以前見到食家寫此處嘅鐵板燒比老銅嘅和xx比,價$$$$相約,但就高1班。所以1直都好想嚟,終於安排feb 06, 10,2人來lunch,叫咗 :

1) 鐵板餐 - 竹 x 2 (@hk$210)
-附上嘅3格醬汁
-師傅教導左邊(檸檬醬汁)同中間(橙味醬汁)喺用嚟點海鮮; 而有芝麻嗰格(蘋果醬汁)就用嚟伴牛肉食

i) 沙律x 2
-ok,只喺粒車厘茄有明顯嘅甜味,其他蔬菜就很清淡

ii) 燒魚 x 2
-喺3文魚,魚味都算濃郁,亦無煮老到

iii-a) 海老
-好有鮮味,亦爽口,彈牙
-因同友人share,所以只得2件仔
-蝦頭無咁快燒好,要慢火燒吓佢,不約要去到厚切牛肉時先整好

iii-b) 帆立貝
-粒帶子喺好厚身,張喺片起咗再切1/2
-鮮甜味不夠,有些少"un"

iv-a) 米國牛肉 - 薄切
-米國即喺指美國
-師傅問咗想要幾成熟
-我都喺想生d,要咗5成,所以d肉會帶點嫩粉紅
-1客嘅薄切,好似有4-5塊
-薄切嘅食法就喺中間卷以蒜片同蔥粒
-蒜片比蔥粒出色,可能蔥味不夠出啦
-雖然師傅建議牛肉蘸蘋果汁,因有咁多舊,所以我每款都蘸嚟試吓,個人都喺鍾意橙味醬汁

iv-b) 米國牛肉 - 厚切
-呢個厚度並非我想像中咁厚
-見鐵板有另1枱食客嘅西冷,嗰d先喺叫厚切架嘛,haha
-見到師傅將邊位嘅脂肪切走,原來留番備用
-ok,但唔多驚喜

v-a) 炒飯
-呢個炒飯炒得香氣4溢
-相喺1/2份量
-之前嘅牛扒邊就喺留番+入炒飯內
-味道都喺偏淡,但偶爾食到鹽巴,所以鹹度都還可以啦

v-b) 炒麵
-呢個帶少少食噹噹燒嘅hp醬
-但可惜無鹹味,所以呢個比炒飯更淡口
-相喺1/2份量,所以整份嘅話都幾多下
-師傅去到呢個時間,都話個鐵板餐都幾多嘢食,所以會有3個女仔叫2個餐就夠
-因為都已經飽,+上又調味不夠,所以食到1/2就放棄了

vi) 炒野菜 x 2
-主要喺芽菜,之外有些少椰菜絲,青椒絲同紅蘿蔔絲
-都喺比較淡口,但幸好芽菜仲保持到個爽口度

vii) 香之物 x 2
-即喺醃物

viii) 味噌汁 x 2
-初時見到湯面浮起3片白白哋嘅片
-挾起來原來喺腩肉
-店員即刻來介紹,話喺新嘗試
-麵豉味溫溫的,配有肥腩肉,有點廣東菜feel
-不錯的創意

ix) 甜品 x 2
-甜品喺椰子布甸,小小的1"兜"
-不過味道普通,可能椰子唔濃又唔香

* 預祝友人生日快樂.........抱歉呢餐食到主角不舒服~~~

* 不過呢餐我未去到飲湯,已經覺得有點肚痛..........食完甜品後,就要去洗手間了..........友人又無事,所以初時我以為喺個人腸胃敏感...........點知友人晚上來電,佢話之後即刻坐車回家,將近返到屋企就肚痛...........我都幾肯定喺呢餐嘅問題..........我之前9點嘅早餐只喺食咗個牛角包啫..........如果個包有事,早就應該有料到

* 除咗懷疑食物衛生有點問題之外..........服務方面都好細心,nice同主動

雖然又肥又撐（之后竟然又去吃了high tea，真過分），但漏漏回味在這一餐的時候依然興高采烈的、嘩啦嘩啦淌口水，畢竟這一餐鐵板燒漏漏盼了好久好久，多得食友的支持，陪我這個窮光蛋小小邪惡了一把
我們揀了“松”和“梅”，這樣就可以將美國牛仔、日本牛仔還有海鮮們全部囊括與肚腩中了！

