有朋自遠方來,想帶她去些地道的店去吃飯。
去新斗記一問,沒訂位就連等位的機會也不會給,
於是就近的選了這一家。
6時多就要等位了,留了名就要我們在外食風。
天氣冷,還真怕讓穿著單薄的友人著涼。
友人想要問問,得到阿叔的一句冷語,真的讓人有點生氣。
等了一個小時,終於有位了,給了我們一張8人大枱。

叫了2人餐,乳鴿餐及焗飯餐。
要了2個餐湯,2個沙律。先上的是餐包,
熱烘烘及包面是脆脆,很驚喜!
湯我沒喝,聽說味道很好。
先是名物的乳鴿,上桌已覺得很香,不太好乳鴿的我,
只吃了一點點,肉是嫩的,不錯吃。
瑞士汁牛河,味道很濃,好吃,但真的有點太油。
焗石斑大蝦飯,沒驚喜,飯不夠乾身,普通。
瑞士雞翼,入味但有點甜,份量不算太多。
餐的海鮮焗飯,同樣問題,不夠乾身,我是用瑞士汁來送的。

見人家的梳乎里很吸引,很飽,但大家都說是一陣風,
於是還是叫了,上桌,馬上把握機會拍照。
侍應叔叔幫我們拍照,也問我們要不要拍白鴿圖那邊,Nice。
充滿蛋味,有些地方焦了,不過早知道好玩多於好吃的,
我個人是覺得合理了。

因為有大量熟客光顧,而店很細的關係,
更早來也落得等待的下場,我想...我應該是去別的分店吧。
(雖然出面人滿為患,但聽到侍應叫熟客慢慢坐,
我也不知道那是否是體貼的服務了)

名過於實~ 食物唔係唔好食~
不過個人認為唔係特別好食到要俾呢個價錢去食~
服務態度極唔願做~
攪到我都唔太想食~ 即覺乃左野~
猛話要走~ 但係阿媽輩話唔係咁好~ 焗食~
一家四口去食~ 坐得唔舒服~
食物份量唔夠~ 野食黎得好快~
無叫餐~ 散叫瑞士雞翼~ 干炒牛河同梳乎利~

總括 : 無特別~ 貴~ 同極唔鍾意佢服務態度~ 唔係要你好好招呼~ 但至少對人要有份尊重~

尋日(30-10-09 Fri)放工後,約男友出去佢推介一間牛脷好好食o既餐廳食飯,就係呢間.

我o地大約o係6:45pm到達,卡位方面剩返兩張,侍應叔叔叫我o地坐最入面o個張.

我o地叫個$315.00o既招牌二人套餐.list o左好多o野出o黎,但其實係三類o野,每樣o野揀一款,第一樣係海龍皇湯同鮮蝦沙律揀其中一樣.

第二樣係瑞士雞翼(6隻),燒乳鴿(1隻)或烚鹹牛脷(3片)揀一樣.

最後係干炒牛河,瑞士汁炒牛河或燒豬髀飯揀一樣.

最後有甜品同餐茶.

我o地揀o左烚鹹牛脷(3片)同燒豬髀飯,落單後,侍應叔叔問我o地要湯嘛?我問有咩湯?(其實我冇為意第一樣o野)佢話海龍皇湯,我未睇清楚佢就幫我出主意話湯.

好快,兩個餐包到o黎,我同男友都食唔等湯,餐包暖暖的,外皮脆口,令平凡o既餐包顯得不平凡.
味道: 4分

食完後,我o地諗係咪可以食同樣出名o既梳乎厘?因為其實我o地只係食兩樣o野呢.男友話係叫就早啲叫,因製作須時,啊,咁叫啦.

等o左一陣, 海龍皇湯o黎喇,都幾滿幾多料喎,有鮮蝦肉同魚塊,湯都幾濃同好熱,飲得到龍蝦味,男友開頭嫌佢淡,但飲完就覺得o岩o岩好.
味道: 4.8分

未飲晒啲湯,燒豬髀飯就到o黎,原來唔係一大隻豬髀上,而係一片片薄切豬髀,我先食喇,薄豬髀淋上瑞士汁,食落,瑞士汁鹹甜適中,可惜o既係薄切豬髀,太薄喇,冇口感,覺得好冇癮,但佢係唔肥o既豬髀肉,所以唔太漏.而飯呢,我只食少少,因為要留肚食天使蛋糕咁大o既梳乎厘嘛.
味道: 3分

