有我最中意既刺身同和牛💕 我地坐包廂有privacy 套餐每位$1,180 食到中段已經飽飽地🤰🏻 - 🍴前菜： 梅貝、明太子醬免治雞肉 🐟刺身二點： 平政魚 油香唔會好膩，有煙燻香氣 🦐 沙雕漬甜蝦 濃濃酒香，鮮味十足 ❣️梅．紫蘇大拖羅 魚入口即溶，梅醬大大減低油膩感 🐄 和食 牛油熟成和牛，外脆內軟 經24日煙燻熟成 脂肪分布平均 🍣 握壽司五貫： 右口魚、墨魚紫海膽、池魚、笠貝、燒深海池魚、吞拿魚胶 🤤赤海膽壽司、鮑魚 兩樣都中意食，特別彈牙既鮑魚配鮑魚肝，滿足

一個lunch 可以大包圍食盡日本野 有刺身、串燒、壽司、天婦羅... 餐廳裝修得好有京都feel 🍴抵食商務午餐 磯煮鮑魚 用醬汁同昆布炆煮，好林 🐟刺身 油甘魚非常甘甜 梭子魚燒過之後充滿油香 燒物盛 (白鱔 牛小排 五花腩 雞髀肉 蕃茄仔） 🐍白鱔彈牙，又咸又甜 🐄牛小排十分軟熟 🐷五花腩燒到好脆，唔會太油膩 🐔雞髀肉 連皮反而有點油 🍅平時唔食蕃茄仔，不過佢加左honey 燒得好味 所有串燒都夠味，有需要可以點海鹽、柚子辣椒食 🥚茶碗蒸 多料 🍤 迷你天丼 天婦羅新鮮整出黎，加埋半熟蛋汁撈飯，飯份量剛好，之前食咁多野都仲食得落 🐟吸物 魚清湯配上豆腐，好清甜

鮨燐位於K11 Musea 對面既H Zentre，地點方便，午市選擇多。今次既Omakase 套餐有6件刺身同6件壽司（$980)，最後有蕎麥麵同自家製既甜品。 . 🐟 刺身： 1.鮫鰈魚：又稱右口魚，魚皮似鯊魚皮、肉質嫩滑 2.小長井真蠔：配上啫喱同柚子皮，味道清甜，creamy 3.東京灣既太刀魚：配上自家製蒜香醬同胡椒，中和油膩感，讓肉質更有咬口感 4.北海道bb 銀雪魚：刺身級別，個汁用左醋加麵豉，更能夠展現出它的鮮甜和美味 5.中拖羅：使用竹炭葉代替鼓油，做法能夠讓食材更健康同美味 6.金槍魚kama-toro：有著濃郁既油香 . 🟨 食完刺身，就食一食橘子啫喱清一清味蕾， 再enjoy 埋壽司 🍣 1.深海池魚：池魚王，爽口肉質鮮美 2.天草車海老：又稱花竹蝦，做到九生一熟，保持脆口 3.活赤貝：爽口鮮甜 4.金目鯛：香魚油味 5.鯖魚：加上透明昆布同紫蘇葉，酸酸地 6.北海道馬糞海膽：非常鮮甜 🍲 ．慢煮鮑魚配鮑魚肝醬：有豐富既口感同層次 ．蕎麥麵：食完生冷野暖下個胃，麵條幼細 ．抺茶奶凍：椰汁做既奶凍隔清椰絲，非常香甜

上環摩羅街除左賣vintage chinese pieces 外，仲有唔少美食架！平時刺身同壽司Omakase 就食得多，我都係第一次食串燒廚師發辦☺️ $680 有八樣串燒，唔需要驚唔夠飽，因為仲有沙律、煮物、雞湯烏冬同埋甜品🌝 仟穆主打本地黃油雞，你諗得出既雞部位佢差不多都有。 煮物係肥大鮮甜既花甲，再黎主打串燒八串，分別係白鱔、燒雞胸軟骨、雞心、牛舌、雞肉棒、黃油雞、焦糖車厘茄同好香牛油味既秋葵。白鱔同燒雞胸軟骨一試難忘，白鱔燒得皮脆肉厚身鮮味；燒雞胸軟骨燒得剛好，有不同既口感。 雞湯烏冬亦係值得一提，佢既雞湯十分鮮甜，有濃郁既骨膠原，平時唔飲晒麵湯底既我都一口氣飲晒👍🏻 最後甜品有日式蕨餅，入口即溶，唔會太甜。

