沙田石門至從有京瑞克廣場，漸漸熱鬧起來，京瑞廣場一、二期開咗大量新小店及餐廳，繼之前親子茶樓，今日去試 點饌Dim Sum Deluxe，可愛點心小店，超級吸引。 我哋一早11點正凖時等佢開門攞位，店舖其實唔大，枱都只可以放大概10張，而我哋一行10人三個家庭，已經佔咗整間小店一半，好彩一早到，因見佢哋電話不停響要訂位亦有人等位，相信想試新嘢大有人在。 服務態度唔錯，門面有兩個人，廚房亦都有兩個，點菜落單程序簡單快捷，上菜時間亦都非常神速，整體感覺好順暢，一直亦有人加水及清理枱面食完碗碟。 食物方面就非常有驚喜，點心外形有趣，同圖片一模一樣，份量亦唔細件，一向唔好食嘅哥哥見到得意點心都食不停，超興奮，原來可愛食物賣相真係會增加食慾。 我哋每樣叫少少試下，價錢相對地比一般茶樓貴亦算合理，不過點心唔係款款咁有睇頭，好似小朋友最愛叉燒包、馬拉糕、燒賣就係一般普通造型，不過價錢亦無特別平，感覺就有d唔抵食。 我哋亦有叫飯，不過其實唔需要，小朋友食點心都飽，飯份量亦唔少，不過飯同點心同價，咁食飯又會飽肚d，不過就無乜特別新奇，一般蒸飯類。

哥哥朋友仔生日，去咗荔枝角一親子餐廳慶祝，剛剛開業時去過，已經是年半前嘅事，印象中食物好有驚喜，而小朋友有個舒服環境玩，大人可以好好享受用餐，唔記得當時有無介紹過，不過各下大報章雜誌亦有，相信大家唔會陌生。 重踏舊地，我哋小朋友大咗好多，一入去已經急不及待入遊戲室玩，入去前工作人員有量體溫，亦有要求消毒雙手，小朋友玩亦好留意佢哋安全，大人的確可以放心食。 而食物方面，係無調味食材自己用平版燒，可以自己去加調味料，任自己喜好去煮，食材一份份準備好，有海鮮、肉類及蔬菜等，可能上次去過，今次跟上次一樣，少了點驚喜，但一樣是味美。 3歲以上有兒童餐，十分豐富，食材跟大人餐差不多，而且非常大份，一定填飽肚，用餐前會教做壽司卷，幾有趣，小朋友都好享受製造過程，用壽司卷食飯總比一匙匙快，好主意。 服務方面都十分貼心，各方面亦安排妥善，亦用心講解，用餐時出現了些小插曲，亦一一恊助解決，感覺是以客為上，用心經營。 環境就比印象中細咗，今次已經唔係全院滿座，但走動時亦要避免阻擋其他人，而且坐長枱，走動有d唔方便，好彩兒童室有cctv，可以由螢光幕見到小朋友，都好放心。

行完花墟就去食個lunch，新世紀廣場4樓有spaghetti 360，外表同一般餐廳冇咩分別，但內裏乾坤，𥚃面有個兒童遊戲區，一個小corner放咗幾個廚房，雖然唔多玩具種類，已經好夠玩。

服務亦相當好，照顧非常周到，有BB椅又有BB餐具，服務員好貼心，提示我BB椅同枱高度易夾到手，亦主動幫我影相留念，感覺好welcome，真係加哂分。

食物亦好好，我11點度到，唔多人所以食物好快到，有意粉、飯仲有兒童午餐，又唔貴，妹妹自己食咗一大碗就知好食，可以同小朋友安安靜靜食個晏，仲有地方比佢哋玩，媽媽們聚腳首選！

遊戲區附近嘅枱唔多，訂枱記住揀近遊戲區，而餐廳裏面無洗手間，亦無消毒洗手液，所以要自備。

今晚第二次去，上次剛剛開，食咗個午餐，已經好意外，水準可以咁高，可惜午餐無pizza，所以今次刻意嚟試晚餐。

其實河畔咁街坊地點，有間真係可以叫高級意大利餐廳，真係街坊有囗福，又唔貴服務又好，地點算方便，環境直頭正，乾淨闊落，起碼唔會太嘈太迫。

食物水準當然係最重要，好食先有人去，上次可能新開，少人d，今晚已經full house，所以好嘅一定有人再去，遲d應該要book先有位！

今晚食咗個青囗，pizza同乳豬，加兩個甜品。

青囗一定要試，個汁濃度適中，鮮香美味，青囗大隻厚肉，正到呢！

正綜意大利pizza，皮脆夠薄，料又唔會太多，好味。

個乳豬，唔同中式做法，個皮薄又脆，肉軟到離骨，好食好食。

甜品呢？正，有圖有真相，真係水準高過酒店級！

希望佢地會繼續努力！我地就會繼續大飽口福！

一向都好鍾意去名家食韓燒,因為環境乾淨而且味道好。尖沙咀呢間有埋景勁正,不過當然要book位,可惜我就唔記得咗book位,所以一早踩想去，希望有位比我，好彩有。

叫咗兩個燒嘅，一份牛肉、一份雞肉。跟住要一個炒粉絲,同埋辣牛肉湯。其實兩個人食都好夠，加埋佢地啲錢菜,簡直飽到上心口。

前菜其實都好夠份量,而且味道好好,泡菜又夠辣,所以食前菜都可以係一種享受。加上我好早到,佢俾咗個窗口位我,可以對住個靚景,享受美食,簡直一流！


佢哋嘅燒牛肉其實真係好好食,一啲都唔油膩,而且厚度適中,燒起上嚟岩岩好,調味又夠,所以一定要食。


雞就冇牛咁好食,不過亦唔係唔好食,只不過牛比雞好食啲。雞好入味,而且份量都好大分,簡直係抵食。


仲有炒粉絲,送到仲熱辣辣,味道適中,大大份,粉絲爽口,正!