食食吓,烚鹹牛脷都到o黎喇,牛脷幾厚,有1cm o度啦,男友話覺得係牛脷扒.食落,牛肉味好濃,好有口感,亦真係鹹鹹的.男友叫佢畀芥末,我又試吓先,蘸啲只有香味而唔辣o既芥末食,中和o左鹹味,原來係好食啲.
味道: 4.5分

之後到甜品,畀男友估中,真係西餅一件,件西餅仍然係傳統o個種,忌廉好油好滑,亦好甜,而蛋糕就鬆鬆地,OK o既.
味道: 3分

餐飲,我叫o左凍檸水,男友要凍檸茶.我覺得我杯o野飲甜o左啲.

我o地食晒o野,就係咁等梳乎厘,等呀等,等呀等,出面有好多人等位,事實上7:00pm開始已經有人等位啦,好彩我o地好早o黎到咋.

到7:30pm左右,一個個o既梳乎厘出爐喇,真係大到不得了.第一個出爐o既唔係我o地,第二個出爐時,我聽到侍應叔叔講呢個先畀XX號枱,因為原本o個張枱o既客人重食o緊唔知咩.個侍應叔叔就捧呢個過o黎,原來係讓o左畀我o地先.

嘩!又大個又香呀!但焗過龍,呢個有啲燶.我影o左相食喇,原來呢個要趁熱食o架,否則外皮淋o左就唔好食,內裡o既梳乎厘就好似泡泡咁,入口即’溶’呢,好似食o緊雞蛋泡泡.

而食到底,男友發現一啲開似變成蛋糕狀o既梳乎厘,呢個真係焗過龍lu,係咪失o左手呢?
味道: 4分

食完埋單,價錢係$454.00. 咁貴o既?我睇吓單,原來個梳乎厘要$98.00,好貴喎.

環境:
仍保留70年代o既裝修,幾十年冇變.卡位坐得好舒服呢.

服務:
全部都係五,六十歲o既叔叔,o係老牌餐廳o黎講,服務都算好o架喇.

約朋友特地去食雞翼, 因為我倆都住佐敦!!

瑞士雞翼 – 一定要食,D瑞士汁甜甜地; 表皮好入味, 但裡面要點汁食, 不過有好多汁既. (其實自己在家都可以煮到)
瑞士汁肉片炒河 -- D汁無雞翼咁好味; 底是炒河有D似干牛河味道, 只是上面加左瑞士汁咋
甜品 – 普通西餅, 無新意
咖啡 – 又幾好飲

服務 -- 上菜速度快

見人食焗梳乎厘好大呀, 好想食, 但友人唔食!! 唔知有無 take away 呢?

P.S. 可以訂檯家!!!

記得讀書的時候 , 常常聽見什麼達官貴人 , 明星去太平館 , 久而久之就覺得它是一間非常高級的餐館 , 今天終於的起心肝和朋友來品嚐聞名已久的瑞士雞翼 .

我們訂了 7 點 , 朋友先到步 , 看過 menu , 大多數也是炒粉麵類 , 和茶餐廳確實有些相似 , 不過 , 這裡的價錢當然貴好多 . 舊式的裝潢就是這裡特別之處 .

我們先叫一個套餐 , 有 salad , 瑞士雞翼 , 瑞士汁肉片炒河和兩杯飲品 . 另外再加多一碟肉醬意粉.

套餐的瑞士雞翼只有 6 隻 , 如果散叫就有 8 隻 . 沒有所謂 , 一人也可以吃到兩隻 .

夢寐以求的瑞士雞翼終於來了 , 先吃一口 , 感覺有些像豉油汁加鹵水汁 , 頗特別 , 但嫌醃的時間不夠 , 只是外面的皮有味道 , 裡面有些淡 , 如果一面吃一面加汁味道會比較好 , 說真的 , 有點兒失望因為沒有預期的好.

瑞士汁肉片炒河 , 賣相不太吸引 , 一堆黑色的河粉 , 但吃下去 , 感覺又不同 . 味道好濃 , 肉片好 "稔" 好入味 . 不知怎麼說 , 就是想吃 .