『鮨』 - 前菜 - 🥚 伊達玉子配上蛋黃醋調製醬，酸酸地幾開胃 🐚 梅貝係秋季限定既食物，食落彈牙 🌽 白粟米爽口鮮甜 - 🍣 壽司 - 鮫鰈魚：肉質煙韌 深海池魚：刺身厚身，味道甘香細膩 北海道帆立貝：creamy鮮甜 松葉蟹：日本三大名蟹之一，蟹肉撈埋蟹膏，味道更鮮甜 伊佐木：肉身柔軟多脂 金目鯛：皮比煙薰過，有魚油香 牡丹蝦：加埋蝦頭膏，肉質綿軟中帶彈性 北寄貝：爽口 赤鯥魚：魚皮滑溜，肉質鮮甜無比 青桔啫喱&煙薰大根包cream cheese：先食啫喱，再食咸咸地既大根cream cheese，味道好特別 銀鱈魚：肉質幼滑 中拖羅：鮮味帶魚油香 鯖魚：配搭白昆布同紫蘇葉，滿口脂香 大拖羅：入口即溶 海膽：非常鮮甜 - 手卷 - 🤏🏻蔥拖羅手卷有魚油香，一邊食魚油一邊流落黎😋 - 湯 - 🐟 梳子魚清湯 - 甜品 - 🦋 水信玄餅泰國蝶豆花紅豆黑糖漿 玄餅同蝶豆花本身無咩味，每啖加一點紅豆同黑糖漿，甜得黎唔會太膩 🍑 日本蜜桃汁

場地寬躺，訂位時可選擇Tatami 位置。餐廳由兩位來自福岡既日本師傅主理，Aki San 負責廚師發辦，而西村師傅負責熱食。今次試左熱食先😋 福岡料理一般味道都會較濃，所以炸雞或壽司都未必需要點醬或鼓油。 . 🐓 雞腎 🍢 月見免治雞肉棒 手打雞肉，彈牙！ 🦀 吞拿魚蓉松葉蟹肉壽司 足料，松葉蟹肉及吞拿魚都十分新鮮。 🐔 一瀧唐揚炸三瀨雞 博多著名嘅三瀨雞，用咗墨魚汁雜，唔好睇佢黑媽媽，食落外脆內嫩，味道恰到好處，個人認為無需點醬。 🐄 博多牛腸鍋 正宗福岡師傅必定識煮既牛腸鍋，牛腸肥瘦適中，牛腸食落煙韌👍🏻 🥃 烏魚子溫泉蛋瀑布瀧麵 極力推介呢個瀑布麵，變身又細，烏魚子執加上溫泉蛋，食落冰涼開胃。 🍹 Bubble Iced Tea 荔枝味主導，加入青森蘋果及桃茶調製而成，偏甜。

餐廳以黑色做主題，創辦人Keo W.係多重領域品牌設計師，亦係國際荷里活雕塑製作人。餐廳牆身同燈飾設計以圓圏為主，迷幻既燈光感覺cyber，係一個好好嘅打卡位。 🦑 墨汁海鮮意大利飯 $198 黑色意大利飯配上黑色餐具，十分型格。海鮮份量足夠，有帶子、蝦及青口，意大利飯中加入了魷魚，味道適中。 🐓 酸梅BBQ醬單骨雞翼 $108 酸maymay嘅醬令人特別開胃，單骨雞翼令人食得好方便。 🌽 冬蔭公烤粟米 $88 冬陰功味道十足，對我來講有少少辣，粟米烤得香。 🍇 自家製提子及原味英式鬆餅 $148 食物來得好快，鬆餅已經放咗一陣先食，外層仍然十分鬆脆，入面暖暖鬆軟。進食時配搭英國凝塊忌廉同野生藍莓醬，好味。 🥥 皮皮 $98 皮皮製作需時，飲品內包含椰汁、椰果、牛奶、菠蘿汁、竹炭同忌廉，濃濃的菠蘿及椰汁味，舒緩咗冬陰功粟米嘅辣味。 🍏 元宇宙 $88 青蘋果、蜜瓜、薄荷、碟豆花及梳打，味道清新，唔會太甜。

