在新興吃完不錯的墨魚丸後，才知食友未吃過創法潮式滷鵝肝，走過兩條街來回味老派潮州味道。

甫入店仍是老樣子，放滿各式各樣打冷「靚」料的「冷檔」，食友亦覺款多而「冷陣」亦擺得靚，老闆笑說早點來款式仲多！單說招呼，這裡從來是親切的。

先吃潮式豬腳凍，琥珀色的肉凍帶淡淡肉甜及骨鮮，肉的部分很有豬肉味。

煮潮式薄殼，不會次次來都叫，但心血來潮也想吃一些地道海產，薄殼本身味道重帶獨特鮮味，大鍋煮出味道自然不會差，一點點的辛辣令味道更豐富，笑言此品出身寒微，但也有它存在的價值。

炆連皮豬尾，食友人是有趣，大家為了「連皮」的問題笑足半晚，此品是炆得夠色夠味，皮黏軟不散，肉不多純粹是吃皮的膠質，是送酒的好朋友。

到滷水鵝肝，老店的滷水膽味輕薄，卻有桂皮、八角等香辛料的鹹香層次感，鵝肝切得大件，厚度適中吃得出軟熟濃滑質感。

埋單$220，是經濟好吃，走著走著原來忘了叫菜肉卷，哈哈似乎又多個理由再來試試這味手功小品呢。


更詳盡文章分享@
http://foodxfile.blogspot.com/2009/09/2.html

尋晚落大雨, 收工之後都唔想四圍去, 就在創發落腳, 好耐無去食喇

見大眼雞一條一條排哂枱面上, 個樣又幾靚, 就叫左一條食, 送白粥, 仲叫咩餸好呢? 睇完個水牌, 結果簡埋川椒雞, 炒多碟蒜蓉芥蘭, 兩個人食

條大眼雞d肉好實, 肉質鮮甜, 完全無雪味, 上次食旺角一檔打冷, 一食就知條魚係賣唔哂過夜的, 但因為肉眼分唔出, 領野 創發價錢比較貴, 但就唔會有隔夜魚呢個問題

川椒雞個味道出眾, 份量唔多, 雞柳用蠔油汁炒至香口, 俾我兩成碟掃光

白粥米多水少, 但米已經煮到好爛, 唔怕難消化, 鍾意幾餐之間食一餐打冷, 食碗粥落肚個腸胃都會舒服一d

星期六晚和男友去九龍城開餐, 諗住順記食得多, 咪去創發試下!
入門口的一刻係幾好招待嘅..
但係當我地叫野食的時候, 有個上左年紀的男侍應一聽到我地只係叫平野, 面色轉晒! (講真佢d普通野都唔平!!)

我地兩個人講真唔叫得太多野食, 鵝片, 魚, 蠔仔粥.
係無叫佢d龍蝦, 蟹, 嚮螺同埋翅之麻!!
駛唔駛咁狗眼先? 我地又唔係著到乞衣咁! 不知所謂!

蠔仔粥, 叫左一個鐘, 米都唔見粒
追左幾次都無反應, 隔離檯叫左隻幾百蚊嘅蟹就要乜有乜!
最後, 個男侍應直到叫我地cancel個order. 佢話整唔切喎!

有食家介紹.. 咁樣做生意就乜都假!! 無下次呀!!

星期六晚, 一家四口去到創發食潮州菜, 都係因為睇完蔡瀾先生的飲食介紹書大讚之下才會去試的!

我地叫左幾個地道的潮州餸, 包括川椒雞, 反沙芋, 鹵水鵝肉, 沙爹牛肉芥蘭, 炆雙冬同潮式炒麵線食! 幾味菜色都ok, 特別係個潮式麵線, 第一次食, 比廣東式的炒麵更優勝, 麵線係白色的, 有點似米粉, 但味道卻帶甜, 而且靭度比較強, 加入韮菜, 雞蛋來炒, 好好食; 沙爹牛肉芥蘭係另一個印象比較深刻的菜色, 沙爹好杰, 叫一碗 "妹" 食很滋味!

炆雙冬即係冬菇同冬筍, 有少少酸的味道, 主要係因為筍本身的味, 唔係變壞左的味道, 汁好似係蠔油但又唔係蠔油, 因為係黃色的, 唔知佢點整出嚟但係又幾好食!

本來食物都唔錯, 但服務就真係麻麻, 好似明明碟麵線未食哂, 伙記居然話拿拿聲夾埋佢我幫你收左佢, 有無搞錯.... 仲有碟雙冬都仲有兩隻冬菇, 都同我收埋...

好似想趕客咁, 好食都無用!

