到金滿庭吃晚飯，向來都需要預早前來等籌
今次也不例外，下午六時多拿籌，結果八時正才安排到入內進餐
這樣的熱鬧場面，由我數年前第一次光顧至現在，十年不變

未點食物前，侍應先問我們喝甚麼茶
我就叫了我們的最愛人參烏龍，甘香清甜可口，既使人開胃，喝下也令人心曠神怡

今次叫了砂鍋雲吞雞、玫瑰彩虹咕嚕肉、流沙包
砂鍋雲吞雞是用整鍋上的，侍應會先把雞肉拆骨後起出，以便食客直接食用
鍋肉剩下的，只有熱騰騰的清湯、雲吞與清菜
清湯充滿著雞的香味、清菜的鮮味，變成一道一點不肥膩的清雞湯
雲吞皮薄涵正，加上盡吸清雞湯的精華，在雲吞中也感受到雞的香味、清菜的鮮味
青菜雖然是這道菜中的配角，但少了這位配角，整煲砂鍋雲吞雞卻立即失去鮮味
所以，也別看輕青菜綠葉呢

另碟而上的雞肉已被拆骨，所以可算是「淡淡肉」
雞尚算嫩滑，但更欣賞的反而是其用作點雞肉吃的醬汁
我不知道這醬汁叫甚麼名堂，但一吃下口使完全將雞的鮮味帶出
所以，也別看輕看起來毫不起眼的醬汁

砂鍋雲吞雞固然是鮮味可口，但當中的男女配角------青菜、醬汁，卻扮演著不可忽視的角色

玫瑰彩虹咕嚕肉賣相十分吸引，色彩奪目
而且散發著一種獨有而芬芳的玫瑰花香味，使人立即胃口大開
咕嚕肉本身肉質也算嫩滑、唔多骨…
這就是一道色、香、味俱全的咕嚕肉了

黃金流沙包熱騰騰，咬一口後蓮蓉立即流出
也是一道十分不錯的包點

埋單找數，兩個人吃才是二百元，唔算貴啦

第一次同ar媽食呢間野
6點幾已經開始門口有d人等位啦

但個門口無人ge....係未唔洗等嫁
之後有個姐姐(知客)叫我等陣
(發現原來帶位同企門口一腳踢)

坐底左等果個唔識路ge人等左好耐
坐我對面果抬客舉手舉左好耐都無人應
係d人扮傻定點呢

寫完送d野食都好快到
(無影相唔介紹d送啦)
不過果個所謂ge滿庭ha好令我失望
d肉點解會"實"ge....用叉都吉唔入
唔新鮮？雪太耐？係咁解凍？
一句講哂.......唔掂

叫甜品
擺左d乾淨ge叉比我....幾好wor
但點解唔收我食完d野既
叫人收...剩係收我果d我對面果個唔收...想點ar
我ar媽就話.....算啦

可能過左食飯ge時間...覺得d野唔太好
或者下次早小小去再試過

ps...唔通男同女ge服務會差咁多
感覺上d人好似好忙咁羅

本人家住附近,已多次光顧這店子,以前感覺還可,這次忍不住要寫下食評,希望佢地要改善吓,唔怪之得昨晚入座時很多位剩,不用排隊的!
1. 首先侍應生少了,也很懶散的樣子(尤其是男的),以前在17:45開始入座時是有briefing的,起碼有種積極的樣子.
2. 坐下後向男侍應生先order了兩杯豆槳,他敷衍的應了便行開,最後當然沒有來,因為他沒有落單,但當時不是客人多到很忙的.
3. 後來take order時問個載眼鏡的男侍應生清抄時菜有什麼菜選擇,他很不耐煩而快速的打開那版menu,說有什麼什麼菜,然後很粗魯的收回所有menu,問都唔問還有什麼要,收menu時個餐牌邊還touch到那蝶前菜小排骨,挍到唔知食唔好
4. 好了,到中場想加單叫甜品,示意take order時,又是那個男侍應迎面但一支箭的辨忙走咗去,真是無話可說
5.只有那些負責執枱的女侍應和傳菜的啊姐比較有笑容.
6.至於食物很一般,上海粗抄已叫少油,點知來了喋成擔油,魚湯很咸,回家後有少少肚疴.
本人自問不是挑剔麻煩客人,但都忍不住寫了這個食評.

