小漁村烤魚火鍋 (已結業)

上個星期去完旺角行街，就約咗屋企人上去小漁村食晚飯。book咗六點，上到去都坐滿左八成，好熱鬧😀晚市烤魚放題包咗好多嘢食，有Bbq海鮮盤，仼食烤魚，仲有任食火鍋。BBQ海鮮盤會隨時令而改變款式，當晚有生蠔鮑魚扇貝等等。鮑魚好出色！鮮甜又彈牙，而且大大盤真係好壯觀。跟住就可以食烤魚，烤魚有幾款口味可以選擇，我哋就食咗酸菜魚😉條魚好嫩好大條。之後就可以出去自助區攞火鍋配料打邊爐，擺放整齊，乾淨。拎咗涼拌木耳試下，全枱人都話好好食😍我哋大概食到九點幾，好開心係冇限時，鍾意食幾耐都得。一定再有下次😝