餐廳氣氛適合朋友聚會，飲酒食串燒，仲有beer pong 玩添😆 🍅 頭盤沙律 係甜甜既蕃茄蒜子沙律，平時唔中意食蕃茄既我，今次都覺得好甜好味。 🦑 螢光魷魚 刺身口感，鮮味十足，正。 🐚 辣酒凍風螺 辣度適中，開胃。 🐙 北海道魷魚柳 炒得軟硬適中，連蒜炒好惹味。 ⚪️ 日本原隻帆立貝 燒得剛剛好，都係有炸蒜粒，好惹味。 🐄 厚燒牛舌 好厚身，外脆內軟。 🐓 唐揚南國鳳尾 脆得黎肉身好林。 🍡 白鱔 煎得脆，鱔肉厚身。 🦀 松葉蟹肉海膽炒飯 用料十足，粒粒分明，調味適中。 🍍 菠蘿 / 🍎蘋果雪芭 原個迷你菠蘿同蘋果拎出黎，賣相可愛，雪芭既水果味道好突出，食極都有😆 ❤️ 心up 賣相可愛既飲品，有大大個心型冰，打卡一流。 👦🏻 17碎半 中意清新味道既朋友可以揀呢杯，佢有蘋果汁、柚子、薑啤，荔枝puree 同檸檬汁，醒神！

餐廳除左食物新鮮同質素好，氣氛都好重要。威師傅同店員同我地打成一片😆 成晚食得盡興 . - 𝐎𝐦𝐚𝐤𝐚𝐬𝐞 𝐒𝐞𝐭 𝐍 - ❛ 前菜 ❜ ．秋葵淳菜：加左土佐醋，店員推介當sake 咁飲，口感不錯。 ．赤身醬油漬生淮山：赤身滑 ．日本白粟米：爽同味道十分鮮甜 ❛ 刺身七品 ❜ 🐟間白魚 味道多層次，黑松露香味加無花果味道中和，柚子汁既味道都非常突出。 🐚 帆立貝竹炭葉 生紫菜點綴，味道咸咸地，帆立貝新鮮creamy。 🐠深海池魚 輕輕燒一燒，池魚既油份就出晒嚟，香口。 ▫️北海道粒貝 加左柚子皮同鹽，creamy 得黎又清新。 🐟油甘魚紫蘇花加芝麻 本身已經用醬油醃咗，魚身爽口。 🦪仙鳳趾生蠔 咸咸地好creamy，蠔邊爽口。 🎏煙燻梭子魚 舖滿茗河，魚肉好嫩滑。 ❛ 和食 ❜ 鰆魚 上面蘿蔔苗帶有少少辣，配酸汁，一魚幾種口感。 ❛ 肴 ❜ 龍珠果 先食龍珠果，再食一半神秘果，酸酸甜甜等佢係口入面溶化，再食龍珠果，就會令佢更清甜。 ❛ 壽司七品 ❜ 真鯒&石鯛：肉身彈牙同煙韌 赤貝：新鮮彈牙 馬糞海膽：好甜，入口即溶 澳洲鮑魚：大大片鮑魚包住醋飯，味道特別 紫菜拖羅：鮮味 赤鯥魚：燒得好香，食落辣辣地 ❛ 甜品 ❜ 自家製炭燒咖啡奶凍，咖啡味濃，奶凍甜度恰到好處。仲有壓軸熱情果雪芭🤤

餐廳近住蘇豪，地點都唔算難搵。午市套餐抵食，仲有幾多選擇。套餐跟前菜、沙律、麵豉湯同汽水。 🍲 主食我地揀左野菜牛肉壽喜燒，牛肉新鮮重牛味，份量多對比起平時食得三兩塊，絕對對得住個價錢。佢用既蛋係日本蛋曉蛋，絕不欺場☺️ 除左叫午市套餐，我地中意試多啲其他野： 🦑 螢光魷魚漬 加左薑去走魷魚腥味，魷魚creamy。 🍣 令海之幸太卷 份量多，有三文魚、吞拿魚同青瓜，魚生新鮮夠飽肚☺️ 🍢 串燒 最愛既鹽燒白鱔，去到邊都叫。最欣賞佢肉身夠彈牙同唔太腥。串燒仲叫左厚燒牛舌芯，外脆內軟同雞腎。餐廳自製柚子鹽、紫蘇鹽、黑炭葉比我呢啲鹽控揀，食咩都落dd 😋