http://hk.myblog.yahoo.com/jessicalim1112/article?mid=7426

近近地諗住去別府啦

點知奇景出現咗係我地眼前

"金滿庭"門口無人等位呀

平時人山人海，長長嘅人龍唔見咗

既然咁難得，梗係食"金滿庭"啦

梗加難得既係，居然有卡位比我地坐

太開心喇

是日小食芝麻五香雞，初時以為係醉雞添，原來唔係，食落小小辣，幾好食

雖然佢係餐前小食，但絕無小家比啲皮呀骨呀比你，件件雞都啖啖肉架

蔥油海蜇

蘸啲芝麻五香雞汁食，仲好食呀

乾煸四季豆

唯一唔好嘅係太長，同埋唔夠乾身

鐵板京蔥爆牛肉

好食，不過啲油彈到周圍都係

清湯拉麵

現實版，蔥都無粒架

呢碗咁清嘅麵，肯定唔係我架啦

擔擔麵

足夠兩個人食，不過我一個人食晒，好好食

炸鏝頭

餅餅至愛，一定要食，我唔鍾意食炸鏝頭呀

冰鎮芥蘭

係咪同相好大分別呢?只不是係排列問題啫

兩個人食咗$437

以上食物係食得晒架

食飽飽諗住行陣

所有店鋪都閂晒門

乜奧海城閂咁早架咩?

Last Friday, three of us went to this resturant to have dinner. Why to select this resturant? It was because we boughted the tickets to watch "The founding of the republic" at 9:50pm. We were busy and we were able to gather around 8:30pm. My friend went here to wait first around 8:00pm. Eventually, we got the table at 8:40pm even though we were not in the first round of dinner. So many people!!!

We have ordered a 咸肉豆付湯, 松子黃魚, tofu, 擔擔麵, 小籠包 and fried noodles. Eventually, the bill was $167 per person. Really a bit expensive but it is worth. The taste of the food is good and the service is good. We sit very comfortable.

To be green, the resturant no longer uses pastic bag to pack the take-way item now. It uses green bag instead. It is environmental friendly. Good practice to start in order to save our world.

Order 咗:
芝麻雞: 麻麻地, 無新鮮雞, 難好味
小籠包: 皮薄多汁, 正!
擔擔麵: ok, 揀少少辣惹味~
菜飯: 加左d臘肉,唔油,清清地
仲有一樣......唔記得應該麻麻地
超想飲是日推介燉湯,但standard四至六人份,是日無份>.<

呢日睇完戲, 差唔多6點幾, 就左入去呢度食
己經好多人呀, 我地等左3個字,仲要搭枱先有位
諗左好耐先諗到食呢d野咋:

煎餃
因成舊都是肉, 所以麻麻

百頁小唐菜- good
百頁是豆腐干切成一條條, 下面湯浸菜, 幾清ga

漿爆雞丁- good
個汁ok, 夠干身呀

但加埋都成270蚊, 所以偏貴
呢d地方都咁貴, 不如去尖咀食好過lor

每次去親奧海城,見金滿庭都有一堆人係度排隊等位
心諗真係有咁好食?
今日去開睇戲,見入面竟然得一台客就入去試下啦
人少少得2丁友,叫左3樣野食
1)招牌小籠包
2)鍋貼
3)排骨拉麵
小籠包真係不枉招牌菜，真係唔差，可能佢實在太多人點，廚房一早整定哂，所以落完單都唔夠2分鐘就上
個皮真係幾薄唔易穿,可惜痴牙d餡就有d失色啦!唔夠鮮...身旁人認為流金歲月仲好食過佢
鍋貼真係一大敗筆
一黎到見到個樣，油淋淋，用一夾，好實，牙一咬，奇硬無比
馬上到身旁人說，昨晚整唔哂既隔夜菜嗎?
個皮同小籠包比真係差天共地，超級厚，由於較少食鍋貼，唔了解係咪片厚係特點黎，而且又炸到硬一硬，完全唔覺有脆既感覺，餡又只有一點點，食完剩下4塊皮係碟上面..好失望既一道菜!
排骨拉麵就不過不失啦~排骨表面有點淋，但肉質唔錯，而麵就略嫌有點點淡，唯一要鬧下既就係個師傅拉d麵有點問題...最幼個幾條既同粉絲可比，粗又粗到同粗麵一樣...入到口感不一
試完~夜晚真係唔會願意為食佢而排成個鐘隊囉,,,
而家好後悔冇影低相做證據

