影片
開飯介紹
板石為Shabu Shabu放題店及燒肉放題，Shabu Shabu供應的多款自選湯底保留日本傳統味道，配搭多個部份選擇的高級新鮮牛肉，包括澳洲超級和牛及美國頂級去骨牛小排，另設自助配料吧，顧客可自選配料用於火鍋及燒肉。
繼續閱讀
營業時間
星期一至日
12:00 - 03:00
以上資料只供參考, 請與餐廳確認詳情
招牌菜
係唔錯，食品總類多，樣樣都好食。平日晚上去的，上菜快，會再回去，可惜兩次打電話去想訂位都語氣好差，個女人嬲晒全村人咁。呢點唔該改一改，都係想幫襯你，但次次好似比人鬧咁。
繼續閱讀
價錢238一位。但係一坐底就見到更換燒烤網要俾8蚊一個。好唔合理，飲料又要每人加10蚊先有任食，仲要無水招呼你，好似一定要你俾10蚊任飲。先講講野食，海鮮拼盤內有海蝦、青口、尤魚、海螺。全軍覆沒！全部唔新鮮不特止，青口仲要係臭！食唔到要吐出來！魚生剌身好細塊，甜蝦乾乾地。炸物好淋！成口粉。好差。哩間野唔會再來！
繼續閱讀
環境尚算舒服空間大，坐得都舒服哦，同事推介我食刺身同牛，也沒有刻意的點，嘜都嗌啲！印象中記得牛小排好好味，其他是一般但還好哦，刺身比想像中新鮮好味！！另外點了蟹粥，我覺得像味精的粟米湯，哈哈。雞翼和大蝦都是必點的，雞翼細細隻入味易燒，大蝦新鮮彈牙！reorder了，嘻嘻！最後甜品都是自助吧的雪糕，是不是心理作用，我覺得香芋雪糕好好味，同事說像是平時吃雪米池才吃到的味道，貼切阿整體感覺不錯，店內氣氛好，是gathering 的好去處，9時半後還有特價哦，另外5人以上免一位人頭費，點過的食物很多都不錯的阿，都只是每人$200！抵！
繼續閱讀
今次已經係第2次黎食喇. 今次再黎係因為媽咪欽點既.上次帶佢黎食完. 佢話好多野食. 有刺身有鐵板燒仲有有咁多炸物小食. 真係適合佢呢d鐘意多選擇既人.首先一坐低職員都係拎個刺身併盤比我地, 裡面有三文魚, 有甜蝦, 北寄貝, 八爪魚,墨魚,鮑片等等.仲記得上一次d有甜蝦好鮮甜. 但今次d甜蝦竟然沒味道之後職員又會拎一碟肉類併盤同海鮮併盤. d 大花甲好鮮甜啊! 青口就好普通, 好容易燒到乾晒;食左成晚, 覺得好食既食物有:帶子刺身(雖然細隻, 但鮮甜!)非翠螺(彈牙+鮮甜)深海大蝦(好抵食! 隻隻蝦入面都有膏架!)唔好食既有:羊扒(冇味道,羊扒醃到變得好淋, 完全唔似一舊肉)雞件(太咸)
繼續閱讀
第一次喺尖嘴食放題，本人對放題嘅感覺唔係咁好，係因為任食所以好多餐廳嘅環境一般了，服務好似大排檔咁自己黎！但係今次黎到板石感覺唔錯，環境整潔舒適，招呼都幾好！友人生日，我哋一行6人，兩個爐，食物方面就由其中一位常黎食野嘅友發扳！先黎兩客刺身拼盤，刺身好新鮮啊；跟住兩盤生肉（雞翅，牛肉，牛仔骨，羊架等等）雞翅中side味道唔錯，牛仔就薄咗少少可能係因為方便焼，羊架都唔錯肥瘦剛好；兩盤海鮮（帶子，半殼青口等等）海鮮类真係好新鮮，正；叫完唔使10分鐘就有了，上桌算係快了！食完刺身開始焼野了，一放落去嘅時候濃煙四起，坐對面嘅友人被迫後退，餐廳嘅抽氣弱咗少少，期望改善！焼到咁上下我哋就叫第二輪食物了，可惜要等17分鐘仲要有甩漏，份量比頭一轉少！焼完野食就係食雪糕嘅時候了，好多款式雪糕任食（雲尼哪，朱古力，士多啤梨等等）雪糕冇晒同職員講聲馬上就有，底贊！整體黎講都唔錯但係可以平啲嘅話就非常好了！友人們都食得開心！
繼續閱讀