似乎邪惡大餐總是有一個健康輕怡的開始，來掩飾邪惡的本質…鐵板餐伊始是清爽的沙律，薄薄的芝麻汁微酸醒胃。
隨后戰役開始！火燒燒兮鐵板灼，壯士一去兮不復還…魚啊、蝦啊、貝啊相繼而來，希冀在我身上（特指肚腩）得到了重生（希望不要是永生…）。蝦為三者中最佳，彈牙爽甜，火候得得宜；相比之下大扇貝就犧牲得有點不值得，被無情的鐵板烤得硬邦邦的，再被清酒一潑，本來的鮮甜勁也不見了。好多食家都說這里的三文魚烤得好，漏漏personally check過就還是覺得三文魚要生吃或者燉湯才盡其鮮，大火一烤肉質就有點“鞋”了。

吃得正爽，漏漏留意到鐵板上躺著一大塊肥膏，頓時激動得直想跳起來！可后來發現原來不是給客人齋吃的，而是炒飯配料…
緊隨其后的薄燒美國牛填補了漏漏的失落情緒，牛的韌勁十足，里面卷了蔥碎蒜片后無比香脆。，店家深諳喂豬之道，懂得先喂粗飼料再喂精飼料豬仔們才會吃得更香更多，于是乎在大批量的美國牛令我們飽了大半后，沉靜的日本和牛躺在了鐵板上，師傅燒一燒，它們就熱情似火了。正如預期，日本牛明顯更豐腴、脂肪含量較大，入口后肥瘦相融，滿口流油之感快哉！有了精飼料，漏漏也不會歧視粗飼料，如是單獨來吃，哪一味都是至高的味蕾享受。

戰爭步入高潮后，這時要來一碗味噌湯壓一壓，緩和一下局勢。這里的味噌湯難得好喝，不會咸得過分，反而更鮮甜入味。
和緩之后又遞上一個小高潮，即是傳說中無敵的炒飯，炒得粒粒分明，牛的肥膏脂香融入米粒中，為平日里死氣沉沉的白米飯注入了肥碩的活力。這樣的炒飯，真是不知道怎么夸才好。
比起炒飯，炒烏冬就有點太平凡了，帶點甜味挺討好的，要是烏冬質感再煙韌一點就更好了。
漸入尾聲，又來了個沒太大意思的炒芽菜，比較多油，卻又太淡，當是為了平衡一下營養而吃吧。

收尾的紅豆慕絲蛋糕，柔滑細膩紅豆味真切，可惜實在是太迷你了，勾起甜癮卻又得不到滿足。甜胃不盡興，后果很嚴重，釀成了漏漏下一餐的悲劇…

慕名去喫的鐵板燒.
盛名之下,難得相符.
松板牛肉當然是好的.
難得的是料理的火候正好,老夫松板牛肉炒飯配上法國白蘭地,真是覺得人生還是有這麽快樂的時候.
當天有日本大蝦,當然好.
還有若干日本當令日本食材.
雖然本身日本食材本質就相當優秀,但料理也是相當值得贊賞.
非常值得推薦.

果日無無聊聊想食鐵板燒
咁同屋企人去食喇~
即日訂2位﹐出奇地爽快ok(平時呢間野好full)
去到會展都8點
上到去見到大廳得2台人
但D油煙味好勁
以呢間野既grade抽風真係要好好改善
屋企人頂唔順要坐到最尾
心諗早知無人訂房好過

咁坐低點菜
先發現我地2個人都唔多餓
想叫龍蝦同鵝肝但諗下都食唔晒
甘求其叫喇

- 1客鐵板和牛(個經理叫我地叫半客再分2份...一客已經夠少)
- 2客鐵板蝦
- 特上魚生拼盤
- 茶壺湯

先黎sashimi
toro完全唔惦
D根多過乜
其他都係麻麻
得D蝦同salmon叫做好D
再黎係D蝦﹐普通貨色
和牛ok﹐份量1份2個人share唔多夠
送水果同雪糕

我覺得最好都係D雪糕同茶壺湯(唔記得影)
本來想叫日本蜜瓜食﹐但實在食唔落
埋單2000, 感覺似食下午茶多D

不過最大問題都係D油煙﹐ 一路食一路聞到嘔甘濟
食鐵板變左食油煙:
真係唔知其他人點頂

家人喺附近行完畢業典禮, 梗要食返餐好既慶祝, 即時打去松菱訂位.

