呢間野係粉嶺一向幾出名,新開張時去過一次,當時服務都叫做還可以,多年後再黎,估唔到d服務差到咁樣樣...

爵士拉面 - ok,老公話幾好味

肥牛拉面 - ok,但略嫌油左d同埋d肥牛好鬆散

炸豆腐 - 第一次都有食,好味,d汁係靈魂

但幾好食都冇用...比個老闆娘一舖清袋..

未入座就叫你睇定食咩,叫左唔准改,冇得加野食,入到去坐低,彭一聲放低兩杯茶,跟住d面到左,老公見隔離台有碟小食好似個樣幾得,想問下可唔可以落order,個老闆娘好似想殺人咁.."話左唔加單架啦"....喂~~問下姐..唔得咪算囉,唔駛咁下話~~

跟住一食完,即刻收晒你d野,抹檯明迫你走....講真,個到迫到死,轉個身既位都冇,唔駛你叫我都會走,但咁樣趕客法真係好冇禮貌囉...又話咩日本人好有禮貌,但係佢地身上一d都睇唔到...唔駛旨意再有下一次既光顧...貼錢買難受...

一點幾經過聯和墟，朋友話未見過呢間唔洗排隊，即刻入去食個lunch
聽完朋友咁講，加上見到店內掛住月歷，見佢地成日都休息
心唸: 生意咁好?! 好期待=]

叫左中碗什錦拉面，東京醬油味湯底
什錦拉面 = 醬油蛋 + 昆布 + 栗米 + 叉燒 + 紫菜 + 蟹柳
真係唔錯，拉面又滑又彈牙
湯底，味精點都有d，不過有份鮮味，食完唔會口乾 (幫襯過好多拉面店食完都會好口渴><)
不過醬油蛋完全冇味，我叫什錦拉面都係因為中意食醬油蛋/.\
叉燒一般，唔夠入味


環境真係好唔掂，又迫又熱，食到好辛苦！
仲有，d痴住係牆度既紙變黃哂，張MENU又爛爛地咁，仲要裝水d杯用到變黃都唔換，好核突呀-_-
咁小既事都做唔到/唔去做...真係夠哂串，朋友話佢地根本都唔休做喎...又真係既
但係唔進步遲早比人洶汰囉，幾好食都假。

今日下午到了聯和墟「搵食」，見到一間拉麵店名為「爵士拉麵」，受到這優雅的吸引而進去一試。

坐下一看餐牌，心中一寒。一個大碗叉燒拉麵為$50，這基本是尖沙咀日本拉麵專門店的價錢。本想離開之時，想到在聯和墟可收得這價錢，想信質素一定有保證，於是便點了大碗叉燒拉麵。

在細細的餐廳內，看到師傳親手烹調拉麵，真是有點在日本的感覺。不消一會，一碗熱烘烘的拉麵便在筆者眼前出現。說實話，這碗拉麵真是很有水準，拉麵彈牙，叉燒足料，湯底味濃，正合筆者心意。

這樣的價錢，這樣的質素，如果是晚餐算是合理。午飯的話，間中豪一次也可勉強接受。

1. 服務態度並非一些人所講的惡劣，因我們親身實地視察，發現其服務態度由我們排隊理用餐完畢都是十分殷勤有禮。

2. 整個用餐程序極具效率，客人不用久等可有東西吃，這點是值得表揚。基於店舖面積不大，老細以邊排隊邊落單方式，實為大家節省不少時間。

3. 食物新鮮程度極高 (特別是一些炸物如炸蝦，熱度充足)，份量恰當。叉燒拉麵，份量充足，有6塊自家製而有質數的叉燒，加上拉麵本身極具彈性，湯底更是用心製作，整體配合不錯，有日本風味。

