影片
尋晚星期六7點幾同2個fd一齊去花園餐廳食野,我同個fd一人單叫一個飯(花園特色飯同雞皇飯), 另一個叫左套餐(海陸空),上菜嘅時候, 飯都好好地, 但湯就一野飛過黎, 好彩冇倒瀉...花園特色飯好足料, 雞皇飯ok, 海陸空賣相有少少單薄, 但味道同肉質都幾好食左半個鐘, 開始傾到興起,突然間waiter閃出黎放左個"留坐"牌係枱邊,咩胃口都冇晒, 忍......我個fd第一個食完1分鐘唔駛就有人收野,自己個碟雞皇飯本身分左雞同飯兩個碟,d雞一食完想留起d汁又比人收左,第2個fd一食完碟野又即刻比人收埋,收到d骨頭同薯條碎一枱都係,仲有d跌左落張登度,d袋都幾乎比佢整污嘈,我望住佢睇下佢有心定無意,然後神奇ga事發生啦:佢竟然收埋我未食完個碟飯!!!!!"喂! 未食完呀! "佢放返底, 一句道歉都冇, 好似咩事都冇發生過!!!!!!!平心而論, 呢度食物ok, 價錢大眾化, 坐位又唔迫不過服務真係好有問題 (仲要比服務費, 真係唔想俾)絕對唔會有第2次 -_-**
繼續閱讀
今日晚餐想鋸扒,7點幾的旺角人頭湧湧,想坐得舒適,這間花園可以幫到你,不知道為什麼,這間花園很少會坐滿人,因為我地唔想等就入咗呢間食,我揀了平時抵食夾大件的紐西蘭鑊仔牛柳,男友就叫了鐵板巨型T骨牛扒,先來個餐湯,這裡的羅宋湯算不上很好喝但材料十足,湯渣很淋很入味,男友的晚餐有跟法式焗田螺,都只是在盤子上佈滿薯蓉和6小塊田螺,最近都沒有見到有殼的了,少了一份樂趣,吃完這個頭盤,2份主菜都送上了,先說自己的紐西蘭鑊仔牛柳,有4小塊牛柳、薯條、車厘茄和莧菜(?!),肉質唔算好靚,仲有D根,不過份量都幾夠飽,男友的鐵板巨型T骨牛扒,真的很巨大,T骨佔了2成左右,食落肉味比較重,但肉質較韌,所以我還是比較喜歡牛柳總括來說,找飽肚是不錯,但找美味的話就差了一點點了
繼續閱讀
呢個月食過呢間餐廳三次 三次都係反工時lunch去吃三次都係下午3.幾食 環境幾好坐個位幾闊食飽後會幫你收野但唔吹人走第一和二次食都係叫黑椒牛扒飯+檸茶少甜牛扒不過不失 雖然真係幾薄 但都有少少肉汁 不過不失 第三次叫芝士焗海鮮反幾好食海鮮幾足料但係個飯真係少左d 好心俾多少少啦在餐飲方面真係好需要改進 因為真係又細杯又多冰加紅又唔好飲係成條女人街黎計 呢間花園餐廳算真係唔錯 十分滿分都值七分雖然又要凍飲加兩蚊又要加一服務費但食材同環境來比較都屬於算好
繼續閱讀
行經女人街，見到又開多左一間花園餐廳(呢條街好似本身都有好幾間)，呢度之前係紅蔥頭，再之前係日本餐廳，貌似每一家都做唔長咁……講返正題，米妮見到一個set dinner都係50-70蚊，對上次食花園餐廳都100蚊以上，仲要係兩年前ge事！所以就決定入去試下la。米妮叫左個鐵板牛扒，米奇叫左個魚柳配豬手。先上場ge湯同餐包，個餐包好熱辣辣呀～～一放入去舊牛油就溶左，米妮好似要求好低tim，冇辦法la，成日食野個包係凍冰冰ge，牛油整極都一舊舊咁，好難得個包會熱ga ma！