一行7人坐低, 佔咗三份一張鐵板枱. 先order幾個set, 再加鵝肝同黑豚肉. 食物質素仍如以往高, 不過期待既鵝肝就比上次失色, 唔知師傅係咪趕收工, 好似煮得有啲過火, 而且入口無上次咁新鮮, 呢個係唯一敗筆. 今次人多既關係, 可以一次試晒幾款唔同既牛肉:

美國薄牛: 香口
美國厚牛柳: 重牛味, 但比較"鞋"口
日本牛柳: 入口即溶
日本西冷: 脂肪感較重

今次個甜品係雪糕, 我選擇咗紅豆味, 為呢餐畫上一個完美既句號

記得之前食友搵食能手講過香港最具質素的日式鐵板燒, 不出三個選擇,分別是松菱, 和三昧及花盃, 而我自己就會加埋秋田, 變為四大, 今次來到四大之首--松菱, 坐落於酒店3樓, 裝潢設計新穎, 來到一定係試下佢地的又平宜水準又高的鐵板燒

我和太座選擇左要2個'竹'的鐵板燒午市套餐($190), 套餐包括沙律, 三文魚, 大蝦或帶子(二選一), 美國牛(厚燒或薄燒), 麵豉湯, 野菜, 炒飯, 嘖物和甜品, 另散叫左呢度名物--燒鰻魚($20一安士), 今次負責我地檯的係黃師傅, 我即暗自歡喜, 因為睇之前的食評中知道黃師傅係有料之人

鐵板燒一般會上左個沙律先, 後然先食海鮮後食肉, 因為燒鰻魚比較複雜而且需時, 所以黃師傅首先燒鰻魚, 同時亦預備了各海鮮, 其實我自己對三文魚無特別好感, 肉質亦無甚麼特別味道, 但食落去味道竟然又不錯喎, 我估師傅知道全熟的三文魚會好鞋口, 所以煮的時間稍稍縮短, 令到佢只有9成熟左右, 肉質唔鞋之餘亦算嫩滑, 加上淡淡的醬汁, 令平時唔喜歡食三文魚的我都食指大動了!!

跟住黃師傅燒大蝦同帶子, 大蝦相信係虎蝦, 只見師傅三爬兩撥已把牠拆殼去頭, 睇落去好似好快好容易, 相信我有排都學唔到, 帶子(其實係扇貝)都頗大隻, 連裙邊, 橙色部份都一起煮熟奉上, 因為我同太座share, 師傅已細心地幫我地分開兩份, 大蝦同帶子雖然只係冰鮮貨, 但味道同質感絕對並不遜色於新鮮貨色, 爽口非常, 就算連下欄的裙邊, 橙色部份, 蝦頭奉上, 果然又幾好味, 完全係見得人的小食

當日鰻魚$20一安士, 一個人一般3安士已經足夠, 即大概每人$60左右, 其實在煮三文魚, 大蝦同帶子的同時, 黃師傅已經在同一時間準備燒鰻魚, 其實燒鰻魚都頗複雜, 首先將皮煎香, 不斷要壓著來燒, 令佢受熱得平均, 又要不斷番來番去, 接著將皮煎到脆, 再將塊魚切開為一小件, 再用醬汁同味醂煮至入味, 功夫十足, 一口咬落去十分彈牙, 有淡淡的醬汁味, 並沒有一般食白鱔時的腥味, 黃師傅解釋到因為係用海鰻, 沒有河鰻的腥味, 所以特別新鮮彈牙, 雖然呢個唔係正宗日本鐵板燒的菜式, 但因飲食節目中稱讚過後而 聲名大噪