明明自己不吃牛肉 , 但又偏偏叫了肉醬意粉 , 來到才醒起 , 沒有理由再叫另一碟 , 只好請朋友將肉醬全部吃掉 . 以為單吃意粉會好 "寡" , 不過味道又不差 , 意粉好彈牙 , 不會只有蕃茄醬 , 我想 ... 可能牛肉在蕃茄醬中已經攪得好碎 , 完全沒有吃到一粒粒的牛肉 .

服務員大多也是上了年紀 , 看外貌好像好 cool , 其實也好 nice .

差不多走的時候 , 朋友看見一個男人 ( 懷疑是這裡的老闆 ) 把口中的食物隨地吐在地上 , 天呀 , 如果吃之前看見 , 一定埋單走人 .

(大平館餐廳)
本人：你好，請問有沒有book位服務，我想book位
員工：有, book 幾位
本人：2位, 7點40分
員工：ok, 但那個時間多人, book 了都未必有位
本人：咁係唔係唔可以book位
員工：可以book, 不過話比你知，呢個時間book 了都未必有位
本人：咁我book 同唔book 位有咩分別
員工：book了位, 如果果時有位, 可以入先，唔使等...
本人：咁如果有人等呢?
員工：咁就要排隊
本人：.......
員工：咁你仲book 唔book
本人：book lor，蔡生兩位

香港名牌老字號, 幽默感一流...

五間太平館都有去過, 之前不嬲都喜歡叫佢個焗豬扒飯

o岩o岩係佐敦附近 又 諗起好耐都無食過 所以決定係lee 樹開飯

一如已往, 焗豬扒飯係必食既, 望住個餐牌....叫多樣咩好呢, 見佢廚師推介葡國雞飯...口水湧出, 男友又讚成

葡國雞飯先出場.....試一啖個葡國雞汁....好味....再食舊雞, 好滑, 不過好似有d唔夠熱....再食落去, 發現有舊雞唔夠熟 可能因為係緊熟, 所以先咁滑...不過係咪應該安全至上呢??

焗豬扒飯 後上.... 細碟左, 而且以前有2塊吉列豬扒, 今次得番一塊 d 飯本來係炒飯底, 今次都係不過好明顯小左蛋去炒.....個飯都小左好多....以前係"龔"起...今次係平嫁... 個飯底小左蛋去炒當然就無咁好食, 但個吉列豬扒都仲幾好食....

不過焗豬扒飯收 $83 蚊, 葡國雞飯收 $100蚊......比d咁既制成品出黎真係有d 唔o岩lor...
食完出黎, 男友話緊飽咋....
下次我估再黎既機會好底.....

叫左兩個餐再加散叫某些名菜，大部分出名既我地都試晒。

海皇湯：估唔到咁好味，好大碗，仲好足料添，真係有龍蝦架！仲要好多隻！正呀！！好好飲！

燕窩雞蓉湯：無試到唔知，佢地話好。

瑞士汁牛河：有少少膩，但好過平時果 d 乾炒牛河多多聲，唯瑞士汁過多！

燒乳鴿和瑞士汁乳鴿：無乜特別，但係好味，最方便係有個專用黎 squeeze 檸檬汁既工具，咁就唔會弄污雙手！

瑞士雞翼：真係好正！個汁配上軟軟的雞肉，好好味！如果可以食多幾隻就好喇！

焗葡國雞飯：估唔到 lee 個都好味喎！撈飯一流！

燒豬脾飯：唔係想像中果回事，係一片片既肉，食完都唔覺食左，好普通。

梳乎厘：真係大到嚇死人！咁大個好滿足！亦都好好味。隔離卓果兩個遊客都叫左一客，但食唔晒。我好想自己食晒一個！

因為叫套餐，所以有西餅送，係朱古力蛋糕仔，都好好味喎！

整體來說很滿意！侍應都是年長的，但態度很好，會介紹各款菜。

如果便宜些會更好！

It was my first time to try the renowned Tai Ping Koon tonite. I heard about it for long. And of course I had high expectation for the Swiss Chicken Wings. My BF and I ordered the Dinner Set for 2 with soup / salad, Swiss Chicken Wings and the Fried Beef Rice Noodle. The lobster bisque does not taste so good. Most important of all, there is really no big deal of the Swiss Chicken Wings and the Beef Noodle. The price was too high for the supposed-to-be impressive quality.

It costed ~$160 per head and got a disappointment.