湯就一般水準，有乜特別。鐵板上場！個板好得意呀，係一隻牛ge樣，塊扒岩岩好fit晒！勁match！一落黑椒汁”jaja”聲，好過癮呀～～！而家快餐店鋸扒絕對做唔到！牛扒米妮叫六成熟，出到黎已經8成熟，塊扒比較薄，一分價錢一分貨，冇辦法，但係味道都唔錯，唔會太韌，又有牛肉味，感覺唔係加左鬆肉粉果d。但係下面d薯條就冧晒……魚柳加豬手，一上黎覺得好靚，但係當我拎開舊橙之後……發覺原來個豬手黑得咁犀利…… 米奇最鍾意食脆卜卜ge豬皮 (即係燒腩仔果d皮)，燶晒都唔知點食lor……但係總括黎講個豬手都唔錯，夠入味又唔會太鹹，仲要好大舊tim！魚柳覺得有俾人欺騙ge感覺…… 因為一揭開見到下面居然係兩大舊西蘭花！ 個魚柳質感一般，唔滑，同埋有d雪左好耐ge感覺，完全冇魚味…… 如果煎一煎香個魚柳再拎去焗應該會好d！最後餐飲叫左熱朱古力同凍檸蜜。好耐冇飲過咁濃ge朱古力～正呀！凍檸蜜都唔錯，係用蜜糖沖而唔係好似大部份餐廳搵d奇怪糖漿整ge～好香蜂蜜味～但係…….埋單先知個凍檸蜜係要加3蚊lor…… 之前落order都冇人同我地講過，有d覺得店家唔老實lor (因為米妮落order果陣問凍野駛唔駛加錢，waiter話唔駛，咁米妮落凍檸蜜就應該講返話要加3蚊la)
繼續閱讀
19.4.2011今晚約了一位教會的姊妹一齊食飯, 數數手指, 原來我們相識已接近二十年了. 雖然小學時期沒有怎樣正式同過班, 只是當時小息時我時常問她拿零食, 但我們卻可以熟起來.今日的我仍然"餵食", 但是我已經沒有問人拿食物了, 反而喜歡去試新餐廳又或者找尋好味的東西, 因此今日就帶了她來試這間新餐廳.這花園餐廳的格局和我去年寫過的食評, 位於東廣場的花園餐廳一樣, 都是米白色的裝修, 還有假花做擺設, 給予人柔和的感覺. 去年為東廣場的花園寫第一篇食評, 如無意外, 今次也有幸為這間花園寫第一篇食評哩由於我倆都是教徒, 所以都在飯前一同祈禱. 雖然侍應在我們祈禱期間送上餐包, 但並沒有發出任何聲響, 勁, 還記得有些餐廳的侍應也會在我們祈禱時送上食物也都發出嘭嘭聲, 所以今次真的值得一讚. 我order了菠蘿海鮮焗飯($59), 然後加$20享用餐包, 餐湯和餐茶. 餐湯的確給了我驚喜, 我叫了白湯, 不算太傑, 但湯內竟然有蜆肉, 魚肉, 西芹粒, 紅蘿蔔粒, 薯仔粒. 以湯的配料來說, 蜆肉都算大粒了, 魚肉沒有什麼味, 西芹粒, 紅蘿蔔粒和薯仔粒都稔. 餐包只是普通餐包, 夠熱 菠蘿海鮮焗飯竟然是原個菠蘿上, 哇, 勁, 面層是芝士, 焗飯是炒底, 海鮮有青口, 帆立貝, 蝦, 蟹柳, 蜆肉, 墨魚仔, 都幾豐富. 菠蘿肉還是附在菠蘿內, 所以要用刀切菠蘿出來, 頗為麻煩. 菠蘿甜甜酸酸, 而這些汁混和著焗飯一起吃, 令人覺得好醒胃, 好juicy我們食了兩個半鐘都沒有人趕走, 這裡真是傾計好地方. 由於還是新張期內, 所以免加一. 好抵食哩. 有機會一定再來.
繼續閱讀