食完晒海鮮就梗係食肉類, 我地選擇左厚燒牛同薄燒各一, 牛係用美國牛, 肉味偏濃, 我地要7成熟, 基於厚燒牛的質素所限, 油脂不足, 所以燒出來的肉比較韌, 其實百多二百元的午餐都唔可以要求那麼多, 反而薄燒牛卻水準甚高, 薄薄的牛配上炒香的蔥粒同蒜片, 咬落去卻唔韌, 而且有點入口即溶的感覺, 真神奇, 黃師傅功架十足, 咁薄的牛怎能分辨煮到5, 6 或者7成, 煎多一兩秒都差好遠, 佢卻謙虛但自信地話30年累積的經驗, 好容易煮得到.....

最後煮的係日式炒飯同炒芽菜, 芽菜炒得爽口無草青味, 師傅係個木筒上將d新鮮的飯倒到鐵板上, 加蛋, 蔥, 憑著純熟的手法炒到d飯粒粒分明, 甚有飯香, 原來技術好的都唔一定用冷飯的, 令已飽得八九成的我都它幹掉了

最好奉上嘖物同麵豉湯, 湯比一般坊間的濃口, 真係喜歡呢個非常濃味但飲完又唔會覺得好咸好口渴的麵豉湯, 食完後已飽到上心口, 連甜品咖啡味慕司都食唔落!!滿足得很!!

食材有水準, 師傅功架好, 環境亦不俗, 只係用$275 (set$190+鰻魚$60+加一), 真係十分超值的鐵板燒午餐

靚仔師傅為我們燒厚切牛肉

香港的三大鐵板燒之中，之前試過了和三昧，最便宜的午市套餐也大概要二百多三百元，起初也以為另外的兩間也是差不多的價錢，所以也未打算短期內到訪，孰知道原來是咁便宜的，多得女友做的功課，為我帶來一頓豐富而又便宜的午餐。

也是訂了周末的午市時段，女友帶我來到店子，店員帶我們進座，坐覽維港的美景吃鐵板燒，跟在和三昧又完全是另一個感覺，由於時間已比原定晚了，也快快的點菜，此處的午市套餐有松竹梅三種選擇，松的是最貴的，要四百多元，皆因套餐內的是日本的三つ輪牛肉，另外也有海鮮；竹已是便宜多了，不用二百元，但跟松的分別就只是其牛肉用上美國牛肉；最後的梅最便宜，只是一百多一點，但就沒有了海鮮，另外當然也可以散叫。

與女友先點一個竹一個梅，如不夠的再點，另外也當然想喝啤酒，見Drink List上有七寶，二話不說，就來一枝，下下火也好。當師傅正準備食材的時候，先來的是一客沙律，青翠色的生菜，配上一點甘荀、青瓜、蕃茄仔，再有一點沙律醬同吃，醬汁酸酸的有點芝麻香，很開胃很香，生菜、甘荀及青瓜是爽口得無話可說，蕃茄仔也很鮮美，是一客勝在夠新鮮的沙律，非常對版開胃；另外即來的七寶啤也當然是順喉有啤酒花香，雪符非常冰凍，吃着鐵板燒的大塊肉，有這大杯酒，當然是暢快非常啦！

今天為我們服務的是高級廚師Roy，也如之前的食評所言，真的是挺靚仔的，但我不是少女，對我來說若手藝不好，就算香港小姐來煮也是徒然，但他沒有讓我失望。

先來的是海鮮，師傅以純熟的手勢替大蝦去殼去腸，蝦頭需要焗久一點，至於蝦肉及三文魚，師傅用上檸檬汁、牛油及一點醬油伴成了汁，再焗煮了一會便有得吃了，蝦肉很有咬口，既爽口又厚肉，加上一點點的檸檬酸及牛油香，更加吊出了海鮮的鮮味，三文魚也是有魚香而易入口，配起牛油檸檬汁更為合襯，但可能本人常認為三文魚要慢煮至半熟，才是好吃的關係吧，這份三文魚對我而言，是熟了一點，隔了好一陣子，其實是幾乎到了吃飯的環節，脫了點水焗得香香的蝦頭才奉到我的碟上，脫了點水的蝦殼脆得可以吞下，內裡的蝦膏非常甘香，什麼膽固醇之危也忘記得一乾二淨。

