晚上想和太太吃好一點，便試試一間新開的日本餐廳。
餐廳是在海山樓地下的一個新商場內，餐廳裝修舒適。
枱與枱之間空間足夠，坐得舒服不焗促。 生蠔
先叫了些刺身，生蠔是吃一次就戒不掉的毒藥。
我不愛帶有強烈鹹鮮海水味道的歐洲蠔。
今次吃的是日本真蠔，蠔肉肥美圓潤，肉質清爽鮮甜。
佐以青檸汁、辣蘿蔔蓉和酸甜啫哩醋，可以減少油膩感。
粒貝及活北極貝
北海道粒貝（日本響螺）十分新鮮，肉質幼嫩，味道清甜，有淡淡海水味。
北寄貝是灰色的便知新鮮，因為平常多見的紅肉北寄貝其實已經煮熟。
而灰色的口感比較腍滑，味道比紅色的更鮮甜。
海膽
大廚說今天的北海道海膽質素好，我就要了一份。
海膽外形飽滿完整，色澤金黃，鮮甜可口。
海膽上放了新鮮紫菜，釣出海膽的甜味。
旁邊也有乾紫菜，但我覺得還有欠缺，便冒昧問大廚要了少許壽司飯。
自製海膽手卷，多多海膽少少飯，大滿足！
笠子
笠子魚從日本直達，滋味鮮甜，脆嫩爽口。
廚師只需一把刀，就把笠子魚變成厚度均勻的魚生。
薄如蟬翼的魚片，捲起像極玫瑰。每片厚度不超過一毫米，薄而不瀉。
魚骨也不浪費，廚師推介(Off the Menu),
把魚骨放入高湯，變成一碗鮮味十足的魚湯。
生吃了這麼多，一碗熱騰騰的笠子魚湯正好暖和肚子。
蟹膏多士
有驚喜！蟹膏鮮甜有蟹味，但單吃嫌太膩，配合多士口感變得更有層次。
黑炭多士上的芝士和蟹籽經過烤焗，每口都充滿香脆與鹹香。
爐端燒
刺身吃夠，便轉到爐端燒。我特別推薦燒豬肋肉和燒雞翼！
豬是日本黑毛豬，油脂豐富，豬味濃郁。
雞也是日本雞，皮薄味濃，外皮燒得脆卜卜。
一夜干
大廚也推介了「一夜干」。是把新鮮漁獲洗淨，以鹽水浸泡並風乾一晚。
經過這種「醃漬、風乾」方式處理，魚肉會變的紮實，魚腥味減少，還增添一股鹹香。

後記
爐端燒如果配上一杯冰啤酒，我夠膽講上中二路嘅攻擊係毫冇破綻！
可惜餐廳沒有酒類飲品供應（未有酒牌），但老闆說可以自己帶酒（免開瓶費！）。
大廚和經理十分健談，還送我們雪糕。員工亦服務到位，主動換碟加茶。
臨走前告知如早一天來電預約，更可介紹及預留當造的時令海鮮！

總括而言: 這小店位置方便，價錢合理，刺身性價比高，適合朋友聚會。
清酒啤酒，新鮮魚生，熱辣辣爐端燒，配合一班好友，一期一會一樂也！

P.S 商場內電話收得好差，幸好店內提供免費WIFI!

上班日的銅鑼灣有太多選擇，去到希慎的一風堂都不需要排隊。看到有個限定的和牛拉麵，便試試新口味。 湯底方面偏向濃味，有牛味但並不突出。很多人害怕拉麵湯頭的油，但這層油可以封住表面，留住湯頭濃香，不能撇去。 拉麵上有兩大片和牛，它油脂豐盈，油花分布均勻。畫龍點睛的是和牛上撒上幾絲微酸的柚子調味，它融合和牛的油脂，產生清甜的口感。可惜一部份的和牛連著筋脈，或許煮得太久，筋脈變得過韌，要整塊吐掉。 溫泉蛋味道適中，是我每次吃拉麵的必點配菜。紫菜並不新鮮，不提也罷。 總括而言，單點和牛拉麵需要$118(連加一)。雖不貴但亦不便宜，只可以說物有所值。如果想吃得豐富一點，可以選擇「和牛拉麵定食」($148)。包括和牛拉麵、迷你和牛丼及麒麟柚子啤酒。可惜我下午需要繼續扮工，不然必定會嘗試拉麵和柚子啤酒的組合。

晚飯後想起灣仔新開了一間巴西莓專門店，便去嘗嘗。 一向對巴西莓有種情意結，是因為很多年前在巴西吃過最好的巴西莓果碗。在香港巴西莓果碗還未算十分流行，故價錢不算便宜。

小店位於灣仔道後街的一個角落。店舖雖然細，但卻有家的感覺。可能因為我吃的時候，顧客都是成雙成對的。店內只有7-8個座位，店外設有小木枱以供立食之用。店員十分有禮貌，一直向新來的顧客介紹不同的巴西莓果碗。