小時候, 都跟從父母到[創發]食晚餐.
記得當年次次去, 次次都要等位.

上星期, 經過九龍城, 唸住成家人好耐無去, 就再去返啦.
竟然! 以前迫得水泄不通既[創發]而家唔洗等位.!
先記起, 佢地好似轉左老細.

講返正題. 食物都算係一般, 有少少差了.
叫左個　香煎牙帶魚, 好咸! 鵝肉, 切到薄到丫! 最尾食糖水, 喜愛之一, 薑薯~ 嘩! d料薄到透明, d糖水就好似落左成罐糖去煮咁..甜到漏!!!!

呢樣都算la! 最過份係d service! 學劉華話齌[今時今日咁既服務態度係未夠架!!!]
值得一讚既係: d阿姐會自動自覺黎幫你斟tea...
不過!!!好戲在後頭...
埋單時, 見佢係整數, 所以我屋企人亦都比左整數, 唸住唔洗找咁麻煩~
點知個哥哥仔一句dup埋場黎話: 免茶免加一都唔比tips! 仲要係我地走時係咁啤住我地.
大佬, 講明係[tips], 即係可比, 可唔比啦~ 我地又唔係無埋自己張單...真係令人好嬲, 咁既說話都講得出...!@#$%^&*()
唸住老字號...點知咁樣囉...!!!錯曬...
真係唔洗指意我地再去..

今晚終於與家人一起來了創發，吃它一頓痛快。今次叫的菜跟上次一樣，都是煎蠔餅、鹵水鵝片、煮紹菜什、涼瓜排骨湯、炸雙棗、凍馬友一條及甜品翻沙芋。

每桌都有的炸黃花魚很受歡迎，太太及姊姊差不多吃光。

煎蠔餅卜卜脆，雖然賣相普通，不過好吃。而且一碟有兩大塊餅，蠔仔也多，真的是物有所值。

煮紹菜什其實海鮮多過菜，又有魚蛋又有魚片又有魷魚，抵食。凍馬友幾特別，我們都頗喜歡。

最後姊姊們叫了翻沙芋，說現在已經很少見到。吳小小說非常好吃，尤其是表層的那一浸糖衣。太太說不覺得很特別，我覺得都幾好。

埋單都是六百多，我們六人，每人都是一百元左右，不算貴。

為食本性又發作, 想舒緩一下心情, 於是今天找了4 位同事相陪....去了九龍城創發!

中午比晚市少人得多, 坐下便遞上幾杯功夫茶, 然後叫了
香煎馬友魚, 幾香, 但乾而略硬....比上次食更差!
涼瓜黃豆排骨湯, 涼瓜黃豆都好腍, 清甜!
煮春菜, 湯略鹹, 春菜夠軟夠腍!
煎蠔餅, 吃了一少件, 還是喜歡媽媽煎的"多蠔走蛋"煮法!
蠔仔粥, 又係略鹹, 不太喜愛粒粒飯的粥底!
黃花凍魚, 魚肉幾腍滑!
炸花生粿, 5隻, 亞姐放下後...甜品, 味道不太甜, 我們讚了幾句後...又再放下了一碟, 吃不下, 唯有請同事代勞!
炸池魚小吃, 差不多最後才送上的小食, 熱熱地, 味道香口, 又 juicy, 更勝馬友!
心薯清心丸糖水, 最喜愛的清心丸, 原來此處比合成還好吃, 煙韌, 糖水不甜, 心薯爽口!

這裡最特別的地方是....吃前和吃罷也不知價錢, 如果不是凍蟹, 螺片, 價錢是不會太貴的! 仲有, 亞姐不定時會放下幾碟小食, 甜品, 也不好意思問....這碟那碟多少錢?

星期六晚，我地三個中學同學一齊出來吃飯。選了這一間餐廳，因為九龍城是我們以前中學時代午餐的地點。(不過中學時代當然不會來這裡吃飯啦！)

我心想，今次三個男人來，應該可以吃到不少東西。點知，我們只叫了一碟例牌鵝肉、一碟蠔煎蛋、一個潮雜菜，再加一個胡椒豬肚湯，已經夠有凸。

全部都好食的，不過真係唔夠皮。希望下次可以再來，吃凍蟹同蒸條魚。

當天晚上，三色台明星黃浩然和他的家人坐在我們鄰桌。全桌人都稱讚食物特別，別處吃不到…之類。或者下次我也應該跟家人來試多一次。

唸住咁出名的食店,食物水準應有好的水平,但結果係........