吃過了海鮮，就吃牛了，兩個餐總共有兩份牛肉，一份要了薄切，一份要了厚切，先來的是薄切的牛肉，師傅一人同時煮給我、我女友及另外兩名食客四人，但仍然是游刃有餘，問了我和女友要幾多成熟，起初我說要Medium的，但女友嫌太生了，要六成熟，而我也沒所謂，六成就六成吧。

師傅將薄牛肉卷住了煎香了的炸蒜片及蔥花後，切成兩份後，先放上我的碟子上，而另外的一卷，師傅就大概煎多十數秒左右吧，就奉上給女友，真是萬萬的想不到，師傅竟然記下了我吃半熟，女友吃六成，一心還想着是要吃六成的牛肉，師傅真的好記性及細心，值得一讚，說回那牛肉，炸過的蒜片非常香，夾帶又是很香的蔥花與薄牛肉同吃，既有牛肉香，又有點點牛脂，又有蔥蒜的香味，真的是好吃得不得了，此吃法聰明。

之後就是吃厚切牛，師傅熟練的將一塊牛扒分成兩半，較公整的一邊只以少許胡椒及鹽巴調味，而另外的一邊則加上炸蒜片及醬油同炒，前者吃其牛肉味，師傅同樣記得我的牛肉要半熟，女友的要六成，半生熟的牛肉一點也不韌，吃起來滿有牛肉香，但油脂方面的豐腴感不太足，也要明白始終也只是美國牛；後者吃其整體的味道，牛肉粒配上醬油及蒜片，吃起來很惹味很香，但味道又不至於蓋住牛肉味，絕對又是對版之作。

接下來當然要吃炒飯吧，與女友兩份餐，飯麵各選一份，在師傅炒麵及炒飯的時候，店員為我們奉上味噌湯及漬物，味噌湯不太鹹，不像外邊的一味死鹹，麵豉味挺香的，另外也隱隱滲出一點柴魚的鮮味，配料加入一點豆腐皮、蔥花、海帶及豆腐，豆腐不算太滑身但有豆香，豆腐皮吸飽了湯，當然好吃，總體來說不錯；另外的漬物也是一貫鹹鹹酸酸的，蘿蔔菜頭也很是爽口，用來下白飯是不錯的，但今天有師傅的有料炒飯吃，所以也吃剩了一點。

炒飯三份用上了兩隻蛋，兩份是另外兩名食客的，而其中一份是我和女友分吃，炒飯除了蛋及飯之外，沒有如和三昧的用上牛脂肪來炒飯，取而代之的是火腿粒，另外也當然有洋蔥粒、蔥花、甘荀粒及青椒粒，飯粒非常乾身軟熟，味道也是配得不錯，醬油下得不過多，加上洋蔥及蔥的辛香味，甘荀粒及青椒粒的爽口感，吃道與口感也不錯。

另外的炒麵較費時，師傅在麵條上撒了點水後，用蓋蓋着麵條近數分鐘，才加入日式炒麵醬及其他材料即成，炒麵單份的份量來得比飯要多，麵條粗粗的，每條也沾上了日式炒麵醬，吃起來質感軟腍而帶點咬口，味道是酸甜鹹的混合味，跟大板燒的醬汁一樣的惹味，加上少量的洋蔥、高麗菜、椰菜、芽菜及雞肉，也真的是挺好吃的。

最後也來點纖維，也是例牌的一大堆銀芽，師傅只加了少許調味，很明顯就是要吃其鮮，果然芽菜是非常爽及新鮮，條條肥大，而且一點草青味也沒有，是一個簡單的美味。

當我和女友意猶未盡之時，正想追加一尾燒鰻魚之際，原來已是過了午市的Last Order，也唯有下回再來吃過吧，最後店方為我們換上了麥味更重的茶來吃甜點，甜點分別點了雲呢拿冧酒提子Mousse及綠茶雪糕，Mousse的質感比預期的嚡及挺身，雲呢拿味不太香，而面頭的數粒冧酒提子普通不過，吃起來反與Mousse顯得格格不入；綠茶雪糕有奶香夠滑身，冰涼好吃，稍嫌是其綠茶味不太夠，若濃一點會更好。

