和民偶爾也會有抵吃又不錯的定食，是日未有時間吃午餐，同朋友談完大計後已是三時許，要找些飯品下肚，見和民的燒青魚定食下午茶套餐不過$34，所說的抵，是較晚市散點$50餘元平外，套餐還包飲品及湯。

甫坐下已吩咐了定食快上，客人不多，約十分鐘有得吃，半條燒魚加白飯，還有西日式芝麻沙律與及一碗麵豉湯，是幾豐富的下午茶了。

青魚是現成由日本運來貨色，已用醬油漬好，由於是用底面爐焗的，較電爐燒的為濕潤，配起白飯，很易的清碟。

麵豉湯用量大，所以不會吃到現成包裝物，自家製的湯，有木魚湯夾著黃豆的味道，套餐價來說，收貨了。

只得一小時的quick lunch，未等朋友來到，已叫下午市定食冷麵拼吉列豬扒飯，朋友後來要了沙律。

冷麵拼吉列豬扒飯，冷麵另配米醋汁，做法反傳統，以蛋麵伴埋帶子、甘蝦、三文魚、北寄貝等刺身，想不到和民也會參考本地客意見做出「地道」冷麵。甜為主的冷麵汁撈起來吃，蛋麵軟熟無鹼味，配料也算新鮮，夠甜不夠酸，加醋吧，可惜泡菜不夠辣，感覺是到頭唔到岸的味道，因為很肚餓，轉個頭已將之清掉。小碗豬扒飯是增值位，珍珠米吃起來軟熟，豬扒香脆不油，還不錯。

邊吃邊在公仔紙上劃寫一個個紅圈，任務完成，拿拿臨返本陣作戰，套餐$55，是親民的定食，比起附近幾間連鎖薄餅店、意粉店優質。

邊行邊諗咁辛苦為乜？是人在江湖吧．．．幸好還有這位江湖朋友幫忙，謝謝！

The food at Watami is usually Ok, ordered the stir-fried udon, meatballs, hotpot and fatty tuna with spring onion.

The udon was just right not too soft or hard, the meatballs had a crispy shell and complemented well with the sauce.
As for the hotpot, the tofu was nice and silky, however the soup base became strong in beef taste after the beef had been in there for a while.

The fatty tuna was rather fat, and the spring onions coarsely chopped.

平日見的排隊等位，很少食和民，點知現在除咗和民咭可以訂枱，連東亞信用咭都可以，不過我最後都無用東亞咭結帳，因為唔想儲東亞分。
講返食物，串燒不錯，每份兩串，即叫即燒，啱晒兩人撐枱腳。
滑蛋漫魚飯，味道尚可，但迷你得很，很像兒童餐，兩啖便吃完了。
甜品，賣相精美、好味，抵食，值得推介﹗

一班秘書同事一起為9月份的生日同事慶祝,9月份生日的我當然有份啦!我點了刺身冷麵.刺身的甜蝦,北寄貝和帶子都好新鮮,麵好有彈性唔會過淋,只是唔夠凍.除了麵外還有一個炸豬扒飯,炸豬扒唔會好乾,肉又唔會好薄無晒咬口.肉的份量足夠.食完這個飯基本上都好飽.只是今次我們share食,所以我又可以試多一個叉燒豬骨湯拉麵

叉燒豬骨湯拉麵$54,湯底濃,叉燒無乜味道.麵的份量好多,煮得淋左少,沒有冷麵做得那麼好.除了拉麵還有一碗小小魚生飯,魚生飯有三文魚,蛋和吞拿魚粒,當然仲好多紫菜絲.刺身飯的刺身新鮮,味道不俗.

注意:每個餐都有沙律一個,我認為唔送好過,因為只是發黃的菜幾塊和幾丁粒粟米仔,望都唔多想食,唔食也不是損失

落左堂後, 本身約左天蠍朋友Poly附近見一面,
但實在太掛住佢, 所以忍唔住上山搵佢, 之後陪佢食佢最愛食既和民,
(次次佢都要食和民)