4. 餐廳環境雖然地方不大，但總算理想，沒有擠迫感覺。開放式廚房，可見師傅製作拉麵過程及其他員工處理炸物過程，充份體現其分工合作、有組織的營運。

5. 餐廳營業時間不長，這點對我們食客來說相信是一個缺點，希望師傅可以想想可否延長假日的營業時間，以方便其他食客前往光顧。

話說小弟北海道回流, 對食日本野特別高要求, 特別係自稱日本正宗, 而且仲係日本人整既, 要求更高。

唔講服務, 因為完全唔係一間日本人所開既鋪頭能交出的服務, 可以話連澳門式服務都不如。唯一一個好處就係老闆娘對白係set好晒, 完全日本feel。

食方面, 老細係北海道人, 我又係北海道人, 當然食北海道既味噌拉麵。唔係唔好食, 而係普普通通, 湯底唔係好得, 麵質亦都普通, 但要賣到咁既價錢..........貴左D咁囉, 我食完之後, 同女友講, 味道係OK既, 但再食既意欲唔算好大, 一來有其他選擇, 二來俾咁既錢, 我食老千拉麵算.........

睇完呢道d食評去食，絕對唔會覺得佢地既服務係名不符實。

食物太多數我都覺得好架
燒年糕：好食。熱，脆，好似食好熱既芝士咁過癮！！

爵士拉麵、肥牛肉拉麵、雜錦拉麵：
湯底其實岩味。有d湯底會太濃，佢其實岩岩好。
d肉同菜其實我覺得無乜特別。唔難食。亦都唔係好食到飛起
拉麵始終湯底重要

芝士餃子：可能我對呢個配搭覺得好怪。
意識上食餃子點左豉油會好食d，但係加上芝士，會覺得，點左好怪，唔點又唔好食。

服務：
由你係門口等。直至你出門口都係受緊氣
佢令人反感既程度係寫唔到出唻，有同呀太講過野溝通既既都會身同感受
幾好食都係假。

如果香港有十大服務差餐廳選舉，佢必坐亞望冠！！

7月初，有一天行過jazz ramen，看到整個7月差不多都休息，於是等到8月1 日才去。
6時多，人不多，不見小村太太(老板娘)，只見大女兒招呼，態度誠懇很多。

湯很清，夠熱，味道極佳。
我很大意叫了個細size叉燒拉麵(已$46+$1=$47)，想改又改不到。不過，叉燒就很入味，肯定是自家製。

環境加食物甚有日本街頭小麵店feel。

(不要奢求有好的招呼，因為是這店特色吧!)

上星期六係清明節，花都鬼死咁多人，就諗住去群記食豬手麵，點知無開，就去左對面食拉麵。

本身都知呢間野d服務態度好差，只係無諗過咁離譜

我地1:35pm去到，老闆娘話收1:30pm，話d野賣曬，唔做我地生意，我地要話特登由沙田入黎食，老闆娘至網開一面俾我地入去

叫左2碗東京醬油湯底的雜錦拉麵，個湯底胡椒味過重，叉燒又薄，成碗麵只可以講係不過不失。

價錢偏貴，質素一般，服務惡劣，唔會再幫襯!!!

中午去上水做野後, 想食野於是駕車去聯和墟, 上次去過豬手麵,覺得唔錯,但很多年沒去爵士故且再試, 服務態度覺得可以接受, 問題是食物....
湯底ok, 但麵質麻麻, 招牌芝士餃子個人不什欣賞,豆腐也沒什出息,
下次 都係去食豬手麵算了

上一次黎哩間食日本菜時老闆娘服務態度己是平平..前幾日唸住比多次幾會佢..點知仲衰過以前...貼錢買難受!!

地方細我地都可以接受...但服務態度原全唔得!! 一坐低就話佢地要收鋪...得一次order不特只仲要未食野先俾錢...算...我地都可以接受...不過以老闆娘咁惡劣o架態度...想說雖然你地口說"謝謝"...但原全冇heart...我想話如果你唔想做就唔好比人入黎食啦..