吃罷整餐，非常完滿，而且每人只是百多元，真的是教人非常滿足，而且服務不錯，師傅的服務一流，只有個別女侍的態度麻麻，但無論如何，真的多謝女友做的功課及這頓午餐，和您分享就是最高興的了。

今次有幸重臨 ~ 松菱，多得Boss升職 請我們到此一遊，回味惜日牛牛的滋味！記得上次遇上靚仔廚師，他的功夫都不錯呢！但今次遇上的廚師更強！“手藝”功力一流，純熟的手法，把整個日本鐵板餐做得井井有條！他表示已做了廿多年，這一句令我們不禁“嘩！”了出來，他的情已種了在松菱！今次大家有口福了！

我們點了美國牛和日本牛套餐，讓我重點介紹這一餐的特色！

今天我們lucky了！可以試到牛油麵包，Chef Wong 為我們烘了牛油麵包，一塊白麵包加上牛油烘製而成，麵包上還有一個長方型的“烙印”，我想應該是“松菱”字樣，但這個“烙印”有點兒模糊，廚師烘得麵包金黃色，沒有半點過燶，牛油麵包，入口立即感到重重的牛油香味，夠香脆，當然要即烘即食才好味的！

燒過的三文魚、帶子和大蝦，肉質依然嫩滑，材料新鮮，惹味十足。
燒好的帶子仍帶著豐富的肉汁，在貝上的“汁”，帶有香濃的酒香，究竟什麼酒呢？ 大蝦肉質味鮮而且還很彈牙！

牛牛方面，今次點了薄切的美國牛和日本牛，廚師為我們燒至7成熟，配上香脆蒜片和粒，入口肉質嫩滑，鮮味十足和多汁。本人覺得日本好吃過美國，日本的滑些，牛肉汁香濃些，咬落軟綿綿，入口即溶鬆化。

套餐還包括鮮菜沙律、炒飯、炒芽菜、麵豉湯和甜品~ 青檸雪芭。

整餐來說，廚師掌握的火候了得，他調配的調味料，如鹽、胡椒非常合當，廳內的侍應又warm又親切，笑容十足；還可以望著靚景，是一個令人難忘的日本料理好地方。

兩個月前食既一餐, 老公見我無咩胃口, 提議帶我去食鐵板燒轉下口味, 佢話呢間之前同啲同事食過, 質素唔錯.

book咗7點, 去到得幾枱人, 不過坐坐下都差唔多9成入坐. 經理好細心介紹兩款set, 一個$300幾, 一個$700, 原來分別係個牛肉, 一個係美國牛, 另一個係日本和牛. 老公話叫兩個和牛set, 但係我就提議每樣一份試下分別.

帶子同大蝦都好新鮮, 美國簿牛不過不失, 至於和牛入口有溶化感覺, 果然係一分錢一分貨. 抵讚係師傅好細心留意住我地食嘢既進度, 就返時間啱啱喺食完一樣之後送上第二樣, 保證入口既嘢係熱辣辣, 唔會影響口感. 師傅推介鵝肝, 所以order咗一客, 果然入口即溶, 無介紹錯!