豬扒鍋每次都冇走雞, 我最鍾意食D洋蔥, 索左D汁好香甜,
但D豬扒好鞋...又唔脆, 不過朋友好鍾意落蛋果下,
所以次次話唔食話唔食最後都係會叫左黎食,
個拉麵我已經唔記得左個名, 靜係記得好salty, 但湯底唔太掂,
配料唔係太吸引, 食左幾啖就冇食,
仲有個縵魚炒飯, 但唔記得左影相, 幾好食, 可以一試架絕對,
最後黎到甜品既一part, 其實唔知點解次次同呢個朋友食完飯都要整番個甜食先可以走,
今次就順手食埋和民既新甜品, 笑來美餅(唔知有冇記錯),
叫左Green Tea Powder, (好似仲有芝麻味同花生味)
好得意, 透明好軟林林, 食落有好微既甜味, 好食就未至於 但好過癮
再叫多個紅豆雪糕, 就完成左一餐開心既飯喇。

好耐都冇去過和民食野,
一黎見佢冇乜咁特別,
但係我個friend話有credit card優惠,
指定菜式買一送一,所以又去試一次啦
睇番Nanonavi,之前黎過一次,
呢間d位係好坐d,所以揀番呢一間

豬扒鍋,一滾起就即刻落蛋熄火,
皮仲夠脆,只係嫌d豬扒真係好老,好硬
洋蔥都落得太少,,,下次畀多d

帶子刺身: 同圖差太太太太太太太太遠
圖入面明明好大塊,黎到,,手指頭咁大塊就有,唔信睇下

泡菜炒飯: 必叫的item,鐵鍋上夠晒熱,泡菜略咸

牛肉火煱追加大份烏冬: 唔係好明何謂大份烏冬,
黎到之後赫見只係幾條,何來大份烏冬?

因為有用左買一送一,
所以是日張單唔係好貴,
反正唔係食左好多野,
算把啦

同事又無帶飯,我們一起出去食飯了.今次又係去她最愛的和民.我吃了炸豬 扒飯拼刺身冷麵餐,再多一點一個章魚餅.先講豬扒飯,首先雪蔵豬扒無乜味道,用了厚厚的粉漿肉唔多,飯的份量都幾多.刺身冷麵夠凍加上冷麵用上醋酸酸地幾開胃,刺身上用三文魚粒,帶子粒和甜蝦,刺身幾新鮮鮮

章魚餅煎得唔夠濃變了無咁香口,章魚粒也唔太多,今次這道餸菜失了水準

今日同女朋友去左呢到食lunch啦(其實都2:00架啦)

入到去都好順利坐低左 亦都好快有茶 ^^

我地點左一個漢堡扒一個石鍋啦~個石鍋同野飲好快就出左。

我食緊個石鍋飯既同時亦都催佢地個沙律，個飯食完岩岩好黎(仲要催左3次)

最後個漢堡啦(都等左35分鐘)上面好多一粒粒黑色既野

我地加大左好似冇加大咁囉(我去其他和民食過都冇咁差)

呢間野去一次就夠

我去其他鋪都係點奶茶同咖啡 但係人地分糖水上
佢地呢間唔係 真係唔係好明

今日係爸爸節, 約左一家人去和民食晚飯, 但發現和民ge 質素真係越黎越差....

我地用最快ge速度落單, 但佢用最慢....ge 速度上菜......等左45分鐘都未有野食
晚餐ge 菜式有:

1) 刺身併盤: 唔新鮮, 就算有冰底上, 都同冇冰底冇分別
2) 廣島燒餅: 同以前個質素差勁遠, 而家食落口只係食到d 粉, 醬汁又勁少
3) 泡菜炒飯: 不過不失, 但份量就俾以前少左好多, 係咪市度差, 就咩都要減呀....
4) 豚肉泡菜鎬: 新菜式, 但太淡.....冇咩味.....
5) 一口豆腐: 叫做係成餐飯入面最好食

總括黎講, 而家ge 和民係份量少又唔好食, 以前ge 和民去左邊?

P.S. 食緊飯途中, 聽到o個度個manager 話隔離枱一個投訴ge食客(我估應該係爸爸o黎)飲醉酒亂講野, 人地都係投訴同俾意見je, 駛唔駛話人地飲醉酒喎. 仲要今日係爸爸節tim.......咁樣講野真係太唔應該喇....