今晚總共五個人去金滿庭食, 等位等到黐哂線 唔使錢都唔駛咁多人等掛

不過, 等左咁耐, 都係覺得值得, 因為好好味 我地食左蒜泥白肉, 沙鍋雲吞雞, 油炆筍, 鴨仔包, 排骨麵, 上海粗炒, 魚翅群湯浸白菜仔

蒜泥白肉即係白烚豬肉, 係無味的, 只係白烚, 再點甜豉油, 辣椒油加蒜蓉的醬油食, 清清的口感主要都係要人去感受豬肉本身的味道, 幾特別

沙鍋雲吞雞由侍應為我們分好五小碗, 湯的味道好濃, 就好似係好多隻雞一齊煲之後的精華, 非常非常之甜, 津白完全唔老, 無揸, 雲吞每人都分到兩粒, 味道好好, 每一個細節都處理得唔錯, good

油炆筍幾好食, 又係無揸, 個汁可口

魚翅群湯浸白菜仔湯味不錯, 但飲唔出有魚翅的味道, 反而"手巢"到兩條翅毛 不過白菜好靚, 同埋個湯味道好, 所以都算滿意

排骨麵的排骨比較瘦, 唔係炸得好香, 但我覺得麵條好好食, 爽口, 而湯底係我比較buy的一種做法, 無油, 味道比較清, 但唔係淡而無味嗰種

食物做得精緻, 地方乾淨, 加上旺場令氣氛好熱鬧, 喺度食飯會好開心的

尋日心血來潮想去食金滿庭，於是就拉左女友同埋世伯伯友一齊去食！堂然我梗係好識做咁去搵定位先啦，五點九去到拎飛已經排到廿幾號，門口個姐姐仲好好人咁叫我六點半至六點九先返黎啦！ 最後我七點三就入到去坐底叫野食！(門口個姐姐好有禮貎，雖然人多但無黑面！好野！)

四個人叫左﹕

1. 沙鍋雲吞雞1/4隻 ---- 好味, d雞唔係雪雞 ！

2. 紅燒海參 ---- 碟頭同上次叫差唔多, 但係件海參就好厚肉！味道濃郁，送白飯一流！$98抵食！

3. 招牌炒飯 ---- 足料, 好多蟹子係面！

4. 小籠包 --- 伯友指定要食....不過今次d皮簿得滯, 一夾就穿.......哂左d湯.....

5. 上海湯年糕 --- 年糕夠煙韌, 唔會太淋太硬, 湯味道岩岩好！

6. 流金歲月 --- 呢個我食到最呢hea... 一咬開d函漏哂出黎攪到一手都係...好味道

7. 高力豆沙 --- 我果舊就略為少左d函....

今晚同男友同媽媽去金滿庭食上海菜, 因為媽媽好想食小籠包, 第一時間就想起這間金滿庭了
最討厭的是, 要等位等差不多四十五分鐘, 令本來已經肚餓的我們, 更加肚餓了 不過, 如果好食, 等吓其實又無妨呢, 之但係如果唔使等咁耐就更加好了
食物我地挑選了小籠包, 火腿津白, 鴨仔餅, 炒鱔糊同嫩雞煨麵! 小籠包一籠有六隻, 多汁, 豬肉碎的餡味道好, 媽媽好滿意了
火腿津白個獻幾好味, 金華火腿絲有好香的味道
最得意係個鴨仔餅, 用個籠仔蒸, 一客六個, 點煉奶食, 好好味
炒鱔糊的醬汁很可口, 鱔肉好有彈性, 都係好有水準的食物
嫩雞煨麵我覺得都好, 因為麵條有咬頭, 即使用煨的煮法都唔會一pet野咁, 湯底又好味
整體的食物水準很平均, 所以點解一想食上海野就想起嚟, 相信好多人都有同感, 所以大排長龍了

好久冇去呢度吃飯,所以就約埋三五知已去呢間人氣店鋪醫肚.我們一行5人約7時入座,一坐底就叫了一壼碧螺春嘆下,然後叫了口水雞 松子黃魚 小籠包 雲吞雞 鎮江肴肉 玫瑰骨 水煮牛肉和擔擔麵. 很快菜式就經已上齊,由於肚餓關係,我們展開了一輪瘋狂而快速的開餐旅程,吃飽後才懂得細意回味,發覺今次比起我之前吃果幾次更加出色.先講頭盤口水雞和鎮江肴肉,口水雞我先前在這裡未見過,相信是新菜式吧!味道方面比起別的川菜館略為遜色,但也別有一番風味,加上有粉皮口感更加滿足.玫瑰骨是我另一個覺得可以推介的菜式,甜酸比例恰可,肉質也鬆化不會太硬.最後有一點可惜的是雲吞雞好像味道變得差了,有點混濁而不夠清澈.