食到抄野菜已經好飽, 到飯麵都飽到食唔晒, 好滿足既一餐!

matsubishi is staffed by local chinese (including waiters, restaurant manager, and chefs). twice a year, the head chefs in japan fly to hong kong to train up local chefs and make sure they are up to standard. most ingredients are imported from japan, but the seafood for teppanyaki is usually frozen food. so if you want the nicer cut, order sashimi instead.

we ordered the US/japan sirloin set (me & J substituted kurobuta pork for beef). our cook was chef wong, one of the most experienced chef at matsubishi who started working here almost when the restaurant opened. chef wong is a very chatty person, which only made our evening more pleasant.

amuse bouche 1 – salad: regular japanese salad with black vinegar and bacon bits. yummy

amuse bouche 2 – dumpling: this dish really begs the question. it was regular dumpling with a soft white wrapping cooked in stock.

scallop: ours were all female scallops with significantly large gonads. fresh scallops around this time should not have gonads because it is now reproduction season, but our scallops were frozen from a month or two ago so their “pods” are still “loaded”… the gills were too chewy, gonads didn’t taste nice, and the adductor part was not tender/juicy…

kurobuta pork: chef wong first grilled some garlic chips and onions for later use. each person also had a slice of heated toast (garden bread) to absorb the oil from teppanyaki meat. my pork was first grilled to nearly fully cooked, then chef wong put the garlic/onion on top, wrapped the meat around it and grilled for 5 more seconds then served. the cooking process was timed to perfection so that all of us could eat our meat within 30 seconds hot off the plate. there was no slightest flaw in cooking technique, however i must admit iroha actually has better kurobuta pork quality…

fried rice: ah, my favorite dish. the fried rice was just about the perfect moisture level, not too wet (the rice would stick together) or too dry (not chewy enough), cooked with chicken bits, garlic, onion, salt, and soy sauce. but chef wong did not add the fried fatty cut-outs from our sirloin into the fried rice, explaining that it would make the rice too oily/sticky. i think it’s probably because the rice was a bit too wet for the night to start with, whereas the fried rice i had in kobe did use the oil and cut-out fat cubes from beef, thus a much stronger aroma and made you crave for more. the fried rice i had tonight was still very good, but paled compared to what i had in memory and in kobe…

overall, it was a very meal. chef wong was very professional and was able to compensate weakness in ingredients with good skills. however, japanese cooking in generally relies heavily on the freshness/quality of ingredients, and there is only so much you can do with skills on a teppanyaki table…

original post with pictures: http://randomnomad.wordpress.com/2009/09/19/matsubishi/

松菱我黎啦！

第一道菜是清新爽脆既雜菜沙律，菜~新鮮得很，紅蘿蔔咬落lok lok聲，一聽就知道新鮮到不得了！

之後廚師燒既大蝦上碟啦！啖啖肉，好有燒烤味道，廚師幫我地一邊燒一邊拆殼，連蝦內的腸也切出來，蝦身乾淨非常！

接著有燒三文魚肉，哇！燒得好靚呀！輕輕烤過的三文魚扒，皮脆鮮嫩，切開仍可睇到七八成熟左右，啖啖三文魚鮮味。

帶子也燒好了上碟，肉質鮮甜。

Wowoooww.... ..... 薄片牛肉 ~ 大家都在等待它呢！廚師煎牛既手法純熟，薄薄的牛塊包裏著香蒜片和香葱. 味道呢 ~ 肉質軟腍，香口惹味，但可惜它的牛味給香蒜cover了！！

隨後輪到日本和牛, 入口有溶化感覺, 好Juicy！

兩者牛牛比較，我喜歡juicy和牛，但我就鍾意夾入薄片牛牛內的饀料！不過，這些饀料蓋晒了牛牛的味道！所以還是淨食牛塊比較好啲！！

宜家才上麵豉湯 ... ... 開始飽飽 ... 材料十足（相對其他日本料理店）。

廚師再黎表演炒飯，熟練的手法，炒呀炒呀！把一碗"冷飯"加入日本和牛粒粒、雜菜碎，仲有三隻旦旦... ... 幾分鍾完成，飯粒炒得很乾身充滿和牛味！這是本人今個月第一碗飯啊！

已有八成飽添！仲有碟炒芽菜... .... 努力密密食！

最後當然是甜品，我揀了豆腐旦糕，why? 原因是其他地方甚少供應豆腐cake！一定要試試！豆腐香滑，但食落有點兒似溫尼拿味！？！

好朋友請我到松菱去做一晚上等人.

我們到達時未有好多人, 到差不多8點已滿晒咁制~!