我點了一個招牌巴西莓果碗。雖然只是中size，但份量十足。材料包括香蕉、士多啤梨、藍莓、燕麥、熱情果、生可可碎、蜜蜂花粉、椰子片等。 這裏的巴西莓果碗的味道跟別處分別不大，都是像smoothie一般，但勝在性價比極高！小店應該多加支持 ，希望他們能夠繼續下去。

最近係Netflix睇完一套關於Tacos嘅紀錄片，今晚決定去間墨西哥餐廳食飯。 2個人叫咗4個tacos同埋2個Tostadas。 Tostada (Crab) (右上角）
蟹味相當突出，配以蔬菜Jicama感覺清新。 Tostada (Octopus in Love)
賣相相當漂亮。相比下味道較失色，可能本身八爪魚冇乜味道。但醬汁幾好。  Taco (Carnitas - Pull Pork)
豬肉絲調味適中，加上芫茜，配搭相當好味。  Taco (The “Trump” - Beef Tongue)
牛脷嘅份量相當慷慨，煮得好淋好入味 。 Churros  從未食過咁外脆內軟嘅Churros，趁熱點上特色羊奶焦糖醬汁好好味！ 
最後才發現七點鐘之前有happy hours，2杯啤酒加一大碟Nachos都只係188蚊。 下次可以再來試試！

香港人最愛吃日本料理，但不是太貴便是將貨就價。最怕是吃到不新鮮的魚生，錢白花了還要怕拉肚子。最近試了一家insiders內評價不俗的日本料理，果然令人驚喜。指的是食材新鮮，價錢公道。最重要是推介的都是當造的漁獲，深明「不時不食」之重要。 秋刀魚刺身（師傅推介）　－　試過番唔到轉頭！原來現在是秋刀魚季節，所以魚油特別豐富，滋味十足。餐廳還會把魚頭魚身炸脆，一魚兩食，吃時記住加少少青檸汁。 響螺刺身（師傅推介）　－　肥美鮮甜，個人覺得比象拔蚌爽脆好吃。　 岩手縣生蠔（師傅推介）　－　大大隻很飽滿，鮮甜爽脆。我個人喜歡佢海水味唔重，最怕太鹹食到似遇溺一樣。 燒雞翼及雞泡魚干　－　我唔可以空肚飲酒，燒雞翼及雞泡魚干是冰凍日本啤酒的最佳朋友！ 蒜片炒日本赤雞腎　－　脆嫩無渣無異味，吃得出是日本貨。人黎，同朕order 多支啤酒！ 汁燒牛肉　－　醬汁惹味，火候剛好，外脆內嫩。 紅衫魚刺身（師傅推介）　－　經介紹下吃了數片紅衫魚刺身。 咦!? 那不就是傳說中的「系撚鯛」？（是真名來的！Google話又名金線魚。果然食魚食得刁，刺身都要食系撚鯛！）　

離哂大譜！😡😡😡今晚叫咗菜肉煎餃外賣。一返到屋企打開個盒見到四舊黑過炭的致癌物體!!  有乜可能食得落肚!!!!!完全冇道德操守!!!  如果係堂食佢肯定唔敢拎出嚟!!!

忠告: 以後如進甜品舖後感覺中伏，卻因各種原因未能離開，建議選擇平價中式糖水。一來此類甜品伏極有限，二來可以減少金錢損失，切記切記！！

內容: 飯後一行十數人到煙廠街食甜品，在不求有功但求有位的情況下選擇了土屋。可惜事與願違，席中各人均有中伏，大少不一，不提也罷。而小弟選擇了楊枝甘露脆豬，原來是很多whipped cream + 脆麵包 + 少少楊枝甘露係面。只可惜由於受嚇過度，未能拍照。要知道沒圖沒真相，所以希望「明將」烈士繼續嘗試，以補本文不足。

你間餐廳都聽過好耐，但成日行開佐敦又唔會去幫襯。今晚咁岩同女朋友去學書法，之前就不如黎食下咖哩啦。講真，呢啲老字號你想要五星級酒店咁嘅裝修同服務既話，咁老友你不如快D番印度食咖哩。但快靚正呢啲香港咁好嘅傳統佢哋就一定有！(不過服務都好好,係友善既小餐館方法,唔係大家比幾舊水食個擺碟既方法)

叫咗個咖喱雞同埋咖喱牛腩，牛腩就其實比較有咬口，唔係拆得出一條條絲嗰啲。不過各人有各人嘅喜好，我食開既牛腩大部份都係咁既質責。其實呢度最重要重最好味都係個咖喱汁，可以分大中小辣。我哋見到有個食客問中辣有幾辣，阿姐話中辣都好開心架(即係答左等如無答 =_=")。我地叫左少辣,不過都幾辣。唔食得辣既朋友小心啲。個咖哩汁嚴謹上黎講唔係汁，係醬。係咖哩洋蔥香草醬。一個字講晒,無得頂! 跟左一個白飯一個薄餅，薄餅有咸、甜和油，我自己叫左個咸（即係無味），用黎拈埋啲咖哩食一流！！ 食左2啖發覺都係叫多支啤酒黎再開心啲,埋單老闆重收我齊頭數,呢啲街坊情懷,大餐廳又點會有呀。