午市或者晚市19:30前離座/21:30後入座既話，所有火鍋配料同小食都會有半價優惠😍一個價錢就可以食到兩樣配料其實真係好抵食！推介推介👏

上個星期去完旺角行街，就約咗屋企人上去小漁村食晚飯。book咗六點，上到去都坐滿左八成，好熱鬧😀晚市烤魚放題包咗好多嘢食，有Bbq海鮮盤，仼食烤魚，仲有任食火鍋。 BBQ海鮮盤會隨時令而改變款式，當晚有生蠔鮑魚扇貝等等。鮑魚好出色！鮮甜又彈牙，而且大大盤真係好壯觀。 跟住就可以食烤魚，烤魚有幾款口味可以選擇，我哋就食咗酸菜魚😉條魚好嫩好大條。之後就可以出去自助區攞火鍋配料打邊爐，擺放整齊，乾淨。拎咗涼拌木耳試下，全枱人都話好好食😍 我哋大概食到九點幾，好開心係冇限時，鍾意食幾耐都得。一定再有下次😝

旺角一帶好多日式放題店競爭都幾大，成日一堆姐姐喺樓下派傳單，有一次諗食乜時經過收到傳單見到幾吸引咗上去試吓，明明傳單寫有龍蝦但其實係冇得食，都算啦，諗住食刺身回番本，但完全係諗多咗 落第一輪單嘅時候都等咗好一段時間先來，之後加單諗住都係等返咁上下時間，點知冇咗影😞 好多放題店都用緊網上落單，但佢仲係tick紙仔，超多客人，收咗啲紙仔入去石沉大海，查詢落單又冇人理😅😅 最後2個鐘放題都等都等咗一半時間😅

放工同朋友聚一聚 揀咗呢間任食火鍋 叫咗膠原蛋白養顏美顏鍋 湯底好足料濃郁飲落唔錯 我哋各自飲咗兩碗補一補😂 安格斯牛小排好好食 好重牛味 油脂豐富 賣相亦都好吸引 小羔羊唔會好騷 珊瑚蚌都不錯好爽口鮮甜 五花豚肉都幾肥美幾好食🤭 食物款式都幾多 120分鐘絕對係大加分位！

招牌阿金無骨海南雞配油飯不錯 包湯 似屋企煲嘅老火湯👍🏻油飯幾香 無骨海南雞好滑 醬汁有埋甜豉油會更加好 海鮮喇沙亦不錯😻有蝦、魚片、魷魚圈等 湯底不錯 好香椰香味 豆卜吸唒啲湯好好食!海鮮亦都幾新鮮👍🏻值得一試