食物味道退步了...$65係粉嶺食咁o架質數的日本菜..算是貴! 去雅仕鋸扒好過...拉麵其實沒有一家不是"即叫即煮"的...哩個係我地最低standard..

仲知食到一肚氣....送比我都唔想食...沒有下次..

聽左好多次朋友講呢間拉麵店
終於都試左
果然同朋友講既一樣
d食物ok... 但係老闆同老闆娘真係好有"性格"
如果想搵個地方同朋友gathering或者坐多一陣真係唔好
你要預左一坐低就落單!
一食完就要走!
比人趕就唔好啦!

一直都想試呢間野，剛巧路經，順道一試。
老闆娘機關槍的菜單講解，睇得出真係久經訓練。
好多人話服務差，個老闆串，落單只準一次。
但我覺得老闆的確可以話佢串，又唔休做咁，但我覺得串又唔等同無禮貌。
望到佢人手緊張，連個細路都要幫手。始終覺得食評，食物應該放番第一位，
服務先至係其次。

食物方面
我食左札幌味噌叉燒拉麵，湯的味道很濃不錯，叉燒一般貨色。
餃子一般，炸豆腐不錯，炸薯餅出色。

依間都算出名，所以去試下
去到門口有人排隊，咁ok la，排左一陣
入到去坐底，落單阿姐呼呼喝喝，不過都算la
叫左個爵士拉麵，醬油湯底，有叉燒、肥牛
成70幾蚊都唔算平，所以有d期望，但係越有期望越失望
叉燒、肥牛味道冇咩特別
麵就ok，夠彈牙
不過最唔得就係個湯底，太淡之餘亦都幾多油下，有d似開水既感覺
老實講，碗麵30收蚊都俾多佢
再加埋d "服務"，請我都唔會再去食
唔明點解仲有咁多人向出面排隊

前幾天路過粉嶺, 友人說這裡有家"味道不錯但態度囂張"的日式拉麵店.
心想難得有機會吃到正宗的日式拉麵, 而且日本人經營的店, 服務怎差也有個譜吧!
(對不起, 這是我的個人偏見)

我在去這店之前沒有看過這裡的食評, 今天看這裡大部份的食評後, 對大部份都很有共鳴!

老板桹的機關槍掃射式的"menu講解"及催人落單(都未滿客, 唔知佢咁趕做乜),
不准落第二次order, 趕收工的節奏, 1 日只營業2輪共4-5個鐘, 月曆上寫著"休"字多過"開"字,.... 等等.

老實講, 一坐低從老板娘開口講野果刻, 就有一種無形壓力, 好似自己唔應該入來左住佢咁. 叫自己快d食完走人! 真有點貼錢買難受的感覺!

從食評看, 由2005年起這個家庭式的店已是以如此方法經營了! 真的不明白為何這店可以維持這麼久. 雖說食物味道不差, 但我個人認為並不值得為了食佢碗唔係獨一無二0既麵而受罪.

真係唔明, 咁辛苦0既經營方式, 難為佢地又難為客人, 為乜呢?

陳仔介紹我....日本人開的拉麵一定要去試.....其實要去到粉嶺都有D遠呀....:但為左食好嘢都唔理我地一到要在門口等,不果可以睇下佢邊日開舖,佢地唔係日日開..,而老闆娘就係門口幫我地落單同收錢先.....都OK.....唔需要再等MA.不果都好快就有位啦.其實MENU己SET 左5款,我就食叉燒拉麵+東京醬湯底+油炸薯餅,我覺得食叉燒要有小小肥先好味而湯底同拉麵都能做到一樣味真GOOD. AH...其實我最鍾意食油炸咖哩薯餅,因為炸嘢係好考工夫,而佢D醬都好好味,而炸豆腐外脆內軟都係我鍾意食其實佢其他嘢都OK...我都試過......所以我每次一食就覺得自己身在日本........好味AH.....:可能是日本人主理啦,所以值得去食