影片
招牌菜
之前已經食過一次, 記得係好食既, 所以特登去第二間食多次!麥卡莉汁燒雞真係好正, 淡淡既香辣味加上茄汁既甜酸味,香料亦落得好足但唔會太濃, 小朋友都岩食!一定要點!一試難忘, 我仲諗緊點整個汁出黎!油鬆餅又係好正,又係一定要點, 淡淡既芝士味, 唔會好濃, 但有芝士香同小小咸味, 但唔明白點解伴侶食極都食唔出有芝士, 但我又食到wo....岩岩送上黎, 影完相拿拿林食,怕會凍左, 一食,真係好鬆,好軟,好好食, 完全唔需要加其他醬都可以獨當一面! 唔食走寶!(好似好誇張咁,但我真係好中意!)菠蘿炒飯望落去好colorful, 原本以為會有菠蘿底上....普普通通,比小朋友食ok, 飯唔會痴埋哂,肉鬆果仁唔會好多, 伴著食有香味!提子乾小小甜唔會太酸, 菠蘿水多左小小, 青瓜番茄唔係話好靚,不過唔係重點,算....蝦冇咩味, 好清.... 整體都係個句,比小朋友食係ok馬拉戔炒通菜,食入口真係好食, 似係馬拉既馬拉戔,不過食食下,開始覺得好咸,如果送飯係ok, 不過係送白飯ok....上面既魚咬到有趙頭! 係唔錯...只係太咸....但係整體e間野係好值得食!
繼續閱讀
同友人放工去食飯, 到malaysian cuisine 試下, 叫左巴東牛肉, 咖喱蝦 & naan~~巴東牛肉 - 牛肉肉質不算嫩, 但個汁就非常好味! 少少辣, 但好濃郁! 極力推介! 餸飯一流!咖喱蝦 - 蝦都幾鮮味, 個咖喱汁偏向甜(in a good way), 濃郁, 杰撻撻的, 同埋不太辣, 迎合香港人口味, i love it! 椰青 x 2 - 不過不失其實兩個餸for 兩個人已經好足夠了, 不要同時叫飯and naan, 會食唔晒.PS: 男友人話個Restroom 好恐佈, 叫我千奇唔好去, 希望餐廳方面會改善下啦!
繼續閱讀
那天晚上，我跟好友一起到 Palace IFC 睇 "3D 魔境仙蹤"！為了方便大家，他建議到中環皇后大道中 <莎巴馬來西亞餐廳> 食晚飯！ 這是以正宗星馬泰菜為主打的餐廳，可品嚐星馬風味！由於遷就開場時間，我們在 6:30 踏入餐廳，大家食個 quick dinner ！然後，趕到 IFC ！當時，時間尚早，只有我們兩位食客，店員也很快手為我們落單！上菜亦幾快！ 完全配合我們的 schedule! 實在太好嘞！期間，他有朋友致電給他，我乘機留意一下店內環境！ 這裡有兩層，另有地庫！ 裝修簡約，牆上掛上紙扇及馬來西亞風景畫，彌漫馬來西亞風情！桌上的牙簽筒是來自吉隆坡！椰子海鮮飯 $78當店員一送上桌時，我們也嘩然！竟是出乎意料的多！ 把整個椰子裝得滿滿！還散發椰子汁的清香，相當誘人！ 海鮮有蝦、青口...等，另有雜豆增添不少色彩！ 原來海鮮只有表面那些， 至於飯確實很多！ 大家一起食也食剩！福建炒麵 $78炒麵炒得幾濕！而且很深色！ 我們都不是福建人，相信是正宗啩？！每條炒麵也均勻上色！ 幸好！香口卻不算油膩！配料包括：豆腐乾、彈牙的蝦、帶嚼勁的魷魚及菜等，用料豐富！位於中環地段來說，實在物有所值！
繼續閱讀
中環「莎巴」樓面不大，步入餐廳，才發現原來還有地庫。比起灣仔總店，這兒環境較寬敞、坐位亦較闊落。由於August獨個兒吃不到那麼多，只點了椰汁咖哩牛腩和油酥餅。 椰汁咖哩牛腩: 咖哩味不算香濃，加入了椰奶令整體味道較香甜。牛腩炆得夠稔而且入味，咬下感覺軟嫩，極具水準；只是略嫌薯仔煮得未夠軟身。 油酥餅: 熱哄哄的它香脆鬆化、不油膩；再沾上咖哩吃，簡直就是最佳配搭。今次用餐是在星期六下午，發現平日的午市套餐較化算呢。有機會要再來!
繼續閱讀
今日是星期日，相信很多食肆也會滿座，突然想起中環開的莎巴馬來西亞餐廳，我們行去看看，門口並沒有長長的人龍，於是望下餐廳內，似乎也不滿座，於是我們便走進去了，餐廳店員帶我們到下層，哈哈，原來有兩層的，而且還有很多位子，真是虛驚一場。細看四周，感覺很熟悉，記起了，我是來過這裡前身的餐廳的。由於新裝修，環境十分新和整潔，而且空間較大，與灣仔店的分別也很大。這裡還可以看著外籍廚師整作油鬆餅的情況，其實我覺得同平時看到的印度薄餅是一樣，哈哈。行完山，天氣又熱，叫了杯飲品消暑先，因為自己在可以選擇的情況下都唔會飲汽水，所以選出了椰青。椰青夠大，很多椰青肉食，嘻嘻，椰青飲起來又很鮮甜，最適合天熱時飲用！由於不知道份量大不大，於是先叫了雜錦串燒和蝦湯麵。沙嗲雜錦串燒：豬牛雞共半打，串燒有些燒得剛剛好，有些就有點燶，不過烤肉尚算很香，也保持到應有的水份，加上花生味濃郁的沙嗲醬，可以接受。蝦湯麵：香氣撲鼻，鮮紅色的湯底，賣相吸引！用魚片和蝦的配搭，不會搶去蝦的風頭，魚片彈牙，蝦亦十分爽口！油麵中規中矩，不過當我想飲湯底的時候就發現太油了，不像我之前食的蝦湯麵，可以飲晒整個湯底。油鬆餅：由於趕時間又唔知食什麼好，之前只叫了兩樣，似乎不夠食，再加上一個油鬆餅，油鬆餅香脆鬆化，配上之前配食串燒的沙嗲醬，就更惹味！由於要趕去上堂，沒有吃甜點就怱怱離開了，希望下次有機會再來慢慢吃過！
繼續閱讀