乾牛河果然名不虛傳
河粉一條條分開，清清楚楚，全部平均地沾上濃厚甘香的醬油，河粉又薄又不糊口，有少許正宗"陳村粉"的口感，
牛肉滑到差D夾唔起，電視節目話選用牛"冧"肉炒的，無根又無渣，正！
炒出來油不多(起碼完全無油滴出嚟)，有醬油香又有護氣味，連條菜心都係甜的，咁大個佬都未食過咁完美的牛河，正正正！

My freind and I went to this restaurant to have dinner on 31Dec, New Year eve !

Services is ok, my freind feel hungry, they offer 2 extra breads to him at the beginning.

i瑞士雞翼 is delicious & hot,

no 梳乎里 provide in holiday eve

瑞士汁牛河 is too oily

Sea King 湯 is so fresh and yammy, with some seafood inside

but 豬脾 with rice, the souce + meat is ok, rice is not too hot and too cold

the new year set dinner offer desert ~ is a piece of cake - like maxim cake shop one

I paid the 2 New Year dinner sets $4XX + 1 dish of 豬脾 with rice, cost $570 for 3

I think this is not worth !

our order :-

New Year Eve set ~ soup x 2 , fruit with some wine x2 , fried fish with some vegetable,
breads X 2, swiss chicken wing X 6 pieces, 瑞士汁牛河 x 1, cake X 2, 2 drinks

$438 + 10%

豬脾 with rice $79 + 10%

PS : the offical receipt offer the coupon for next perchasing in centre shop, over $250
offer free 瑞士汁牛河 or i瑞士雞翼 or less 10%

２８日由於有ａｕｎｔｉｅ回港
就成家帶佢去有老ｈｋ特色的太平館

其實我好早（２０）就打去ｂｋ　２８既位
但原來ｏｐｅｎｒｉｃｅ個電話係錯家下！！！）
太平館ｗａｉｔｅｒ話有另一個專ｆｏｒ　留位既電話

但係ｗａｉｔｅｒ　態度真係．．．佢竟然話：
我地而家好忙好多野做．你遲ｄ再打ｌａｉ　ｂｋ啦！
我真係啞左．．．但媽媽好想食．．．唯有死死地氣再打
（平時我真係已經放棄食啦！）
之後呢次都ｏｋ的．好快手就留資料ＫＯ左～

２８日準時６點半到．不過都等左好一陣先有位
（好驚訝Ｄ人竟然６點幾就食完野走．．．幾點開始食呀．．）
一行４人叫左個乳鴿ＳＥＴ．ＥＸＴＲＡ一個煙倉魚同梳乎厘
（冇ｃｈｉｃｋｅｎ　ｗｉｎｇ　有ｄ失望）

個ＳＥＴ　ＯＫ既．有湯、沙律、乾炒牛河同乳鴿
幾鍾意個包．因為幾好味！個底係脆既！

個牛河真係讚讚讚！　係我係ＨＫ吃過最好的
乳鴿都倉魚都ＯＫ．不過係冇咩特別．．．不過貴．．．
１７８一個倉魚其實得２塊．．．（中ＳＩＺＥ）我真係覺得唔抵．．．

反而梳乎厘真係抵佢出名！！！　９２元超大個！！
係出面Ｄ火鍋ＢＯＷＬ既ＳＩＺＥ！！　
而且好好味．４個人都食唔哂　

總括係ＯＫ的．太平館野食真係ｋｅｅｐ到水準
但真係太貴同唔抵．．．２００一個倉魚ｏｒ牛河．．
金融海嘯幾多人會去食呀？？

結果４個人食＄６２２．唁係話好飽果姐
好彩佢送ｃｏｕｐｏｎ．係中環分店食滿２５０就送一個菜
應該抵好多．

service 同環境果ｄ．係老店都唔好有期望啦
唔差都ｏｋ囉

跟團去國內旅遊，時常會聽到領隊導遊說在大陸進餐不能太強求好味，只求吃風味云云。吃罷太平館，也有同感。

機緣巧合去到油麻地，突然想起這間店。

六時多，人不太多。甫坐下，已訂位與及沒有訂位的人客陸續出現，不多久便填滿了整間餐廳。

暗暗的燈光、聖誕節的音樂旅律、老舊但又帶點味道的裝潢和侍應，構成了我對太平館初步的印象。

很不幸的因為沒有新鮮雞，是夜所有的雞類都未能供應。最後點了個芝士焗石斑大蝦飯餐與及一客梳乎里。

餐飽很乾，似乎放了加熱的焗爐中已有一段時間。期間聽到有位女士問了一位貎似陳發枝（八十年代香港足球明星）很多問題，雖然他的態度一般，但都有問有答。服務我和女友的那位則好得多。另外又聽見有一枱人客想多拿一個餐牌，待應回答說：「餐牌不夠用，你們看一本吧」。有性格。