叫咗隻凍蟹,唔實肉,不夠新鮮嘅蟹去整的,做要成400元,很失望!
叫咗个韮菜豬紅,豬紅無味,碗汁無調味,唔好食!
叫咗碟鵝肉拼鵝腸,鵝肉少,味ok,鵝腸太多,成120元,好唔抵!

我覺得這間食店收費咁高,應要有高水準有心的食物顧客品嘗,才有顧客回味再幫襯這間
所謂馳名的九龍城潮卅食店

估唔到第一次留食評竟然要彈人

昨晚一坐低已經有個阿叔行黎問我地食咩, 我地見剛剛坐低, 僅係睇下先啦, 咁佢都好有禮貌咁叫我地慢慢睇, 跟住就攞左四碟個d 所謂前菜過黎 (我們一行四人)
唔夠一分鐘, 又有另一位阿姐問我地食咩, 仲要企定係到迫你地快 d 落 order 咁, 跟住我爸爸咪叫個豬腳凍, 跟住我地都唔知叫咩好, 阿姐就話不如叫個翅食下, 我話唔洗喇, 阿姐即黑面, 老豆就行出去門口睇下有d 咩好叫, 咁個阿姐都有跟住佢去落order 既, 再番埋位問我地叫咩食, 我想食老水鵝, 我問阿姐例排定有半只鵝叫, 阿姐好唔耐煩咁講例排幾錢幾錢, 另一邊相只手已經幫我寫落單,落完單轉頭阿姐又番黎, 話冇哂銀魚煎蛋, suggest 我地叫菜圃煎蛋, 我見佢比我地既煎菜已經有菜圃, 咪唔要囉, 阿姐一聽到話唔要連眼尾都唔望我地就走左喇 (我當時想叫另一款菜), 都未叫佢就走左喇

菜式如下:

豬腳凍 (都算ok)
煎牙帶 (都大條,夠熱)
方魚肉碎粥 (好咸)
九花咸肉 (九花略炎生左d, 味道一般)
老水鵝例排 (夠熱, d 豆腐好實, 冇味)
白粥 (攞碗粥過黎時好似全世界欠佢咁, 好大力咁放落黎, 老豆都比佢嚇倒)

我一張相片都冇影! 因為覺得唔值得影

好戲在後頭, 由於佢地既服務態度真係好差好差, 又串, 串過碼頭咕哩! 所以唔值得我比 tips,到埋單, $311 元正, 我支付左 $320 , 但過左好耐都唔見找錢, 我媽媽同我講佢應該唔會找錢, 隔離台都係咁, 坐坐下都唔等找錢走左 (我相信好多食客去過都預過我咁既情況) 不過基於原質問題, 我點都要等佢找錢比我 (各位都知 tips 既定義係打賞, 我覺得d 野食出色, 服務好因而打賞, 完全係出心, 豐儉由人, 佢e 家係強迫我比 $9 tips 佢!) 終於有個傳菜阿姐行埋黎收野時問我d野食黎齊未, 我話等找錢, 佢言下之意係話我知d伙記冇諗過找, 叫我去櫃台找番d錢, 佢e d 叫咁住黎搶! 我一個仙 tips 都唔會比佢地! 真係食到 背脊骨落

我絕對唔會再幫襯

以上講既野絕無誇張成份, 講真, e 間餐廳只不過係可以食到d比較傳統d既潮州菜, 講好食, 大把餐廳好食過佢, 唔好講話禮貌, 唔好似住老牌食店就咁串!

花生豬尾好入味，豬尾好淋
馬友炸完都好滑同保持到魚味
胡淑豬肚湯唔夠辣不過都可以
糯米豬腸就係糯米喺豬腸入面
好似糯米卷咁，不過麻麻哋啦
其他鵝片、蠔仔、炒蟶子等都好惹味
仲有個蠔仔粥好香，我食咗4碗定5碗呢
甜品食咗芋泥同清心丸，芋泥好甜好甜
我就覺得正，但係可能會覺得好漏
因為真係好甜，同埋好飽肚
清心丸好清冇咁甜

呢次係奶油包咁大個女第一次打冷
朋友 A先生 (當時係朋友...) 就介紹嚟呢度食

個日我地叫咗以下既野食

1. 唔知叫咩既雜菜湯 (其實係因為都已經幾個月前既事，奶油包已經唔記得個名！)
真係唔差....有菜有肉又有湯
不過一定要熱食

2. 煎蠔烙
似用油勁炸...
食完好有罪惡感
不過蠔仔夠多，蛋餅夠脆

3. 大眼雞
基本上都好難整得難食

4. 鵝片并鵝腸
咁大個女都未食過咁多鵝腸

5. 反沙芋
十分之好食...
初頭以為會好漏啦，
點知好鬆化好香，
上面D糖口岩口岩好，
唔會太甜，正！

可能一個個伙計吧，今晚食飯時d服務ok喎...