今日父親節, 一心諗住請爸爸食餐飯, 去0左和民.
和民0的0野食愈0黎愈細碟, 價錢又唔見得愈0黎愈平,
連飲燒酒, 冰都要收錢!!
係人都知飲燒酒要加水加冰, 我爸爸覺得唔合理, 同manager理論反映,
點知埋單走人0既時候, 我連門口都未行出去, 就已經聽到個manager0係後面同其他員工講, 話我爸爸飲醉酒
我地連門口都未出呀, 何況我爸爸一0的都冇醉, 佢咁樣對客人實在太過份...
其實食日本0野有好多選擇, 我諗我以後都唔會去..

*V*今日第一次試 和民 的食物, 能夠去那裡都是因為朋友介紹!!!
又真是銅鑼灣食肆不錯的選擇。
可能是DINNER關係, 所以都要等. . . 不過無所謂, 銅鑼灣都好少好味的食肆是不用等''

●和風味比薩:
原來打算食飽些, 但又不想吃炒飯, 就決定試下這裡的比薩=)
結果又不錯!!! 這個批底好脆, 又夠薄, 女孩子食剛剛好!
而且以雞肉&叉燒做材料, 幾好食!!!

●帶于蟹肉丸子:
外殼都是好脆, 而且入面好特別有汁

●鱆魚魚肉餅:
-3- 這個就只可說得一般,
不過加上生薑食就味道又不錯''
(原本以為生薑只是作陪襯;P)

●餃子:
記憶中得個字 :油
同煎得不太好 . . .

●雜菜雞串:
由ORDER開始等都等左一段小時間, 以為是即燒所以要等這麼久*V*
點知,,,
都是得微溫'' 所以麻麻

●壽司
不記得名字=P
但好得意 頭尾會有一條炸鰻魚
有青瓜入面, 都算不錯*V* 不過好少鰻魚在入面

●朱古力芭菲
本身因為好喜歡食雪糕+朱古力''
所以會覺得不錯=)
不過底部就有點奇怪-V-
是 玉米片A0A

小弟大鄉里, 無試過和民, 好朋友考試後帶我試下, 因為係星期六lunch關係, 無等位問題。我地比較細食, 只叫左三樣, 有機會希望可再來。

和風比薩
有其他pizza揀, 不如想試無咩材料, 個人認為咁先食到每樣食材既味道。好鍾意個醬汁, 批底夠薄, 又脆, 配埋d生洋蔥食一流, 好滿意。份量剛剛好, 兩個人食都唔覺太多。

豬軟骨拉麵
豬軟骨幾多, 30幾蚊幾抵, 估到到幾大碗。只係嫌湯底較淡, 如果係豬骨底就正, 拉麵都淋左d, 不過每個人口味唔同, 有人會鍾意淋d, 本人就鍾意有口感。

甜蝦刺身
本來想叫三文魚刺身, 但好朋友唔食魚, 唔理由自己食曬咁衰, 於是叫左甜蝦刺身, 就咁食有d唔慣個味, 擠d檸檬好好多, 易入口。

值得一提既係, 小弟第一次黎唔識規矩, 見d waitress落單係半跪咁寫野, 有d驚訝

幾個月無食和民，見唔係等太耐位（同其他食肆相比）
於是一試

見唔係太肚餓
兩個人叫左三樣野食：牛油焗帶子，焗海鮮飯，鐵板棒餃子

1. 鐵板棒餃子
味道不錯，和平時差不多，但其中一條有點燶。

2. 牛油焗帶子
嘩，以前有八粒架喎，而家加左價又少左一粒，有d搵笨，但餐牌的確影住係七粒，就當自己無睇清楚。

3. 焗海鮮飯
水準依然，但上菜時發時份量少了，碟面有大約一湯匙的地方是「空」的。

感覺上和民價錢愈來愈貴，但份量反而減少，吃完有點覺得被搵笨。
而且，這裡的環境很嘈吵，我地食完就即刻埋單走。
相信這是我最後一次光顧和民了。

一年一度舊同學聚會...很開心給了我們一房間...我們因大家工作時不定..故一邊吃一邊有朋友離開有朋友加入...由7:00-12:00.. 最開心就是如此..沒有被趕的感箱覺..食物上很好...其一個牛肉鍋..還帖了追加烏冬...可增加飽感呢! 有刺身, 等...最後都是百幾元一位...食物與服務水準好...因C.W.B 是有2間和民...於時代廣場分店我已給了2次機會...可惜服務與食物和此分店相差太遠...