寫文章之前，西打好好從回憶裏找了一下對上海菜的感覺。才發現第一次吃上海菜差不多是十來歲的事。第一次摸著軟綿綿的銀絲卷，第一次喝著又酸又辣，叫湯卻像羮的酸辣湯；還有心裏在懷疑回鍋肉真的有回鍋嗎？

雖然只是小店，也只是普通水準，從那時起，西打便認定要跟這個菜系談一輩子戀愛。

兩家分店的金滿庭，不是朋友拉我去，西打也不願去！只因太多人，任何時候都有一堆人在門外。真的很花時間！

坐下點了碧螺春，很好喝的茶。入口甘甜，輕微的澀味，生津解喝。

很快便送上來的雲白肉，應該是蒜泥白肉的變奏版。

肉切得很薄，沒有過老，只略嫌有一點點不夠肥，不夠香！

中間那個沾醬，西打吃出來有甜醬油，麻油，蔥，蒜和辣油。朋友問西打覺得如何，西打不留情面的說：「為了湊合香港人口味，不夠辣也欠了一點點醋。」

朋友立時加了辣油和醋，味道立時豐富起來！

擔擔麵

下了花生醬，非常濃稠的湯頭。不錯喝，但西打覺得詠藜園更鮮美一點。肉末和榨菜切得很細，味道也很不錯。

整體來說是一碗水準以上的擔擔麵。

小籠包

香港最有名的小籠包不是鼎泰豐就是王家沙，不然就是夏麵館。說真的，為本地爭光的只有金滿庭。朋友又問西打：「鼎泰豐好吃還是這裏好吃呢？」

西打想了想就答：「各擅勝長吧！」這回答可不是敷衍，論皮薄，金滿庭薄到舉箸都快要破掉似的。論湯汁，金滿庭比鼎泰豐還要多。但論肉的鮮道和質感，鼎泰豐略勝一籌。這次真的各擅勝長。

豆沙窩餅。餅皮不是一貫的綿綿軟軟，反而有一點點脆脆的蛋餅，豆沙還不錯吃。這個甜點可以不點！

在王家沙、鼎泰豐等過江龍在香港百花盛放的日子，金滿庭還是一樣的門庭若市，實在為香港人爭光。雖然西打覺得它質素有點不穩，也有點下滑，但還是很不錯吃的。

朋友說又要吃這個又要吃那個，我說兩個人，你吃得下便點吧。然後又說要找十個人來吃，我冷冷的答，有十個願意陪你等位的人才算吧。哈哈哈

延伸閱讀：

http://blog.yam.com/ywjoseph928/article/22630800

今日同老豆特登出黎食小籠包，
因為我地兩個都係小籠包的fans，
5點幾去到已經有好多人呀。
坐低無耐就已經決定要一籠小籠包、一碗排骨拉麵、一個小菜叫xx藏玉。

小籠包($39)︰
等左無幾耐就上啦，初初以為會好熱啦，點知一咬落口，
無熱既感覺，只係屬於暖暖地，不過唔緊要，
咁樣可以即刻食多件。小籠包個皮夠薄，d肉汁幾好，
但係裡面d肉有渣，一向對小籠包有好高要求既我好失望呀，
唔算係好滿意囉，不過一籠有八件又真係唔算貴。

小菜($68)︰
唔好意思，唔係好記得個菜名，
呢個係素黎，係d冬瓜肉包住紅蘿蔔、金菇、磨菇，
再打番個芡汁。但味道好淡呀，唔算好好食呀，
呢個價錢算係幾貴。

排骨拉麵($46)︰
呢個幾好食，d拉麵幾彈牙，而d排骨外皮脆脆地，
但係咬落去唔算乾，真係唔錯。

每位茶錢要成$10，較貴，
但係星期六、日七點半前埋單就唔駛加一，
呢個idea幾好

三條妹妹公司考試彈性鐘之下想慳錢,
但又要食好野,結果去左呢度食*

小籠包係抵得黎物有所值,湯都幾濃,唔食鼎記既選擇=)
一直抱住「鍋貼」同「小籠包」多數同餡既理論，答案又一次被證實。

有一張係冇影但我食左既擔擔麵，
說實話，第一啖就辣既，但之後就覺幾好食。
如果大家唔要電郵話呃錢既「姊妹店」的話，呢間都中上Gar@@"