沒有要湯反而要了沙律，小小的份量和平平的味道，直到這刻我開始覺得這裡像的真身其實跟茶餐廳無異。

飯來了。不算很出色也不是不好吃。

甜品是一件款式很懷舊的西餅。餐茶要了咖啡，不過不失吧。一百四十八元的一個餐值在哪？

梳乎里來了。真有個足球般的大小。味道就如中式雞蛋糕／燉蛋，盛惠九十二元。

總算是在一家老字號見識過，當是吃個風味吧，其他則不用太強求。

巨型梳乎里 價錢不用理

太平館老字號

終於都尼一試

入到尼覺得好古怪....

第一係個氣氛....暗暗淡淡

係三四年代時的浪漫氣氛嗎?

第二是餐具

會有d 茶樓洗碗碟的 檸檬加茶

又會有筷子

但係又會有西式的刀叉

具度唔match

第三係周圍的食客

除左我同didy 兩個人係廿零歲之外

其他人都係四五十歲的人

所以....又係古古怪怪的

不過唔理喇

照去食

叫左好多人都推介的菜

包括 梳乎里 + 乳鴿 + 瑞士汁牛河 + 瑞士雞翼

先食的係瑞士雞亦

濃味十足...而且入味非常

d 雞肉arm arm 熟...咬落去仲會有d 汁流番出尼

出色的手藝

乳鴿第二味菜

呢個就比較普通

唔係話唔好味

不過同其他茶樓比較...都唔係話特別好味

肉質亦都比較偏鞋....儘管鴨味突出...亦都補救到唔多

瑞士汁牛河 則顯出師傅的 廚藝手勢

呢碟實質為干炒牛河的野

鑊氣爆燈 河粉炒得色澤均勻

每條都充滿瑞士汁

同時佢的牛肉又能夠保持 鮮嫩柔軟

吃得我們一嘴甜美

以為會食得唔夠飽...點知原來最後的梳乎里先係飽肚之作

之前未試過梳乎里係乜東東

尼到一試就覺得好有趣

成舊人頭咁大的梳乎里 異常 鬆軟

香滑得尼又夠晒可口

軟綿綿得尼 又甜甜地

感覺就有d似 食緊一d 泡泡咁

至於味道....則有少少似 面包皮的味....香到不得了~~

不過重點始終真係佢的口感

呢間野其實味道就真係唔錯

起碼四樣野有三樣係好~~

不過價錢就好似唔係咁抵啦~~

不過算啦~~~始終係老字號~~都值得一試

呢間開左幾十年的舊式豉油西餐廳, 有著一股濃厚懷舊的氣氛同黑白片的感覺, 中午食飯時候來到, 人客唔多, 坐在迫迫的卡位上, 叫左兩個每一天都差不多的午餐, 一個係瑞士雞翼飯餐($76), 另一個係瑞士牛河餐($76)

先上羅宋湯同餐包, 熱烘烘的餐包當然係來貨, 但加上牛油又點會唔好食?? 羅宋湯應該係煮唔係好耐, 因為d湯好濃而且d蔬菜仲未係好'林', 都幾足料, 算係有誠意

瑞士牛河先上, 黑漆漆的一大碟, 唔講係瑞士汁牛河真係唔知係咩來, 甜甜的豉油配上牛肉同河粉, 感覺都幾得意, 唔係話唔好食, 不過我想瑞士汁同雞翼始終都係絕配

瑞士雞翼係即叫即整, 所以等左十幾分鐘先送上, 有四隻無鎚雞翼, 甜甜地的雞翼嫩滑, 火喉剛剛好, d瑞士汁撈飯都好正, 始終呢個係佢地的招牌菜, 而且佢地的陳年瑞士汁咁有水準, 就好似滷水鵝店的滷水膽一樣, 所以話食瑞士雞翼, 還是覺得你最好, 其他食店絕對唔係佢地對手

埋單連加一$168