我們選了一個set, 再另加刺身/蟶子/牛舌/鵝肝

刺身-新鮮, 服務員幫我們選魚類, 有白toro, 好好味~
蟶子-不用沾醬清甜無比
帶子-一開四都唔覺細舊, 好香酒味
鵝肝-外脆內軟, 當時發生了一個笑話, 大鄉里的我, 見師傅在煎鵝肝前先煎了一塊多士, 很有心機的啊~ 當煎好鵝肝後我就問師傅: "連麵包一齊食?", 師傅答得很有技巧:"如果你喜歡可以的, 但通常我地用來墊住吸油既, 或者我煎過塊比你丫~" 呵呵~
牛舌- 一set 8件, 每次都等我們食完才煎下一件, 好貼心~ 仲好好味~
薄燒- 牛不是主角, 主角是蔥跟蒜~!
炒飯- 不是個個師傅都做到呢個炒飯咁既水準~ 當晚是黃師傅(我見食評才知佢姓黃), 他的炒飯粒粒都跳起的~!
炒野菜-無得頂~!
甜品- 是各式生果, 清甜滋潤~

好感謝我的好朋友, 無得頂的一餐~!

同心愛的人去吃午飯，梗係搵間視正架啦。聽日本朋友說松菱好食兼難訂位，就揀佢。
去到食鐵板燒，叫左兩個"竹"，一個要大蝦牛柳，一個要帶子薄燒，可以分甘同味。
樣樣都好食，仲有個師傅好靚仔，成個方力伸咁樣。叫阿Roy，你地下次睇下似唔似？
食得好開心，好舒服，唯一不好的地方，個靚女Waitress冇問我地就求其俾兩個芝士旦糕我地，其實我地想食綠茶雪糕麻。
200蚊一個人真係抵到爛啦，午餐一定無問題，晚餐就唔好搞，一模一樣但要兩倍價錢。

Honey 今日生日，我就揀咗間未試過又冇喊面嘅餐廳，應該信得過啦。呢度環境幾舒服，服務態度唔錯，第一個印象都幾好。睇吓 Lunch Menu 先，鐵板燒有三個 choices，我哋揀了兩個 竹 Set ($190)，有Salad、 miso soup、一個要蝦，一個要帶子，其他仲有魚、牛柳、炒飯和炒芽菜。 首先黎個 Salad配芝麻 dressing，菜很新鮮又爽脆，唔錯喎，有個好開始。

三文魚 - 燒得太老，都幾嚡喎，味道一般啫，又令我唸起肥美嘅銀鱈魚嘞。
大虾 - 有鮮味又爽口，正！
帶子 - 唔錯，都幾甜，可惜裙邊就太靭嘞。
牛柳 - 我哋要medium rare，但就燒得老咗，好彩都幾淋喎，蒜片也很香脆，一齊食，真喺幾好味。蒜片要記一功。
炒飯 - 夠乾身，有水準，配上大量蛋和葱花，好好味呀。
炒芽菜 - 這個也好味，很重嘅 pepper 味，芽菜又爽。

餐後waitress請我哋坐在另一張枱，然後送上甜品，綠茶雪糕幾好味。

同朋友聚會，由於大家久不久都會想吃一頓好的刺身、壽司，於是選擇到彎北的松菱。這家主打鐵板燒和刺身、壽司的餐廳，幾年前來了一次大裝修，將原本開陽舒適的用餐環境弄得黑黑沉沉，坐久了讓人懨懨欲睡。

若果餐廳是標榜浪漫氣氛的約會好地方還可以，但拜托，這裡是吃廚師功架的鐵板燒，和師傅刀章的刺身！和朋友坐壽司吧，燈光暗的差點連生魚的肉色、光澤都看不見，坐久了渾身不舒服。要不是這裡壽司吧雄師傅的技術與香濃的魚頭湯夠吸引，早不來了－ 試了城中無數其它同類餐廳也找不到更好的選擇！

特別推薦他們的魚頭湯－真正用大量魚頭熬成奶白色的濃湯，放涼了上面會凝固出一層奶皮，超正！不是其他餐廳的miso soup 加魚塊能比。