辣牛肉湯係本人最愛,無論去到邊一間韓燒,都一定會叫。辣牛肉湯雖然係話辣,但其實唔會
好辣,料夠多,有牛肉、洋蔥、大蒜等等,加上白飯,真係飽啊!


服務一向都好滿意嘅,有人會主動加水,而且清理碟都好快手,基本上都十分滿意，一定會再來!

11點準時入閘，平時太多人，見到條人龍等位已怕怕。
其實主要想食小籠包，的確係皮薄肉汁多多小籠包，兩個人，一人一籠，4隻一籠真係個享受，熱騰騰咬開，d肉汁爆哂出嚟，好鮮味嘅肉汁配香醋真係一流。另外叫咗個酸辣湯，料多而且味道夠濃夠酸夠辣，好味！
仲有個小食，牛𦟌好好入味，薄薄咁切片，咬感十分好，正！

見佢上埋飲食男女，一直都好想試，可惜成日好多人，又不設訂位，所以今日終於早d食去試。

六點鐘到，冇乜人，叫咗和牛放題，湯料一半蕃茄一半辣。個湯一d都唔濃，辣亦唔好辣。

主角和牛確實好好味，食咗八盤牛兩盤豬，頭頭食覺得麻麻地，原來我哋煮得太熟，時應教我哋和牛只可需煮4秒，果然原來4秒煮法係滑好多，入囗即溶，好有牛味。

仲有豬肉片亦十分有肉味，薄薄一片，好易入口，正！

其餘配菜水準亦相當高，有青囗、墨魚丸、拉麵等，質料好好，絕對好味，最愛係新鮮冬菇！

星期四靜靜去咗ikea食lunch，十二點前到，人唔多，叫咗個當日特價，無骨豬手$29加個什菇＄7，加埋嘢飲$10，一個午餐$46，真係唔錯。

無骨豬手唔肥亦好好咬感，什菇唔太喊，有菇味，做配菜合適。

去ikea食嘢，人少實在係享受，食物唔花巧，正！

中秋假期，刻意過咗lunch time先去Megabox醫肚，好彩有openrice，坐車沿途搵定食咩，老公話韓國，我亦好鍾意韓國嘢，見review唔錯，正！

去到過咗兩點，人流唔係多，亦有七成滿。坐窗口位，好舒服，個景都ok靚。

叫咗兩個午餐，韓國鷄冷麵，同牛肉豆腐湯配白飯。冷麵先到，外表好吸引，加上天氣熱，真係好開胃。雖然紅紅的，好似好辣，但只係甜辣，好好味。麵條好彈牙，鷄肉亦好入味，如果十分，我會比十一分，好出色！

牛肉豆腐湯配白飯係本人韓國食物之中嘅最愛，食過好多好多次，今次亦十分滿意。湯唔太濃亦唔太辣，辣中仍有牛肉味，係好難得。最意外係豆腐，滑到難以相信，好好好食。湯內料好足，絕對值回票價！

服務可以接受，不過不失，地方又乾淨，一定會再嚟！正！

好耐無喺西灣河晚餐，今日心血來潮去歎Tapas。剛見其他評語，厭細份厭唔夠食，我想作出平反！大家要知道，Tapas其實好似食點心，唔係茶記碟頭飯，唔會係大大份，Tapas係要細味品嘗。

因之前住得近，我哋嚟過Tapeo無數次，食物好，環境好，服務好，而且好浪漫，對住個海，好詩意！

今日訂咗6點枱，我哋一向早食飯，怕人多怕嘈怕等位，6點剛好黃昏，個景好正，有三、四張枱，所以好休閒，可以慢慢歎。

Tapeo最大驚喜係牆上special，次次新款，而且材料係季節性，所以我哋通常會試special。

先叫嘢飲再加個Cold Meat Platter同麵包，食住頭盤先，Cold Meat Platter有5款西班牙火腿，味道好醒胃，唯獨Parma Ham 過喊，其餘送暖暖麵包一流。

主菜決定叫兩個牆上special加一個薯仔粒Patatas Bravas，special之一係Sea bass配Gazpacho汁，即鱸魚配凍蕃茄汁，味道充滿驚喜，魚鮮味配上蕃茄甜酸加少許garlic味，簡直喺口中放煙花，大愛！

另一special係矮瓜配羊醉肉加杏仁saffron汁，矮瓜好入味，羊肉唔so，雖然味道無鱸魚咁刺激，不過亦相當有特色。

薯仔粒Patatas Bravas係我哋必叫之選，個辣醬好野味，薯仔夠香脆，正。

最後，再加個Tomato Goat Cheese Salad，亦係我哋最愛，蕃茄香甜，酸酸甜甜配山羊芝士，真係好醒胃。

服務一向好friendly，一食完有人收碟，唔會過份attentive，個個有笑容，有10%服務費亦值得。

只要大家抱住open mind去嘗試，如果唔知份量，先叫兩三個，一路食一路叫，慢慢relax去享受Tapas就明白過中樂趣。Enjoy! 

Tapeo: You guys are great and food is brilliant!!! Just keep it up and we will be back! ;-)