點菜時有商有量，冇因為問價就黑面個d (佢本來有recommend龍蝦仔/凍蟹，但我今日唔想食貴o野，唔要，個伙計姐姐都仲好好笑容，同繼續介紹d o岩 食ge o野)

茶，自動自覺不停加

d食物黎到時，個伙計姐姐都好關心咁問過我地o岩唔o岩食，之後又好醒咁冇再出現過，直至我地就食完時才出現，問我地想唔想要d甜品... 食晒之後仲有個人(我估佢唔係一般伙計)過黎問過我d食物o岩唔o岩食，好關心、細心似的

飯前、飯後，功夫茶自動送上，仲要係自動加多round (因為食得太飽，冇叫甜品)

食左乜... 大眼雞 (good)、豉油王大蝦 (good)、鵝片+鵝腸 (鵝片，如常切得好麻夫，但好味)、魚蛋海鮮紹菜 (good)... 隨檯d前菜有4款，2款菜圃、鹹菜、豬手仔 (all good)

當然唔算平，我地3個人，諗住都係簡簡單單平平地食都食左$400+... 但始終causal style ge 潮州打冷，呢道都係我ge首選

開完 OT, 老公接食飯, 也有一段時間沒有來九龍城, 於是泊車後, 未到六點已到達! 在門口看到些貴價魚, 方利及三刀魚, $50/兩, 今晚有點感冒, 不在狀態, 還是不要浪費了, 下次有機會吧!

入內看看開放廚房, 點了個蘿蔔門鱔湯(魚)....棄涼瓜黃豆排骨....因為想試點新意思, 可惜蘿蔔略硬, 門鱔亦唔覺好鮮味! 然後上了個炸魚仔(魚), 不知是什麼, 但炸得乾身, 不錯! 再點了個炸馬友(魚), 一塊大但薄, 一塊小但厚, 前者太乾, 較實, 後者較 juicy, 但不是我們杯茶, 因為太鹹! 食完個胃仲有空位, 來多個冬菜蒸九肚魚(魚), $50, 五大條肥肥白白, 沒有下豉油, 只用冬菜的味道, 不會過鹹, 魚肉非常嫩滑, 但我吃得有點論盡, 不知魚骨可否吞下, 想吞下又怕, 但太幼又吐不出來, 原本已夠, 侍應拿著一碟反沙芋...四件, 大大件, 真的熱辣辣, 但今天吃到的就只有甜字, 芋頭很硬, 一點都唔粉...莫非唔當造?

Anyway, 在這裡....可以吃得 $1300 凍蟹, $600 - 700 蒸魚, 也可吃得數十元的小菜, 豐儉由人!

原本打算來吃些粿品同喝碗粥的，但之前已來了碗Pho熱身，第二場結果變作鵝肝打冷局。

沒有餐牌的「打冷」店，大部分材料放在「冷檔」，當眼處是貴價的魚飯，老樣子是見乜點乜，想吃燻鴨，但過造，老經理轉而推介鮮鵝腸，又打下一碟墨魚炒蘭度，再來一碟潮州滷水鵝肝。

先來杯功夫茶吧，潮州人同福州人同樣愛品茶，從前更有品茶品到傾家的故事，濃醇的功夫茶消去方才的膩滯才開始，不錯。賣滷水鵝出名，鮮鵝腸該不會差到那裡，腸留著少量油膏，靠著敦醇的滷水將雜羶盡去，吃起來爽脆又有脂肪的甘香，老派菜館才吃得到的味道。

十年人事幾番新，事隔數月再看創發小炒，簡單的墨魚炒蘭度，蘭度是取介蘭最嫩芯位，削去皮，軟腍不著渣，墨魚薄而不失彈性，貨靚自然夠鮮味，味道樸實，卻吃得出認真，大酒家質素，六十元一碟，無收貴了。

經理先解釋一輪鵝肝的來頭，作為後輩的，二人連忙拍手稱好、點頭稱是．．．鵝肝是揀手靚貨，靠著滷、撞技術，鵝肝入口甘腴不著渣，帶著醇香的味道，比起今天的潮州村更見水準，胃口不如從前，淺嚐過會好好記著這味道的，謝推介～

笑談了半晚，已近打烊，老闆、太子爺同老伙計才有時間吃飯，如此落力，難怪菜式比從前進步，是吃得稱心又滿意的一餐，謝謝～